الحضري
11/07/2007, 10:15 AM
الاخوة المكشاتيين
السلام عليكم ورحمة الله وبركاته
اليوم ابنقل لكم قصيدة جزلة من شاعر جزل عن موضوع يقهر ويغبن
بصراحة لنا كم سنة وحنا نشاهد طريقة غريبة على مجتمعنا ووالله مدري
كيف جات وهي بيع حليب الابل
على الطرقات والاحواش وحتى عند المحطات
وما بقى الا توصيل للمنازل وهذا الشئ يتنافى مع عاداتنا
ومع سلوم العرب وفي الحقيقة ما استانست وفليت حجاجي الا يوم سمعت
هذي القصيدة اللي اعجبني تصوير الشاعر
فيها وقال اللي ودنا نقوله وما قصر جزاه الله خير يقول مرير الحبيل ..
أنا شايفٍ فعلٍ غريبٍ علية اثبات=تسوية ناسٍ مالقت من يطالبها
اخص الرجال اللي تخلت عن العادات=تبيع الحليب وخالفت عن مذاهبها
على شارعٍ وسط البلد تشبك الخلفات=تسلم صبيٍ للزباين يحلبها
ولاها حلال القوم مايحصي الحلبات=تولى عطايا الله نشيطٍ يعاقبها
ولا همه الا قول يازول دوك وهات=على كل وقتٍ لا بغا الحلب مدبها
ينادي على عشرة تعود على العشرات=تليم على الشارع خدوشٍ يشربها
عليها كفوف الزول .. لا سلهمت .. صلفات=وعمه يحسب كل ساعة مكاسبها
على الشارع الاصفر تحت شعة اللمبات=تهامل دموع عيونها اللي تشوف ابها
ترى حلبت الناقة لها يارجال اوقات=ولا هوب دايم كل وقتٍ تقربها
لها حزةِ تحلب ولا تنحلب حزات=وانا اخص ناسٍ كل ساعة تراقبها
كلامي يخص اللي شبك خلفتة بالذات=وباقي الرجال الطايله مانعاتبها
وبه واحدٍ قال الي مرة من المرات=يقول احتلبنا دمها مع محالبها
غريبة على راع الوطن يخلف الهقوات=يغير سلومٍ في الجزيرة نفوز بها
نسى اللي عليه جدودنا في زمانٍ فات=وسلومٍ تغير اسلوم اهلنا نحاربها
ابا انخا هل الشيمة وابا انخا هل النخوات=زحول الرجال اللي خذت سلم شايبها
سلايل رجالٍ تنثني حزة الغارات=وكم حرة ( قيد ) ابعدوا راس راكبها
سلايل هل الطالة سلايل هل النخوات=تلد النظر وضعوف الانفس تعاتبها
مادام الشجيع اللي تعزوا بها مامات=يعجل عليها فزعتة لا يشح بها
نبي شرهةٍ من واحدٍ يفهم الشرهات=يقابل به اللي ما يحسب عواقبها
نبي العاقل اللي كلمته تنفهم بسكات=فهيمٍ حكيمٍ كل دعوى مجربها
يقول اتق الله واحدٍ يفرج الضيقات=تحسن بها .. والا على سوق فاجلبها
ترازم عطايا الله تبي منكم الفزعات=على اللي قناها ماعرف قدر واجبها
حجزها بشبكٍ واحدٍ يجهل الشيمات=قولوله عطايا الله ورى ماتروف بها
عقب ما تمشى في الجزيرة زمانٍ فات=وتسج الديار اللي وساعٍ مناكبها
ولبنها لاهلها مدتٍ واجزل المدات=تقاليد لاهل المملكة لو نطوف بها
نجدد عوايدنا ولا نفرح الشمات=ونشجع سلوم جدودنا مانخربها
يقولون للراعي لا شفت النشاما جات=تبد الحليب اللي يدسم شواربها
وتحلب لروس ضيوفها وابرك الحزات=ودوم النشاما في المفالي .. تعزبها
وسلامتكم وصح لسان قايلها
السلام عليكم ورحمة الله وبركاته
اليوم ابنقل لكم قصيدة جزلة من شاعر جزل عن موضوع يقهر ويغبن
بصراحة لنا كم سنة وحنا نشاهد طريقة غريبة على مجتمعنا ووالله مدري
كيف جات وهي بيع حليب الابل
على الطرقات والاحواش وحتى عند المحطات
وما بقى الا توصيل للمنازل وهذا الشئ يتنافى مع عاداتنا
ومع سلوم العرب وفي الحقيقة ما استانست وفليت حجاجي الا يوم سمعت
هذي القصيدة اللي اعجبني تصوير الشاعر
فيها وقال اللي ودنا نقوله وما قصر جزاه الله خير يقول مرير الحبيل ..
أنا شايفٍ فعلٍ غريبٍ علية اثبات=تسوية ناسٍ مالقت من يطالبها
اخص الرجال اللي تخلت عن العادات=تبيع الحليب وخالفت عن مذاهبها
على شارعٍ وسط البلد تشبك الخلفات=تسلم صبيٍ للزباين يحلبها
ولاها حلال القوم مايحصي الحلبات=تولى عطايا الله نشيطٍ يعاقبها
ولا همه الا قول يازول دوك وهات=على كل وقتٍ لا بغا الحلب مدبها
ينادي على عشرة تعود على العشرات=تليم على الشارع خدوشٍ يشربها
عليها كفوف الزول .. لا سلهمت .. صلفات=وعمه يحسب كل ساعة مكاسبها
على الشارع الاصفر تحت شعة اللمبات=تهامل دموع عيونها اللي تشوف ابها
ترى حلبت الناقة لها يارجال اوقات=ولا هوب دايم كل وقتٍ تقربها
لها حزةِ تحلب ولا تنحلب حزات=وانا اخص ناسٍ كل ساعة تراقبها
كلامي يخص اللي شبك خلفتة بالذات=وباقي الرجال الطايله مانعاتبها
وبه واحدٍ قال الي مرة من المرات=يقول احتلبنا دمها مع محالبها
غريبة على راع الوطن يخلف الهقوات=يغير سلومٍ في الجزيرة نفوز بها
نسى اللي عليه جدودنا في زمانٍ فات=وسلومٍ تغير اسلوم اهلنا نحاربها
ابا انخا هل الشيمة وابا انخا هل النخوات=زحول الرجال اللي خذت سلم شايبها
سلايل رجالٍ تنثني حزة الغارات=وكم حرة ( قيد ) ابعدوا راس راكبها
سلايل هل الطالة سلايل هل النخوات=تلد النظر وضعوف الانفس تعاتبها
مادام الشجيع اللي تعزوا بها مامات=يعجل عليها فزعتة لا يشح بها
نبي شرهةٍ من واحدٍ يفهم الشرهات=يقابل به اللي ما يحسب عواقبها
نبي العاقل اللي كلمته تنفهم بسكات=فهيمٍ حكيمٍ كل دعوى مجربها
يقول اتق الله واحدٍ يفرج الضيقات=تحسن بها .. والا على سوق فاجلبها
ترازم عطايا الله تبي منكم الفزعات=على اللي قناها ماعرف قدر واجبها
حجزها بشبكٍ واحدٍ يجهل الشيمات=قولوله عطايا الله ورى ماتروف بها
عقب ما تمشى في الجزيرة زمانٍ فات=وتسج الديار اللي وساعٍ مناكبها
ولبنها لاهلها مدتٍ واجزل المدات=تقاليد لاهل المملكة لو نطوف بها
نجدد عوايدنا ولا نفرح الشمات=ونشجع سلوم جدودنا مانخربها
يقولون للراعي لا شفت النشاما جات=تبد الحليب اللي يدسم شواربها
وتحلب لروس ضيوفها وابرك الحزات=ودوم النشاما في المفالي .. تعزبها
وسلامتكم وصح لسان قايلها