اخواني أعظاء مكشات

[كنق الهجره]

السلام عليكم و رحمة الله وبركاته



اخواني أعظاء مكشات انا اشترية سناره نواع البكره (TIGER) وانكسرت البكره :mad: بعد شهرين ابي افضل بكره وافضل سناره :good:

[Dmmams Diver]

اخوي السنارة اهم شي تراعي فيها شيين مالك بالنوع

الشي الاول انك ترتاح عليها
ثاني شي المرونه
كل ما كانت مرونتها اعلى كانت احسن
والافضل انك تاخذ سنارة مصنوعه من الكاربون

اما البكرا فالشباب اعلم مني

بالتوفيج

[jwan]

شوف انصحك بشراء القصبة الي تتفك وتتركب وليست الي تنسحب طبقات
اما البكر
حاول اختيار المقاس الكبير الاكس لارج وابتعد عن المقاسات الوسط والصغيرة وخليك بلصناعة الكورية افضل ولا تأخذ الاشكال البلاستكية خلك بلستالنس والكروم

[عاشق تالا]

افضل نوعية من وجهة نظري واللتي استخدمها

هي بنكس

وتراني جربت TIGERبس للاسف لم تعجبني

[الوعيلي 711]

والله انا مالـــــــــــــــــي بالصيد يفيدونك اهل الخبره
والله يعينك

[شلال البحر]

بسم الله الرحمن الرحيم

اخي العزيز
السلام عليكم ورحمة الله وبركاته
اذا حاب تشتري سنارة ادلك على احسن شيء انك تشتري سنارة قطعتين مش تلسكوب وخذ من مقاس 4.5م الى 5.5م اما بالنسبة للبكرة فانصحك بشراء دايو اليابانية او البينكس الكورية مقاس اكبر حجم موجود وتقبل مروري وتحياتي
اخوك
شلال البحر

[أبو أثير]

اخوي اذا كنت تحدق من على السيف انتبه تاخذ سنارة من النوع اللي يتركب تركيب القطع لانها يابسه
واكثر ما تستعمل للفاح من على الطرادات او حتى من على السيف لا كنها ما تصلح لحداق السيف لعدم مرونتها
اما افضل انواع العصي ( شينا + أبوو + ان جي ك + النمساويه) افضل البكرات ( البنكس + الدايوا )
والله يوفقك ...

[كنق الهجره]

مشكووووريــن على الافاده

[Abdullatif]

اخوي اذا كنت تحدق من على السيف انتبه تاخذ سنارة من النوع اللي يتركب تركيب القطع لانها يابسه
واكثر ما تستعمل للفاح من على الطرادات او حتى من على السيف لا كنها ما تصلح لحداق السيف لعدم مرونتها
اما افضل انواع العصي ( شينا + أبوو + ان جي ك + النمساويه) افضل البكرات ( البنكس + الدايوا )
والله يوفقك ...

اسمحلي أعارضك أخوي أبو أثير
قصبة السنارة التلسكوبية ميزتها أنها عمليه من حيث سرعة الفتح و سهولة النقل و التخزين
أما قصبة التركيب (قطعتين أو ثلاث أو أكثر) هي الأفضل بدون منازع, ولكنها أصعب في النقل و التخزين نظراً لطولها, بالإضافة إلى أنها تأخذ وقتا أطول بقليل لتركيبها و تمرير الخيط في العيون

وعلى كل الأحوال, قصبة تلسكوبية من النوع الغالي تكون أفضل بكثير من قصبة تركيب من نوع عادي

أما ما ذكرته من أن قصبة التركيب غير مرنة و لا تصلح للصيد من الشاطئ , فقط تصلح من الطراد, فهذا خطأ.

هناك أنواع من قصبة التركيب خاص بالقوارب, يسمونها قصبة جر (لفاح)
Trolling Rod
و هناك أنواع خاصة للشاطئ Surf Rod
و هي متوفرة في الأسواق الأوروبية و الأمريكية و اليابانية, و لكن للأسف غير متوفرة في أسواقنا بسبب إرتفاع أسعارها, بعضها يصل 2500 ريال !!!

أشهر الشركات التي تنتجها هي " شيمانو " اليابانية, و " بن " الأمريكية