قناة الساحه تستضيف الصقار خالد العويدي(ابوالجازي)

[ابوالجازي]

السلام عليكم ورحمة الله وبركاته
احب ان انبه الجميع الى انه سوف تعرض مقابلة خالد العويدي في قناة الساحه يوم الخميس الموافق 20/6/1428 الموافق بالميلادي 5/7/2007 ليلة الجمعه في تمام الساعة التاسعه ليلا
هذ للاحاطه والتنبيه لمن اراد مشاهدتها
علما انه تم خلال المقابله طرح اسأله عامه عن الصقاره وعن الامراض اللتي تصيب الصقور وعلاجها خاصه مما يجعل المقابله تهم جميع اهل الصقاره وقد احضر اثناء المقابله طير يحتاج توسير وقام بتوسيره وكما انه قام بعلاج وكريه مصابه بالجدره واترك باقي المقابله لكي ترونها على قناة الساحه يوم الخميس ليلة الجمعه
واليكم بعض الصور عن المقابله

وهذه صورة خالدالعويدي (ابوعبدالله)

http://www.mekshat.com/pix/upload/images40/mk17835_dsc03193.jpg


هذه الصوره اثناء التصوير
http://www.mekshat.com/pix/upload/images40/mk17835_dsc03286.jpg

وهذه ايضا اثناء المقابله والعويدي يجيب على الاسئله المطروحه عليه

http://www.mekshat.com/pix/upload/images40/mk17835_dsc03320.jpg

وهذه الصوره والطير على يد العويدي بعد ماانتهى من توسيره

http://www.mekshat.com/pix/upload/images40/mk17835_dsc03246.jpg

والسلام عليكم ورحمة الله وبركاته

[الفتك2006]

تسلم والله يابو الجازي ومشكور على التنبيه

[المري]

بيض الله وجهك اخوي ابو الجازي على هذا التنبيه والتذكير وماقصرت وان شاء الله قبل المقابلة بربع ساعة تحصلنا على قناة الساحة

في انتظار هذه المقابلة الطيبه.. وهذه اول مره اشوف استاذنا (( خالد العويدي)) ابو الجازي..

تسلمون وماقصرتو..

اخوكم - المري

[حب الوطن]

السلام عليكم اخوي ( ابو الجازي ) تسلم وبيض الله وجهك وانشالله اني بكون من المتابعين

للحلقه مما يشرفني ياابوالجازي لكي نستفيد من اهل الخبره امثالكم في مايخص علوم الصقاره

كبيرها وصغيرها اتمنى لك التوفيق ويجعل التوفيق من نصيبك والله يستر عليك

تقبل مروري

اخوك / مافيا

[عناز]

مشكور يابوبراهيم ويستاهل ابوعبدالله من يفضي نفسه للاستفاده منه ... وشكر خاص للساحه

[قلب ذيب]

بالتوفيق ان شاء الله 0
وستكون هناك فائده للصقارين والقوانيص والمهتمين بالطير 0
تحياتي 0

[الوافي عزام]

الله لايهينك يابوالجازي

وشكرا لك على افادتنا بموعد المقابله بالتحديد والساعه
وعز الله ان ابوعبدالله ماتنمل سوالفه شرواكم

والله يعطيك العافيه

[حطاب 123]

http://mekshat.com/vb/images/smilies/smile.gif الله لايهينك يابوالجازي

وشكرا لك على افادتنا بموعد المقابله بالتحديد والساعه
وعز الله ان ابوعبدالله ماتنمل سوالفه شرواكم

والله يعطيك العافيه

[راعي عقاب]

رحم الله والديك ويعطيك العافيه

[المزوحي]

مشكورين انت وابوعبدالله والله لا يهينكم


مع انى الى هالحين ضايع خالد العويدي هو ابو الجازي ولا لا:confused:

[ابوالجازي]

السلام عليكم
الفتك2006 الله يسلمك من كل شر يالغالي
المري حياك الله يابومعيض (عمدة الصقاقير)
مافيا هلا وغلا وماعليك زود
عناز حياك الله يابو ريان
قلب ذيب الله يوفق الجميع
الوافي عزام شرواك الطيب يالغالي
حطاب 123 شرواك الطيب يالغالي
راعي عقاب ووالديك والله يعافيك
المزوحي حياك الله يالغالي وخالد العويدي ابو عبد الله وانا ابو الجازي
اشكركم جميعا على مروركم العطر والاطراء ودمتم بود

[حطاااااب]

السلام عليكم ورحمة الله وبركاته
يابوالجازي
لا هنت وبيض الله وجهك

[وكري2007]

بيض الله وجهك وماقصرت

كفيت ووفيت ومشكووووووووور يالغالي

[طارق الحربي]

الله يعطيك العافيه يابو الجازي

بغينا الله لا يهينكم تردد قناة الساحه حيث انها كانت تطلع عندي والحين ماتطلع

[أبو رداد]

مشكور يابو الجازي على نقل هذا الخبر
وان شاء الله نكون من المتابعين لهذا اللقاء المفيد
والصقار خالد العويدي علمه طيب في كل مكان
ويحي الرجال الي تسبقه علومه الغانمه

[سماء نجد]

الله يعطيك العافيه وماقصرت وإن دل هذا الامر على شي فإنما يدل على حبك للخير وبحثك عن جلب الفائده لأخوانك الصقارين .
بيض الله وجهك وجزاك الله عنا خير الجزاء.

[روثان]

مشكور أخوي على افادتنا بموعد المقابله

الله يعطيك العافية

[سنجااار]

الله لا يهينك يابو الجازي ومشكور

[شبراق]

بيض الله وجهك وماقصرت

[وقاااااد]

بيض الله وجهك بابو الجازي وما قصرت
وابو عبدالله من اكبر الصقاقير في اللمملكة ويستاهل من يجيه في محله ويسوي معه مقابلة 0

[برق الخيل]

ابو الجازي الله يعطيك العافية على التنبيه

[بوسلطان قطر]

مشكور على العلوم الطيبة وجزاك الله خير
بس ممكن سوال : القناة على اي قمر وكم التردد لها

[الزاجل الازرق]

مانقدر نقول الى عسى الله يكثر من امثاله

سلمت يا ابو الجازي

اخوك ابودغيم

[فزااع]

لاهنت ابو الجازي وبيض الله وجهك

[<عاشق الصمان>]

يعطيك العافية على التوضيح.
بغيت تردد القناة يالغالي.

[ابوالجازي]

السلام عليكم
اشكر جميع من دخل على الموضوع وجميع من اثنى على خالد العويدي حيث انه رجل يستاهل منكم كل خير
واعضاء ومشرفي مكشات رجال طيبين ويقدرون الرجال الطيبين
وبالنسبه لتردد القناة تراي مااعرفه وياليت اللي يعرف التردد يفيد الربع
اما انا يبي يسجلها لي احد الربع ويعطينيها لان ماعندي دش
اكرر شكري لكم على مروركم العطر ودمتم بود

[المهاجر1]

السلام عليكم
بارك الله فيك ياابو الجازي علي الخبر الطيب
والله لا يهينك والله انك رجل يحب الخير والله يبيض وجهك
والله احنا نتمني ناس من امتالك فى خدمة الصقارين
ومشكور

[501]

بيض الله وجهك يا ابو الجازي

على
التـــــــــــنبيه
501

[عـــرادي]

لاتنسون الموعد الليله الساعه 9 مساءا
والف الف شكر لبو الجازي
عرادي

[المزوحي]

الاخوان اللى يبون تردد قناه الساحه


نايل سات

11918

افقى

27500

4\3

[طارق الحربي]

اخوي المزوحي انا كانت تطلع عندي قبل على النايل سات

والحين ماصارت تطلع

سويت بحث بقمر العرب سات وطلعت

[عبدالرحمن الخالدي]

شكراً يا أبوالجازي على هذا الخبر.

[المزوحي]

اخوي طارق الحربي انا شغاله عندي على النايل سات



وترا اخوك مامن خبره بالدشوش انا دخلت على البرمجه وحصلت التردد وكتبته



ان كانه شغال فزين على زين وان كانه مايشتغل فاالسموحه منك ومن الاعضاء



وياليت اللى عنده خبره يكتب التردد عشان يستفيدون الاعضاء من البرنامج



اخوك المزوحي:)

[طارق الحربي]

الله يعطيك العافيه

انا ما اقصد انها ماتشتغل على التردد اللي انت حطيت

ولا قصدي اني اشكك بكلامك اعذرني

بس انا عطيتك المشكله اللي كانت عندي والحل اللي استنتجته بس

لزيادة المعلومات يعني :)

تحياتي

[222]

يا أخوان أنا فاتني البرنامج وأبغا متى يعيدونه ارجو الرد السريع

[قلب شاهين]

مشكور على هذا الموضوع وأبوعبدالله معروف وماشالله عليه خبره بالعلاج ،،

لاهنت اخوي ،،

[راعي الشهامه]

الله لايهينك وبيض الله وجهك ورحم الله والديك

صراحه هاذي البرامج اللي تفتح النفس واللي يتفضى لها الواحد يناظرها... والشكر ايضأً لقناه الساحه على برامجها الهادفه

تقبل مروري اخوك : راعي الشهامه

[المري]

ماشاء الله تبارك الرحمن

والله لقاء استفدنا من الكثير , واول مره اشوف ابو عبدالله ( العويدي) اثاريه لحية غااانمه ودائما بشوش ويضحك واموره سهالات!!

الله يوفقه يارب..

[عناز]

اخوي المري...لحيه غانمه, بشوش,يضحك,اموره سهالات ... ما شفت شي لو تجلس معه ماتمله ... الله يوفقك ويوفقه

[أبو فيصل]

السلام عليكم يا أبو معيض و عناز

الصراحه الشكر موصول للي كتب الموضوع قبل اللقاء وخلاني أبرمج الجوال قبل اللقاء علشان ما يطوفني لكثر ما أسمع عنه عند الصقاقير.

أعجبني اللقاء و أعجبني الأخ خالد بعدم تكلفه في اللقاء و عدم البخل بالمعلومات الطيبه الله يوفقه.

أذكر خوينا أبو سعود يسولف عنه ومقانيصه مع خالد العويدي و أحمد الحسن الله يوفقهم و يذكر دماثة أخلاقه.

وأعجبني يومه ما غير اللكنه (طبعآ لهجة أهله و جماعته)

الشكر موصول لصاحب الموضوع

[ابوالجازي]

السلام عليكم
اشكر جميع من شارك في الموضوع واشكركم ايضا على الاطراء والمديح لبو عبد الله
وعلى ماقال عناز لو تجلس معه تشوف انه يستاهل المدح
والسلام عليكم ورحمة الله وبركاته