اخواني اهل الخبره بالخيول

[الفوار2008]

انا ابيلي فرس عربيه انجليزيه او هجين بس بقيمه معقوله ماتتعدى الثلاث الاف
الشروط هي
تكون ماقد لقحت
ومعسوفه
وعمرها ماتعدى الثلاث سنين
وطيبه مافيه اي مرض وتكون مفحوصه من الدود
ومنضرها مملوح واللون يفضل الأسود او الأبيض او الأحمر الغامق
وللعلم انا ابيها للتسليه والتمتع والتمشي

[talal1424]

فرس
وما تعدى ثلاث سنوات
وسليمه
ومنظرها جميل




وبقيمه ماتعدى ثلاثة آلاف !!!!!!!!!!!!!!!!!!!!!!!!!!!!!!!!!!!


صدقني لو حماره بها لمواصفات ماتلقاها بهذا السعر

يا إخوه قليل من الإحترام لهذا الكائن الذي كرمه الله ورسوله صلى الله عليه وسلم.........

[الفوار2008]

اخوي طلال لا تعصب وتنفخ علي انا ماقلت ابيها لمزاين انا قلت منظره مقبول وبعدين تعال شوف عيني ماقول احد قالي في العزيزيه بالدمام شاري واحد من اقرباي فرس انجليزيه والله ب3000ريال ونا ياخوك ابي مثلها مابي شي خيال وبعدين مادامك عارف اقيامهن ردعلي بكم احصل الفرس العربيه بدون اوراق وماعليها مانيب قايل جميلة المنظر

[talal1424]

الفرس العربيه بدون أوراق من 7000 شكل عادي إلى 25000 إن كانت جميله وأكثر إن كانت محققه مراكز في التحمل

الفرس عربيه بأوراق من 25000 شكل عادي إلى 300000 إن كانت جميله و نسب عالي (straight egiption)

وأن أتكلم عن سلم وأعماره تقل عن العشرين وبالطبع معسوفة

أما خويك إلي شرى إنجليزيه

فأسأل هل هي سلم من الأوتار والرمانات و.........

أنا بنفسي بعت حصان إنجليزي عمره 3 سنوات ب 800 ريال بعد تبيين عيوبه بالتفصيل للمشتري لأنه ماهو سلم وحوافره وقوائمه رايحه فيها

أرجع وأقول بعض إصابات الخيل تخلي الفاهم في الخيل ماياخذها ولا بلاش......

[borsh]

مستحيل تحصلك بــ 3000
انشالله تتلقا الي تبيه

[الفوار2008]

مشكور اخوي طلال واخوي البورش على المرور وللعلم انا ابيها بس فلة حجاج وسعة صدر للبزران ماني مشارك بسباق ولا حتى بمزاين ابي فرس لو تكون بمزرعه او اللي تتأجر بالعزيزيه ونا صامل

[<عاشق الصمان>]

فرس
وما تعدى ثلاث سنوات
وسليمه
ومنظرها جميل




وبقيمه ماتعدى ثلاثة آلاف !!!!!!!!!!!!!!!!!!!!!!!!!!!!!!!!!!!


صدقني لو حماره بها لمواصفات ماتلقاها بهذا السعر

يا إخوه قليل من الإحترام لهذا الكائن الذي كرمه الله ورسوله صلى الله عليه وسلم.........

هههههههههههههههههههههههههههههههههههههههههههه

[عقيد الحرة]

اذا حصلت شي انا اربحك اوكيه


http://www.mekshat.com/pix/upload/images40/mk46090_21.jpg

[الفوار2008]

اخوي عقيد الحرة انا مستغرب انك وبعض الأعضاء مستغربين اني ما راح أحصل فرس في مزرعه او من اللي تتأجر بالقيمه هاذي وبعدين انا ودي تفيدني بالفلو بكم احصله

[talal1424]

مره فرس ومره فلو!!!!!!!!!!!!!!!!!!!!!

السؤال العام جدا بالطريقه هذي مايصلح

تخيل لو واحد يسأل : بكم أحصل سياره صغيره!!!!!!!!!!!!!!!!!!!!!!!!!

بالله عليك وش ترد

الخيل أنواع وأشكال وأطباع وقطوع ومستويات في السلامة وفي تناسق الأعضاء وتفاوت في مستوى القوائم والصدر والقطاة

ياخي فيه أمهار شعبيه يعني عربي بدون أوراق بيعت ب 3000 ريال
وفيه أمهار شعبيه يعني عربي بدون أوراق مايفكونها أهلها ولا بعشرين ألف وهي توها ما عسفت!!!!!!!!!!!!!!!!!!!!!!!!!!!!!!!!!!!!!!! (والي حضر بعض مزادات الحسا يعرف الشي هذا)

[الحضري]

اول شئ الله يوفقك يابو العبدي بفرس وبحصان منها تفل حجاجك ومنها تنتج :d



وثاني شئ اكتسبنا وجود ناس لهم خبرة وباين من حديثهم مثل اخونا طلال 1424 وعساه على القوة حنا في حاجة مثل

الاخ طلال في هذا القسم لان مشاركاته قليلة وتسجيلة قديم عساه يتواصل معنا ولا يعاود الانقطاع




في حفظ المولى

[الفوار2008]

اخوي طلال والكلام للي مافهمو طلبي انا يمكن مالي جاده ولافهمت وش اللي يدور في بالي انا استفسرت عن فرس بالقيمه هاذي وقلتو مافي امل تحصل ويوم سألت عن فلو قلتو انت مالك جاده وش تبي بالضبط ياخي الله يرضى عليك شي بسيط مايبيله شرح انا ابي فرس عربيه انجليزيه اللي يكون من مزرعه او من هذولا اللي يأجرونها او تكون من اسطبل مايهم يعني مابي شي لا لمزاين ولا لسباق وإذا ماكان متوفر فرس بالقيمه اللي طلبت ابي فلو شهر وطالع نفس الشي عربي انجليزي مايكون جبه ولا يتعدى الألف وخمس ولا تصعبها على الله يعافيك ونا مدري ابلش بقيمته او بنوعه وطلبي بسيط مايبيله شرح

[talal1424]

يابو العبدي
ودي أساعدك لكن طلبك بها السعر صعب
إلا إن كان تبي خيول مصابه إصابات معوقه

وبعدين وشتبي بمهر عمره شهر تقابله سنتين تعلفه وتحاتي أمراضه ولا تقدر تركبه
ثم تبلش بعسفه ويمكن يكلفك واجد

نصيحه لا تاخذ إلا معسوف وسليم، وإن كان ما معك فالإيجار من أبو دوره أوفر لك ..........

وإصبر لين ما تيسر أمورك

وترى إقتناء الخيل وتربيته مكلفه أيضا
حط في بالك محل وسايس وعلف وأدويه
أو أيجار عند أحد في محله وهذا أيضا مكلف

[الفوار2008]

اخوي طلال
عز الله انك ماقصرت ومشكور انك طولت بالك علي
طيب ونا اخوك من ناحية المكان عندي بالمزرعه وبالنسبه للسايس هاللي يكلمك مع اني يبيلي اتعلم وحولنا اسطبل وانشالله مايقصرون
وانا ادري ونا اخوك انه نفس عزيزه لكن ابن نادم ماولد عالم
وبالنسبه للعلف بسيط
لكن ونا اخوك تقدر تدبر لي فرس بقيمه زينه والكلام للجميع
والفلو ونا اخوك تشوف لي اذا كانت الفرس غاليه على
والله يكتب اللي به الخيرومشكور مقدما يالغالي

[ولد الجويعي]

جعلك تلقا مرادك وتفلها انت وعيالك قل امين بس
أخوك:ولد الجويعي