سؤال ياابو سليمان

[ابو مشاري]

السلام عليكم



بغيت استفسر ولا عليك امر يادكتور عن الأي سي حق الأنبي 200 الفضي توب تاك



احترق الاي سي على قولتهم اول مره وصلحتة بشارع المرسلات ب 250 ريال


ورجعلي الايسيات الخربانة وعليها علامة مستبيشي وقطعتين صغيره عليها مسمار يفتر مدري وشي

له وترانزستور اذا ماخاب ظني تمام


وغير الاي سيات الاثنين باايسيات عليها رقم يختلف عن رقم القطع السابقة ولكن عليها علامة

مستبيشي والكتابة عليها بااسود غير الاصلية كانت مكتوبه بلون برتقالي


وقبل كم اسبوع كان فيه راجع في الاريل واحرق الانبي صار الارسال مايعطي شي لاكن الاستقبال تمام


اذا كبست الريشة تشتغل ثلاث لمبات بس ولايتحرك عداد الامبير في المحول الى شي بسيط

نفس المشكلة اول مااحترق فعرفت بكذا ان الاي سي راح ملح لكن مستغرب سرعة احتراقة

الاسي الشد بلد صبر اكثر من ذااا بكثير

والاستقبال تمام نفس القوة ماضعف ولاشي هل يعني ان اي سي الاستقبال تمام

يعني فيه طريقة افحصه مثلا عن طريق البارومتر واعرف اذا كان صالح او خالد اقصد خربان


يعني لابد من تغيير اثنينهم الارسال والاستقبال اذا احترق احدهم ولا وشرايك
ووالله قهر اطق 250 ريال مرة ثانية والجهاز جديد ب 600 بالسوق يعني خسران 500 ريال تصليحات

غير قيمة الانبي


ففكرت اشتري مجموعه من اي سي بنفس الرقم الي موجود على الاي سي الاصلي نوع مستبيشي

وكل ماخرب الجهاز غيرته وارتحت من الخساير والمشاوير


ابي منك المشورة وش السوات ياابو سليمان


واهم شي هل ينباع الاي سي سواء للجهاز او الانبي في محلات بيع القطع الالكترونية

العالدية الي تبيع قطع غيار للمسجل والفيديو وغيرها




او فيه قطع تحل محلها يعني توليف فقلي عليها طال عمرك



ومشكور ياغالي

[شقران]

ابو مشاري :
هلا والله ومرحبا
ليتك تحط صورة للترانستورات الخربانه والموجوده في الجهاز عشان نقارن نظرياً كحد ادنى.
على فكره تراها تسمى جميعا ترانستورات لاحقة الارسال ولاحقة الاستقبال
استخلصت مجموعة تساؤلات من موضوعك يابومشاري وهذه اجابه عليها باذن الله.
1- ليكن في معلومك ان دائرة الاستقبال وترانزها مستقل عن دائرة الارسال وترانزاتها لذلك اذا خرب احدى الدائرتين فليس لها تأثير على الاخرى ولكن قد يكون سبب المشكله خارجية فتخرب جميع الدائرتين (كاستقبال+ارسال) ومن هذه المشاكل اوفر لود يعني زيادة حمل كهربي او شورتج يعني نقص في التغذية الكهربايئة سواء بالفولت او الامبير او ريفلكتد باور ويعني طاقة عكسية عائده بالواتج الى الجهاز بسبب ارتفاع النسبة التموجيه المعياريةSWR وهذي نسميها عرفا ياهل الاجهزة راجع!.

2- اذا خرب ترانزستور واحد ففي اغلب الاحيان يؤثر على الاخر لانه يكون هناك حمل عالي على هذا الترانزستور الوحيد مما يسبب عطبه او قلة كفائته (ترانزستورات الارسال) بينما ترانستور الاستقبال غالباً يكون وحيد واذا خرب خرب لوحده دور غيره علك تجد! لقلتها في السوق.

3- يجب التأكد من بجهاز قياس طاقة وليس الاكتفاء بالنظر للمبات الطاقة التي في مقدمة الجهاز وعندها يمكن الحكم على الأمبي.

4- يوجد في السوق اجهزة رقمية تقيس مدى كفاءة الترانزستور وبذلك يمكن تحديد العيب واصلاحه.

5- توجد ترنزات الارسال في الديره في الرياض عند كل من:
موجه الجديده (غالين مره بس عندهم موتريلا ممتازه) الظاهر ان اسمهم كذا!
مجداف يبيع توشيبا
ومحل آخر نسيت اسمه لعلي اتذكره فاضعه من جديد ويبيع توشيبا ايضاً

ختاما ليكن في معلومك يابومشاري ان التركيب المناسب والجيد للقطع وبعدها اصلاح اساس المشكله اذا كانت من اريل او راديو لاسلكي من اهم عوامل اطالة عمر الامبليفاير بعد تغذيته بما يحتاج وتأريضة بشكل جيد. حتى لو كان موديل الترانزستور مختلف ولكن المهم تركيب زوج الترانزستور نفس الماركه ونفس الرقم ونفس بحيث يتقبل نفس القيمة القديمة من الدخل في الواتات والا انه سيضرب من جديد.

تحياتي لك وبالتوفيق يابومشاري

[GroupWar]

كلام الاخ العزيز شقران هو عين الصح

احب اضيف ايضا شغله مهمة .. وهي (الزوج المتماثل) او ما يسمى بال MATCHED PAIRS

ومعناها :

في حالة كان هناك زوج من ترانزستورات الطاقة .. واردت استبدالهم .. يجب ان يكون الزوج البديل متماثل .. لعلك لاحظت في اماكن بيع مثل هذه القطع على الانترنت (مثل موقع RF PARTS) .. انهم يسألونك اذا كنت تريد القطع متماثلة او منفصلة .. بل وتجد ان سعر الزوج المتماثل اغلا من سعرهم منفردين .. للأسف لا توجد لدى محلات بيع هذه القطع في الخليج القدرة على فحص القطع ومعرفة ماهو المتماثل منها

ايضا هناك حاجه اخرى مهمة .. وهي التركيب .. شيء اساسي استخدام معجون التبريد COOLING PASTE (المعجون الابيض) عند وضع القطع على لوح التبريد .. انا متأكد ان الغالبية العظمى من (اكشاك) التصليح (حرام اسميهم ورش!! .. حتى لو كان الوكيل نفسه!!) لايهتمون بهذا المعجون

[ابو مشاري]

ماقصرتوا ياشباب

في واحد من المحلات بالمرسلات يقول الترانسستور الواحد ب 110 ريال نوعه توشيبا


انا ابي وجه المقارنة بين اسعار التراستورات ( الاي سي ) في الديرة واسعارها في الخارج


او الخليج على الاقل هل فيه فاااااارق كبير جدا او معقول




من ناحية الترزستورات الاولة كان لون الكتابة برتقالي وعليها علامة شركة مستبيشي ثلاث نقط



والثانية نفس الشكل اللون ابيض بس الكتابة باللون الاسود ونفس علامة الشركة



ماعندي كاميرى رقمية ولاكنت نزلتها والله ترى نفس شكل تراستورات الامبي الي عندك ال 200

اول ماتشترية شبه دائرية ولها 6 دبابيس 3 فوق و 3 تحت وعلى جوانبها مسمارين

تشدها بالمفك






ثانيا الاستقبال عندي تمام يعني اشتري بس تراستور واحد واغيره بدل تراستور الارسال


وبعدين شلون اعرف موقع تراستور الارسال من الاستقبال هي تجي ورى بعض


هل يلي قدام هو الارسال والي ورى الاستقبال ولى شلون اعرف الفرق بينها




ثالثا من ناحية جهاز قياس الطاقة ففيه الي يجي على المحول الامبير كنت اول اكبس الريشة


يرتفع الى قريب من الثلاثين واللحين مايتحرك الى شي بسيط يمكن واحد



رابعا اذا بغيت اقيس قوة الاريل هل فيه جهاز يعطيني كم دي بي هذا الاريل

او فيه معادلة معينة من خلالها اقدر اوجد قوة الاريل


- توجد ترنزات الارسال في الديره في الرياض عند كل من:
موجه الجديده (غالين مره بس عندهم موتريلا ممتازه) الظاهر ان اسمهم كذا!
مجداف يبيع توشيبا
ومحل آخر نسيت اسمه لعلي اتذكره فاضعه من جديد ويبيع توشيبا ايضاً



وش الفرق بين الموترلا والتوشيبا والمستبيشي وغيرها



وابي اسعار تقريبيه





GroupWar صدقت والله بس وش نسوي لايوجد الى هم بالسوق مضطرين







واكرر شكري واممتناني لكم

[ابو مشاري]

اللحق علي ياابو سليمااااااااااااااااااااااااااان



اشتريت امبي تيليكومينكيت الأزرق 300 واط

انا داري انه خايس بس وش اسوي هذا الموجود بسوق


على العموم ادخل بالموضوع على طول واشتريت محول من 53 -50 امبير


تمام وصلت الاسلاك لكن اسلاك الامبي كبيره شغلتها شغالها ومشكلتها قصيره

اخذت وصلة اسلاك كهرباء مثل الي تجي مع الايكوم ووصلتها بااسلاك الامبي على اساس يجي السلك

طويل شوي تمام المشكلة الي حاستني الراجع عندي 1.9 الى 2 وحاولت انزلة اكثر ماقدرت

قلت مو مشكلة اكمل التوصيلات واجرب الامبي طبعا الاريل توجيهي جناح واحد ورافعه 3.5 امتار


على اساس اجرب وبعدين باارفعه 9 امتار وطول الكيبل 40 متر


وصلت جهاز قياس الراجع مع الاجهزة ابي اشوف كم يعطي الامبي وات

رحت للعامة وراسلت اول شي على LOW طلع الناتج 160 وات راسلت على اللو مد طلع الناتج


200 وات راسلت على الميد طلع الناتج 330 وات وراسلت على الهاي ضعف صوت المحول


والاأمبي بعد وطلعت نفس النتيجة استغربت وبعدين اذا حركت مكان التقاء الوصلتين حقة الامبي

الي طولت فيها شوي يتغير صوت المحول واحيانا تتحرك الوطات يعني على اللو تتحرك تنقص

الى 120 وات واحيانا ترتفع الى 160 حاولت اشدها اظبطها حاستني الوصلة الثانية اذا طولت شوي كابس

تحتر مدري وش اسوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



والشي الثاني الي مجنني الاستقبال حق 350 تصدق اذا كنت استقبل واحد برجين

وظغطت الاستقبال مايرتفع الا زيادة خمس الى ست ابراج


والامبي ال 200 وات اذا شغلت الاستقبال يرتفع من برجين اللى اوفررررررررررر


انا قلت يمكن نصبو على والاستقبال ملعوب فيه

حتى الارسال اذا المحول ال 50 الى 53 مايكفيه وش اسوي اشتري محول اكبر



او ان المشكلة كلها ترجع في الراجع الي ذبحني وظبط معي في بعض المكاتب

يصير الراجع 1.2 او 1.4 واحيانا ولا شي بس العامة اهم شي ماظبطت معي



وش الحل يادكتور تكفى يبو سليمان كل يوم ادش للنت انتضر ردك على احر من الجمر


ابي حل لمشكلتي


الامبي والراجع
:confused: :confused: :confused: :confused:

[شقران]

السلام عليكم ورحمة الله وبركاته التأخير من الاتصالات قاطعين تلفوني!!!لمدة 3 ايام مع اني مسدد منذ مبطي لذلك حصل تأخير على الردود ياجماعه.

ابومشاري رح تشوف الاجابات داخل اقتباسك وبلون مختلف عن كتابتك باذن الله

الرسالة الأصلية كتبت بواسطة ابو مشاري
ماقصرتوا ياشباب

في واحد من المحلات بالمرسلات يقول الترانسستور الواحد ب 110 ريال نوعه توشيبا


انا ابي وجه المقارنة بين اسعار التراستورات ( الاي سي ) في الديرة واسعارها في الخارج
اولا نحن ارخص من الخليج من مقارنتي بالاسعار هناك في الترنستورات وخصوصا الامارات! وهذا شي غريب
اما مع الشرق حسب ماقيل لي انها تصل الحبه ب35 ريال او اقل وخصوصا التوشيبا
او الخليج على الاقل هل فيه فاااااارق كبير جدا او معقول




من ناحية الترزستورات الاولة كان لون الكتابة برتقالي وعليها علامة شركة مستبيشي ثلاث نقط


والثانية نفس الشكل اللون ابيض بس الكتابة باللون الاسود ونفس علامة الشركة

طيب وشي يفرق لون الكتابة اذا كان نفس الرقم ونفس قيمة الدخل! لامشكله ركبها وجرب استخدامها
ماعندي كاميرى رقمية ولاكنت نزلتها والله ترى نفس شكل تراستورات الامبي الي عندك ال 200

اول ماتشترية شبه دائرية ولها 6 دبابيس 3 فوق و 3 تحت وعلى جوانبها مسمارين

تشدها بالمفك
اللي عندي توشيبا 2728 الحمراء اللون




ثانيا الاستقبال عندي تمام يعني اشتري بس تراستور واحد واغيره بدل تراستور الارسال
لاياغالي تشري ترانزستورين جدد وتركبهن جميع وهذا كلامي في بداية الموضوع!!
وبعدين شلون اعرف موقع تراستور الارسال من الاستقبال هي تجي ورى بعض


هل يلي قدام هو الارسال والي ورى الاستقبال ولى شلون اعرف الفرق بينها

انت قلت انا ماعندي كاميرا ولا كان اوضحهن وانا اقولك بعد امبليفايري تخلصت منه منذ مبطي ولا كان صورته لك ووريتك مكانهن لاكن نصيحتي تاخذ الامبليفاير وتروح محلات الداوود في الديرة وبيعلمك وين الترانزات ويبيعهن عليك بس هاه خذ ثنتين وياليتك تركبهن عند اي فني متخصص ولا تجرب الحلاقه براسك



ثالثا من ناحية جهاز قياس الطاقة ففيه الي يجي على المحول الامبير كنت اول اكبس الريشة
جهاز قياس الطاقة بالواط ياغالي شكلك اختلط عليك عداد طاقة المحول مع مع كلامي عن جهاز قياس الطاقة تبغى تشوفه راجع موضوعي كيف تقوي ارسالك في السيارة في الخيمه المميزه
يرتفع الى قريب من الثلاثين واللحين مايتحرك الى شي بسيط يمكن واحد



رابعا اذا بغيت اقيس قوة الاريل هل فيه جهاز يعطيني كم دي بي هذا الاريل

جهاز ومعادلة سواء بسواء والجهاز تم شرحه في هذا المنتدى بتعبك عشان اقدر اجاوب على اسئلتك! سوي بحث عن جهاز تحليل موجات اللاسلكي تحت اسم شقران او انتظر حتى انهي اجابتي ثم اضع لك الوصلة

او فيه معادلة معينة من خلالها اقدر اوجد قوة الاريل


- توجد ترنزات الارسال في الديره في الرياض عند كل من:
موجه الجديده (غالين مره بس عندهم موتريلا ممتازه) الظاهر ان اسمهم كذا!
مجداف يبيع توشيبا
ومحل آخر نسيت اسمه لعلي اتذكره فاضعه من جديد ويبيع توشيبا ايضاً
اسم المحل الداوود

وش الفرق بين الموترلا والتوشيبا والمستبيشي وغيرها
على نفس التردد يظهر لي مجرد قوة تحمل وليس هناك فرق يذكر اذا كانت بنفس الرقم


وابي اسعار تقريبيه





GroupWar صدقت والله بس وش نسوي لايوجد الى هم بالسوق مضطرين







واكرر شكري واممتناني لكم

[شقران]

هلا ابومشاري نفس طريقة الاجابة بتكون داخل اقتباسك

الرسالة الأصلية كتبت بواسطة ابو مشاري
اللحق علي ياابو سليمااااااااااااااااااااااااااان



اشتريت امبي تيليكومينكيت الأزرق 300 واط
مبروك ياغالي
انا داري انه خايس بس وش اسوي هذا الموجود بسوق
وش دعوه خايس يابومشاري الله يهديك اذا كنت وازنن اريلك مضبوط ومأرض ووماعندك مشاكل لافي المحول والا الاسلاك والكيابل .مضبوط
على العموم ادخل بالموضوع على طول واشتريت محول من 53 -50 امبير
لالالالالالالالالالالالالالالالالالالالا ماينفع ادنى حد في رأيي الشخصي لايقل عن 65 امبير
تمام وصلت الاسلاك لكن اسلاك الامبي كبيره شغلتها شغالها ومشكلتها قصيره
خذ عندك كل ما قصر السلك للأمبي كان افضل في تغذيته ومشكلتك تبي تطوله لا والمحول ضعيف ايضا مايصير هذا يابومشاري يجب تصحيح هالعيبين طول السلك لايتجاوز متر والمحول كما قلت لايقل عن 65 امبير

اخذت وصلة اسلاك كهرباء مثل الي تجي مع الايكوم ووصلتها بااسلاك الامبي على اساس يجي السلك
مايصلح عدل عدل عدل رجعه زي ماهو طويل شوي تمام المشكلة الي حاستني الراجع عندي 1.9 الى 2 وحاولت انزلة اكثر ماقدرت

راجع وزن اريلك واضبطه وارفعه 4 متر عن اي عاكس قريب (جدار -ماسوره- شجره - سلك ضغط عالي الخ)
وعدل الاصلاحات السابقة الي ذكرتها (ترى وزن اريل بدون جهاز فحص راجع وباورماينفع) تأكد من كيبلك الموصل للجهاز من الاريل انه 50 اوم وتأكد انه مركب مع كونيكتراته بشكل مناسب + حاول ان تقوم بعمل تأريض............بكذا ينزل الراجع عندك فلات يعني مايتجاوز 1:1,5
قلت مو مشكلة اكمل التوصيلات واجرب الامبي طبعا الاريل توجيهي جناح واحد ورافعه 3.5 امتار
ماينفع هالشغل يابومشاري!!!!! الله يهديك تعدل كلش قبل تجرب
على اساس اجرب وبعدين باارفعه 9 امتار وطول الكيبل 40 متر


وصلت جهاز قياس الراجع مع الاجهزة ابي اشوف كم يعطي الامبي وات
منتاز يعني عندك جهاز راجع حلو حلو اوزن اريلك زين اجل:D
رحت للعامة وراسلت اول شي على LOW طلع الناتج 160 وات راسلت على اللو مد طلع الناتج

هنا انا منيب معك الوزن والتجريب يكون على 146000 صافي لان الاريل اذا كان كوش كرافت يفضل وزنه ومعايرته على هذ ه الموجه وليس غيرها ومن ثم بعد الموازنه تجرب في اتردد لتعرف اي الموجات مناسبة للعمل بطاقة دفع عاليه وايها لا

200 وات راسلت على الميد طلع الناتج 330 وات وراسلت على الهاي ضعف صوت المحول


اكفششششششششششششششش وانحششششششششششششششششش
ياخي الامبليفاير اعلى قيمة دخل من الواطات له هي 50 واط وتبي تدخل له 75 يعني كل مافي بطن الجهاز
وش انت ناوي عليه يابومشاري...........فلوسك واجد ياحبي لك الله يزيدك لاكن كذا مايصلح ولا اذا كنت مصمل علمني وين تذب اجهزتك الخربانه!!!!!!!!!!!!عشان على طول لحراج بن قاسم:D
يعني مهوب بس محول ضعيف لا وبعد تدخل قيمة واطات اكبر مما يحتاج الامبليفاير عدل عدل عدل
فقط 50 واط = قيمة تشغيل او دخول للأمبليفاير
65 امبير= اقل قيمة تغذية من الامبيرات للأمبي
والاأمبي بعد وطلعت نفس النتيجة استغربت وبعدين اذا حركت مكان التقاء الوصلتين حقة الامبي

الي طولت فيها شوي يتغير صوت المحول (اقول زين اللي ماطلع فرث الامبي):D واحيانا تتحرك الوطات يعني على اللو تتحرك تنقص

الى 120 وات واحيانا ترتفع الى 160 حاولت اشدها اظبطها حاستني الوصلة الثانية اذا طولت شوي كابس

تحتر مدري وش اسوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لووووووووووووووووووووووووووووووول اجل تحتر يقطع بليسك زين اللي مانفجر!!! احب امزح مع توصيلي للمعلومه والله ولااكون جدي دايم وليس استهزاً والله يابومشاري

والشي الثاني الي مجنني الاستقبال حق 350 تصدق اذا كنت استقبل واحد برجين

وظغطت الاستقبال مايرتفع الا زيادة خمس الى ست ابراج


شف يابومشاري عشان تحكم على الاستقبال
شف لك اشاره بعيده وشغل امبيك وشف مدى تضخيم الاشاره سمعيا وليس مشاهده يعني قوة الصوت وحدته اما الابراج فتراها وهميه ياغالي لافي 200 ولا اللي عندك .
اما اذا بغيت ابراج وصوت سواء الله لايهينك تي اي سيستم يسوى 3700 ريال بقطر او بامريكا وص عليه وشف الفرق و.....اوووووووووووووووه ذكرت واحد مستخدم حاده راعيه مع محول 70 امبير امريكي اصلي
3700 ريال والله يابلاش لا ويطلع بعد 450 واط مهوب هالخسته 330اذا لك نظر كلمته لك بس صرف ذي اللي عندك واوزن اريلك زين ودز لي رساله بعنوان اتصالك او عطني الضوء الاخضر وادز لك رقم صاحبه تتفاهم معه وانا برا برا (اجسن لايقولون قاعد يسمسر):p :p




والامبي ال 200 وات اذا شغلت الاستقبال يرتفع من برجين اللى اوفررررررررررر


انا قلت يمكن نصبو على والاستقبال ملعوب فيه

حتى الارسال اذا المحول ال 50 الى 53 مايكفيه وش اسوي اشتري محول اكبر

لا ياحبي لك مانصبو عليك انت شاري بكيفك لكن استعجلت ماسألت وشو الافضل يقوم الامبي الازرق التيلكونسبت ولااعتقد ان الاستقبال ملعوب فيه لان مجرد تغيير تضخيم الاشاره الوارده يحرق ترانزستور الاستقبال لانه يتم ضبطه مصنعيا بواسطة اجهزة مثل الماركوني وخلافه كالحاسب على ان لايتم دخول نسبة ديبي سمعيه محدده واذا تجاوز ذلك يحترق!

او ان المشكلة كلها ترجع في الراجع الي ذبحني وظبط معي في بعض المكاتب
هنا مربط الفرس بالنسبة لأرسالك والحل ذكرته لك سابقاً نزززززززززززززززل اريلك واضبطه

يصير الراجع 1.2 او 1.4 واحيانا ولا شي بس العامة اهم شي ماظبطت معي
اذا ضبط على 146000 صح في معظم الترددات من 14400 الى 148000 بيعطي اداء عالي وبدون نسبة راجع تتجاوز الحد المسموح به.

وش الحل يادكتور تكفى يبو سليمان كل يوم ادش للنت انتضر ردك على احر من الجمر

ابي حل لمشكلتي
الامبي والراجع
خزن هذا الموضوع واقراء بتمعن وستجد ان شاء الله حل مشكلتك
تحياتي وسامحونا على التقصير والتأخير الظروف حدت
:confused: :confused: :confused: :confused: :

[ابو مشاري]

الف الف شكر ياحبني لك ياابو سليمان



ابو سليمان فهمت منك اني لازم اشتري محول 70 امبير تمام


ثانيا اوزن الدايركشن على 146000 حلو


ومااراسل على الهاي ابد اكثر شي على المد الي هو 25 وات في ال 8000 الايكوم صح

انا راسلت على الهاي لااني قلت ان الامبي راح ياخذ 50 وات ويترك الباقي :D




واسوي تااريض للدايركشن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا ذي مهمه في الراجع او بس للأمطار والبروق


وابيك تقلي ولاعليك امر شلون اسوي التأريض للدايركشن



وبعدين اي هين فلوسي واجد تصدق فطست من الضحك اول ماقريت جملتك


اللحين جالس ايام المدرسة اجمع فسحتي انا واخواني الباقيين شهرين واسبوع


ولاافطرت ولايوم الى موووووووية :D حتى قدرت اشتري الأمبي والمحول


وانت تقول فلوسك واجده ههههههههههههههههههههههههههههههههه



على العموم الله يوفقك و لا يهينك كلفت عليك بس انت كريم وانا استاهل

ههههههههههههههههههههههههههه


امرزح وخذ راحتك يادكتوووووووووووووووووووووووووووووووووووور




بس تكفى وشو اهم شي يعتمد عليه الراجع في جسم التوجيهي البي تو ال 13 ريشة الي معي


هل هي الريشة اصغيرة الي واصلة بالعلبه السودا


او كل الريش لأني ظابطهن زين على حسب الكاتلوج المرفق معه ومعا ذلك مافيش فائده



الله يعطيك الصحة والعافية ياابو سليمان

[طقهاوالحقها]

السلام عليكم.....
ولو ان السؤال موجه لشقران لكن حبيت اتداخل معكم بما لدي لو سمحتوا لنا :)

طبعاً من ناحية التليكونسبت الازرق (300 واط) خاصة المتوفر في السوق حالياً تطلب شدة تيار عاليه قد تصل الى 60 امبير ....لكن من خلال تجربة عملية حيث كان الامبي لدي يحتاج مايقارب 63 امبير ولكن لايعطي الا 310 واط على ساعه قياس قمت بتقليل شده التيار على الترانزستورات من خلال مسمار الوزن الموجود على بورد الامبي وكلما قمت بتقليل الامبيرات زادت قيمه الخارج من الامبي حتى وصلت الى مايقارب 450واط وشده التيار حسب قراءة عداد المحول وصلت الى 43 امبير فقط!!!!

طبعاً هي تجربة قد تختلف لدى اشخاص آخرين كل بحسب تجهيزاته ...لكن من وجهة نظري اعتقد ان محول من 60 الى 63 كافي جداً لهذا الامبليفاير ومن الممكن ان يعطيك طاقه تصل الى 380-400 واط,,,

ملاحظه اخرى .. الامبي حساس جداً للطاقة الداخله حاول الا تزيد عن 50 واط ...وكلما سخن زاد اخراجه,طبعا الى حد معين ...

بالنسبة لوزن الاريل مانزيد على كلام الاخ العزيز شقران حرف راجع الرابط ادناه
http://www.mekshat.com/vb/showthread.php?s=&threadid=9276

[شقران]

الرسالة الأصلية كتبت بواسطة ابو مشاري
الف الف شكر ياحبني لك ياابو سليمان

احبك الذي احببتني فيه يابومشاري
ابو سليمان فهمت منك اني لازم اشتري محول 70 امبير تمام
نعم على هيك امبليفاير لا ولازم محول جيد يعني جرب قبل تشري
ثانيا اوزن الدايركشن على 146000 حلو
نعم

ومااراسل على الهاي ابد اكثر شي على المد الي هو 25 وات في ال 8000 الايكوم صح
اكيد اذا كان خارج الجهاز في الهاي اعلى من 50 واط
انا راسلت على الهاي لااني قلت ان الامبي راح ياخذ 50 وات ويترك الباقي :D
مالك لوى مهوب لها الدرجه وصل التيلي كونسبت


واسوي تااريض للدايركشن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا ذي مهمه في الراجع او بس للأمطار والبروق


وابيك تقلي ولاعليك امر شلون اسوي التأريض للدايركشن
تفضل:مهم جداً الرجاء طباعتها وتوزيعها على اصحاب الأجهزة (http://www.mekshat.com/vb/showthread.php?s=&threadid=1915)


وبعدين اي هين فلوسي واجد تصدق فطست من الضحك اول ماقريت جملتك


اللحين جالس ايام المدرسة اجمع فسحتي انا واخواني الباقيين شهرين واسبوع


ولاافطرت ولايوم الى موووووووية :D حتى قدرت اشتري الأمبي والمحول


وانت تقول فلوسك واجده ههههههههههههههههههههههههههههههههه



على العموم الله يوفقك و لا يهينك كلفت عليك بس انت كريم وانا استاهل

ههههههههههههههههههههههههههه


امرزح وخذ راحتك يادكتوووووووووووووووووووووووووووووووووووور

شكرا ان هذا انطباعك كنت خايف يكون شي ثاني:)

بس تكفى وشو اهم شي يعتمد عليه الراجع في جسم التوجيهي البي تو ال 13 ريشة الي معي


هل هي الريشة اصغيرة الي واصلة بالعلبه السودا


او كل الريش لأني ظابطهن زين على حسب الكاتلوج المرفق معه ومعا ذلك مافيش فائده
الجواب الأثنين تساوي الريش جميع كنهن مشط + الدريفن المنت اللي هي الاربع ريش الصغار الثنتين والكبار الثنين مع بعض بالعلبة السودء المسماة التي ماتش

الله يعطيك الصحة والعافية ياابو سليمان

ياهلا والله ومرحبا يابومشاري واجمع اسئلتك الجاية لين اعود من الاجازة كانك بتوجها لي والا اطرحها والشباب فيهم الخير والبركه..


اخوي طقها والحقها
تفضل ...............وتصدق والله اني محرج منكم جميع ياعني ماكن فهالبلد الا هالولد...
ياجماعة الربع صدقوني والله اني اجاوب على معظم الاسئلة حتى الغير موجهة لي اذا كانت لدي معلومه ولاتغمطو هذه الخيمة حقها فوالله ان فيه من الاعضاء من هو اكثر مني سعة واطلاع وعلم ولن احدد بالاسم.

لكن استعجب توجيه الاسئلة فقط لمشرف الخيمة او لشقران فقط يالربع لاتحجرون واسع اجعلوا اسئلتكم موجهه للخيمة وزوارها واعضائها .

وهذا اخونا طقها والحقها عطاكم من المستخبي:)

لافض فوك يا(طقها والحقها) على مشاركتك وليتك تتوسع قليلا في شرح تجربتك وان كان توضحها بصور للأخوان لكي يتم بحثها علميا من متخصصي الخيمة او حتى منك شخصيا او حتى يستفيد بعض الاعضاء والزوار على هذا التعديل وماهيته وكيف نتقنه وقد يكون لك السبق فيها.

تحياتي القلبية لكم جميعا
والى لقاء قريب انشاء الله
اخوكم المحب شقران