قلب شاهين
06/07/2007, 02:31 PM
السلام عليكم ورحمة الله وبركاتة.....
أخواني اعضاء منتديات مكشات والله من الطفش قلت ابكتب لكم قصة صارت لنا الموسم الي فات ،،
كنا طالعين السعيره والله وصلنا على المغرب وحطينا خيمتنا وشبينا الضو وسوينا ذاك الشاهي الي اذا شربته قلت وين زقارتي ههههه المهم وامسينا بذاك المكان ومن باكر الصبح طلعنا انا مع مع واحد من العيال بالسيارة انا اسوق وهو جمبي يدور كراوين بس مشكلته يوم انه مالابس نظارته :cool: المهم ودورنا وحسنا ومالقينا شي كله عقبان وشبابيط ورجعنا على الساعه 12 الظهر وبعده بساعه جو الباقين ونفس الشي مالقو شي :( وتغدينا وعينا من الله خير وقلنا بنريح لين العصر وانشالله تتسهل المهم كل واحد نام وانا جالس مانمت جالس اقلب بالطيور واحوس فيهم من الطفش بعدين شغلت الموتر وطلعت ادرج ابي اشوف الأرض الي ورانا كنت اسمع فيها يقولون عنها العيال هي تبعد عننا 12 كيلو تقريبا ورحت لها وشفتها وزينه الأرض قلت ابد انا ابقنص فيها انشالله وعودت للخيمه وماصحو بعدين انتضرتهم شوي وقامو كلهم وشربنا شاهي وطلعنا على الساعه 3ونص او اربع ودورنا بسيارتين وانا اروح للأرض هذيك لأن العام الي قبله طارحين فيها كراوين والله وندور وندور قلنا ياولد يمكن حنا شفنا الرزنامه غلط يمكن الحين مو شهر 3 هههههه والله الي معي ذبحني هد طيرك على حمامه خن نشوفه قلت ابدرج لين قبل المغرب بشوي اذا مالقيت شي بهده على حمامه قال طيب والله مالقينا شي ابد قلت ابهده على حمامه والله وهديته على حمامه نشيطه ولحقها الطير ورددها ودخلو داخل شبك وصادها بالشبك هناك وعلى فكره يمكني ماقلتلكم ان الطير فيه كان فيه طبع موزين انه اذا شافني مقبل عليه فك الصيده وكفخ للهوا وخلاني المهم ووقفت الموتر ودخلت امشي على رجليني لين قربت له مابقي بينه وبيني الا 5 امتار تقريبا وفك حمامته وراح ووقع بمسافه قريبه شوي يمكن 10 امترا ويطالعني والله وامسك الحمامه واربطها بسبب قصير والوح له ويجي يمشي مشي هههههه والله ويون مسك الحمامه جيت ابمسك سبوقه ويفكه ويروح يبعد عني والله وتعبت وبدا يظلم الوقت والطير مافيه ريشه ولا شي :( وحاولت مره ومره ثانيه ومافي فايده واخر مره مسك الحمامه ومسكت سبقه بسرعه وشلته على يدي لكن شف وش صار :confused: وهو يكفخ انا من خوفي على الطير ماسك السبق بأقوى ماعندي وراص علي رصه علشان مايطير وانا ماسكه انفلت مني بالغلط وانا اقوم واحاول امسكه مره ثانيه ومافاد وظلم الوقت والي قهرني زياده ان الي معي الله يهديم جالس على الأرض يطالعني وماسك زقارته على يده ويشرب عصير ربيع ههه :mad: هذا الي قهرني والله وقلت ابخلي الطير وبجيله بكراورجعت على الجهاز نفس المكان ولقيت العيال نصهم مو موجودين وسألتهم قلت وينهم قالو يدورون عليكم قلت ليه ما اتصلتو قالو ماعندكم شبكه وموتركم مافيه كنود وبعدين اتصلت عليهم وقلتلهم اننا موجودين والله وبعد ماعلمتهم السالفه كلهم قالو خلها بكرا الطير ماهو مغير مكانه بس فيه واحد شايب قالي امش معي واروح معه واعلمه مكان الطير وولعنا الكشاف ولقيناه جالس وجمبه الحمامه يعني شبع منها وسجلنا مكانه قال شوف الطير بالظلام ماهو شايفك روح من وراه وانا من قدام وحاول تمسكه قلت ابشر وسوينا نفس ماقال لكن الطير طلع نظره احس مني وغير مكان بالظلام قلت شوف خله وبعدين نروح له الفجر قال تم وطلعنا وروحنا لخيمه الي فيها العيال والله وامسينا وصحيت انا قبل الفجر واخذ شبكه وحمامه واربط الشبكه بالحمامه قلت الطير هذا ماينفع معه الا كذا والله واروح بعد صلاة الفجر ودورنا ودورنا وحسنا وتعبنا والله من الدواره ليت جت الساعه 6ونص ومالقيناه قنا بنرجع خلاص الطير خله يولي قلت زين يالله الله يعوضني بواحد ثاني :rolleyes: وشوف العجب وان الله مايضيع اجر المسلم والله لقينا الطير حول مخيمنا جالس على الأرض وانقز للعيال شوفوه هذاك الطير وفكيت الحمامه الي فيها الشبكه وطردها وعلقها وجيته ومسكته والحمدلله ان الطير ماجاه شي او ضرر والله من بعديها خليت الطير في الخيمه ما اطلعه وبعدين دهلته لأنه كان مستوحش وصدنا 3 كراوين وعلمته عليها والحمدلله الطير زين وصحته زينه ،،
تحياتي اخوكم صقار القصيم ،،
أخواني اعضاء منتديات مكشات والله من الطفش قلت ابكتب لكم قصة صارت لنا الموسم الي فات ،،
كنا طالعين السعيره والله وصلنا على المغرب وحطينا خيمتنا وشبينا الضو وسوينا ذاك الشاهي الي اذا شربته قلت وين زقارتي ههههه المهم وامسينا بذاك المكان ومن باكر الصبح طلعنا انا مع مع واحد من العيال بالسيارة انا اسوق وهو جمبي يدور كراوين بس مشكلته يوم انه مالابس نظارته :cool: المهم ودورنا وحسنا ومالقينا شي كله عقبان وشبابيط ورجعنا على الساعه 12 الظهر وبعده بساعه جو الباقين ونفس الشي مالقو شي :( وتغدينا وعينا من الله خير وقلنا بنريح لين العصر وانشالله تتسهل المهم كل واحد نام وانا جالس مانمت جالس اقلب بالطيور واحوس فيهم من الطفش بعدين شغلت الموتر وطلعت ادرج ابي اشوف الأرض الي ورانا كنت اسمع فيها يقولون عنها العيال هي تبعد عننا 12 كيلو تقريبا ورحت لها وشفتها وزينه الأرض قلت ابد انا ابقنص فيها انشالله وعودت للخيمه وماصحو بعدين انتضرتهم شوي وقامو كلهم وشربنا شاهي وطلعنا على الساعه 3ونص او اربع ودورنا بسيارتين وانا اروح للأرض هذيك لأن العام الي قبله طارحين فيها كراوين والله وندور وندور قلنا ياولد يمكن حنا شفنا الرزنامه غلط يمكن الحين مو شهر 3 هههههه والله الي معي ذبحني هد طيرك على حمامه خن نشوفه قلت ابدرج لين قبل المغرب بشوي اذا مالقيت شي بهده على حمامه قال طيب والله مالقينا شي ابد قلت ابهده على حمامه والله وهديته على حمامه نشيطه ولحقها الطير ورددها ودخلو داخل شبك وصادها بالشبك هناك وعلى فكره يمكني ماقلتلكم ان الطير فيه كان فيه طبع موزين انه اذا شافني مقبل عليه فك الصيده وكفخ للهوا وخلاني المهم ووقفت الموتر ودخلت امشي على رجليني لين قربت له مابقي بينه وبيني الا 5 امتار تقريبا وفك حمامته وراح ووقع بمسافه قريبه شوي يمكن 10 امترا ويطالعني والله وامسك الحمامه واربطها بسبب قصير والوح له ويجي يمشي مشي هههههه والله ويون مسك الحمامه جيت ابمسك سبوقه ويفكه ويروح يبعد عني والله وتعبت وبدا يظلم الوقت والطير مافيه ريشه ولا شي :( وحاولت مره ومره ثانيه ومافي فايده واخر مره مسك الحمامه ومسكت سبقه بسرعه وشلته على يدي لكن شف وش صار :confused: وهو يكفخ انا من خوفي على الطير ماسك السبق بأقوى ماعندي وراص علي رصه علشان مايطير وانا ماسكه انفلت مني بالغلط وانا اقوم واحاول امسكه مره ثانيه ومافاد وظلم الوقت والي قهرني زياده ان الي معي الله يهديم جالس على الأرض يطالعني وماسك زقارته على يده ويشرب عصير ربيع ههه :mad: هذا الي قهرني والله وقلت ابخلي الطير وبجيله بكراورجعت على الجهاز نفس المكان ولقيت العيال نصهم مو موجودين وسألتهم قلت وينهم قالو يدورون عليكم قلت ليه ما اتصلتو قالو ماعندكم شبكه وموتركم مافيه كنود وبعدين اتصلت عليهم وقلتلهم اننا موجودين والله وبعد ماعلمتهم السالفه كلهم قالو خلها بكرا الطير ماهو مغير مكانه بس فيه واحد شايب قالي امش معي واروح معه واعلمه مكان الطير وولعنا الكشاف ولقيناه جالس وجمبه الحمامه يعني شبع منها وسجلنا مكانه قال شوف الطير بالظلام ماهو شايفك روح من وراه وانا من قدام وحاول تمسكه قلت ابشر وسوينا نفس ماقال لكن الطير طلع نظره احس مني وغير مكان بالظلام قلت شوف خله وبعدين نروح له الفجر قال تم وطلعنا وروحنا لخيمه الي فيها العيال والله وامسينا وصحيت انا قبل الفجر واخذ شبكه وحمامه واربط الشبكه بالحمامه قلت الطير هذا ماينفع معه الا كذا والله واروح بعد صلاة الفجر ودورنا ودورنا وحسنا وتعبنا والله من الدواره ليت جت الساعه 6ونص ومالقيناه قنا بنرجع خلاص الطير خله يولي قلت زين يالله الله يعوضني بواحد ثاني :rolleyes: وشوف العجب وان الله مايضيع اجر المسلم والله لقينا الطير حول مخيمنا جالس على الأرض وانقز للعيال شوفوه هذاك الطير وفكيت الحمامه الي فيها الشبكه وطردها وعلقها وجيته ومسكته والحمدلله ان الطير ماجاه شي او ضرر والله من بعديها خليت الطير في الخيمه ما اطلعه وبعدين دهلته لأنه كان مستوحش وصدنا 3 كراوين وعلمته عليها والحمدلله الطير زين وصحته زينه ،،
تحياتي اخوكم صقار القصيم ،،