ابي شوركم يااهل الجيوب

[الهاوي.]

السلام عليكم صبحكم اللة بالخير

يقول المثل (من شاور ماخاب)
ويقول المثل الثاني(عاصي الشور ثور)

ابي رايكم من جميع النواحي
واتمناء مااحد يخبي علي شي
من جميع النواحي

لقيتلي سوبر سفاري 99 فل الفل (فتحة.دف لوك.جلد.اوتماتيك.)

وش رايكم فية يالربع والله اني احترت صراحة خصوصن انة تماتيك وشرايكم بالتماتيك خصوصن اني راغب التماتيك علي العادي بس خايف لاني سمعت ان التماتيك مشاكلة كثيرة وثقيل بنفس الوقت

1كيف اسعار قطع غيارة
2كيف استخدامة
3كيف صرفيتة للوقود
4ترابطة والمعروف ان الباترول يتفكك بسرعة
5 الاهم التماتيك وش وضعة
6السعر بعد البيع
7 الصيانة


والله الله بسرعة الردود لاني صامل علي الشراء باسرع وقت ممكن

شاكرلكم ومقدر وجزاكم الله الف خير

[عاشق السيل]

وعليكم السلام ورحمة الله وبركاته

أنا معي سوبر سفاري 98 تماتيك ( يعني كلامي من واقع تجربة )

السيارة قوية جدا ومريحة جدا وقليلة الخرابات ،، والتماتيك صرفيته معقوله جدا أفضل من العادي ،، والقير كل 50 ألف غير الفلتر والزيت ويمشيك عشرين سنة بس أهم شي لاتغير بين النمر إلا والسيارة واقفة تماما ،، قطع الغيار أسعارها معقولة وأكثرها رخيص ،، والموتر متماسك جدا أكثر من الموديلات القديمة وأنا معاي من 5 سنوات وأنواع التكسير بالبر والحمد لله حتى الآن ماسويت له تربيط ،، وبالنسبة لسعره بالبيع طبيعي إنه ينزل لكن بشكل نسبي معقول جدا لأن السيارة لازالت مرغوبة ،، وترى التماتيك أفضل بكثير من العادي بالبر والمدينة لكن العادي أقوى عزم فقط ،،

عيبه الوحيد إنه ثقيل خاصة بالحر ومع المكيف ،، طع شوري إذا كانت فلوسك ماتكفي للجديد من 2002 وفوق لاتتردد واشتره ...

أتمنى أكون أفدتك وتقبل مروري ....


http://www.m5zn.com/uploads/166c7edb6f.JPG (http://www.m5zn.com/)

[ابو ســــاره]

ما عقب كلام عاشق السيل كلام .

[قناص متقاعد]

1كيف اسعار قطع غيارة
قطع الغيار نوعاً ما غاليه وفيه قطع سعرها رخيص مرررره . مقارنه بالجيوب الثانيه

2كيف استخدامة
عادي جداً

3كيف صرفيتة للوقود
معقوله انا كان معي واحد بس قير عادي ويمشيني في المدينه من 520 الى 570

4ترابطة والمعروف ان الباترول يتفكك بسرعة
يتفكك في المديلات القديمه من 97 وتحت

5 الاهم التماتيك وش وضعة
اقوى قير التماتيك في النيسان وللمعلوميه معي الان 2002 تماتيك قنصت عليه الرمله والعلاء والجنوب اما الصمان روحاتي له بالهبل ومع ذلك ياربي لك الحمد من ابدع مايكون .
واعرف واحد من الشباب صغير في السن معه 98 تماتيك فل كامل ساكن بالمزاحمية كل يوم في النفود وهبال وسياقته على عفاجه (يعني ماهوب سواق في النفود) جلس معه الموتر 3 سنوات وباعه يقول ماصلحت فيه شي ولا فيه اي مشكله .

6السعر بعد البيع
قريبه جداً من سعر الشراء لان النيسان فيه ميزه اذا شريته مستعمل ما ينزل فيه قيمه .

7 الصيانة
متوفره في كل ورشه .

[روثان]

السلام عليكم..

الله يعطيك العافية أخوي عاشق السيل وفيت وكفيت

معي لاندكروزر اتماتيك وعقب سنين بالعادي ارتحت الحين الحمد لله

لكن لا هنت اخوي عاشق السيل عطني طريقة السواقه المثاليه عند الطلوع والنزول

بالنسبة للتعشيق في المناطق الجبلية لرغبتي ان شاء الله الذهاب للمصايف بالجنوب

ولكم التحية والتقدير..

[عاشق السيل]

وعليكم السلام هلابك أخوي الصلعي ،،

مشكلة التماتيك مايصلح تكثر عليه الطلعات والنزلات لأنها تتعب القير ،،

بس عموما خذ هذي المعلومة : حرف D بالقير معروفة عند الكثير وهي تغير القير بين كافة النمر ،، أما 2 وهي معناها إن القير بين 1 و 2 فقط ولايمكن ينتقل للثالث ،، أما 1 يعني لايمكن يغير القير عن أول نمرة ،،

عند النزول الشديد أول شي أنصحك تحط الدبل على الخفيف علشان تتوازن السيارة وتمسك عمرها أكثر وخل القير على 2 وإذا كان المنحدر قوي مرة خل القير على 1 وحاول ماتتجاوز سرعة 20 كم / ساعة ،،

وعند الطلوع نفس الكلام بالضبط مع النزول بس السرعة زودها على كيفك وبرضو أهم شي لاتنس الدفع الرباعي (( الخفيف ))

وأي استفسار أنا جاهز وإن كان غيري أفهم مني ....




http://www.m5zn.com/uploads/00ea3cfba5.bmp (http://www.m5zn.com/)

[فهاد بن محمد]

1كيف اسعار قطع غيارة
قطع الغيار نوعاً ما غاليه وفيه قطع سعرها رخيص مرررره . مقارنه بالجيوب الثانيه

2كيف استخدامة
عادي جداً

3كيف صرفيتة للوقود
معقوله انا كان معي واحد بس قير عادي ويمشيني في المدينه من 520 الى 570

4ترابطة والمعروف ان الباترول يتفكك بسرعة
يتفكك في المديلات القديمه من 97 وتحت

5 الاهم التماتيك وش وضعة
اقوى قير التماتيك في النيسان وللمعلوميه معي الان 2002 تماتيك قنصت عليه الرمله والعلاء والجنوب اما الصمان روحاتي له بالهبل ومع ذلك ياربي لك الحمد من ابدع مايكون .
واعرف واحد من الشباب صغير في السن معه 98 تماتيك فل كامل ساكن بالمزاحمية كل يوم في النفود وهبال وسياقته على عفاجه (يعني ماهوب سواق في النفود) جلس معه الموتر 3 سنوات وباعه يقول ماصلحت فيه شي ولا فيه اي مشكله .

6السعر بعد البيع
قريبه جداً من سعر الشراء لان النيسان فيه ميزه اذا شريته مستعمل ما ينزل فيه قيمه .

7 الصيانة
متوفره في كل ورشه .


وافـــــي ياقناص متقاعد ;)

[الهاوي.]

اللة لايهينكم واحس اني اقتنعت بنسبة 80بالمية

[الدحبول]

يا أخي التماتيك مابعده ولاكن لم أجرب على البترول ولا على النيسان لانه ولامر طاح بين يدي موتر نيسان إلا دتسن قير عادي 2001

بس لازم تاخذ موتر قيرة ومكينة ودفرنشات نظيف حتى لو عطيت الموتر فوق حقه بس بدون مبالغ يعني الفين ثلاثة

[alkongrs]

والله التماتيك راح بديره وخارج الديره توكل وخذه والله يكتبلك الي فيه الخير

[أبو دحيم]

والله الشباب وفو وكفو الله يعطيهم العافيه

[الهاوي.]

الله لايهينكم ياالربع وماقصرتو

خصوصن العضو قناص متقاعد لك مني 100000000000شكر وتحية