جــيـــر بـــكر للبيــــــــــــــــــــع

[المري]

السلام عليكم .. اخواني الأعزاء

جير للبيع عرضه 16 ونص وطوله 16 , طير مزيون ووجه حي..

يقول راعيه الأول انه صايد الحبارى والكروان .. السنة هذي صاد تسعة كراوين وراعيه يمدح اطياره..

الطير يسام ب 7 الالاف الان باقي معه الموس..


هذه صورته:

http://www.mekshat.com/pix/upload/images41/mk1168_gyr.jpg


وسلااامتكم

اخوكم - المري

[راعي الجير]

الله يجيب البيعه الزينه وعز الله ان سلعتك مباركه

[المري]

الله يجزاك خير .. وماقصرت اخوي راعي الجير..

اخوك - المري

[صمود1]

الله يرزقك البيعه الطيبه بس لو اتحدد هل له جواز ومن اي مزرعه

[فارس العجمي]

يا مرحبا يا ابوو معيض
الطير كني اعرفه
راعيه الاول من جوده اوو من اهل الكويت
لان عندي سوومه طيب اذا الطير الي في بالي ارجووو الرد والطير ينقل ثنوو صح اوو انا غلطان

[وقاااااد]

كيف حالك يابومعيض
وشلون طبوع الطير وسبوق ولالا وهل هو تفريخ ولا وحش
تقبل مروري
ابو بندر

[وكري2007]

الله يرزقك بالبيعه الطيبه

أخوك وكري 2007

[bond]

وين محل الطير

الله لا يهينك أخوي المري

[المري]

مرحبا بالجميع وحياكم الله وتسلمون على المرور..

مرحبا اخوي فارس العجمي والحمد لله على السلامة..

الطير ماهوب بعيد من جودة شمال منها حوالي 10 كيلو مقيض عند رجال وراعيه صحيح من أهل الكويت مقيضه في السعودية..

وسلااامتكم

***

مرحبا اخوي بوند

الطير في ضواحي الأحساء وحياك الله في اي وقت..

اخوكم - بومعيض

[الزعـبي]

الله لا يهينك يابو معيض السوم هذا جديد والا مبطي

[المري]

مرحبا اخوي الزعبي

بخصوص السوم لو مبطي ماذكرته..

الله يحفظك ويرعاك..

اخوك - المري

[وقاااااد]

المري مارديت على سؤوالي في انتضارك

[((الخالدي))]

الله يرزقك بالبيعه الطيبه

[المري]

مرحبا اخوي وقاد وحياك الله يالغالي..

اسف ماخذت بالي..

الطير تهجين .. جير - من حر او وكري .

والطير اطبوعه زين بالحيل لاصياح ولا كوشة واطياره طيب وان شاء الله ان يبيض الوجه..

..

جزاك الله خير اخوي الخالدي..

وتسلم على المرور

[وقاااااد]

المري الطير بـــ 7500 ريال

[المنصوووري]

لله يوفقك بالبيعه الطيبه والطير ماشاء لله عليه يستاهل

[محتاج 111]

اسومه 8000

[المري]

مرحبا بالاخوان جميعا ..وماقصرتوا..

***

اخوي وقااااد سومة طيبه من وجه طيب..

***

اخوي محتاج

جزاك الله خير على السومة وتراني ماعاد به بعد..

الله يوفق الجميع..

***

اخوكم - المري

[الزاجل الازرق]

ماشاء الله تبارك الله وش هالزين ياابومعيض

عسى ربي يرزقك بالبيعه الطيبه تستاهل كل خير

اخوك ابودغيم

[حطاب 123]

:) لله يوفقك بالبيعه الطيبه والطير ماشاء لله عليه يستاهل

[taag1]

السلام عليكم ابو معيض طير طيب ومن وجه اطيب بسوم الطير ب8500 ريال شرط سلامته من الامراض

والله يبارك لك

اخوك ابوابراهيم

[gyrefalcons]

كيف الحال يا المري
هل الطير عليه شروط - هل الطير راكد في السياره هل شفت له هدد.

[الوعيلي 711]

الله يرزقك يا بو معيـــــــــض وتستاهل الطيب