مشاهدة النسخة كاملة : وش رايكم.......
فتى التويم
17/07/2007, 01:37 PM
السلام عليكم ورحمة الله وبركاته
ودي يا جماعة الخير تعلموني وش ازين واوفق
الوالد وده يشتري يوكن2007
وانا قايل له اشتر فكسار مستخدم 2005 فل كامل ابرك لك
قال لي الفكسار زين بس انه بيطيح سعره اذا نزل 2008
وثاني شي اليوكن وسيع
عاد انتم وش رايكم في قناعة الوالد الله يحفظه
عبدالرحمن السالم
17/07/2007, 02:02 PM
ونعم الاختيار << يقصد الوالد
اليوكن زين للوالد وخاصه انه ماهو راعي روحات وجيات كثيره
ومريح له واكشخ وخل عنك VX-R
والله يحفظه ويخليه ذخر لكم ..
والله يكتب لكم الخير ويعطيكم من خيره ويكفيكم شره مقدماً
عاشق السيل
17/07/2007, 03:16 PM
وعليكم السلام ورحمة الله وبركاته
اليوكن : أريح وأوسع وأرخص قطع غيار وأوفر بنزين وأخف بالنفود وعلى قولك ( جديد ) ،،
الفكس آر : أصبر وأضمن عند البيع وأرسى بالخط وأقل خرابات ،،
والاختيار لك ولايهون الوالد الله يطول بعمره ،،
تقبل مروري يالغالي ...
http://www.m5zn.com/uploads/00ea3cfba5.bmp (http://www.m5zn.com/)
فتى التويم
17/07/2007, 04:00 PM
بس يا جماعة الخير الوالد راعي روحات وجيات وسفريات على السياره
ويبي شي هادي ومريح في الخط
وبعدين اذا باعه لقى فيه قيمه
بواسامه
17/07/2007, 04:16 PM
بس يا جماعة الخير الوالد راعي روحات وجيات وسفريات على السياره
ويبي شي هادي ومريح في الخط
وبعدين اذا باعه لقى فيه قيمه
لاتطمع راحه ومسك قيمه صعبه تجتمع فاقنع بالأهم وهو الراحة للوالد
واليوكون راحه وماتعرف عناء وتعب السفر بس مايمسك قيمته ان جاء بيبيعه
اما التويوتا مهنا راحه بس يمسك قيمته
الا اذا اخذ فكسار فل كامل ابو هيدورليك يقولون اريح شوي من العادي
alkongrs
17/07/2007, 05:04 PM
اليوكن مريح وصرفيتوه حليوه والله يكتب الي فيه الخير
أبو أسامة
17/07/2007, 05:57 PM
الفي أكس آر أو الأرمادا
][الكاشت][
17/07/2007, 06:14 PM
اذا ما هو راعي بر بالحيل ... وسواقته هادية .. فأنا انصحه باليوكن ...
أفضل من ناحية البزين ووسيع من الداخل ...
وشكله توه متغير ...
اما اللاندكروزر كلها كم من شهر ويتغير كليا ...
والله اعلم ؛؛؛؛
فتى التويم
17/07/2007, 10:14 PM
طيب يا جماعة الخير لقيت فكسار فل كامل 2003
خليجي
حد:136.000
وش رايكم هل سعره غالي
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir