أرجو دخول الصقارين ،، (( أراء مكشات ))

[قلب شاهين]

السلام عليكم ورحمة الله وبركاتة ،،

أخواني اعضاء وزوار منتديات مكشات أرجو منكم كل واحد فيكم يقول رأيه وأقتراحاته ،،

بالأمس أستضافة قناة الواحه الصقار سمو الأمير عبدالعزيز بن فيص آل سعود < حفظة الله > ومن كلامه شدني طلبه وهو أن يوضع نادي للصقارين السعودية وهذا النادي يجمع الصقارين ويوجد فيه أقتراحات مثل دخول الطيور وخروجها ومثل مستشفيات الطيور وأشياء أخرى لها منفعه للصقارين ،،

فأنا ودي أعرف ليه مايوضع النادي هل هو أهمال ولا أيش لأن دولة الكويت وغيرها من الدول لها نادي للصقارين ،،

لأنه طلب بوضع نادي من قبل سنة تقريبا وماشفنا شي الى الآن ،،

أرجو ان يكون الموضوع للأراء والأقتراحات ولايزعلون الصقارين الي برا السعودية :)

أخوكم //عبدالرحمن .

[جيتك يابعد حيي]

بس أخوي أنا ماني عارف وش يعني نادي للصقور بالضبط هل هو يكون على مدار السنه وهل يشمل على سباقات وما شابه وهل يحتوي على مركز لمعالجة الصقور أما يكون النادي بغير هذه الصوره اللي بالي
أرجو الأفاده

[راعي الشهامه]

بس أخوي أنا ماني عارف وش يعني نادي للصقور بالضبط هل هو يكون على مدار السنه وهل يشمل على سباقات وما شابه وهل يحتوي على مركز لمعالجة الصقور أما يكون النادي بغير هذه الصوره اللي بالي
أرجو الأفاده


وانا سؤالي نفس الشي

ومشكوووور على الموضوع الرائع

[قلب شاهين]

هلا فيكم ياصفوق وراعي الشهامه ،،

النادي الي أقصده انا يكون نادي للصقاقير السعودية يجتمعون فيه ويناقشون المشاكل الي تصيب الصقور ويكون فيه عياده وأشياء كثيرة يستفيدون فيها الصقاقير ويكون شئ رئيسي من الدوله يعني اي شي او مشكله بالصقور يروحون يكلمون النادي ويكون هو الأشراف الصحيح ،،

هذا قصدي وياليت يكون فيه نقاش وحماس ،،

[قلب شاهين]

؟؟؟ ؟؟؟ ؟؟؟

في أنتضار البقية ،،

[المزوحي]

صقار القصيم وعليكم السلام ورحمه الله وبركاته


النادي هذا وين يكون في الرياض يعني وباقي مناطق المملكه يفتحون فيها فروع ولا كيف


ومشكور على طرحك للموضوع



اخوك المزوحي :)

[بوعوف]

وعليكم السلام ورحمه الله وبركاته كلام جميل وصحيح بس المشكله ان السعوديه (حفظها الله)مساحتها كبيرة جدا مقارنة بدول الخليج مثلا البحرين لو سوو نادي يكفي نادي واحد لان المساحه صغيرة وقطر والكويت ووووالخ اما السعوديه اذا بسوون لازم بالشرقيه والغربيه والوسطى والجنوب لئلا يكون صعوبه للصقارين التنقل بين المناطق ولكن بالاخير يجب وضع نوادي للصقارين وهذا رؤيي يالموضوع وانشاء الله ينال على رضاكم واسف على الاطاله وما تقصر اخوي صقار القصيم على المواضيع الشيقه ونعم فيك وفي اهل مكشات كلهم والسلام عليكم ورحمه الله وبركاته تقبلو تحياتي اخوكم \ بوعوف

[قلب شاهين]

أخوي المزوحي /

مشكور على مرورك وبالنسبة لكلامك خلهم يوافقون اول شي وبعدين نشوف وين نسويه ،،

أخوي بوعوف /

مشكور عىل المرور وكلامك سليم لكن تتسهل الأمور اذا وافقو وصار فيه فعل ،،

ننتضر المطانيخ والمخضرمين :)

[صارووم]

نادي للصقارين .. نتمنى
ولكن الأهم مركز صحي متكامل بأحدث الأجهزه والتقنيات ..
وكادر ذو كفاءه عاليه وخبره في مجال أمراض الصقور وطرق وعلاجها

[عزام 2]

السلام عليكم

مشكور اخوي على الموضوع

انا في وجهة نظري كيف يكون والمناطق كثير في المملكه

واصلا من اللي بيتكفل فيها واذا بيتكفل شخص هل بيتكفل في نادي واحد او جميع الانديه

واذا مثلا صار نادي واحد في الرياض مثلا وجيت انت وانا وغيرنا والجميع مايعرف بعض

كيف يكون النقاش بيني وبينك وانت ماتعرفني ولا تعرف صقارتي لان صقاقير السعوديه ماشالله مايحصون

السعوديه كبيره والصقاره كثير كثير كثير

يارجال خلنا ندخل الطيور من الخارج بس هذا اللي نبي نروح ونجي مثل غيرنا وعلى راحتنا

واسف للاطاله

تحياتي للجميع

[وقاااااد]

صقار القصيم

يعطيك العافيه على الموضوع المميز ونتمنى بأن يكون هناك نادي للصقاقير يخدم الصقر والصقار مثل الدول الأخرى والمسئولين ماراح يقصرون انشاءلله 0
تقبل مروري
ابو بندر

[ابو عايد]

إنـشـــاء نادي صــقاري مكشاااااات !!!! أدخل وشارك برأيك (http://www.mekshat.com/vb/showthread.php?t=87591).