تسجيل الدخول

مشاهدة النسخة كاملة : سؤال عن ترهيم الباترول لا تبخلون علينا !!


شبراق
01/07/2007, 10:10 AM
السلام عليكم ورحمة الله وبركاتة

بستفسر عن ترهيم الباترول اذا ركبله مكينه كابرس 305 هل تركب عليه على طول ؟
هل اذا ركبت يبيله اضافات ؟
هل هي عمليه وتنصحون به ؟
الي عنده اي معلومه لايبخل علينا

جزاكم الله خير
م.أبوإبراهيم
01/07/2007, 01:24 PM
إذا كنت تبي تركب 305 كربريتر اتوقع تركب 4500 بخاخ حقة الباترول وهذي ما يبغى لها أي ترهيم لأن 305 إذا تبي تشتغل شغل نظيف يبغالك تحويلة بين القير والمكينة أصلية بـ3800 ويبغالك هدرزات حول 2000 ريال وتوك بعد يبغالك أشياء كثيرة يعني 4500 أحسن لك وأوفر والعزم حول العزم إلا كانك تبي موترك نشيط مره ركب ls-1 مكينة الكابرس الجدد هذا يبيي يكلفك مع المكينة الشغل النظيف ياصل 18000 يعني قيمة موتر ثاني
شبراق
01/07/2007, 01:46 PM
م.أبوإبراهيم

الله يعطيك العافيه ماقصرت اخوي
بس ممكن تفصلي كم بالضبط تبي تكلف مكينت الكابرس القديمه 305 وتفصلي وش ابركب ومن الي يضبطه ؟
اوشلون صرفه بالبنزين ؟

ابكلف عليك يالغالي
العتيبي 88
16/03/2010, 01:32 PM
اخوي الله لايهينك اذا تبي تركب مكينة كابرس 305 انصحك خل مكينت الباترول لو هي 3500 اطلق مليون مره واذا على البنزين له حل والشباب سو كم طريقه والصرفيه قلت
التعـ King ـديل
16/03/2010, 08:07 PM
ركب مكينه باترول 4500 بخاخ مع هدرز وشف النشاط خاصه اذا موترك من 97 وتحت

يبيله بس تسليق وفرارات وكلتش جديد وشف الفرق
بدران9
16/03/2010, 08:31 PM
الاخوان العتيبي 88 وكنق التعديل...

الموضوع كتب عام 2007 glx...

وليت الاخ شبراق يخبرنا بتجربته ليستفيد القارئ..
الهواء نسري
31/01/2015, 03:36 AM
السلام عليكم ورحمة الله وبركاته


اخواني بما انكم تطرقتو لترهيم ..انا معي باترول مديل 99... 4500
ومكينته نظيفه بس عليها البطى ..الي هو بطى البواترل المعروف واطمح
بنشاط اكثر من كذا ..وعاجبنتني فكره مكينة الكزس ..ولاكن مالي علم
بخلفيات الموضوع ..هل هي عملية وصبوره وهل هي تصلح وسط المدينة
مع العلم بان موتري قير تماتيك هل تركب مكينة الكزس علي قيرالباترول التماتيك
او لابد مكينة وقيرها ..الي يفيدني ياحبذا يعطيني التفاصيل مع التكلفه الاجمالية
.............................
السوال الاخير يوجد ثقل بالدركسون مع العلم لايوجد اصوات ولا تهريبات


مع الشكر الجزيل للجميع ..بس رجائي ان تدلوني للمهندسين الي عليهم الكلام
دمتم ودام وفائكم تقبلو استفساراتي لكم خالص تحياتي
كلاش2500
31/01/2015, 03:55 AM
يالحبيب....موضوع الترهيم....طريقه صعب.....انت ىتفكر ترهم مكينة اللكزس اللى هى الا 400 وهذى تركيبها بدون قير يكلفك 17000 ومع القير يمكن 20000 وفوق كذا ماتنفع لموترك لانه ثقيل.....هى ماشالت الباترول الشكل القديم بتشيل موترك......انت ينفعلك مكينة اللكزس حقت الجيب 470 وهذى غالية وبتخش بحسبة وفوق كذا يالله تشيل موترك....
اذا بترهم ....رهم مكينة امريكى .......ولا شيل الموضوع من راسك....وان تبغى نصيحتى بيع موترك وخذلك فتك ....افضلك من الترهيم ووجع الراس....والخساير اللى مالها سنع...
dhoomi
31/01/2015, 09:36 AM
الموضوع قديم عام 2007 قبل يطيحون الناس بـls1 و ls400
الكونترولCONTROL
01/02/2015, 07:54 AM
بالكويت ( سمعت من ثقة راح بنفسه ) :
المكينة كاملة ما تكلف 20 % من قيمة تركيبها بالرياض أو القصيم
و يتم تصقطها كاملة بملحقاتها و ليس مثل ورشنا مجرد مكينة بدي !!
نفسي اروح اشوف لو يسمح لي الوقت !

ملاحظة و وجهة نظر :
و كون الموضوع من 2007 لا يجعله قديما؛ لأن هذه الجيوب
و أعني ( الباترول موديلات من 93 الى 97 ) حاليا قيمتها بين 25 و 35 ألف
بينما عام 2007 لم يكن لها هذا الصيت بين الناس و بأقل من هذه الأسعار