طيرحوران
07/07/2007, 11:47 AM
بسم الله الرحمن الرحيم
السلام عليكم وحمة الله وبركاته
وعد الحر دين عليه وكما وعدكم بأن أسرد عليكم قصة طرح الطير الفرخ الذي تم طرحه بمحافظة الغاط
ولعل هدفي ليس فقط معرفت كيف طرحت الطير وإنما للتأكيد ان الأرزاق بيد الله سبحانه وتعالى قال تعالى (وَفِي السَّمَاء رِزْقُكُمْ وَمَا تُوعَدُونَ ) (22) (الذاريات)
في يوم الجمعة الموافق 23 / 9 / 1427هـ ويعتبر اول الوقت وكالعاده نذهب على مكان فسيح لدعو الطيورمن شلو وفك حمام وغيره وتجهيزالطيور للصيد
وسبحان الله المكان لا يخلو من اهل الطيور حيث يعتبر مجمع لنا ومن النادر او المستحيل ان تخرج ولا تجد أحد فدائما نخرج ونجد اناس يدعون مما نضطر إلى انتظارهم حتى ينتهوا من دعو طيورهم وبعدها نبداء بدعو طيورنا والعكس صحيح من سبق لبق وكالعاده نادرا مااخرج لوحدي بل يكون مع احد اصدقائي ولآخرون على سيارتهم .
في ذلك اليوم اتصلت على صديقي ومارد علي واكرر الأتصال مرة اخرى ولم يرد علي .وكان عندي احد اخواني من سكان الرياض وواجهته ظهيرة ذلك اليوم وعرضت عليه الذهاب للمدعى والأفطار هناك وانهم سوف يأتون اللي اثنين من اصدقائي من المحافظات المجاورة للإفطار سويا فوافق على ذلك وقال إذا بغيت تروح مرني اروح معك .قلت خير إن شاءا لله .المهم
يوم حملت اغراضي وطيوري ومعي ولدي سعد وبقى على المغرب حوالي الساعتين والمدعي بعيد شوي .سبحان الله دق علي اخوي بوقتها يعتذر عن الذهاب معي لضرف حصله وقلت خير إن شاءالله . ذهبت إلى المدعى وتوجهت على مكان معين أدعي فيه طيوري وبنفس الوقت انتظر رفاقي من المحافظة الأخرى .مع جير شاهين تبع اسود وهذا ماادعيه افك له حمام اريح لي واريح له ومعي طير منغولي كذلك له سالفه بعد لكن بخليها بعدين . نزلت من السيارة واخذت هذيك الحمامة الحليله وافكها وافك الجير عليها وابدا اتبعهم بالسيارة من هنا تبداء الخرشه !!!!!!!!!
المهم وانا اتابعهم إلا يوم شفت الحمامه تغير طياره وكذلك الجير بداء يبعد عن الحمامه وكأنه مايرغبها المهم الحمامه جت حاذفه عمرها على السيارة مادريت إلا هذاك الطير المزيزون اعترض قدامي وحول على الحمامة وكبسها بالأرض كبسه نثر منها الريش وجاه الجير وصوت السيارة وقربت له ولا الطير وحش وانا كنت اول ماشفتها أحسبه طير شيوخ والاامير وجاي يدعي طيوره وخربت انا عليهم يعني في لحظات مرور الطير من قدامي على طول راح تفكيري على انه طير بيتي ولكن يوم شفت الطير وحش يوم زاغ عقلي بحل يالحباره والله ماتنخرش مثل ماتنخرش إذا شفت الوحش قدامك عموما الوحش على طول طار ووكر على بعد 200م تقريبا وعينه على الحمامه والحمامه هد عليها الجير وقضبها وبعد مارسمت مكان الوحش نزلت بسرعه على الجير واشيله هو وحمامته واجدعه بالسياره بدون رحمه وانزع منه الحمامه وابرقعه وقلت ماني فاضيلك الحين .
قلت لسعد بسرعه عطني حمامه من الشبك واجهز الشبكه واحطها بظهر الحمامه وانتف من الحمامه شوي قلت لا تقلعه عني بعيد وابلش يروح الوحش وحمامته .
المهم جهزت الحمامة وشبكتها وعين على الوحش والعين الثانية على طريق اخويياي اللي يبون يجون أخاف يذيرون الوحش بسيارتهم وهم مايعرفون يمشون شوي شوي ولا هم اهل طيور .بلشت بلشتين المهم اللي مكتوب لك والله مايروح.
مريت من قدام الوحش على بعد تقريبا 150متر وانا امشي تقريبا اربعين واناا حذف الحمامه وتطير الحمامه وتروج فوق الوحش ولا اعارها أي اعتبار انا ذهبت بعيدا واناظره بالدربيل ومافيه فايده والحمامه طبت عنه تقريبا 100 متر وقامت ترعى والله مادرت عنه وقالت هذا رخمه والمهم هو يشوف الحمامه ولا بغاها ومثل ماقلتلكم المكان مافيه احد ابد إلا إذا كان بعيد جدا الحين مابقى على المغرب إلا ربع ساعة وانا احاول به الوحش مادريت إلا قرشعت سيارة أخويياي جايين وانا الآقيهم بالسياره خوف من الوحش انه يذير وعموما ترى الوحش مااستقر في مكان كل شوي يطير ويغير موقعه وإذا طار مايقل عن 200إلى 300 متر وتعرف طير وحش لا زم عينك عليه على طول ولا يخلف الله .وقفت اخوياي وقلتلهم السالفة وقالو والله يابو سعد مانعرف نخاف نخرب عليك وشرايك تعطينا الفطور وتكمل محاولتك فيه وحنا نبي ندعيلك الله انه يكون من نصيبك قلت اللي تشوفونه .
رجعت للوحش واخذت حمامه منتوفه ماتطير وحذفتها قدامه على بعد 100 متر قلت لعل وعسى لأنني صراحه ايست منه ولا خليت ولا محاوله الوقت يداهمني واذن المغرب وانا افكر ليش مايهد على الحمام طيار ولا بالأرض وشلون هد علي اول مره قلت مافيه إلا الحل الأخير أهد طيري الثاني على الحمامه بالأرض لعله يهد .
ابعدت عن الوحش والحمامه وخليت الوحش يكون بيني وبين الحمامة بمسافة تقريبا 200 متر واخذت الطير المنغولي وركبت الريشه وفرعت به على الوحش والحمامه سوا وهديته هد الطير وتوجه للوحش ونشه وخلاه وراح للحمامة الوحش يوم شاف الطير هد على الحمامة ونشه بعد قال والله ماتروح يالبيتي ومكسوره عينك بعد هد على الوحش على البيثتي وتقاضبن واجيك امشي مليون وانزل من السيارة إلا الوحش خلص نفسه وهج بعمره بس ماأبعد الوقت يداهمني وبدا الظلام قلت المحاوله الأخيرة ان نفعت ولا امرحه واجيه الفجر وأجيب معي جرابيع وسمان .
أخذت الحمامه الميته اللي ذبحها البيتي واحطها قدام الوحش بنفس المسافة واروح اهد البيتي بنفس الطريقة وينش الوحش ويروح للحمامة ماوصل الحمامة الا الوحش معه ويتقاضبن واجيك امشي مليونين المشكله ان الوحش يطرح البيتي لكن هذه المره تقل ان البيتي درى اني ابيه وقال والله ان تبشر به ويطرح يالربع طرحه غريبة جدا كأنه يقول تعال امسكه حاول الوحش الفرار ولكن باءت بالفشل والله وانا انزل من السياره بسرعه واجيك واضف الوحش مع سيقانه و فك البيتي منه وجدعه على حمامته وقوله لا تخلي بها شيء اليوم نبي نكرمك .
وانا ماسك الوحش واقوله كانك تقول اني وحش واني واني فك عمرك مادريت إلا يوم قرطني مع اصبعي ذيك القرطه لكنها عسل والله وانا ابرقعه ببرقع البيتي وامهده يوم جو الربع اللي كانو يفطرون ويباركون على الصيده .
المهم رحت انا وافطرت وصليت وحمد الله وعينت خير واتفرغ للوحش واركب فيه سبوق وكلم الربع وابلغهم عن الطير ومواصفاته
وهو طير حر 17*17 أشعل راسه كاشف وصافي ممسوح العمد وفى ارضية وبوز وثنداته طيبه بالحيل مغلق من الصنعة وبنفس اليوم يروح للرياض ويباع 150000 الف ريال صافي واشتراه الأمير تركي بن محمد بن سعود على مااعتقد عن طريق الأخ زياد الحربي .
الطير صقره واحد من الربع من صقاقير الأمير وصاد ثلاث مع الأمير واهداه الأمير على ضابط كويتي على مااعتقد واليكم الصور وكل صوره مكتوب تعليقها تحتها
آمل انا تحوز القصة على رضاكم والحمد لله ربع العالمين
http://www.mekshat.com/pix/upload/images40/mk8577_44444.jpg
هذا الوحش وهو بالخلا مابعد طرح واعذروني من القهر تراي صرت اصور بالجوال الوحش وعينه على الحمامة
http://www.mekshat.com/pix/upload/images40/mk8577_2222.jpg
هذا بعد ماجينا من المدعى وقد حل ضيفا عندي في البيت شوفوا ارضيته
http://www.mekshat.com/pix/upload/images40/mk8577_33333.jpg
شوفوا ظهر الطيروعمد الذنيبا
http://www.mekshat.com/pix/upload/images40/mk8577_(001).jpg
هذا بعد ماازحنا الستار عن وجهه غثنا وبهذلنا حسبي الله عليه
وختاما الله يوفق البايع والشاري ويستر على الطير ومن هو تحت ملكه
والسلام
السلام عليكم وحمة الله وبركاته
وعد الحر دين عليه وكما وعدكم بأن أسرد عليكم قصة طرح الطير الفرخ الذي تم طرحه بمحافظة الغاط
ولعل هدفي ليس فقط معرفت كيف طرحت الطير وإنما للتأكيد ان الأرزاق بيد الله سبحانه وتعالى قال تعالى (وَفِي السَّمَاء رِزْقُكُمْ وَمَا تُوعَدُونَ ) (22) (الذاريات)
في يوم الجمعة الموافق 23 / 9 / 1427هـ ويعتبر اول الوقت وكالعاده نذهب على مكان فسيح لدعو الطيورمن شلو وفك حمام وغيره وتجهيزالطيور للصيد
وسبحان الله المكان لا يخلو من اهل الطيور حيث يعتبر مجمع لنا ومن النادر او المستحيل ان تخرج ولا تجد أحد فدائما نخرج ونجد اناس يدعون مما نضطر إلى انتظارهم حتى ينتهوا من دعو طيورهم وبعدها نبداء بدعو طيورنا والعكس صحيح من سبق لبق وكالعاده نادرا مااخرج لوحدي بل يكون مع احد اصدقائي ولآخرون على سيارتهم .
في ذلك اليوم اتصلت على صديقي ومارد علي واكرر الأتصال مرة اخرى ولم يرد علي .وكان عندي احد اخواني من سكان الرياض وواجهته ظهيرة ذلك اليوم وعرضت عليه الذهاب للمدعى والأفطار هناك وانهم سوف يأتون اللي اثنين من اصدقائي من المحافظات المجاورة للإفطار سويا فوافق على ذلك وقال إذا بغيت تروح مرني اروح معك .قلت خير إن شاءا لله .المهم
يوم حملت اغراضي وطيوري ومعي ولدي سعد وبقى على المغرب حوالي الساعتين والمدعي بعيد شوي .سبحان الله دق علي اخوي بوقتها يعتذر عن الذهاب معي لضرف حصله وقلت خير إن شاءالله . ذهبت إلى المدعى وتوجهت على مكان معين أدعي فيه طيوري وبنفس الوقت انتظر رفاقي من المحافظة الأخرى .مع جير شاهين تبع اسود وهذا ماادعيه افك له حمام اريح لي واريح له ومعي طير منغولي كذلك له سالفه بعد لكن بخليها بعدين . نزلت من السيارة واخذت هذيك الحمامة الحليله وافكها وافك الجير عليها وابدا اتبعهم بالسيارة من هنا تبداء الخرشه !!!!!!!!!
المهم وانا اتابعهم إلا يوم شفت الحمامه تغير طياره وكذلك الجير بداء يبعد عن الحمامه وكأنه مايرغبها المهم الحمامه جت حاذفه عمرها على السيارة مادريت إلا هذاك الطير المزيزون اعترض قدامي وحول على الحمامة وكبسها بالأرض كبسه نثر منها الريش وجاه الجير وصوت السيارة وقربت له ولا الطير وحش وانا كنت اول ماشفتها أحسبه طير شيوخ والاامير وجاي يدعي طيوره وخربت انا عليهم يعني في لحظات مرور الطير من قدامي على طول راح تفكيري على انه طير بيتي ولكن يوم شفت الطير وحش يوم زاغ عقلي بحل يالحباره والله ماتنخرش مثل ماتنخرش إذا شفت الوحش قدامك عموما الوحش على طول طار ووكر على بعد 200م تقريبا وعينه على الحمامه والحمامه هد عليها الجير وقضبها وبعد مارسمت مكان الوحش نزلت بسرعه على الجير واشيله هو وحمامته واجدعه بالسياره بدون رحمه وانزع منه الحمامه وابرقعه وقلت ماني فاضيلك الحين .
قلت لسعد بسرعه عطني حمامه من الشبك واجهز الشبكه واحطها بظهر الحمامه وانتف من الحمامه شوي قلت لا تقلعه عني بعيد وابلش يروح الوحش وحمامته .
المهم جهزت الحمامة وشبكتها وعين على الوحش والعين الثانية على طريق اخويياي اللي يبون يجون أخاف يذيرون الوحش بسيارتهم وهم مايعرفون يمشون شوي شوي ولا هم اهل طيور .بلشت بلشتين المهم اللي مكتوب لك والله مايروح.
مريت من قدام الوحش على بعد تقريبا 150متر وانا امشي تقريبا اربعين واناا حذف الحمامه وتطير الحمامه وتروج فوق الوحش ولا اعارها أي اعتبار انا ذهبت بعيدا واناظره بالدربيل ومافيه فايده والحمامه طبت عنه تقريبا 100 متر وقامت ترعى والله مادرت عنه وقالت هذا رخمه والمهم هو يشوف الحمامه ولا بغاها ومثل ماقلتلكم المكان مافيه احد ابد إلا إذا كان بعيد جدا الحين مابقى على المغرب إلا ربع ساعة وانا احاول به الوحش مادريت إلا قرشعت سيارة أخويياي جايين وانا الآقيهم بالسياره خوف من الوحش انه يذير وعموما ترى الوحش مااستقر في مكان كل شوي يطير ويغير موقعه وإذا طار مايقل عن 200إلى 300 متر وتعرف طير وحش لا زم عينك عليه على طول ولا يخلف الله .وقفت اخوياي وقلتلهم السالفة وقالو والله يابو سعد مانعرف نخاف نخرب عليك وشرايك تعطينا الفطور وتكمل محاولتك فيه وحنا نبي ندعيلك الله انه يكون من نصيبك قلت اللي تشوفونه .
رجعت للوحش واخذت حمامه منتوفه ماتطير وحذفتها قدامه على بعد 100 متر قلت لعل وعسى لأنني صراحه ايست منه ولا خليت ولا محاوله الوقت يداهمني واذن المغرب وانا افكر ليش مايهد على الحمام طيار ولا بالأرض وشلون هد علي اول مره قلت مافيه إلا الحل الأخير أهد طيري الثاني على الحمامه بالأرض لعله يهد .
ابعدت عن الوحش والحمامه وخليت الوحش يكون بيني وبين الحمامة بمسافة تقريبا 200 متر واخذت الطير المنغولي وركبت الريشه وفرعت به على الوحش والحمامه سوا وهديته هد الطير وتوجه للوحش ونشه وخلاه وراح للحمامة الوحش يوم شاف الطير هد على الحمامة ونشه بعد قال والله ماتروح يالبيتي ومكسوره عينك بعد هد على الوحش على البيثتي وتقاضبن واجيك امشي مليون وانزل من السيارة إلا الوحش خلص نفسه وهج بعمره بس ماأبعد الوقت يداهمني وبدا الظلام قلت المحاوله الأخيرة ان نفعت ولا امرحه واجيه الفجر وأجيب معي جرابيع وسمان .
أخذت الحمامه الميته اللي ذبحها البيتي واحطها قدام الوحش بنفس المسافة واروح اهد البيتي بنفس الطريقة وينش الوحش ويروح للحمامة ماوصل الحمامة الا الوحش معه ويتقاضبن واجيك امشي مليونين المشكله ان الوحش يطرح البيتي لكن هذه المره تقل ان البيتي درى اني ابيه وقال والله ان تبشر به ويطرح يالربع طرحه غريبة جدا كأنه يقول تعال امسكه حاول الوحش الفرار ولكن باءت بالفشل والله وانا انزل من السياره بسرعه واجيك واضف الوحش مع سيقانه و فك البيتي منه وجدعه على حمامته وقوله لا تخلي بها شيء اليوم نبي نكرمك .
وانا ماسك الوحش واقوله كانك تقول اني وحش واني واني فك عمرك مادريت إلا يوم قرطني مع اصبعي ذيك القرطه لكنها عسل والله وانا ابرقعه ببرقع البيتي وامهده يوم جو الربع اللي كانو يفطرون ويباركون على الصيده .
المهم رحت انا وافطرت وصليت وحمد الله وعينت خير واتفرغ للوحش واركب فيه سبوق وكلم الربع وابلغهم عن الطير ومواصفاته
وهو طير حر 17*17 أشعل راسه كاشف وصافي ممسوح العمد وفى ارضية وبوز وثنداته طيبه بالحيل مغلق من الصنعة وبنفس اليوم يروح للرياض ويباع 150000 الف ريال صافي واشتراه الأمير تركي بن محمد بن سعود على مااعتقد عن طريق الأخ زياد الحربي .
الطير صقره واحد من الربع من صقاقير الأمير وصاد ثلاث مع الأمير واهداه الأمير على ضابط كويتي على مااعتقد واليكم الصور وكل صوره مكتوب تعليقها تحتها
آمل انا تحوز القصة على رضاكم والحمد لله ربع العالمين
http://www.mekshat.com/pix/upload/images40/mk8577_44444.jpg
هذا الوحش وهو بالخلا مابعد طرح واعذروني من القهر تراي صرت اصور بالجوال الوحش وعينه على الحمامة
http://www.mekshat.com/pix/upload/images40/mk8577_2222.jpg
هذا بعد ماجينا من المدعى وقد حل ضيفا عندي في البيت شوفوا ارضيته
http://www.mekshat.com/pix/upload/images40/mk8577_33333.jpg
شوفوا ظهر الطيروعمد الذنيبا
http://www.mekshat.com/pix/upload/images40/mk8577_(001).jpg
هذا بعد ماازحنا الستار عن وجهه غثنا وبهذلنا حسبي الله عليه
وختاما الله يوفق البايع والشاري ويستر على الطير ومن هو تحت ملكه
والسلام