سر نكهة رز المطاعم

[طرطيع]

السلام عليكم

الله يوفقكم ابي اعرف سر نكهة رز المطاعم


الي يعرف او عنده مطعم او سمع طريقته من احد يعلمنا الله يخليكم :j لا تردوني


انتم رجال وتقدرون تجيبون الطريقه من احد المطاعم

مرة خالي جاء لمه سواق سواء لنا رز روعه بس الله يهديه عياء يعلم يقول هذا سر :no2:

:confused: ان شاء ما تسفهوني :j

[فهد230]

أختي حنان دلوعة والله ياطبخ البيت انة ازين من المطاعم ألف مرة ( هذا بسبب عزوبيتي ) انا أقول بس خليك بالاكلات البنانية والأكلات الي تفتح النفس ازينلك وشكراً .
:D :cool:

[فهد666]

والله انك صادق اخوي فهد

لكن انا اعلمك السبب

يكبون علية من الزيت لين يقول بس

واذا تبغين النصيحه عليكي بزبت الزيتون الطيب مع الحبحر علشان يكون صحي اكثر

[كشته 111]

اختي حنان دلوعه :

1- مرة كنت مع اصدقاء خليجيين واثنين منهم اصحاب مطعم مندي في بلدهم طلبوا مني اوديهم عند احسن مطعم مندي با الرياض ووديتهم حسب رأيي الشخصي الي مطعم طريب اللي في طريق الملك عبد الله وبعد ان جربوا المندي قالوا الهندي اللي في ديرتنا يلعب علينا يسوي شغل تعبان ما يجي واحد من عشرة من مستوي ها المطعم ,,
المهم قابلوا صاحب المطعم وعرضوا علية 40 الف ريال عشان معلم المندي يروح الكويت 3 ايام فقط يعلم الطباخ عندهم, رفض صاحب المطعم رفض قاطع وقال عرض علي 100 الف من مطعم با الرياض ورفضت ,,,,

2- با ختصار نجاح اي مطعم علي المعلم وكل معلم يحتفض باسرارة لنفسه عشان ما يحرق نفسه با السوق ويجي واحد يقلده ويخليه صفر علي الشمال ,,,

[مجازف2010]

اقول اخوي كشته وين اصاحبك بس قلهم ب 10 الاف اطبخ لهم احسن من حق طريب والرومانسيه هههههههههههههههههه

اقول والله مااشوف حقين المطاعم يحطون شي غريب اوسري بس كلها بهارات مثل العويدي او الهيل والليمون الاسود والدارسين او القرفه مع زيت كثير وبس وخلاص وشوي جزر هذا للبخاري اما للرز المندي و الرز البشاور بس ليمون اسود وقرفه وزيت ويطبخ على مرق لحم وخلاص

تحياتي للجميع

[طرطيع]

الله يوفقكم على ردكم بس

انا أقول بس خليك بالاكلات البنانية والأكلات الي تفتح النفس ازينلك

اخوي جزاك الله خير بس اكل اللبناني ماصخ مثلهم ما يشبع مثل كبساتنا ولا وش رايك

يسد جوعك اذا كنت جوعان مرة حمص ولا متبل

اخوي فهد 666
واذا تبغين النصيحه عليكي بزبت الزيتون الطيب مع الحبحر علشان يكون صحي اكثر

الله يوفقك

لكن هم يحطون والله العالم شحم بس نكهتهم براس

الله يجيب الي يضبط رز المطاعم

الف شكر لي مروركم

[طرطيع]

كشته 111 الله يوفقك تصدق ما شفت ردك الف شكر لي مرورك اخوي وصدقت كلهم كذا حتي سوق خالي الله يهديه كان معلم زي ما قالت

وجاي لم خالي سوق يقول هذا سر انا ما في قول


ksa*ksa

اخوي الف شكر لي مرورك بس اكيد فيه سر كيف بعض المطاعم تتفوق على بعض الي بي اسرارهم في الطبخ

[كشته 111]

اخي ksa ksa اذا معزم فيه مطاعم في الرياض يدورون اللي مثلك تدوار .


وفيه مطعم بخاري في الرياض الناس ما يجونه في الدرجة الاولي الا عشان رزه الرائع شفت بعيني انه حاط في القدر الرئيسي للطبخ عظام غنم عشان يطعم في الاكل واذا جاء يحطها في القدر اللي قدام الناس صفي العظام وحط الرز لحاله ,,,

[طحنون]

ما ادري وش اللي تبين تعرفين باالظبط نكهه الرز او سرطبخ المندي
بالنسبه للرز الابيض يحطون فيه ورق الغار مع عرق الهيل وحب الهيل هاذي طريقه وبالنسبه للكبسه فيه كبسه خفيفه يعني بالبهارات الصحيحه
يعني الغير مطحونه وبدون حمس الايدام وبدون حمس البصل والطماطم تحط المقاديركلها وتطبخ الى ان يستوي الايدام ويكب الرز
وفيه الكبسه الثقيله المشبعه باانواع البهارات وزياده نسبه الزيت او السمن البلدي مع حمس البصل والطماطم والايدام بالبهارات على سبيل المثال البهارات الهنديه الحاره المشكله مع الليمون الاسود والدارسين (القرفه )
انواع الطبخ كثير جدا يصعب حصرها لانها تتجمع من عده مناطق وعده افكار


وبالنسبه للمندي ماينظبط الا اذاكان من الحطب الزين مثل الغظى او السمر بالنسبه الى الايدام مايحط عليه غير الملح ورشه خفيفه من الكركم والبهار الاحمر الحار الهندي يعني فلفل احمر حار رشه خفيفه ويعتمد على سن الذبيحه

[ابن غامد]

الله يصلحكم واحد واحد ,, انا في الدوام وأقرى كل هذا , وما ادري وش اسوي فيكم ..؟؟!! جوعتوني اكثر واكثر , حراااااااااااااام عليكم خلوا الكلام عن البخاري والمندي بعد الساعه 3 العصر عشــــــان اروح بدون ما اشوفكم تتكلمون عن الأكل .... :confused:

[فهد230]

أختي حنان دلوعة أنا فهد 230 مهب فهد666 . ومشكورة على الرد

[مدور ربيع]

فيه عدة طرق اختي حنان ...

بعضهم يستخدم مرقة اللحم الطازج فوق الرز ....

وبعضهم يحرق خشب سمر ويحطه فوق الرز وهو يدخن ويكتم عليه

وبعضهم يستخدم سمنة فارم وثوم مجفف


بختصار كلما كانت الخلطه بسيطه ... تجي نتايجها كويسه :)

[مراقب وجل]

السبب والله اعلم نفسيأً نتيجة لتغيير الروتين اليومي وايضاً طريقة تقديم الاكل ومثل مايقول المثل " تيساً يحب العنز الغريبة"

[المظل]

اشوفكم نسيتو (ماء الزهر) تراة اساسي بطبخ الرز

[بيت طين]

السلام عليكم ورحمة الله وبركاته

:
السبب الرئيسي فى طعم المطاعم سابقا كان في استخدامهم جوزة الطيب وهى الان ممنوعه علي حسب اعتقادى اما السبب الثانى فهو في اختيار نوع الرز حسب نوع الطبخه فمثلا السليق الطايفي يستخدمون له ابو سيوف والكبسات العاديه ابو كاس او باب الهند والسبب الاخير النفس مثل مايقولون اللي هو فى اعتقادى شي سري من شخص الي اخر ولا يعرف سببه بس الاهم ان نوعيه اللحم الطازج البلدي مهم وليس اللحم المستورد اللي يعطونه ابره اذا شحنوها حتى ماتاكل فترة النقل المهم الاسباب كثيره ومحاولة التعلم وتطوير المهارات مهمه فى كل شي وبالعافيه.

[النائب]

أسرار الطبخ كثيرة والمتردد في الشيء يؤتى حكمته كما يقولون

لكن من الأشياء المهمة في نكهة الرز بالذات:
1- البهارات والفلفل
2- زيت الزيتون ويفضل أن يوضع في اللحظات الأخيرة يعني إذا شرب الرز الماء
3- نوعية المرق سواء باللحم أو (ماجي)
ومن المهم تصفية المرق من الشوائب قبل كبس الرز

ولا ننسى أهمية الجوع فهو عسل الأكل!

[طرطيع]

الله يوفقكم اجمعين والله ماني عارف كيف اشكركم غير اقول جزاكم الله خير


بس عند طلب عارفه بتقولون وش ذا الطمعه :j


بس طامعه بي كرمكم :D


لو فيه طريقه مفصله بي مقادير يكون افضل حتي تعتمد مو كل شوي نسوي ويخرب او يبي زيادة كذا او كذا

ولا وش وايكم

الاخ كشته 111

قريت لك مشاركه في موضوع
D:\مجلد جديد\منتديات مكشات - أين يباع ( قدر ) الطبخ الفخاري _.mht

ياليت تحط موضوع كامل بي الصورة لي تعم الفايدة :j

[جلوبلستار]

ومن الي قال ان طبخ المطاعم زين ...
الناس تروح للمطاعم للضرورة او بسبب الكسل

[كشته 111]

جنون الليل اطلت علي موضوع القدور الفخارية المغربية وان شاء الله انزل موضوع عن القدر وكم طبخه عليه مع الصور ,,,



http://www.mekshat.com/pix/upload/images41/mk29635_467000493_ceb0794e3a.jpg

[طرطيع]

جلوبلستار معليش اخوي بس تروح الناس للمطاعم بالمناسبات وجزاك الله خير


كشته 111 الف شكر لك اخوي على حسن ردك تحياتي لك وجزاك الله الجنه اميـــــــــــــــــــــــــــــــــــن

[طرطيع]

والله ما كنت اتوقع ان الرجل عندهم هذي الخبرة في الطبخ وهذا مو سب لكم بل على العكس اقدم لكم جميعا خالص تقديرواحترامي

صراحه ما شاء الله عليكم جميعا الله يعطيكم العافيه

ودايم احب اطلع على ابداعتكم

[جنون الليل]

هناك سر عند أغلب المطاعم وأغلبكم مايعرفه
وهو إنهم يستخدمون أسوأ أنواع الزيوت وأرخصها واللي باقي شوي وتنتهي مدتها
زيادة يضيفون شوي سكر على أي كبسة وهذي أنا مجررررررررررررررربتها تخلي الشي خيال بس هاه إنتبهوا لاتكثرون بس رشة تخليك تحتار وش الميزة في هالكبسة
وزيادة بعضهم يحطون بنادول مع اللحوم يخليها تستوي ومع الروز يعطيه نكهة طيبة بس نتايج هالشي ماهي طيبة لأنها مسرررررررطنة يا علهم الماحي المتناحي

[طرطيع]

هلين جنون الليل الف شكر على الاضافه


شوي سكر على أي كبسة وهذي أنا مجررررررررررررررربتها تخلي الشي خيال بس هاه إنتبهوا لاتكثرون بس رشة تخليك تحتار وش الميزة في هالكبسة

ليت تكتبي

كبستك بي المقادير

ومتي تحط السكر مع الحمس او اذا بغينا نكب الرز

بنادول مع اللحوم يخليها تستوي ومع الروز يعطيه نكهة طيبة بس نتايج هالشي ماهي طيبة لأنها مسرررررررطنة يا علهم الماحي المتناحي

الله لا يوفقهم علشان كذا يقولون سر ما في قول

[فهد230]

والله ياحنان شكلك عجازة أحسن سوسي لك بيض بالجبن ونامي .:cool: :cool: :cool: :D

[جنون الليل]

الله لا يوفقهم علشان كذا يقولون سر ما في قول

هههههههههههههههه لا مو كلهم لكن أغلبهم والآن قرار اللي يمسكونه متلبس يا ويله له عقاب
رادع له ولأمثاله >>>>حتسي مثل كل القونين يسكورون المطعم يومين ثم يرجع ولا كأن شي صار

المهم كبستي أنا لي طريقة مختلفة عن الناس إذا بسوي كبسة فهي بتكون برياني
ولا أحط رز أبيض ودجاج مشوي في الفرن

[جنون الليل]

وإذا تبغي رز أبيض ومفلفل ويلمع مثل الزجاج ---------------إسلقي الرزعلى مويةكثيرة وملح وزيت وكم حبة هيل وعود قرفة وملعقة صغيرة كمون وكزبرة ناشفة وكلو صاحي مو مطحون وبعدين لما تشوفي الرز إبتدى يستوي شيليه من على النار وصفيه من الموية وإتركي شوية ماءفي قاع القدر عشان يكمل إستواء الرز ووطي النار عليه وديري عليه زيت مرة ثانية لأن الأول طلع مع التصفية وبعد خمس دقايق هدي النار على الأخر والرز كل ما يطول على نار هادية يكون أفضل بس مايتعدى ساعة ورشي على وجه الرز شوية بهارات ومطحونة بين أصابعك بس عشان الرز يمتص الريحة وبرضوه شوفي النتيجة
وطريقة شوي الدجاج عندي 0000000000000


أقوم أغسله زين بعد ما أكون قطعة الدجاجة نصفين لكن ما أفصلهم عن بعض وهي إني أقوم أقطع الدجاجة من ظهرها وما أفصلها من عند البطن والسبب
أولا الظهر كلو عظام فعادي يتعرض للنار ما راح ينشف
لأنو ناشف أصلاً ثانياً إذا قطعتي الدجاجة من ناحية البطن
راح تنزل موية اللحمة وتنشف ويقل الطعم فيها
المهم بعد ما أغسلها أدعكها بالخل والليمون أو المتوفر عندي منهم وإذا مافيه ممكن أحط ملح الليمون وإذا مافيه
إدعكيها بشطة رنا وإذا كاعندكم خلاص عاد يكفي الملح لوحده بس ماراح تكون نفس النكهة
وإذا خلصت أرش عليها شوية بهارات شوية للريحة بس ثم أحطها بالصينية المدهونة بالزيت
العربي دوار الشمس أو عافية اللي عندكم بس زيت زيتون أو زبدة لا:no2: ما تتحمل مدة حرارة طويلة بيطلع عليكم دخان من الفرن
المهم حطي الدجاجة على جهة الأحشاء وسط البطن يعني والجهة اللي فيها الجلد تكون تحت
وولعي عليها عين الفرن اللي فوق وتكون في مكان متوسط في الفرن ونار عالية عادي
وإذا شفتي لونها صار ذهبي مائل للبني أقلبيها على الجهة اللي فيها الجلد عشان تتحمر
وملاحظة إذا أنتي ضبطي الوضعية في منتصف الفرن وفرنك نارة كويسة
الدجاجة لايمكن تتحمر إلا وهي مستوية من هذي الجهة وإذا قلبتوها بعد ماتتحمر إلا خلاص تكون مستوية بس إنتبهوا
الدجاجة لازم تكون ذايبة من الثلج كويس
لا تقولون ما قلتي لنا:p
وسلامتكم وإدعوا لي ولبنتي بالفرج والعافية


وهذا رابط موضوعي اللي فيه أغلب تجاربي الشخصية إن شاء الله تستفيدين منه يا دلوعة وخلي عنك الدلع وقومي سوي الغداء:D

http://www.mekshat.com/vb/showthread.php?t=92671

[جنون الليل]

وهذي إضافة يا حنان دلوعة 00000
وترى أنا كاتبتها في مضوع ثاني عن الرز البشاور المهم000000000000
البهارات يفضل دايم تكون صاحية ولا تخلونها مطحونة ولو حمستوها مع الزيت بس شوي تشويح لا:no2: تخلونها لين يتغير لونها وتغير لون الزيت لأنها بتخرب بياض الرز
وفي النهاية إذا نشف الرز مرة أدير عليه شوي زيت يعطيه لمعة رهيبة أو زبدة أو سمنة أحطها أحياناً من باب التغير وخاصة في الشتاء وبعد أقوم أخذ شوية بهارات مطحونة بين أصابعي وأرشها على وجه الرز وهو في القدر وأغطيه وهو يسحب ريحة البهارات
ويطلع يجنن خاصة اللي ما يحبون الكشنة ولا إذا ما عندك بصل وتبي كشنة سو هالحركة
وأنا أحيانا أسوي كشنة من الزبيب والصنوبر والبطاطس مربعات صغار مقلية وحمص حب ((بليلة))

أقوم أحمص الصنوبر أول بشوي زيت وبعدين أشيله وأحط الزبيب وأخليه لين يتحمر ويتنفخ شوي
يطلع جنان للي يحبون وبعدين أضيف البطاطس المربعات ومقلية سابقاً أو مسلوقة والبليلة
والصنوبر وأقلبهم على النار وأحط الصنوبر معهم
وإذا خلصت حطيته على الرز بعد ما ينشف وغطيت القدر وخليته يسحب الريحة لمدة ربع ساعة
ولو حبيت ذوب شوية صبغة صفراء ((بودرة الزعفران)) مقدار نصف بيالة بس وصبه في أماكن متفرقة على الرز ويطلع لك ألوان في الرز جنان


وسلامتكم


وإن شاء الله أكون كتبت ما يفيد وينفع
وإذكروا الله لاتنظلوني:D

[جنون الليل]

دلوعة نسيت أقول لك متى تضيفين السكر أضيفيه مع الموية عشان يذوب
وعادي في البداية مع الحمسة إذا كنتي تسوين كبسة أم تكشينة بصل وطماط ههههههههههه
وإذا تبين رز بني بعد إحرقي شوية سكر زي اللي نسويه للكريم كراميل وأضيفيه للرز الأبيض
وشوفي النتيجة وإدعي لي والكمية حسب كمية غداكم وحسب رغبتك باللون بس إذا تبينه بني مرة صعب تكثرين السكر فأحسن شي تزيدن بصل مقلي لحد ماصار بني زي حق الكشري وتنقعينه بالماء المغلي وتاخذين الموية وتكبسين عليها

[طرطيع]

ههههههههههههههههههههههههههههههههههههههه ما شاء الله الله يحفظك من كل سوء

تحياتي والله وسعتي صدري خخخخخخخخخخخ


والف شكر اترك عني الدلع الا ما اعرفه ابشرس مكروفه كرف

الله لا يبتليس بس وان شاء الله اطبق الي قلتي واعلمس

وبعدين اسمي سخيف في هذا الموقع كنت اسجل في موقع ثاني واكتب مشاركات ولخبطت الدنيا

حتي البنات في الموقع يقولون انت حرمه ولا رجل الله يخالف

ورديت على موضوع للجمال بي طبخه والطبخ بالجمال من العجله عقب هلي صار تبت ما عاد استعجل

وياليت حد يغير اسمي والله متفشله منه

[راعي الهـــدد]

هذي افضل طريقة لكبسة الرز

وبلا مطاعم بلا قرفهم ونذالتهم


وقلة النضافة عندهم معلومة

كبستك في الكاتم ماراح تآخذ منك 20 دقيقه وعلى مسؤوليتي

جرب ولن تندم

فيه موضوع عن رحلة سبق وطرحتها بمكشات قبل شهر

وفيها طريقة الكبسة بالكاتم وتصير نثرية

طريقة مصورة وواضحة على هالرابط

صيفيات ..... صيفيات ... لايفوووتك حركات الصيف .. رحلة في أعماق نـجـد .. راعي الهـــدد (http://www.mekshat.com/vb/showthread.php?t=87446)


او باقص مايهم موضوعنا هذا وانسخه لكم هنا



واليكم الصور بالتفصيل الممل


______




(22)

وصلت ابو عبدالله وجلست معه وتقهوينا ووسعنا الصدر

وعيب هالرحلة اني ما صورة القهوة والجلسة بتوسع

عموماً بعد القهوة كلاً منا خم له شي الي قدر والي جلس يقطع بصل والي يولم شي وهاه وهاه

وخم ابو عبدالله قدر الظغط حبيّب قلبي

وبدا يحورف ويتفنن مثل العادة

واحكر لنا ذيك الكبسة الي ماقبلها ولابعدها شي

واليكم الصور بالتفصيل الممل
ويمكن ان تكون مرجع لمن لم يعرف كيف يضبط الكبسة في قدر الظغط

وسأفردها بموضوع في خيمة الطبخات البرية

اول شي

حمس ابو عبدالله البصل والطماط ومثل ماتشوفون وكب عليها شوي بهارات وملح وفلفل واحد مقطع كنكهة


http://www.mekshat.com/pix/upload/images36/mk33838_24p.jpg


(23)

بعدها زاد الماء جعله يسلم

بس لاتكثر حسب كمية الرز


http://www.mekshat.com/pix/upload/images36/mk33838_25p.jpg


(24)

ثم جاك الرز يمشي مليووون هههههه

يازين شكله تقول كنه صفاة من شدة بياظه



http://www.mekshat.com/pix/upload/images36/mk33838_26p.jpg



( 25 )
وشوي الين الرز محول في اسفل القدر هههههه

ولاعاد تسمع الا صوت خبطه في الماء


http://www.mekshat.com/pix/upload/images36/mk33838_27p.jpg



(26)

ومثل ماتشوفون هاليد المبروكة تحرك الرز شوي

لعشان تعرف وش مقدار الماء


http://www.mekshat.com/pix/upload/images36/mk33838_28p.jpg



(27)

ثم خذا ابو عبدالله رشفه من المرقة يم يم يم

والمقصد طيب ولاتسيئووون الظن

بس يبي يذوق الملح ههههههه

بس اشوفها طولت هالذواقه رشفه ورى رشفه ههههه


http://www.mekshat.com/pix/upload/images36/mk33838_29p.jpg



(28)

ثم جاء الغالي وغط طرف اصيبعه

استغفر الله اللا قصدي مصبعه الدبي هههههه

لاوالله مصبعه السبابه وتأكد من ان الماء مقدار قفلة واحدة بس وبس وبس لاتزيد ابداً ابداً هههه

http://www.mekshat.com/pix/upload/images36/mk33838_30p.jpg


(29)

ثم كرسع الدجاج مع الرز والمرق وماغير ماتشوف
الا سيقان هالدجاج يتدودل يالله الخيرة ههههه


http://www.mekshat.com/pix/upload/images36/mk33838_31p.jpg


(30)

هاه وش بعد وش بعد

ساو دجاجك صح او لحمتك ان كان معك اللحمه
الله لايهينك


http://www.mekshat.com/pix/upload/images36/mk33838_32p.jpg


(31)

ثم حط ماشئت من منكهات او محسنات او مشهيات
مثل كوسة

او فلفل وغيره


http://www.mekshat.com/pix/upload/images36/mk33838_33p.jpg





تـــــابــــع >>>>>

[راعي الهـــدد]

(32)

ثم طبق قدرك لاهنت واتبكه صح


http://www.mekshat.com/pix/upload/images36/mk33838_34p.jpg



(33)

والله اليد ماشاء الله تبارك الله

اللهم صلي على النبي ههههههه

متوسعة هههه تعرف لاقالو متوسع والله ماشاء الله متوسع متوسع هههههههه

ياعوين القدر اعويناه راح فيها من يدك يابو عبدالله هههههه

ابو عبدالله طالبك لاتعلق علي
والله ان عمران ابو احمد موصيني عليك
يقول علق عليه شوي وتراني في وجهه

ابو احمد لاتخليني ياعزوتي ولايهون ابو عبدالله هههههه

http://www.mekshat.com/pix/upload/images36/mk33838_35p.jpg


(34)

ثم طول عليه وخله الين يبدأ يتستس

ابو عبدالله ماودك اوصف بعد

والله في ثمي وصف لساعدك جعله مايشل ههههه

تدري يكفيك الي جاك هههههههه

من شافني قال وامن الحين من ابو عبدالله يالله الستيرة


http://www.mekshat.com/pix/upload/images36/mk33838_36p.jpg



(35)

ثم اذا تستس عود على قدرك وقصر عليه نمنم
يعني على آخر شي وخله لمدة 20 دقيقه
هذا اذا هو دجاج


http://www.mekshat.com/pix/upload/images36/mk33838_37p.jpg




(36)

اوهوهوه وصلت ساعة الصفر

واعلن ابو عبدالله ابتداء المعركة

وتمت 20دقيقه واسحب البلف

ومنظر اعشقه دائماً في الصحراء


http://www.mekshat.com/pix/upload/images36/mk33838_38p.jpg




(37)

ياااااااووووووك والله ان الريحة تكفيك


ولو مايحصل الا شوفت هالصحن الشعبي يكفيك

يالله تثبتني من الأرض لااطير

حتى تجي حزة غداي الوكادي

وش رايكم شاعر هههههههه من جنبها


http://www.mekshat.com/pix/upload/images36/mk33838_39p.jpg



(38)

وهذي صورة غديّنا الله يطرح به البركة

وقولو ماشاء الله تبارك الله


ورحمة بكم باقي صور الغداء غير صالحة للنشر

للمصلحة العامة هههههه


http://www.mekshat.com/pix/upload/images36/mk33838_40p.jpg


(39)

تغدينا وعيّنا من الله خير

وجاء دور العبيلة والخلطة السرية حقت ابو عبدالله

وسبق نشرتها لكم في موضوع غابة نجد على الرابط ذيا

غـــــــابــــــة نــــجـــد... خـيـال وعـجائب ... ورحـلـةعـالـمـيـة ... راعي الهــدد (http://www.mekshat.com/vb/showthread.php?t=80079)


المهم لقطت لكم كم صورة من حدر الشعيب
وبطحاء جنان
وحنا جالسين نتناول العبيلة عقب العصر





للــحــــديث بقية تجده بالرابط أعلاه

صيفيات ... صيفيات ...

[الكهف1]

احسنت
الزيت هو الطعم مع الاعواد

[saadnawaf]

انا احييك بعنف

[هاوي خلا]

الى صاحب اللموضوع :
انا ما أدري بنت والا ولد مره حنان ومرة طرطيع المهم مالكم بالطويل .
هناك شيء يستخدمه عمال المطاعم قد يجهله الكثير من الناس ويسمى عندنا الماجي الأبيض وهو كانه كسر او نشارة قزاز ((زجاج)) يوضع مع الطبخ ويعطي نفس طعم رز المطاعم ابيض وله نكهه جميله وريحة ترد الروح .
قمنا بأستخدامه وكانا ندهن به الذبيحه حقت المندي قبل نسقطها في البرميل ويطلع لك اللحم مستوي وله نكهة جميلة ولكن على حسب علمي وتحذير الناس لنا قالوا انه صناعي وانه يعتمد على الكربون ومواد غير طبيعيه فتركناه والا له طعم جميل جدا ويعطي الطبخ والأكل نكهة جميلة والمطاعم الآن الله والعالم أنهم يستخدمونه لأنه نفس النكهة اللي كنا نسويها .
وصف الماجي الأبيض ((يجي في بلاستيك ((باغات )) مثل حقات الفصفص المصري صغار قد الكف والباغة شفافه بحيث ترى الماجي الابيض وكأنه كسر قزاز أو شظايا قزاز وكان يباع في بنده وعند العطارين .
هذا ما عندي ولكم جزيل الشكر والأحترام وتراكم جوعتونا .
أخوكم / هاوي خلا .

[جنون الليل]

8
8
أخوي هاوي الماجي الأبيض الأغلبية يعرفونة لكن كما قلت مضر صحياً وإسمه الصحيح جلو تومات الصوديوم الملح الصيني
وهو مادة تؤثر على الأعصاب وكذلك أنا سألت الخدم الإندونيسيات وقالوا ترانا مانحط منه إلا رشة بسيطة وربعنا يكبون كب بالهبل
قلت ليش قالت يسبب أورام في الغدد وتؤشرعلى رقبتها وعند الإبطين وهم اللي يصنعنونه من سنين وهم و أبخص به
المهم هم كانوا في إندونسيسا يستوردون نوع آخر واللي هو الملح الصيني ومن مدة إكتشفت إندونيسيا إنه يحتوي على دهون ومنتجات الخنزير لعنة الله عليهم والله أنا أذكر إني رديت على وحدة في موقع آخر بخصوص هذا الموضوع والله نسيت وش كتبت لها زيادة
فبحاول أروح لمشاركاتي في هذا الموقع وأجيب اللي نقص من هنا في ردي لأني أتذكر فيه زيادة معلومات
وكانت مريم نور تحذر منه بعد ههههههههههههههه أوقات يطلع لها شي كويس هالعجوز
وانا أقول لكم ترى حتى الماجي العادي الأصفر اللي تستعملونة كله مواد مصنعة خاصة منتجات الصوديوم تراه مضرة
بالنسبة لي إذا كلت شي محطوط في أي منها على طول يورم وجهي وحلقي وعيوني وإكتئاب الله لايوريكم وصداع

اللهم إني قد بلغت

[جنون الليل]

إليكم بعض ردود الأخوات بهذا الخصوص الجينوموتو أو الماجي الأبيض أو الملح الصيني أو جلوتومات الصوديوم والبعض يسميه
ملح إندونيسي 0000000000000000





حبيباتي حبيت أضيف معلومة عن الجلوتومات أرجوكم لا تستعملوها أبدا
صديقتي جدتها صينية و قالتلنا إن المسلمين في الصين ما يستعملوه لأن فيه مادة نجسة الله اعلم أيش هي يمكن خمرة أو منتجات مستخرجة من الخنزير علشان كذا حبيت أنبه









تقصدى الاجينو ماتو انا لم كنت فى امريكا شفت فى برنامج تعذية تحذير عن الملح ومخاطر الملح








صحيح كلام هدوء الليل وانا متاكدة منه ..

الجيناموتو يحتوي على هذه المادة الخطيرة بتركيز يفوق تركيزه في الماجي العادي











اسوأ شي على البشره ....والصحه العامه هو الأجينيموتو والماجي
واسألوا كل خبراء التغذيه ... والله لو تعرفون اللي اعرفه ..كان ما تستخدمونه ابدا ...ابدا











صح الأجينو موتو جدا مضر وانا سامعة هذا الكلام من زمان وفي ناس تسميه ملح اندونوسي

حتى هذا الكلام سمعته من بعض الندونوسيات أنه عندهم نشرات في جرائد اندونسيا بتحذر من استعماله

الله يحفظنا يارب

[sal7]

أنا أعرف السر و انا أخوك لكن وش تعطين شرط أن يبرد كبدك

و للمعلوميه الرز يضاف له السر اللي أعرفه و هيل و دارسين و عويد (مسمار) و شوي بهارات
لكن لو تعرف السر كان ما تقربهم :)

[كشات جديد]

والله خوفتنا يا مشرفنا قلنا وشهو هالسر:rolleyes: وهل هو مسموح به ؟؟؟!!

[طرطيع]

اعطيك شي يصلح عليه امرك في الدنيا والاخرة

الدعــــــــــــــــــــــــــــــــــــــــــــــ اء

كل ما حطيت الي هو السر اقول الله يوفقه ويوسع له في رزقه ويرزقه من حيث لا يحتسب ------------------------الخ

ها وش قالت تعلمنا

[ناصح]

سؤال ماهو سر نكهة رز المطاعم...؟؟


الجواب : السبب الماجي الأبيض ..!!

واسم المادة العلمي ( جلوتومات أحادي الصوديوم )

وهو يعطي نكهة قوية ولذيذة للاكل وكلما زادو منها أعطت طعم أكثر والماده هذي رخيصة جدا

لكنها غير صحية وبالتالي لا تكثر من أكل رز عند المطاعم :no2:



فالماجي العادي أو الأبيض وما شابهها

كلها مضرة
.

وخذ عندك هذه القاعدة


أي مادة تعطي نكهة أو طعم اللحوم سوائاً غنم ابو سمك أو دجاح

فهي مركبة من مادة

( جلوتومات أحادي الصوديوم )


وهي مع الأسف التي تعطي الطعم الرائع للأرز في مطاعم البخاري والمثلوثة وغيرها

وهي التي تضاف للبطاطس المقلية في التمونيات ويحبها الصغار..!!

وهي التي تعطي الطعم الرائع للوجبات سريعة التحضير مثل الاندومي ,,,

.

وهذه المادة عليها ملحوظات كثيرة ويعتقد في أنها سبب للماشكل الصحية في عصرنا الحاضر

مثل الضعط والسكر والحساسة


فا الأفضل تجنبها قدر المستطاع

[shaheenshah]

سؤال ماهو سر نكهة رز المطاعم...؟؟



الجواب : السبب الماجي الأبيض ..!!

واسم المادة العلمي ( جلوتومات أحادي الصوديوم )

وهو يعطي نكهة قوية ولذيذة للاكل وكلما زادو منها أعطت طعم أكثر والماده هذي رخيصة جدا

لكنها غير صحية وبالتالي لا تكثر من أكل رز عند المطاعم :no2:








فالماجي العادي أو الأبيض وما شابهها


كلها مضرة
.

وخذ عندك هذه القاعدة


أي مادة تعطي نكهة أو طعم اللحوم سوائاً غنم ابو سمك أو دجاح

فهي مركبة من مادة

( جلوتومات أحادي الصوديوم )


وهي مع الأسف التي تعطي الطعم الرائع للأرز في مطاعم البخاري والمثلوثة وغيرها

وهي التي تضاف للبطاطس المقلية في التمونيات ويحبها الصغار..!!

وهي التي تعطي الطعم الرائع للوجبات سريعة التحضير مثل الاندومي ,,,

.

وهذه المادة عليها ملحوظات كثيرة ويعتقد في أنها سبب للماشكل الصحية في عصرنا الحاضر

مثل الضعط والسكر والحساسة


فا الأفضل تجنبها قدر المستطاع



صدقت اي والله
الماجي الأبيض ويقال انها مادة مسرطنه الله يكفينا وإياكم الشر وهو اللي يخلي طبخ المطاعم مسكت عند بعض الناس اقول ...بعض.... وليس كل

[كشات جديد]

بحثت عن مادةجلوتومات أحادي الصوديوم بالانترنت وطلعت بهذه النتائج :



: هل غلوتامات أحادي الصوديوم monosodium glutamate(MSG) أميناًوسليماً؟

ج: أُستخدم غلوتامات أحادي الصوديوم لسنين طويلة في البيوت والمطاعم وتصنيع الأغذية. وقد يحدث للأشخاص, الذين لديهم حساسية من الغلوتامات أحادي الصوديوم, قد يحدث لهم تفاعلات متوسطة عند تناول طعام يحتوي على كمية كبيرة منه. وبسبب أستخدامه العام في المطاعم الصينية, عُرِفت هذه التفاعلات بِ"ظاهرة المطعم الصيني". وتؤمن أل FDA أن الغلوتامات مُكون غذائي سليم لعامة الناس, ويجب التصريح بوجوده ضمن المكونات على العبوة.





مؤلف: اننواف
ارسل: الجمعة 2 يونيو 2006 11:03 ص
موضوع الرسالة: جلوتومات أحاادي الصوديوم



السلام عليكم يا دكتور ..

ارجوك ان تساعدني ..

انا استخدم في الاكل مادة اسمها الماجي الابيض

وهي مادة لونها ابيض ولامع .. اسم هذه الماده هي (( جلوتومات احادي الصوديوم ))

أما محتوياتها فهي (( مونوصوديوم غلوتومات 99% ))

ارغب بمعلومات ومضار هذه المــــــــــا ده على الصحة ؟؟
حيث ان بعض الناس قال لي انها تسبب مرض الفشل الكلوي .. فهـــــــــــل هذااااا صحيح ؟؟
ارجوووووووووووووك يا دكتور .. ارشدني ... ولك مني جزيل الشكر ..



مؤلف: د. عمادصبحي
ارسل: الجمعة 2 يونيو 2006 11:58 ص
موضوع الرسالة: هذه المادة مأمونة

مادة مونوصوديوم جلوتومات تستخدم كمحسن للطعم ، ولم يثبت سميتها أو ضررها للإنسان، وكل السلطات الصحية تبيح استخدامها.






.

[جنون الليل]

بالنسبة لي هذه المادة وأنواعها من مواد منكهة أو حافظة فعلاً تسبب لي حساسية وتتورم
عندي العينان والوجه والأنف ويحتقن الحلق وتسبب لي إكتئاب وصداع لايطاق
ولا أدري عن الناس

[جلوبلستار]

انتبهوا من الماجي الأبيض

[اهلا وسهلا]

اسر عند


لا تغسل الرز صح وحط ارخص البهارات وخل الشغل سريع سريع وضع بندول وكذلك كثر من الماجى !!!!!

[عاشق الكبسه]

هناك سر عند أغلب المطاعم وأغلبكم مايعرفه
وهو إنهم يستخدمون أسوأ أنواع الزيوت وأرخصها واللي باقي شوي وتنتهي مدتها
زيادة يضيفون شوي سكر على أي كبسة وهذي أنا مجررررررررررررررربتها تخلي الشي خيال بس هاه إنتبهوا لاتكثرون بس رشة تخليك تحتار وش الميزة في هالكبسة
وزيادة بعضهم يحطون بنادول مع اللحوم يخليها تستوي ومع الروز يعطيه نكهة طيبة بس نتايج هالشي ماهي طيبة لأنها مسرررررررطنة يا علهم الماحي المتناحي

واقول ليش البنادول مخلص عندي في البيت

بس مع هذا الكبسه ما تعجبني

كبسة العزوبيه افضل شي

ماباقي الا يحطون جميع العقاقير الطبيه وتصير كبسة بالعقاقير او كبسة دواء

[مجتهد***]

الحمد لله من ثلاث سنوات مقاطعين الماجي و نطبخ من دونه

[عاشق الكبسه]

ممتاز

انا كنت افكر في هالشي كيف الطعم من دون ماجي بالله

وماهو البديل لماجي

[زقم]

هذا كلام الأخ ناجي ( صاحب مطعم الناضج )

المقادير التاليه ظروريه لكي يكون الرز مسكت

1- قطع من شحم الليه (مكعبات تحمسمع البصل والبهار ) وطبعا تعرفون حنا ما نستخدم

الشحم في الحمسه ببيوتنا .

2- مكعبات ماجي اللحم لأعطاء نكهه ومذاق خاص للمرقه قبل كب الرز.

3- الليمون الأسود والدارسين والهيل أساسيه في الكبسه .

بس ومافيه شيء ثاني

وبصراحه والله يا أن الكبسه الي يسوونهم الحريم في البيت أو الي نظبطها في البر

انا أزين من كبسات المطاعم بمراحل ...بس سبحان الله الطراره حانطه

[عاشق الكبسه]

انا ما اكره في ا لطبخ الا تقطيعا لبصل والطماطم ودي احطها مثل ماهي بدون تقطيع

[جنون الليل]

ممتاز

انا كنت افكر في هالشي كيف الطعم من دون ماجي بالله

وماهو البديل لماجي
البديل للماجي
ورق الغار والدارسين (القرفة) والمسمار (العويدي) (القرنفل) والليمون الأسود والكمون والكزبرة كلها حطوها صاحية مو مطحونة:no2:
وبما إن الكمون والكزبرة حبيبات صغيرة وفيه ناس ماتحبها ممكن تحط منها رشة بسيطة مع كبة الرز وتعطي نكهة
خيااااااااااال

والله أنا أسوي غداي عليهم من دون لا بصل ولا طماطم ولا ماجي
بس أستخدم منكهاتنا الطبيعية وطريقتي بالرز تلاقيها في موضوع تجاربي وتجاربكم

[جنون الليل]

هذا ردي على أحد المواضيع عن كيف تطبخ الأرز البشاور

ً الرز البشاور كل ماركة لها وزنة مختلفة عن الماركة الثانية وأيضا حسب تاريخ إنتاج الرز إذا حق هالسنة أو من كم سنة والرز كل ما يكون قديم يكون أفضل خاصة المزة الهندية أما البشاور لا تاخذون أقدم من سنة
والبشاور إذا جيت تغسله إغسله بحذر لأنه ممكن يتكسر وأنت تغسله وإياكم والماء الحار يكفي ماء دافي وشوية ملح ناعم
وإياكم وغسله مرة ثانية بعد التنقيع لأنه يكون سهل الكسر وممكن ينطحن معك
حتى المزة الهندية إذا غسلته ونقعته إنتبه بعد تعيد غسله مرة ثانية عقب مانقعته لأنه يتكسر بعد
أما أحسن نوعيات البشاور فهو 000000000000
أول شي الشعلان والمهيدب هذولي قمة
أما المزة كثير منها زين لكن في المقدمة الوسام والمهيدب والشعلان

بالنسبة للرز العادي المزة فطريقة وزن الماء هي إنك توقف الملعقة في النص غذا وقفت مستقيمة ما طاحت يمين ولا يسار فهو وزن ممتاز
وتخليه على النار نار عالية لحد ما يبدى يغلي وإذا بدى يغلي تخليه لين تشوف الرز بدى يشرب الماء ثم تقصر عليه قصر عادي لحد ما ينشف
ثم تنمل له النار تنميل وتحط تحته الصاجة إذا موجودة وتخليه مدة 25دقيقة إلى نصف ساعة عشان تطول حبته
أما قياس الملح والزيت أفضل شي كل مد من الرز له
ملعقة ملح ناعم ونصف بيالة زيت
أما البشاوور فطبخه يختلف من ناحية قياس الماء والملح والزيت فكل مد من الرز يحتاج أقل من ملعقة ملح وبيالة زيت واللي ما يخافون عن الزيت يحطون بيالة ونصف
أما الماء أفضل شي يكون الماء فوق الرز إثنين سم والنار تكون في البداية عالية وإذا بدى يغلي على طول تقصر عليه النار قصر عادي
لحد ما ينشف وإذا نشف تنمل له النار تنميل
وفيه طريقة سهلة جداً للجميع وهي إنك تحط الرز والملح والزيت وتالماء وتكثر كل شي طبعاً لأنك بتخلي الرز يطبخ علة نار عالية ثم إذا شفت الحبة بدت تستوي تشيله من على النار وتصفيه من الماء بس لا تصفيه مرررررررررة خل شوي ماء بين حبات الرز عشان إذا رجعت القدر على النار تنمل عليه النار وتخليه يكمل إستواء
بباقي الماء المتبقي بين حبات الأرز



البهارات يفضل دايم تكون صاحية ولا تخلونها مطحونة ولو حمستوها مع الزيت بس شوي تشويح لا:no2: تخلونها لين يتغير لونها وتغير لون الزيت لأنها بتخرب بياض الرز
وفي النهاية إذا نشف مرة أدير عليه شوي زيت يعطيه لمعة رهيبة أو زبدة أو سمنة أحطها أحياناً من باب التغير وخاصة في الشتاء وبعد أقوم أخذ شوية بهارات مطحونة بين أصابعي وأرشها على وجه الرز وهو في القدر وأغطيه وهو يسحب ريحة البهارات
ويطلع يجنن خاصة اللي ما يحبون الكشنة ولا إذا ما عندك بصل وتبي كشنة سو هالحركة
وأنا أحيانا أسوي كشنة من الزبيب والصنوبر والبطاطس مربعات صغار مقلية وحمص حب ((بليلة))

أقوم أحمص الصنوبر أول بشوي زيت وبعدين أشيله وأحط الزبيب وأخليه لين يتحمر ويتنفخ شوي
يطلع جنان للي يحبون وبعدين أضيف البطاطس المربعات ومقلية سابقاً أو مسلوقة والبليلة
والصنوبر وأقلبهم على النار وأحط الصنوبر معهم
وإذا خلصت حطيته على الرز بعد ما ينشف وغطيت القدر وخليته يسحب الريحة لمدة ربع ساعة
ولو حبيت ذوب شوية صبغة صفراء ((بودرة الزعفران)) مقدار نصف بيالة بس وصبه في أماكن متفرقة على الرز ويطلع لك ألوان في الرز جنان


وسلامتكم


وإن شاء الله أكون كتبت ما يفيد وينفع
وإدعوا لي إن الله يفرج همي وكربي أنا وبنتي وزوجي
وإذكروا الله لاتنظلوني:D

[خالد940]

http://www.mekshat.com/pix/upload/sign/images/mk31231.gif

[خالد940]

http://www.mekshat.com/pix/upload/sign/images/mk31231.gifوالله ما عندي مطعم

[أبوتركي 999]

المطابخ كلها الي مثل الرومانسيه وغيرها طبعاً أقصد الرز الشعبي يعتمدون على إضافة ماء الورد

[ولد المكاشيت]

أخوي رز المطاعم كله ماجي أبيض جرب وبتدعيلي الماجي هو اللي يزينه

بس ترى الماجي مظر

[سدا نجد]

ماجي للحم والرز هذا هو سبب طعم المطاعم. بس اعتقد انه ضار صحيا

[غثران]

اقوال غير صحيحه الطبخ من راعيها واه طبخ احلا من البيت مافيش فضلا اعد المحاوله مرة اخري

[كشات جديد]

جربو حطو ملي غطاء قارورة ماء الكادي بنصف كوب ماء عادي وبه شوية زعفران علشان اللون والرائحة ورشوه على الرز اذا قرب يستوي وشوفو النتيجة

[الماهر2000]

الماهر 0 النكهه هى اولا اليد العامله نفسية الشخص خبرته فى اختيار الارز الطيب كما الحم الطازج البلدى اما توجد مواد تضاف الى الاكل فهم يضيفون الزيت يسخن مع المستكه يرش على الارز اومرقة ماجى 0 والله حسب خبرتى فى المطابخ مافيه نكهات خاصه للارز 000000 اوصكيم بعمل المنازل الصراحه مافيه احسن منه من ناحية النظافه وشى معروف امامك تعرف كلل مافيه من ماء وجميع محتوياته000000لكم منى خالص التوفيق

[عرقوب]

(32)





ثم طبق قدرك لاهنت واتبكه صح







(33)


والله اليد ماشاء الله تبارك الله


اللهم صلي على النبي ههههههه


متوسعة هههه تعرف لاقالو متوسع والله ماشاء الله متوسع متوسع هههههههه


ياعوين القدر اعويناه راح فيها من يدك يابو عبدالله هههههه


ابو عبدالله طالبك لاتعلق علي
والله ان عمران ابو احمد موصيني عليك
يقول علق عليه شوي وتراني في وجهه


ابو احمد لاتخليني ياعزوتي ولايهون ابو عبدالله هههههه





(34)


ثم طول عليه وخله الين يبدأ يتستس


ابو عبدالله ماودك اوصف بعد


والله في ثمي وصف لساعدك جعله مايشل ههههه


تدري يكفيك الي جاك هههههههه


من شافني قال وامن الحين من ابو عبدالله يالله الستيرة







(35)


ثم اذا تستس عود على قدرك وقصر عليه نمنم
يعني على آخر شي وخله لمدة 20 دقيقه
هذا اذا هو دجاج








(36)


اوهوهوه وصلت ساعة الصفر


واعلن ابو عبدالله ابتداء المعركة


وتمت 20دقيقه واسحب البلف


ومنظر اعشقه دائماً في الصحراء








(37)


ياااااااووووووك والله ان الريحة تكفيك



ولو مايحصل الا شوفت هالصحن الشعبي يكفيك


يالله تثبتني من الأرض لااطير


حتى تجي حزة غداي الوكادي


وش رايكم شاعر هههههههه من جنبها



http://www.mekshat.com/pix/upload/images36/mk33838_39p.jpg




(38)


وهذي صورة غديّنا الله يطرح به البركة


وقولو ماشاء الله تبارك الله



ورحمة بكم باقي صور الغداء غير صالحة للنشر


للمصلحة العامة هههههه



http://www.mekshat.com/pix/upload/images36/mk33838_40p.jpg



(39)


تغدينا وعيّنا من الله خير


وجاء دور العبيلة والخلطة السرية حقت ابو عبدالله


وسبق نشرتها لكم في موضوع غابة نجد على الرابط ذيا


غـــــــابــــــة نــــجـــد... خـيـال وعـجائب ... ورحـلـةعـالـمـيـة ... راعي الهــدد (http://www.mekshat.com/vb/showthread.php?t=80079)



المهم لقطت لكم كم صورة من حدر الشعيب
وبطحاء جنان
وحنا جالسين نتناول العبيلة عقب العصر






للــحــــديث بقية تجده بالرابط أعلاه


صيفيات ... صيفيات ...


كلمة اتبكه والصحن ولله ياهن شي :D
طبعا كبستكم فيها اخطاء .. ارجو تقبلوا النقد ..

بالنسبة لصاحب الموضوع ..
فيه منكهات كثيره .. اهمها مع الكشنه .. الكسبرا يعني نكة مميزه وهذا يسوونه اغلب المطاعم
بس يجب الحذر الكسبرا نبته سامه .. حط شوي ثوم ويبطل مفعول المادة السامة
بعدين الفلفل يعطي نكه مميزة والهيل بدون طحن والعويدي وورق الغار هذا الي اعرف :rolleyes:

[عصيقيل]

السبب وانا اخوك يحطون مع الرز لية الخروف (ودتس) وتعطي الرز نكهه خرافيه جربي اطبخي كبسة و لا تستخدمي اي زيت فقط شحمة ذنب الخروف (ليه) وبتشوفين الفرق

[حر الشمال]

خلاص ياجماعه جوعتوني وباقي بعيد على الفطور هههههههه

[النمر الوردي]

السلام عليكم الرز مايبي كث حوق وبهار حط لومى حبتين هيل دارسين ولو بغيت و قرنفل بس كله عدل وزيت فنجان وازن المويه الملعقة ماتطيح ولاتطولون النقع علشان يشرب من الطعم وحطوه تحت اللحم اوالدجاج فى فرن الندي وعيكم بالعافية( تراى اتعلم)

[سولاف]

رز المطاعم مثل ماقال اخوي(عصيقيل)الودك اساس رزهم بس والله ياكبسة بالبيت نسوى مطاعم الرزوز كلها لا وبعد باقي المطاعم
والله ماجازي لي من المطاعم الا القرموشي بجدة يسوي مطبق هاك السنين ونفس الطعم والرائحه
اما الرز ماكل الا رزي ومن ايداياتي
وبالنسبة لاخوي عاشق الكبسة _بديل الماجي _ تجيب مرقة اللحم او الدجاج الباقي اللي الابرد يصير تقل جلي ثم تضيف لها بقدونس وزنجبيل وبهارات وثوم وتخلطها بالخلاط بس كثر الزنجبيل ثم وخله تطبخ لما تحس اختاطت المكونات وبعدين وزعه بقوالب الثلج وغلفة بالبلاستيك واستعمل بكل كبسة وحدة وبالهناء
اما انت ياراعي الهدد والله ياكبسك بالدماغ من شكله كبسة قصمان لا وبعد مسوينه بالمزرعة والخضرة من هالمزرعة ياملا اليسر وقل العسر

[الكونترولCONTROL]

1- زيت ( سمن فارم حيواني ) كمية غير معقولة و تتعدى تحمل الجسم !!!
2- سكر (( تقرببا مقدار بيالة شاهي مع قدر المطعم الكبير ))
3- مستكة ( نفس اللي يحط مع البخور )
4- ماء ورد ... ملعقة طعام كبيرة مع قدر المطعم الكبير
================
هذه هي الأسرار ........ و لولا الزيت ما يعرف يطبخ الا حنا بالبيوت !!!

[almstshar555]

السلام على الجميع ياطرطيع اكل المطاعم كله مروح ولا فيه الزين ماادري وش اللي محلي رز المطاعم عندك عليك بطبخات النشاما ابو عبدالهادي ولا ابو الخل والربع كلهم بدون نقصان

[عجاج السناف]

1- زيت ( سمن فارم حيواني ) كمية غير معقولة و تتعدى تحمل الجسم !!!



2- سكر (( تقرببا مقدار بيالة شاهي مع قدر المطعم الكبير ))
3- مستكة ( نفس اللي يحط مع البخور )
4- ماء ورد ... ملعقة طعام كبيرة مع قدر المطعم الكبير
================
هذه هي الأسرار ........ و لولا الزيت ما يعرف يطبخ الا حنا بالبيوت !!!


على قول اخوي الكنترول ماء ورد

[googl11]

جميع المطاعم يستعملون معزز نكهه
عبارة عن بكتات نايلون توجد في غالبية المتاجر يسمى (( معزز نكهات ))
يوجد على العبوه كيفية الاستخدام
مع مراعاة وزنة مع الملح لوجود ملوحة في المسحوق

0
0
0
0
المطاعم لايستعملون الا ارخص المواد ويعززونها بطرقهم ودمتم

[ابرااااهام]

خلك في عملك أصلحك الله

[اللامه]

جزاك الله خير وشكراً على المعلومة

[ابو محمد2]

يعطيك العافية يا أخي الحبيب ( تسلم )
وحبيت اشارك بفائدة للجميع
قال النبى صلى الله عليه وسلم من استغفر للمؤمنين والمؤمنات كتب له بكل مؤمن ومؤمنة حسنة
قال النبى صلى الله عليه وسلم من استغفر للمؤمنين والمؤمنات كل يوم سبعاوعشرين مرة كان من الذين يستجاب لهم ويرزق بهم أهل الأرض
قال النبى صلى الله عليه وسلم من لزم الاستغفارجعل الله له من كل ضيق مخرجاومن كل هم فرجا ورزقه من حيث لايحتسب
قال النبى صلى الله عليه وسلم من استغفر الله دبر كل صلاة ثلاث مرات فقال أستغفر الله الذى لا اله الا هوالحى القيوم وأتوب اليه غفرت ذنوبه وان كان فر من الزحف قال النبى صلى الله عليه وسلم من قال حين يأوى الى فراشه أستغفر الله الذى لا اله الا هو الحى القيوم وأتوب اليه ثلاث مرات غفر الله له ذنوبه وان كانت مثل زبد البحر وان كانت عدد أوراق الشجر وان كانت عدد رمل عالج وان كانت عدد أيام الدنيا
قال النبى صلى الله عليه وسلم سيد الاستغفار أن تقول اللهم أنت ربى لا اله الا أنت خلقتنى وأنا عبدك وأنا على عهدك ووعدك ما استطعت أعوذ بك من شر ماصنعت أبوء لك بنعمتك على وأبوء بذنبى فاغفرلى فانه لا يغفر الذنوب الا أنت من قالها من النهار موقنا بها فمات من يومه قبل أن يمسى فهو من أهل الجنة ومن قالها من الليل وهو موقن بها فمات قبل أن يصبح فهو من أهل الجنة رواه البخارى والنسائىعن شداد
ابن أوس رضى الله عنه
بادر بنشرها ولك الأجر والثواب ان شاء الله
جزاك الله خيرا

[الطبل]

هههههههههههههههههههههههههههههه

[جبل راف]

كله والله من سمنة فارم يكبون حوالي لترين بالطعام وانواع البهارات

[جنون الليل]

كله والله من سمنة فارم يكبون حوالي لترين بالطعام وانواع البهارات

لا يا أخوي مو سمنة فارم الا سمن أبو شوكة وملعقة هذيك التنك القديمة اللي يستعملونها أهلنا الأولين
أسوأ سمن نباتي لأنه مهدرج ويعطي نكهة سمن

للأكل
ورخيييييييييص جداًأما فارم غالية جداً لو يصير مايصير:no2: ماحطوها لك المطاعم تبيهم يخسرون


لكن أهم شي في النكهة هو الكمون والكزبرة والدارسين والهيل والمسماروالليمون الأسودوالحبق جرب حط كم ورقة حبق مع الكبسة وشوف النكهة هذي اللي تعطي ريحة رووووووعة للأكل

[mutleb]

(( المطاعم زيت في زيت مايجي مثل طبخ البيت ))

هههههههههههههههههههههههههههههه

[هيف 22]

أخواني و أخواني أعضاء المنتدي السلام عليكم ورحمة الله وبركاته وبعد
أنا في أحد المطاعم شفته يحط تتبيلة من كيس خارجي ما أدري من وين جايبة
وسألت وقال هذا سر الطبخة وشفته بعد يحط معجون طماطم من الدقة القديمة بالعربي
القواطي وبعدين حط الجزر والزبيب و عظم وغطاه وبعد عشر دقايق حط الرز وجلس يقلب
وبعدها أنا مشيت وماأدري وش اللي حصل بعد كذا.

[ابومحــ م ـــد]

اولاً الرز عند طبخ كميه كبيره في قدر واحد هذا له طعم احسن من الطبخ في قدر صغير
ثانيً انا شفت في كذا مطعم يحطون سكر مع الرز وهذا يذكري بالحمام اول اذا شريت حمام وحبيت انه ما تبعد عن البيت وتعود على مكانه اضيف مع الماء حق الشرب الخاص بها سكر وبعدها وين ما تروح ما تحصل ماء حالي وترجع عندي لا وتجيب معه حمام وكنا نسميها حمام جذابي يعني يجذب حمام معه والمطاعم تعمل نفس الشي 00




ودم دددم دمتم سالمين

[القطاوي 2008]

(ماء الزهر) تراة اساسي بطبخ الرز

[دواس الضلماء]

السلام عليكم ورحمة الله وبركاته
انافي اعتقادي ياجماعة الخير بالنسبه للرز الا بيض تراهم يغمتوووون الرز ماجي ابيض عرفتو الماجي الابيض الي كنه ملح

[سليمان 10]

رزالمطاعم يكون مسلوق واللحم يطبخ لحاله ثم يحمس بصل وبهارات وزبيب بزيت ويضع صفار اوكركم على الذوق ثم اذا غرف الرز ووضع اللحم رش علية هذه الخلطه 00والله يامطاريس ايدينا ازين من كل مطعم خاصتا بعد فقدان الثقه والغش من بعض المطاعم والشاورما وماخفيا كان اعظم والله اعلم 000