المساعد الشخصي الرقمي

مشاهدة النسخة كاملة : اسعار جمال الللحم في السعوديه؟؟


tosulait
06/07/2007, 10:03 PM
يا أخوان اخوي بيتزوج وأبي اشتري حيران العشاء , حد ممكن يعطيني اسعار الحيران حسب اعمارها ونوعها في السعوديه , مابي ينضحك علي يا أخواني ...؟؟؟ وهل صج في جمال استراليه مستورده وسعرها أرخص حد يفيدني
الفززززززززعه يالرببببببع
طحنون
06/07/2007, 11:58 PM
اذا بغيت شي يبيض الوجه خذمن البر
اسئل عنهم وبتلاقي اللي يعجبك والاسعار تختلف من منطقه واخرى لاكن حسب علمي ان الحسا اسعارهم جدا مناسبه
يوصل الحوار الحد الادنى 2700 لاكن شي طيب جداجدا طبعا الحلال صار غالي ووقت العطله الحلال يصير غالي جدا بسبب
كثره المناسبات واستغلال من القصابين
لاكن ابحث انت بنفسك اذا الكميه تتعدى الخمسه او السته عندالبدوان
الله يرحم زمان الرخص
tosulait
07/07/2007, 01:20 AM
جزاك الله خير يالحبيب ........... بس انا سمعت انا في تجار عندهم أبل استراليه وهي ارخص ’, بس ماعرف وين ’ هل حد يعرف رقم شخص تاجر أبل عشان اتصله واستفسر منه
خاشقجي
07/07/2007, 01:38 AM
طلبك عندي وأنا أخوك

بس وين مكانك ..

حواشي سودانيه يحبها قلبك الصراحه خيال وطعمها ممتاز بس ماهي زي البلدي ...
خاشقجي
07/07/2007, 02:03 AM
الصراحة يوم شفت ردك لخيال جلوي غسلت يدي

تعيب بحلال الناس

والله ما تستاهل شيء ...
سلطان العوني
07/07/2007, 04:43 AM
اخوي رح لحراج الابل وتلقا اللي يصلح لك مجرد انك تناظره تعرف هلو طيب ولا لا
وعليك باللي توه صغير طعمه طيب
ونصيحة اخو لأخوه ابتعد عن الابل المستورده مهما كان
ما فيه مثل البلدي او البري
tosulait
07/07/2007, 12:41 PM
اخوي , خاشقجي والموجودين جزاكم الله كل خير;) , اتعرفون يا اخواني ان المملكه تستورد سنويا هي والامارات 60 الف راس جمل استرالي , وان تكلفه الجمل في استراليا الي عمره من 2الى 3 سنين 1000 ريال واصل للخليح :confused: , انا حبيت اعرف الموجودين ان في كثير من الابل الاستراليه تنباع للحم بس نحن مانعرفها , واسأل وشوف يا خاشقجي وأذا تبي الدليل افتح هالرابط وانت بتشوف .:no: بس تجار ابلنا مايخبرون الناس ان الي عندهم استرالي , والابل السودانيه اغلى انها تنباع حيرانها للحم .
http://www.livestockweekly.com/papers/97/06/05/5camels.html

وهذا موقع الشركه في استراليا
http://www.camelsaust.com.au/liveintro.htm
راعي الروضة
11/07/2007, 12:53 AM
يا(توسولايت ) والله ان اسمك صعب ماعرفته بس انت سألت وانت جاوبت على نفسك
أبومبارك.
12/07/2007, 08:34 AM
يا أخوان اخوي بيتزوج وأبي اشتري حيران العشاء , حد ممكن يعطيني اسعار الحيران حسب اعمارها ونوعها في السعوديه , مابي ينضحك علي يا أخواني ...؟؟؟ وهل صج في جمال استراليه مستورده وسعرها أرخص حد يفيدني
الفززززززززعه يالرببببببع
مت به أطيب من مفاريد المجاهيم وسعرها من4500وفوق لكن تستاهل وتبيض الوجه.
التام
14/07/2007, 07:32 AM
تسلايت وانا اخوك روح يم الحراج وتلقى حشو طيب الحمر عندنا في الحجاز من 2600 الى 3100 اما عن الابل الاستراليه انا بعت واشتريت فى الابل لم اسمع بالابل الاستراليه ابدن التجار يستوردون الابل السودانيه والصوماليه اما الاستراليه ممكن لحم بس اما ابل فهذا غير صحيح لاحترامي لاخواني

تقبلو تحيات اخوكم ...............التام
tosulait
15/07/2007, 09:44 AM
جزاكم الله كل خير و انا حبيت اتبادل النقاش مع اخواني الاعضاء , وكل معلوماتكم مفيده يالربع