خبراء طبخ الكبسة وينهم ؟

[الأجودي]

بسم الله الرحمن الرحيم
السلام عليكم ورحمة الله وبركاته

اسعد الله مساكم اخواني المكشاتيين
وانا اتصفح المنتدى واشوف طبخ الاخوان جاز لي شكل الرز وهو مخلينه نثري ابيض يجيب الهنا والسعادة لكل من شافه
العجيب انهم يطبخونه بالكاتم !! مع اني لاطبخته بالكاتم طلع عبيط تقول جريش واذا وفقني الله هاك اليوم يطلع زين بس للعباطه اقرب

وش الطريقة اللي اخلي بها الرز نثري
وكم كمية الماء اللي احطها على الرز

انا استخدم قدر الكاتم من السيف وصغير الحجم 4 لتر

ومشكورين

[سلطان العوني]

هلا اخوي عليك انك تقلل الماء وتخلي الرز بعد ما تكبه في القدر تخليه على سطح الماء بحيث يكون ثلاث ارباع الزر على سطح القدر فوق الماء


هذي طريقتي الخاصه
وجربها ومع الوقت راح تعرف الكميه بنفسك

[mrayman]

الله يعينك اخوي ولكن من تجربتي دائما خلي ارتفاع الماء عن الرز حول اصبعين 2 سنتي

وخله لين يقلب الماء مع الرز وبعدين غطه والين يبدأ يصفر خفف النار عليه وخلة 10 دقايق وان شاء الله تدعيلي

[خالد20]

الاجودي
اول شي الله يستر على الشباب من عينك اذا كنت جوعان:D
ثاني شي عوامل كثيره تدخل باطبخ منه نوع الرز مدة التربيص كمية الماء
من واقع التجربه تبي تحكم بهادي العوامل ويصير الكاتم لعبك بس وسع صدرك ولا تستعجل

اما انا نوع الرز ابوكاس او الشعلان واخلي الرز يربص حول ربع ساعة والماء اذا كبيت الرز بالكاتم ما يزود عن اصبع فقط(( اذا حطيت ملعقت الخشب تغطى )) واخلي انار متوسطه واذا بدء بلف الكاتم يدور اقصر عليه واحسب من10الى12 دقيقه فقط

احس اني تفلسفت واااااااااااااجد:p

[الأجودي]

عافاكم الله وماقصرتو

[شغل عدل]

حسب نوعية الرز اللي تستخدمة !
بعض الرز يحتاج نقع بالماء والبعض لا يحتاج كل ماكان تاريخ الارز قديم كل ما كان اطيب اذا كان الرز ينعجن معاك قلل الماء و الطبخ بالكاتم مش زي القدر العادي لأن الحرارة مضاعفة و وقت الطبخ بيكون اقل

[الابتر]

أخوي الاجودي الله بالخير

حبيت أعطيك فايده أول ما تطبخ إذا حطيت اللحمه لاتكب ماء واجد وبعدين تتوهق ويكثر على الرز وتقعد تغرف إذا حطيت اللحمه حط كوبين ماء وبعد ما تنجض اللحمه كب الرز وزود الماء مثل ما قالو الشباب بشرط أنه يكون ماء فايح أهم شي إذا حطيت الرز حاول تطلع اللحمه فوق الرز علشان الوزن وتفرش الرز وخلاص بإذن الله تتلقى النثريه ولا أوصيك قبل ماتطبق الغطاء خذلك فصين ثوم على عدلهن بس قشرهن وحطهن فوق الرز وأكتمه يطلعلك الثوم تقول مايونيز جرب ماراح تخسر .

[راعي الهـــدد]

والله ياغالي مامن زود خبره

بس حبينا نفيدك

فيه موضوع عن رحلة سبق وطرحتها بمكشات قبل شهر

وفيها طريقة الكبسة بالكاتم وتصير نثرية

طريقة مصورة وواضحة على هالرابط سم شفها ونخوك

صيفيات ..... صيفيات ... لايفوووتك حركات الصيف .. رحلة في أعماق نـجـد .. راعي الهـــدد (http://www.mekshat.com/vb/showthread.php?t=87446)


او تدري خذ الطريقة بانسخها لك والصقها هنا

صور اظنها واضحة امش عليها ولا تخلف شي منها وأرقد وامن مره

تابع معي

______




(22)

وصلت ابو عبدالله وجلست معه وتقهوينا ووسعنا الصدر

وعيب هالرحلة اني ما صورة القهوة والجلسة بتوسع

عموماً بعد القهوة كلاً منا خم له شي الي قدر والي جلس يقطع بصل والي يولم شي وهاه وهاه

وخم ابو عبدالله قدر الظغط حبيّب قلبي

وبدا يحورف ويتفنن مثل العادة

واحكر لنا ذيك الكبسة الي ماقبلها ولابعدها شي

واليكم الصور بالتفصيل الممل
ويمكن ان تكون مرجع لمن لم يعرف كيف يضبط الكبسة في قدر الظغط

وسأفردها بموضوع في خيمة الطبخات البرية

اول شي

حمس ابو عبدالله البصل والطماط ومثل ماتشوفون وكب عليها شوي بهارات وملح وفلفل واحد مقطع كنكهة


http://www.mekshat.com/pix/upload/images36/mk33838_24p.jpg


(23)

بعدها زاد الماء جعله يسلم

بس لاتكثر حسب كمية الرز


http://www.mekshat.com/pix/upload/images36/mk33838_25p.jpg


(24)

ثم جاك الرز يمشي مليووون هههههه

يازين شكله تقول كنه صفاة من شدة بياظه



http://www.mekshat.com/pix/upload/images36/mk33838_26p.jpg



( 25 )
وشوي الين الرز محول في اسفل القدر هههههه

ولاعاد تسمع الا صوت خبطه في الماء


http://www.mekshat.com/pix/upload/images36/mk33838_27p.jpg



(26)

ومثل ماتشوفون هاليد المبروكة تحرك الرز شوي

لعشان تعرف وش مقدار الماء


http://www.mekshat.com/pix/upload/images36/mk33838_28p.jpg



(27)

ثم خذا ابو عبدالله رشفه من المرقة يم يم يم

والمقصد طيب ولاتسيئووون الظن

بس يبي يذوق الملح ههههههه

بس اشوفها طولت هالذواقه رشفه ورى رشفه ههههه


http://www.mekshat.com/pix/upload/images36/mk33838_29p.jpg



(28)

ثم جاء الغالي وغط طرف اصيبعه

استغفر الله اللا قصدي مصبعه الدبي هههههه

لاوالله مصبعه السبابه وتأكد من ان الماء مقدار قفلة واحدة بس وبس وبس لاتزيد ابداً ابداً هههه

http://www.mekshat.com/pix/upload/images36/mk33838_30p.jpg


(29)

ثم كرسع الدجاج مع الرز والمرق وماغير ماتشوف
الا سيقان هالدجاج يتدودل يالله الخيرة ههههه


http://www.mekshat.com/pix/upload/images36/mk33838_31p.jpg


(30)

هاه وش بعد وش بعد

ساو دجاجك صح او لحمتك ان كان معك اللحمه
الله لايهينك


http://www.mekshat.com/pix/upload/images36/mk33838_32p.jpg


(31)

ثم حط ماشئت من منكهات او محسنات او مشهيات
مثل كوسة

او فلفل وغيره


http://www.mekshat.com/pix/upload/images36/mk33838_33p.jpg





تـــــابــــع >>>>>

[راعي الهـــدد]

(32)

ثم طبق قدرك لاهنت واتبكه صح


http://www.mekshat.com/pix/upload/images36/mk33838_34p.jpg



(33)

والله اليد ماشاء الله تبارك الله

اللهم صلي على النبي ههههههه

متوسعة هههه تعرف لاقالو متوسع والله ماشاء الله متوسع متوسع هههههههه

ياعوين القدر اعويناه راح فيها من يدك يابو عبدالله هههههه

ابو عبدالله طالبك لاتعلق علي
والله ان عمران ابو احمد موصيني عليك
يقول علق عليه شوي وتراني في وجهه

ابو احمد لاتخليني ياعزوتي ولايهون ابو عبدالله هههههه

http://www.mekshat.com/pix/upload/images36/mk33838_35p.jpg


(34)

ثم طول عليه وخله الين يبدأ يتستس

ابو عبدالله ماودك اوصف بعد

والله في ثمي وصف لساعدك جعله مايشل ههههه

تدري يكفيك الي جاك هههههههه

من شافني قال وامن الحين من ابو عبدالله يالله الستيرة


http://www.mekshat.com/pix/upload/images36/mk33838_36p.jpg



(35)

ثم اذا تستس عود على قدرك وقصر عليه نمنم
يعني على آخر شي وخله لمدة 20 دقيقه
هذا اذا هو دجاج


http://www.mekshat.com/pix/upload/images36/mk33838_37p.jpg




(36)

اوهوهوه وصلت ساعة الصفر

واعلن ابو عبدالله ابتداء المعركة

وتمت 20دقيقه واسحب البلف

ومنظر اعشقه دائماً في الصحراء


http://www.mekshat.com/pix/upload/images36/mk33838_38p.jpg




(37)

ياااااااووووووك والله ان الريحة تكفيك


ولو مايحصل الا شوفت هالصحن الشعبي يكفيك

يالله تثبتني من الأرض لااطير

حتى تجي حزة غداي الوكادي

وش رايكم شاعر هههههههه من جنبها


http://www.mekshat.com/pix/upload/images36/mk33838_39p.jpg



(38)

وهذي صورة غديّنا الله يطرح به البركة

وقولو ماشاء الله تبارك الله


ورحمة بكم باقي صور الغداء غير صالحة للنشر

للمصلحة العامة هههههه


http://www.mekshat.com/pix/upload/images36/mk33838_40p.jpg


(39)

تغدينا وعيّنا من الله خير

وجاء دور العبيلة والخلطة السرية حقت ابو عبدالله

وسبق نشرتها لكم في موضوع غابة نجد على الرابط ذيا

غـــــــابــــــة نــــجـــد... خـيـال وعـجائب ... ورحـلـةعـالـمـيـة ... راعي الهــدد (http://www.mekshat.com/vb/showthread.php?t=80079)


المهم لقطت لكم كم صورة من حدر الشعيب
وبطحاء جنان
وحنا جالسين نتناول العبيلة عقب العصر




للــحــــديث بقية تجده بالرابط أعلاه

صيفيات ... صيفيات ...

[الأجودي]

عافاكم الله وجزاكم عني خير
الحق معلومات طيبة ابستفيد منها ان شاء الله