المساعد الشخصي الرقمي

مشاهدة النسخة كاملة : قصيده في ضياع الطير


وكري2007
03/07/2007, 05:41 PM
واطيري اللي ضاع مني ضحاة أمس,,,,,,,,,,,,النادر اللي مرهي في لحوقه

من يوم هديته وأنا ناظري عمس,,,,,,,,,,,,,,,,واتلى العهد يوم به فكت سبوقه

حولت بالملواح لين غيبة الشمس,,,,,,,,,,,,,,,أصيح وألوح بعالي شهوقه

وشغلت أنا الحساس وأرخيت أنا الهمس,,,,,,,,,وعيا قليل الفود يقضب طروقه

ومن يوم قرب الليل والصدر به لمس,,,,,,,,,,,,كن العباير وسط قلبي تسوقه

صفقت بالكفين خمس على خمس,,,,,,,,,,,,,,وعرفت أنا انه راح يطرد وفوقه

ياويش بماري هل الجيب والجمس,,,,,,,,,,,,,لاقام برق الريش يكثر خفوقه

على السحاب اللي مزونه بهن دمس,,,,,,,,,,,يسقي تراب ضاع (جذاب)فوقه


أهداء لجميع الشعراء ومحبي الطيور وسلامتكم ............
جبل راف
03/07/2007, 07:15 PM
صح لسانك والله يعوضك بأحسن منه
برق المزون
04/07/2007, 05:04 AM
صح لسانك
قصيده ووصف رائع
لا تحرمنا من ابداعك
جيتك يابعد حيي
04/07/2007, 08:09 AM
تسلم ياوكري 2007 وصح لسانك
قصيده رائعه
ونتمنى نرى المزيد
سلطان العوني
04/07/2007, 08:46 AM
صح اللسانك
والطير يبهذل راعيه لا ضاع
الله يعوضك بأحسن منه

تحياتي
جرير
04/07/2007, 09:48 AM
صح لسانك
وسلمت علي القصيده الجميله

عل السحاب اللي مزونه بهن دمس,,,,,,,,,,,يسقي تراب ضاع (جذاب)فوقه
وكري2007
04/07/2007, 06:18 PM
صح بدنكم جميعا ومشكورين على الردود

وماقصرتوا وابشروا بالجايات
ذيب المسآري
05/07/2007, 03:12 AM
صح لسانك واعتلى شانك

وبيض الله وجهك


والله يعوضك بالفارسي الي يطيب خاطرك


والله يعطيك العافيه


اخوووكــ///
يتيم بلا زايد
05/07/2007, 03:29 AM
صح السانك ياخوي الوكري 2007


وبيض الله وجهك
حطاااااب
05/07/2007, 03:32 AM
السلام عليكم ورحمة الله وبركاته
صح لسانك
وبيض الله وجهك
شاعر المستقبل
05/07/2007, 01:29 PM
صح لسانك
والله يردلك طيرك
وكري2007
06/07/2007, 03:28 PM
الله يعطيكم العافيه وبارك الله فيكم
صقار قديم
06/07/2007, 03:35 PM
الاخ الكريم وكري 2007 تحياتي لك ..

حولت بالملواح لين غيبة الشمس,,,,,,,,,,,,,,,أصيح وألوح بعالي شهوقه

في نظري أصعب لحظات ضياع الطير لحظة مغيب يوم الضياع !! حيث تبدأ الهواجس و الوساوس تتسرب الى قلب العاشق المولع بطيره "" الطير اللي يسوى ""

تحياتي للجميع
وكري2007
06/07/2007, 04:19 PM
اكيد ياصقار قديم أصعب اللحظات

ومشكور على الرد الجميل والله يعطيك العافيه
راعي الجير
07/07/2007, 12:25 AM
جذاب له حره كما واهج الحمس *** في وسط جوف (ن) محرقه زود شوقه
وكري2007
07/07/2007, 03:15 AM
صح لسانك ياراعي الجير
دمك
09/07/2007, 04:25 AM
لا تشكيلي ابكيلك