حقيقه تزاوج الصقور

[وقاااااد]

السلام عليكم ورحمه الله وبركاته
صباح / مساء الخير
حبيت اطرح هالموضوع تزاوج الصقور لمعرفه الحقيقه والإستفاده منها نضرا لإختلاف وجهات نظركثير من الصقاقير:
البعض يقول الطيور كلها اناثي ويلقحها الشبوط 0
والبعض الآخر يقول ذكر الصقور هو المثلوث من كل فصيله 0
والبعض يقول كل نوع فيه ذكر وانثى0
وحنا ضايعين في الطوشه وننتضر منكم الحقيقه :confused:

[الوافي عزام]

هلا بك

وان شاء الله ما احد يضيع بالطوشه

ومعروف ان الحرار اناثي وذكورها المثاليث
والشياهين اناثي وذكورها التبوع
والوكارى نفس الشياهين تبوعها الذكور

لاكن بعض الناس يسمي الذكور شبابيط وهي اللي ضيعت الناس بالطوشه على قولك بس ويروح بالهم للشبوط المعروف اللي مهوب من فصيلة الصقور

وبالتوفيق

[صوعان]

غير صحيح هذي معلومه قديمه ومتداوله

والصحيح ان انثى الحر اكبر حجم من الذكر ...

والحر ذكر وانثى والتفريق بينهن صعب الا في حاله الفحص عند المستشفى يحدد لك النوع

كذلك الشياهين ماتقدر تفرق بين الذكر والانثى الا با الفحص عند مستشفى الطيور الرياض مخرج 9

[عـــرادي]

وقاااااد
تحيه طيبه وبعد
كل فصيله من الطيور فيها ذكر وانثى
الحر التام انثى والمثلوث ذكر والربع ذكر
الشاهين فيها انثى وذكر
والوكري كذلك ذكر وانثى
القاعدة (تملى عينك انثى ما تملى ذكر )
والبعض يميز الذكر والانثى من خلال الاوزان
الحرار الانثى من 900 إلى 1300 جرام
الذكر من 750 إلى 890 جرام ( في حاله الطير الصنيع ، العديد )
مع خالص تحياتي
عرادي

[أبو جسار]

يعطيك العافيه على الموضوع المميز

ومنكم نستفيد

[وقاااااد]

الوافي عزام كلام سليم ويعطيك العافيه على المرور0:good:

*****
صوعان بيض الله وجهك على الرد الجميل وهذا الكلام نسمعه دائما من الصقاقير وانا قد سألت الصقار خالد العويدي وقالي نفس كلامك ويقول مستشفيات التفريخ ياخذون الجينات من الطير اللي عمره فوق خمس سنوات لإن الطير اللي تحت سن الخامس مايبيض والله اعلم 0 :good:
*****

عرادي تسلم يالغالي على الرد والإجابه المفصله 0 :good:

*****
فديت حبك حياك الله ونشاء الله نستفيد جميعا لإني ماكتبت هالموضوع إلى وابي الأعضاء يستفيدون من صقاقير مكشات 0 :good:

[قلب شاهين]

وعليكم السلام ورحمة الله وبركاتة ،،

الأخوان أفادوك ومشكور على هذا الموضوع وبيض الله وجهك ،،

بارك الله فيك ،،

[صارووم]

وعليكم السلام ورحمة الله وبركاتة
أهلين أخوي وقاااااد .. أشوف ان الشباب ماقصروا
الله يعطيهم العافيه
ولاهنت

[حزام سبيع]

يعطيكم العافيه كل ابوكم

[وقاااااد]

صقار القصيم
الله يعطيك العافيه على المرور وماقصرت

*****
صاروم
مشكور وتسلم ياالغالي وجهك ابيض

*****
عفريب
الله يعافيك ويطول عمرك

[عـــرادي]

الوافي عزام كلام سليم ويعطيك العافيه على المرور0:good:

*****
صوعان بيض الله وجهك على الرد الجميل وهذا الكلام نسمعه دائما من الصقاقير وانا قد سألت الصقار خالد العويدي وقالي نفس كلامك ويقول مستشفيات التفريخ ياخذون الجينات من الطير اللي عمره فوق خمس سنوات لإن الطير اللي تحت سن الخامس مايبيض والله اعلم 0 :good:
*****

عرادي تسلم يالغالي على الرد والإجابه المفصله 0 :good:

*****
فديت حبك حياك الله ونشاء الله نستفيد جميعا لإني ماكتبت هالموضوع إلى وابي الأعضاء يستفيدون من صقاقير مكشات 0 :good:


تسلم وقاااااااد
بس حبيت اضيف تعليق بسيط

وهو ان الطير يبيض ويتزاوج من عمر بكر وما فوق

والشبوط هو الذكر من الطيور وهذا معروف في نجد وما خوذ الاسم من فصل شباط وهو المعروف
بتزاوج الطيور فيه
وتقبل خالص تحياتي
عرادي

[وقاااااد]

عرادي مشكوووووووور على الإضافه 0
عندي استفسار بسيط إذا حطيت مثلوث وحر تام وربطتها سنه كامله طلق هل يحصل تزاوج وتبيض عندي ولالا:confused:
اخوكم
ابوبندر

[عـــرادي]

وقااااااد
الله اعلم يمكن يتزاوجن ويمكن لا
انا الطيور اللي عندي قبل 12 سنه
جبت ام وكريه ومعها فروخها وهن صغار مررره
وحطيت الام مع فروخها في عشه ولها عش فيه الفروخ
وكانت الام تعلف الفروخ حتى كبرت وبعد كم سنه جبت
أحد الفروخ وهو ذكر وحطيته مع الام في ((نفس العش ))
وهو يعرف العش وهي كذلك وبحمد الله تم التزاوج وفي العام الذي يليه
حطيت الذكر مع أحد خواته وتم التزاوج بينه بين اخته وقبل العام حطيت نفس الذكر
الذي تعود على التفريخ مع انثى حر وبدا الذكر يدعيها لتزاوج وتزاوجن
والسنه الجايه انشاء الله راح اشيل الذكر واحط حر مثلوث
مع الانثى التي فرخه السنه هذي ، ونرجي الله خير
السنه هذي حطيت مثاليث حرار مع اناثي حرار
بس غير متعودات على العشه والتفريخ
ولم ينتج شي ارجو ان اكون افدتك
وهذا مو معناه انك ما تحاول بالعكس حاول والله يوفقك
وتقبل خالص تحياتي
عرادي

[أبو رداد]

99% من النادر والكامل يكونون اناث الاماندر
99% من المثلوث والمحقور يكونون ذكور الاماندر
50 % من اللزيز ذكور و50% من اللزيز اناث
هذا كلام علمي ومثبت
ولغرض التعرف اكثر على التسميات والاحجام
تفضل الى هذا الرابط
http://www.mekshat.com/vb/showthread.php?t=74682

[وقاااااد]

عرادي
لاهنت على التوضيح وما قصرت وانشاءالله بنجرب والله يوفق0

*****

ابو رداد
بيض الله وجهك على المرور والمعلومات العلميه وانا اعتبرك مدرسه صقاره لحالك 0

تحياتي
ابو بندر