قصه وقصيده قصيره لنمر العدوان

[المزوحي]

السلام عليكم ورحمه الله وبركاته


كان هذا الرجل فارس معروف على مستوى العرب والبدو عموما ومشهور بشجاعته وعنده ربع كثيرين ... وقد سمع بجمال فتاة
ونوى الاتجاه صوبها لغرض رؤيتها ... فذهب اليها ومعه احد الشباب الذين يعملون عنده (وفي روايه الشاب كان ابنه)
فعندما رئتهما وكعادة العرب قالت يالله حيهم وقالت لنمر العدوان عزب خويك لانها توقعت ان الشاب هو الامير لان مظهره الطف
فقالت له افرش الفرش واعطته الفاس ليحطب ويعلق النار ... فقال نمر العدوان قصيده ظلت تتناقل الى يومنا ...


يابنت يلي على ايدك نقاريش ..... امر الله البادي وامرك على الراس
لو ردتني فراش افرش مفاريش .... ولو ردتني حطاب اعطيني الفاس
لايعجبك بالفرخ صفوة الريش ... طير الحباري يااريش العين قرناس
الفرخ ليا ضرب ياخذ الريش ... والقرناس ليا ضرب يشلع الراس



القصه منقوله مادري من وين اخوكم المزوحي :)

[أبو جسار]

يعطيك العافيه ومشكور على الموضوع المميز
والقصيدة الرائعة

[winchester]

تسلم أخوي على القصه والقصيده نمر بن عدوان شاعر وفارس معروف

دمـت بود

[فزااع]

يعطيك العافيه اخوي ونمر بن عدوان معروف بشعره وفروسيته

[الوافي عزام]

الله لايهينك

وقصيده جميله

وشكرا لك

[أبو رداد]

عليها اسلوبي .... عليها طابعي ...
ههههههههههه
الله يحيك يالمزوحي
المفروض احذف الموضوع لانه منقوووول
ومكشات ينقل منه ولاينقل اليه
لكن االقصه حلوه وكاتبها مكشاتي اصلي
هههههههه
راح اتركها ومشكور على النقل
والسلام

[المزوحي]

فديت حبك

مشعل ابو تركي


فزااع


الوافي عزام


الله لا يهينكم ومشكورين على الردود

[قلب شاهين]

مشكور على النقل الرائع ،،

لكن البيت الي قبل الأخير فيه غلط شوي ،،
لايعجبك بالفرخ صفوة الريش ... طير الحباري يااريش العين قرناس

الصحيح
الفرخ لا يعجبك في صفة الريش ** طير الحباري يا اريش العين قرناس

والسموحة على الأطالة ،،

والي قالة ابن حثلين شيخ العجمان ونعم فيه وبالعجمان ،،

[المزوحي]

ابو رداد اللى متاكد منه انا انها موجوده


على جهازي من زمان وغير كذا اخلى مسؤليتي :D


وشاكر سعه صدرك ودعمك للاعضاء



اخوك المزوحي :)

[المزوحي]

اخوي صقار القصيم انا اذكر حصل اختلاف

في اللى قايل القصيده لكن الاغلبيه كانت تقول لنمر بن عدوان


ومشكور على التعديل بعدين انا مخلى مسؤليتي وسأل ابورداد



اخوك المزوحي :)

[بوعوف]

وعليكم السلام ونعم فيك وفي نمر بن عدوان والقصيدة جميله جدا ومشكوور وما تقصر اخوك(بوعوف)

[المزوحي]

ماعليك زود اخوي بو عوف


وانت اجمل شاكر مرورك


اخوك المزوحي

[وقاااااد]

المزوحي بيض الله وجهك على السالفه والقصيده ولاكن حسب معلوماتي ان هاذي القصه والقصيده لراكان بن حثلين :no2:

وهاذي كم بيت من القصيده :

يازين يالي في ذراعك نقاريش && الحكم حكم الله وامرك على الراس

ان ردتني حشاش سيد الحواشيش && وان ردتني حطاب قربلي الفاس

وان ردتني خيال أروى المرابيش && نثني عليهم يوم الارياق يباس

والفرخ لا يغويش في صفت الريش && طير الحباري يريش العين قرناس

تقبل مروري
ابو بندر

[وكري2007]

مشكور أخوي على القصه والقصيده والله يعطيك العافيه

[راعي مسكت]

المزوحي بيض الله وجهك على السالفه والقصيده ولاكن حسب معلوماتي ان هاذي القصه والقصيده لراكان بن حثلين :no2:

وهاذي كم بيت من القصيده :

يازين يالي في ذراعك نقاريش && الحكم حكم الله وامرك على الراس

ان ردتني حشاش سيد الحواشيش && وان ردتني حطاب قربلي الفاس

وان ردتني خيال أروى المرابيش && نثني عليهم يوم الارياق يباس

والفرخ لا يغويش في صفت الريش && طير الحباري يريش العين قرناس

تقبل مروري
ابو بندر:good: :good: :good: :good: كلامك مضبوط لراكان بن حثلين

[fhd97]

كان الشيخ راكان في أواخر أيامه وقد بلغ من الكبر عتيا فحصل ذات مرة أن خرج هو ومعه شاب في عنفوان شبابه من أبناء قبيلته العجمان خرج الاثنان لأمر ما . . . وأدركهما التعب فأرادا أن يستريحا , فإذا هما يريان على بعد بيتاً , فلما اقتربا من البيت إذا هو خالٍ من الرجال وليس به سوى امرأة , فتعاند الشيخ راكان ورفيق سفره من باب الطرفة , فقال الشاب للشيخ : أراهنك على أن الفتاة سوف تجلسني وتأمرك أنت بصنع القهوة ظنا منها أنني أنا الشيخ . . . فأجابه راكان : إذا كانت تستطيع التمييز فستأمرك أنت وتجلسني , فاتفقا على ألاَّ يخبراها بشيء ويتركاها تتصرف بحرية تامة , وكعادة بنات البدو لما نزل الضيفان استقبلتهما ببشاشة وفرشت لهما للجلوس , فالبدوية تقوم بواجب الضيافة في غياب زوجها أو والدها حفاظاً على سمعته
المهم أنها أخذت برهة تدقق بوجهي الضيفين وتفكر . . . ثم أحضرت الفأس ورمته على الشيخ راكان وقالت له : قم واحطب وشب النار ((لمعزبك)) أي عمك أو سيدك وصلح له القهوة
التفت الشيخ راكان للشاب وأشار له بالسكوت كما اتفقا وأخذ الفأس وجمع الحطب وأوقد النار وصنع القهوة . . . هذا كله والشاب جالس لا يحرك ساكناً , امتثال لأمر الشيخ راكان ولما انتهى من صنع القهوة حمل الدلة وصب للشاب حتى انتهى ثم جلس وشرب والمرأة تنظر إليهما . . . فلما فرغ الشيخ راكان من احتساء قهوته التفت ناحيتها وأنشد يقول مخاطباً الفتاة


القصيدة تقول

يازين ياللي في ذراعك نقاريش && الحكم حكم الله وحكمك على الراس

ان شيتني حشاش سيد الحواشيش && وان شيتني حطاب قربلي الفاس

وان شيتني خيال أروى المعاطيش && نثني وراهم يوم الارياق يباس

لا يغرك الفرخ بصفة الريش && طير الحباري يريش العين قرناس


وبعد ذلك عرفت الفتاه بان من يخاطبها هو الشيخ راكان وقالت ادخل على الله منت الشيخ راكان؟
اخوكم فهد

[المزوحي]

وقاااااد

الله لا يهينك على التوضيح
وانا وضحت انه حصل اختلاف على قايل القصيده

وكري 2007


مشكور على المرور


راعى مسكت


تسلم والله لا يهينك


fhd97


تسلم على التوضيح وعلى المرور



اخوكم المزوحي:)

[حزام سبيع]

يعطيكم العافيه
استانست لماقريتها

[المزوحي]

عفريت جعل ايامك كلها وناسه وفرح


لا هنت على المشاركه


اخوك المزوحي :)

[ابن حصوان]

هذي القصيده لراكاننننننن

[ابرق العزاف]

القصه والابيات لراكان بن حثلين

بدون جـــــــــــدال
ومؤكده

حفظا للحقوق والابيات المنقوله مكسره وملعوب فيها

[المزوحي]

ابن حصوان

شاكر مرورك وتعقيبك

اخوك المزوحي :)

[المزوحي]

اخوي ابرق العزاف


شاكر مرورك وتعقيبك


اماالقصيده انا كاتب فوق انها منقوله وصارفيها اختلاف منهو اللى قايل

القصيده اما الجدال اللى تقول عنه ما احد جادل في الموضوع

كل واحد من الاعضاء اللى ردو وضح ان قايل القصيده راكان بن حثلين وانا ما انكرت عليه

والحفظ ان شالله انها محفوظه ولا احد تعدا عليها الموضوع

انها قصيده قديمه وكثير القصايد اللى يختلفون الناس على شاعرها

واعجبتنا ونقلناها نبي نوسع صدور الاعضاء بقراءة القصيده



اخوك المزوحي:)

[peregrine]

خوي المزوحي الله لايهينك


قصيدة رائعة


الله يعطيك العافية

[الغزال الشارد]

مشكور أخوي على القصه والقصيده والله يعطيك العافيه

[fhd97]

السلام عليكم
مافيه ان شاء الله اختلاف وجدال كله من احباب الى احباب
هههههههههه المزوحي ابتلش بس كيف تقول ان القصيده لك ههههههههههههههه
امزح معك وبيض الله وجهك على النقل ووسع الصدر
اخوك فهد

[المزوحي]

خوي المزوحي الله لايهينك


قصيدة رائعة


الله يعطيك العافية

اخوي peregrine


انت اروع لا هنت ويعطيك الف عافيه



اخوك المزوحي :)

[المزوحي]

مشكور أخوي على القصه والقصيده والله يعطيك العافيه






الغزال الشارد



العفو ومشكور على المرور



اخوك المزوحي:)

[المزوحي]

السلام عليكم
مافيه ان شاء الله اختلاف وجدال كله من احباب الى احباب
هههههههههه المزوحي ابتلش بس كيف تقول ان القصيده لك ههههههههههههههه
امزح معك وبيض الله وجهك على النقل ووسع الصدر
اخوك فهد

fhd97

انت الظاهر تبي تنكبني الرجال نسى وانت تبي تذكره :D


وجهك ابيض اخوي والله لا يهينك


اخوك المزوحي:)