مشاهدة النسخة كاملة : الجـــيب العــشه ,,, هل تنزل له قطع غيار ؟!؟!
ابوريناد1979
06/07/2007, 04:47 AM
عندي سؤال ياجماعه
لقيت جيب لاندكروزر قديم (العشه) موديل 83 نظيّف وسعره حليو
بس المشكله اخاف ما القا قطع غيار واصور جمبه :(
هل احصل له قطع غيار بالصناعيه للمكينه والقير والشغلات الثانيه ؟؟
وتقبلو تحياتي ,,,,
أبو أسامة
06/07/2007, 05:23 AM
السلام عليكم ورحمة الله وبركاته
أخي الكريم :
نعم ستجد له قطع غيار بكل تأكيد لكن نسبة التي ستجدها حوالي 70 % من القطع المطلوبه والباقي طلبيه أو تجاري أو ترهيم من قطع سيارات أخرى ............
لكن لا تضن أن القطع ستكون رخيصه لأنها قديمه بل مثل الجديد أو أكثر .......... أنا جيت عبداللطيف جميل أبي الصدام الأمامي لجيب العشه قالي بـ860 ريال .......... وهونت ما عاد فيه إلا التشاليح أو التجاري ...... لكن التجاري ضرره أكثر من نفعه مثل ما أنت بخابر ..... والتشليح الله يعيني عليهم .........
والسلام عليكم ورحمة الله وبركاته
ا بو بندر
06/07/2007, 06:49 AM
الاخ ابوريناد
تجده انشاء الله عند محل با نعيم في الصناعيه القديمه وناء سبق ون طلبت قطع لمديل 79من فتره قريبه
Bader-M
06/07/2007, 02:29 PM
المكينه
2f
سعرها حول 3500 ريال الى 4500 ريال
القير
من 1500 الى 2000 ريال
الدفرنس
1200 ريال تقريبا
بنسبه لقطع غياره متوفر ولكن ياباني او تجاري
الاصلي تقريبا معدوم في السوق
تحياتي اليك
ابوريناد1979
06/07/2007, 02:59 PM
أبو أسامة
ا بو بندر
طايربالعجه
بيض الله وجيهكم وماقصرتوا :good:
طيب ماتعرفون لي ورشة بالرياض اروح افحص الجيب عندهم (مكينه وقير ودبل):confused: ؟؟؟ ,,, راعيه يقول الموتر زين وخذه وافحصه , ونا ان شالله ناوي امره بوسط السبوع الجاي :rolleyes:
بسم الله الرحمن الرحيم
اخوي ابو ريناد الظاهر انك بالرياض والله العالم لكن ونا اخوك انا عندي واحد ( عشه) ونا بالطايف
القطع متوفره جديده في المحلات وفي التشاليح
يعني اذا الموتر طيب وحبيته وبغيت اي شي من القطع من الطايف ابشر بعزك
والله من وراء القصد
ابوريناد1979
07/07/2007, 10:07 AM
بسم الله الرحمن الرحيم
اخوي ابو ريناد الظاهر انك بالرياض والله العالم لكن ونا اخوك انا عندي واحد ( عشه) ونا بالطايف
القطع متوفره جديده في المحلات وفي التشاليح
يعني اذا الموتر طيب وحبيته وبغيت اي شي من القطع من الطايف ابشر بعزك
والله من وراء القصد
تسلم يالغالي ماتقصر والله
بس تبي الحق - كلامك احبطني - قاعد اتخيل لو بغيت قطعه لازم اطلبها من الطايف
خخخخ يعني طلبيه , ماصار جيب عشه صار لمبورغيني ذا :D
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir