تعال طلعنا منها ...... (ورطة اعمق من دحل العجاجي )!! #6

[الصحاري-KING]

السلام عليكم ورحمة الله وبركاته



وعدنا مجددا





اولاً احب امسي (واللي مادخل الموضوع الا بكرة)/ اصبح على الجميع بالخير واقول اني افقتدت الجميع ومانصبر عنكم ولذلك كانت العودة اسرع


ومن عادتي اني احب اشارك اخواني في المنتدى بما في جعبتي من مواضيع-لان لي مدة عن الموقع واشوف الاعضاء الجدد اللي كاثرين هاليومين- اتمنى انها تكون طريفة ونزيهه وتبرد من الحر شوي -ما فيه امل-



وانا والله رجال ما قد تعديت بقالة ابو سعد اللي جنب المسجد ومالي في الابل والاباعر ولا الفياض والخباري ولا اقدر اتكلم عن النباتات البرية مثلاً ...........

لان خبرتي فيها مثل خبرة جدتي بتخصيب اليورانيوم:rolleyes: .............



وش اكتب؟؟ وش اسوي؟؟:confused: قلت يا رجال مالي الا اني اعطيهم ذيك الورطة اللي ماحد يقدر يطلع منها ....... ولو يحك خشمه:D ........




وبعد هذه المقدمة الطريفة اليكم الموقف الذي لايحتاج منك سوى التعليق المبسط ولا يمنع ان يكون يفطس من الضحك شوي في اطار المعقول:


................................................

بينما كنت انت وابو عبدالله (س) من الناس ومعكم ابو صالح (ص) من الناس متجهزين لرحلة برية وين تروحون؟؟وين تخيمون؟؟ قال ابوصالح: ما عليكم انا عندي مكان حول النعيرية يريح البال ويشرح النفس

وانت وابو عابد في سيارة وابو صالح في سيارة من نوع باترول وماسكين الخط ومالكم من الشيطان طاري........

قربتوا من محطة وتوقفون انتم ويكمل خويكم .....احتجتوا مويه ومناديل وفحم ومن هالقبيل 5 دقايق وانتم ماسكين الخط وتستعجلون شوي الين لحقتوا ابوصالح.........

من 3 الى 3 ساعات ونصف وانتم وراه الين طلع من الطريق ومسك طريق بري.... بعد 45 دقيقة تشوف من بعيد مخيم وعليه لمبات وخيام وسيارات وانت وخويك مستغربين :confused: ... هو مواعد احد معنا ؟؟ .... وتدخلون وراه للمخيم والا والله
ناس ما تعرفونهم ويوقف هو وتوقف جنبه بالسيارة وتساله وين انت مودينا ؟؟ وتتفاجأ






























انكم ملاحقين واحد ثاني........:eek:

وش تسوي؟؟؟؟؟




...............................................


شروط التعليق:

1- اكتب اسمك ورقم جلوسك.

2- اي نظره ولو بسيطه يلغى الامتحان.

لا احد يصدق ....... هذا اعلان فكاهي:D :D :D




رجاء اخير :

ارجوا ان تكون طريق الكتابة باسلوب (كلمة ورد غطاها)


[line]

اي كلمة تكتبها... اي راي تبديه..... اي تعليق تضيفه ..........اتشرف بقراءته

[mrayman]

امسي على الربع بالخير واسوي اني داعي خير

[winchester]

هههههه سـراحـه (مشكله ، فشيله ، هد حيل ، مدري تضحك أو تندهش ، صدمه)

تسلم على الموضوع

[أبوأسامة]

اللي اسويه( اني ادقه حوله ولاكنه صار شي)

[الفتى المجازف]

الصحاري

حياك الله واهلا بك

الموضوع مافيه شي واللي مافي بطنه شي (واثق الخطوة يمشي ملكا) هذا اولا.
ثانيا: من ناحيتي انا شخصيا لا اعتبرها ورطة الا في حالة واحدة اذا كنت متجه الى مخيم به عوائل هناك هي الورطة.
ثالثا: اول ما ابدأ بالسلام بعد التوقف واعتذر بصوت مسموع ينم عن خطأ غير مقصود.
رابعا: اذا رايت ان هناك امتعاض وردت فعل معاكسة ابادر بتلطيف الجو بطريقة واخرى حسب مقتضيات الموقف وما يستدعيه.
خامسا: تقديم مبررات هذا الخطأ الغير مقصود بطريقة مختصرة وواضحة مع توضيح الوجهة والتعريف بالاسم الرباعي وجهة العمل ان لزم الامر لامتصاص الصدمة في حالات معينة كالانفعال من الطرف الآخر.

هذا مالدي من خلا لتجربة مشابهه تقريبا.

تحياتي

[نجد 2007]

ههههههههههههههههههه الله يقطع شيطانك على هالورطه والمقدمه الفكاهيه الحلوه
انا بقول له بصراح احسبك خوينا كان قدامنا من شوي وبسلم عليه وبمشي

تحياتي

[عاشق سدير]

والله مشكله :)

اعتذر بأسلوب طريف وان عزموا اني اقلط على الغدا ما فيه مشكله:)

[الصحاري-KING]

امسي على الربع بالخير واسوي اني داعي خير

شي طيب :cool: ..... استمر





هههههه سـراحـه (مشكله ، فشيله ، هد حيل ، مدري تضحك أو تندهش ، صدمه)

تسلم على الموضوع


الله يسلمك اخوي بس مايصير ما تعلق ولا نسمع رايك ....على العموم مسامحك




اللي اسويه( اني ادقه حوله ولاكنه صار شي)

تبي الصدق ...سريع بديهه



الصحاري

حياك الله واهلا بك

الموضوع مافيه شي واللي مافي بطنه شي (واثق الخطوة يمشي ملكا) هذا اولا.
ثانيا: من ناحيتي انا شخصيا لا اعتبرها ورطة الا في حالة واحدة اذا كنت متجه الى مخيم به عوائل هناك هي الورطة.
ثالثا: اول ما ابدأ بالسلام بعد التوقف واعتذر بصوت مسموع ينم عن خطأ غير مقصود.
رابعا: اذا رايت ان هناك امتعاض وردت فعل معاكسة ابادر بتلطيف الجو بطريقة واخرى حسب مقتضيات الموقف وما يستدعيه.
خامسا: تقديم مبررات هذا الخطأ الغير مقصود بطريقة مختصرة وواضحة مع توضيح الوجهة والتعريف بالاسم الرباعي وجهة العمل ان لزم الامر لامتصاص الصدمة في حالات معينة كالانفعال من الطرف الآخر.

هذا مالدي من خلا لتجربة مشابهه تقريبا.

تحياتي


نمشي حبة حبة


(واثق الخطوة يمشي ملكا) اي واثق خطوة وانا اخوك .... انت ملاحقه الين وطى رجله بالارض



ثالثا: اول ما ابدأ بالسلام بعد التوقف واعتذر بصوت مسموع ينم عن خطأ غير مقصود. شي حلو لكن ما تحس انك متاخر شوي؟؟ :rolleyes:


خامسا: تقديم مبررات هذا الخطأ الغير مقصود بطريقة مختصرة وواضحة مع توضيح الوجهة والتعريف بالاسم الرباعي وجهة العمل ان لزم الامر لامتصاص الصدمة في حالات معينة كالانفعال من الطرف الآخر هاااااه مسكتك ... طلع البراشيم اللي تحت الكيبورد .... تسلم اخوي ويعطيك الف عافية

الصراحة انسليت من الروطة كما ينسل الماء من غاز الكلور بسبب حمض الكبريت عند تحضيره في المختبر.......ولا تزعل مني .. وان كانك زعلان امر وتدلل



انا بقول له بصراح احسبك خوينا كان قدامنا من شوي وبسلم عليه وبمشي لله درك يا شيخ ... لازم اخليك معي عند التفتيش .... تسلم



اعتذر بأسلوب طريف وان عزموا اني اقلط على الغدا ما فيه مشكله اقول والله منتب سهل... والله اني فطست من الضحك:D

[الوافي عزام]

كلها كوم وسالفة اليورانيوم كوم هههههههه

انا لو صار لي الموقف هذا عادي جدا بأسلم على الرجال وبأعتذر منه وبأعلمه السالفه
وان كان مامعهم عوائل ولزموا على القهوه خذيتلي كم فنيجيل وتوكلت على الله

عاد بعدها بدور خويي الله يعيني
وشكرا لك يالغالي

[ابو ســــاره]

اطق بوري وسلام واديرو راجع والشكوى لله .

المشكلة مهيب هينا المشكلة صارت معي قبل التصريح للسلاح خليت خويي يمشي قدامي وغفلت عنه خمس دقايق الا انا امشي ورى نفس موتر خويي واشوي الا انا واقف عند التفتيش والمشكله اني اسولف معه على الجهاز وما برمجة هذا كله الا بعد ما جاء دوري عند التفتيش العسكري صخره الله وهز طرف يده امش ولله اني ما بغيت الا عصفر يشيل روعتي .

[دغيم1]

السلام عليكم

حياك أخوي
هذى سهلة مايبي لها شيء
إذا وصلت وعرفت انك بلشت أسأل قل لهم :
هذا موقع فعاليات المهرجان
( مهرجان النعيرية )
تحياتي

[الصحاري-KING]

انا لو صار لي الموقف هذا عادي جدا بأسلم على الرجال وبأعتذر منه وبأعلمه السالفه
وان كان مامعهم عوائل ولزموا على القهوه خذيتلي كم فنيجيل وتوكلت على الله

عاد بعدها بدور خويي الله يعيني
وشكرا لك يالغالي

واذا ما لزموا ؟؟؟؟؟؟؟:D




اطق بوري وسلام واديرو راجع والشكوى لله

نيتك صافية وانا اخوك .......... اجل محل ميسري يمري





المشكلة مهيب هينا المشكلة صارت معي قبل التصريح للسلاح خليت خويي يمشي قدامي وغفلت عنه خمس دقايق الا انا امشي ورى نفس موتر خويي واشوي الا انا واقف عند التفتيش والمشكله اني اسولف معه على الجهاز وما برمجة هذا كله الا بعد ما جاء دوري عند التفتيش العسكري صخره الله وهز طرف يده امش ولله اني ما بغيت الا عصفر يشيل روعتي .


خويك يبيله مهصة اذن





السلام عليكم

حياك أخوي
هذى سهلة مايبي لها شيء
إذا وصلت وعرفت انك بلشت أسأل قل لهم :
هذا موقع فعاليات المهرجان
( مهرجان النعيرية )
تحياتي



مع احترامي للبقية ..... عز الله انك طلعت من الورطة :good2:......

عندك سرعة بديهه :cool: .....


ولا يهونون الاخوان الباقين كلكم على العين والراس

[المتامل]

بصراحة موقف مضحك اللي صار لكم وحصل لي موقف مشابة ولكن ليس مضحك وانما محزن قليلا

قبل يومين فقط كنت معزوم في السنير(الحي السكني العائلي ) داخل ارامكو وبعد ان انتهينا واثناء ذهاب المعازيم وبما انني لا اعرف شوارع السنير لحقت باحد الاخوة المعزومين معي لكي اخرج من الحي الذي حجمه كحجم الخبر :( وكنت امشي خلف السيارة ظانا انها لفلان ووراه من شارع لشارع ومن تقاطع لتقاطع يوقف اوقف يمشي امشي وبالاخير اوقف السيارة امام كراج وفتحه وادخل السيارة وانا وقفت مستغربا ولان الوقت متاخرا جدا لم اضرب له بوري ولكن نزلت لاكلمة لكي يخرجني من الحي لاني حسبته بانه ادخل سيارته في بيوت احد اصدقائة ولكن المفاجاءة بان خرجت لي امريكيه (صاحبة السيارة :confused: ) واخذت تسب وتشتم تفكرني اطاردها لاغازلها وخرج من المنزل زوجها وماهي الا لحظات حتى اتت سيارات الامن الصناعي وطلبوا مني الذهاب معهم لمكتبهم وهناك تبين لهم الحقيقه بعد عناء وتعب وانتهى الامر بالسلامه ولكن بموقف تناقلوه اصدقائي ومعارفي بالضحك ورسائل جوال فيها غمز ولمز :)
والله لا يحط مسلم بمثل هذه المواقف

[الصحاري-KING]

بصراحة موقف مضحك اللي صار لكم وحصل لي موقف مشابة ولكن ليس مضحك وانما محزن قليلا

قبل يومين فقط كنت معزوم في السنير(الحي السكني العائلي ) داخل ارامكو وبعد ان انتهينا واثناء ذهاب المعازيم وبما انني لا اعرف شوارع السنير لحقت باحد الاخوة المعزومين معي لكي اخرج من الحي الذي حجمه كحجم الخبر :( وكنت امشي خلف السيارة ظانا انها لفلان ووراه من شارع لشارع ومن تقاطع لتقاطع يوقف اوقف يمشي امشي وبالاخير اوقف السيارة امام كراج وفتحه وادخل السيارة وانا وقفت مستغربا ولان الوقت متاخرا جدا لم اضرب له بوري ولكن نزلت لاكلمة لكي يخرجني من الحي لاني حسبته بانه ادخل سيارته في بيوت احد اصدقائة ولكن المفاجاءة بان خرجت لي امريكيه (صاحبة السيارة :confused: ) واخذت تسب وتشتم تفكرني اطاردها لاغازلها وخرج من المنزل زوجها وماهي الا لحظات حتى اتت سيارات الامن الصناعي وطلبوا مني الذهاب معهم لمكتبهم وهناك تبين لهم الحقيقه بعد عناء وتعب وانتهى الامر بالسلامه ولكن بموقف تناقلوه اصدقائي ومعارفي بالضحك ورسائل جوال فيها غمز ولمز :)
والله لا يحط مسلم بمثل هذه المواقف



:D :D :D ما اقول الا... الله يهديك بس لو اني مكانها كان نزلت عليك:D لاننا منب بالبر عشان نمشيها ونقول ضايع... لو اني ادري عن سالفتك... كان خليتك تكتب الموضوع عني:p ... من واقع الخبرة بس ;)

وهلا بك اخوي ...والله يبعد عنك الورطات وعن المسلمين