أرجو الإفادة من الصقارة

[جلمود121]

أخواني الصقارة اشتريت شيهانة جبلية أمس أبقرنسها عندي بالبيت والله لايهينكم تقولولي على الأساسيات:
1- وش علفها
2- كم مرة أعلفها باليوم
3- أبشتري وكر المجلس من وين
4- أحط رمل ولا ما يحتاج
ومشكورين.

[وقاااااد]

مبروك الجبلية والله يطعمك من خيرها , بالنسبة للأسئلة ابجاوبك على اللي اعرفة
1-علفها سمان مبرد تحصلة في بنده طلعها من الفليزر وعطها الشيهانة بعد ساعتين ونصف بعد ماتتأكد ان البرودة راحت
2-علفها مرة واحدة تكفيها واحسن يكون بالليل ابرد
3-والوكر تلقاة في محلات الطيور او في اسواق محطات البانزين على الخطوط
4-يفضل تحط رمل وإذاما حطيت بيمشي الحال على الوكر في المجلس

اخوك
وقاااااد

[سنجااار]

اخوي فيه بالمواضيع المميز موضع لأخونا المري يجيب على الأسئله الي تخص الطيور .
تقبل مروري مشروك

[فزااع]

اول شي مبروك الطير
ثاني مرحبا بك في منتداك اخوي
ثالث شي فيه مواضيع مثبته ومميزه بتفيدك لتقييض طيرك

[جلمود121]

أخوي وقاااااد ألف شكر لك والله ماقصرت.
أخوي مشروك ماقصرت وأخونا المري والله ماقصر.
أخوي فزااع الله يباركلك ومشكووور.

[قلب شاهين]

مبروك الشيهانة والله يطعمك من صيدها ،،

وأنا أقولك علفها مرتين باليوم مره على الساعة 11 او 12 الظهر ومره بعد صلاة العشاء وانا اقول علفها نوع لها بالغلف مره عطها سمان ومره عطها ثنداة حمام ولا تقصر معها بالجرابيع ولحم الضبان وهو زين لها وعطها بالأسبوع مره وحده بيض حمام لأنه يقوي الريش ويسرع عملية القرنسة الأفضل تحط تحتها رمل خشن صافي وتشخله كل يوم او يومين من المروش اعزك الله وضروري جدا تحط صحن ماء تحتها وتغيره كل يومين ويفضل يكون الصحن من فخار او بلاستيك لأنه يحفظ البرودة وخلها مفرعه ولاتبرقعها ابد بالمقيض والله الله فيها لاتقصر معها بالمقيض على شان ماتقصر معك بالصيد :)

هذا الي عندي والله أعلم ،،

وأي سؤال أو أستفسار انا حاظر .

[جلمود121]

الله يبارك فيك أخوي صقار القصيم وما قصرت و رايتك بيضة.