المساعد الشخصي الرقمي

مشاهدة النسخة كاملة : بين الطيرين قرابه تقدر تحددها ؟؟؟


عـــرادي
02/07/2007, 12:03 AM
بين الطيرين قرابه تقدر تحددها من خلال الصور بتحديد


http://www.mekshat.com/pix/upload/images40/mk23792_mmj.jpg

http://www.mekshat.com/pix/upload/images40/mk23792_ki.jpg
وتقبلوا خالص تحياتي
عرادي
الوافي عزام
02/07/2007, 12:19 AM
والله ياعرادي تتشابه بالحيل شف العيون والبوز والمقاس كلها حول بعض بالضبط

وفيه شي تتشابه به بالضبط ( دواعج عيونها من فوق لتحت كلها مثل بعض بالضبط )

طيب وش رايك انها نفس الطير لاكن فارق زمني بالصورتين ؟؟؟؟ خارج عن الموضوع !!!

وشكرا لك
صقار قديم
02/07/2007, 12:36 AM
السلام عليكم ،،

تحياتي أخي العزيز عرادي ، أظن ان الاخ الوافي عزام قد صاب الحل !

تحياتي لكم ..
ابرق العزاف
02/07/2007, 12:54 AM
نفس الطير فقط الطير الثانى

مصوره بالليل ومن زاويه ثانيه او متلاعب
بالفوتشوب 000000000000 !!!!!!!!!
شكرا
قشاع الرمث
02/07/2007, 01:05 AM
السلام عليكم ورحمة الله وبركاته


الصوره لنفس الطير مافيها كلام
وسبقوني فيها الاخوان .

لاكن ابقول لك الفرق الصوره
الثانيه اقدم من الاوله والدليل الطير
كابر عمر ورايحه السبوح الي بصدرة .


مع الشكر...
شهاب بن عساف
02/07/2007, 02:56 AM
هلا اخوي عرادي
الصورتين لطير واحد الصوره رقم (1) له وهو قرناس ثالث اورابع والصوره رقم (2) وهو بكر 00
وتقبل تحياتي
((الخالدي))
02/07/2007, 04:42 AM
يالاعضاء أنتم شوفوا الصدر وحكموا

ترى الطيرين مختلفين يعني طير الاول غير الطير الثاني
سلطان العوني
02/07/2007, 06:46 AM
نفس الطير
لكن الصدر يختلف
أبو رداد
02/07/2007, 06:56 AM
والله يابدر حيرتنا ههههههههه
وانا اشوف في اختلاف بسيط في الوسره
يعني طيرن مو طير واحد
وتشابه قوي في العيون والحجاج
والعلاقه اما اخوه واما اب وابنه
والله اعلم
المري
02/07/2007, 06:57 AM
هو نفس الطير بس صورة يوم انه قرناس هواء وصوره يوم انه قرناس بيت !! والله اعلم..

اخوكم - المري
الزاجل الازرق
02/07/2007, 07:43 AM
هلابك اخوي العرادي

اتوقع انه يوم يشبك وهو قرناس هواء والثانيه يوم قرنس عندك يعني اتوقع كلام ابومعيض عين الصواب

وسلامتكم

اخوك ابودغيم
وقاااااد
02/07/2007, 10:12 AM
الطيور بينها فرق واضح :no2:
الصورة الأوله كراع الطير فيه قصير ونحرة مافيه دقوق
والثانية كراعه اطول من الأول ونحره دقوقه واجد
المنصوووري
02/07/2007, 10:48 AM
أنا أقول الطير 1 أبو الطير 2 ولله أعلم

وسسسسسسسسسلامتك
شبراق
02/07/2007, 11:19 AM
اول شي الطيرين يختلفن ماهن واحد اول شي اختلاف الريشه والوسره قريبه لاكن فيه اختلاف ادعوج الوجه فيه اختلاف

ثاني شي الصورة الاولى قرناس كبير والي تحت صغير

اتوقع والله العالم ان الي فوق ام الي تحت

وتقبلو تحياتي ،،، ابو طلال
قلب شاهين
02/07/2007, 12:40 PM
أنا أأيد رأي المري والله أعلم
رفيق الطيبين
02/07/2007, 12:55 PM
أخوي عرادي السلام عليكم ورحمة الله وبركاته..........

الطير هو نفسه واحد والدليل السبق اللي في يد الطير

الاول اليمين بني وقديم ونفسه في الطير الثاني بس الطير

الاول متسبح با الماء والدقوق اللي بصدره غير واضحه

من الماء والثاني صورة وهو مهوب متسبح هذا والله اعلم

لاكنه وكري حلو ............................................

وتقبل مروري أخووووووك // رفيق الطيبين
فزااع
02/07/2007, 01:10 PM
انا ايد اخوي ابو رداد واعتقد ان الصوره الثانيه من انتاج الاول
براااااق
02/07/2007, 01:13 PM
السلام عليكم أخوي ابو فهد انا أقول الصوره الثانيه لغشام في أول عمره والصوره الأولى لغشام هذي الأيام وهو يقرنس 21 سنه عمره تقبل مروري أخوك براااااق
<عاشق الصمان>
02/07/2007, 01:31 PM
الطيور بينها فرق واضح :no2:
الصورة الأوله كراع الطير فيه قصير ونحرة مافيه دقوق
والثانية كراعه اطول من الأول ونحره دقوقه واجد

كلام أخوي 100% والله أعلم
عـــرادي
02/07/2007, 09:49 PM
الف الف شكر للجميع ولتفاعلكم الطيب
الحقيقه انا طرحت هالصور لتوضيح
والتعرف على عمر الطير مع العلم إنه
صعب جداً جداً وخصوصاً إذا تعدى عمر
الطير خمس سنوات .

الصور لطيره وكريه خاصه لوالدي وعمرها
الأن 22 سنه وهي حاله نادره ( معمره )
الصوره الاولى لطيره وعمرها ( 22 سنه )
والصوره الثانيه لنفس الطيره وعمرها ( خامس )

http://www.mekshat.com/pix/upload/images40/mk23792_uu.jpg

تاريخ التصوير موضح على الصوره
مع خالص حبي وتقديري للجميع
أخوكم / بدر العرادي
المزوحي
02/07/2007, 11:42 PM
:D اشوا انى ماتفلسفت عليكم :D



مشكور ياعرادي واثر هذا الشبل من ذاك الاسد
BeLoveLy
03/07/2007, 05:22 PM
انا اقول كلامي مع ابو معيض (المري)
جيتك يابعد حيي
04/07/2007, 08:46 AM
أشوا أني ماشفت الموضوع الا متأخر
ابو فاطمه
04/07/2007, 01:02 PM
حلوه ابو فهد علا قولت القايل

نشيط
راعي اعناد
04/07/2007, 06:23 PM
الله اعــــــــــــــلـــم

تحيرت فيكم
عـــرادي
04/07/2007, 09:28 PM
تحيه طيبه للجميع
هذه الصور لطير واحد وهو وكري وفعله مسكت
وهالحين مكرمينه ومعززينه (( ألي ماله أول ما له تالي ))
وقيل فيه الكثير من القصائد ومنها

لـو كـل طـيـر ٍ ننقـله مثل غشام *** ما هـو خـساره لـو شـريناه غالي
أللي ليا حول على الخرب جزام *** سـوه على الخرب العنيد الموالي
ولا هـو بكفـاخ ٍ ولاهـو بحـوام *** وغير الفعل طبعه على كيف بالي
والله ما بيعه لو يزودو بالأسوام *** مـدام حب الطـيـر بالقلب عالي
......الخ

غشام طير الخرب فارس وضرغام *** لا كوبر الحبرم تعشى ثناديه
راعـيه يبشر بالشبب هـبر وإيدام *** أبرك من القصاب وعظام حاشيه
.......الخ

مع خالص تقديري للجميع
عرادي
طيرالحمــــاد
05/07/2007, 05:29 AM
بـــــارك الله فيـــــــك يا عرادي واللي ماله أول مــــــــاله تـــــــــالي

واللي اعلومها اموثقه بالقصايد انشهد انها الطيبه

تحياتي لك
طيـــــــر الحمـــــــاد
عـــرادي
08/07/2007, 12:16 AM
بـــــارك الله فيـــــــك يا عرادي واللي ماله أول مــــــــاله تـــــــــالي

واللي اعلومها اموثقه بالقصايد انشهد انها الطيبه

تحياتي لك
طيـــــــر الحمـــــــاد


صحيح والله فعوله موثقه بس الكبر شين
اسعدني مرورك وتعليقك
سلمت ودمت
عرادي