مين اللي يقصـّص البصل في طلعة البر؟

[نوحان]

السلام عليكم

من الامور الرئيسية اللي تكمل وتزيـّن الطلعات والرحلات.. هو الطبخ
ولايخفى علينا ان التعاون والتكاتف مطلوب في جميع مستلزمات الرحلة
والجميع يقر بهذا الامر

وانا ولله الحمد متوفق مع ربع شقردية، ومن اللي يبردون القلب في كل شي
والله..كل ماذكرت همتهم ونشاطهم يحن قلبي حق طلعة البر

ولا اخفي عليكم ياجماعة الخير انا من اللي يطبخ مع الربع في طلعات الكشاته
يعني تقريباً انا ماسك دور الطبـّاخ مع الربع في اغلب الرحلات
ولكن مشكلتي في الرحلة كلهاااا... تقطيع البصل!!
وانا مايكرهني في الطبخ الا تقطيع وفرام البصل(الحمدلله على النعمة)...لأن انا ابغى دائما يكون البصل ناعم حق بعض الطبخ..مثل (الكبسة)
ودائماً اذا طلبو مني اطبخ لهم.. اطلب منهم ان البصل يكون جاهز!
وهم يرفضون..ويقولون يجب على الطبـّاخ يكون مسئول عن الطبخ في كل شي!!

وفي آخر طلعة قلت لهم قبل ما اجهز اي شي انا ما المس ولا بصلة، والباقي علي انا....

ولا شرايكم....

[جفيل]

والله انك صادز..المفروض واحد من اعضاء الرحله(غير الطباخ) يختص بتقطيع البصل، لأن الطباخ مايدري وش يبدي :) هو يناظر القدر ولا اللحمه ولا لا لا لا،،


تحياتي لك :/

[الكهف1]

والله انك صادق
وتبقى الريحة ايام

[جنون الليل]

كلامك صحيح إذا أنت اللي بتطبخ لازم يكون فيه مساعد أو إثنين على الأقل يساعدون لو بغيت منهم شي لينهم يقربونه لك
مو كل شوي قايم قاعد والبر مومثل البيت كل شي محله بين
وتقطيع البصل يا خذوقت وغسل الرز وتقطيع اللحم كل شي يبي حقه من التعب والوقت ومو معقولة أنت تطبخ وتقوم بكل شي والباقي يتجطلون وموسعين الصدر وأنا بس كني جاي معهم طباخ وبس
ويتسدحون لاشغلة ولاعملة إلا أكل ومرعى وقلة صنعة ويعذربون بعد
وأبوي يقول:000 لي دايم وأنا أبوتس (قوم تعاونوا ماذلوا )
أنا الحمدلله ماني من الناس المحاسبية لكن الموت إلى خلص الأكل ومدحوك البعض شبت الغيرة في قلوب الثانين وقاموا يدورون عيب وإذا مالقوا قالوا مهوب كنه مالغ ولا ماه واجد :confused: ولا شبهوه بطبخ وحدتن رفلا:mad:
والله قهرررررررررر:mad:

[مجازف2010]

انا بصراحة كنت اعاني مثلك في تقطيع البصل او الثوم او الطماطم ولكن ذاك اليوم كنت مع الوالدة في محل حق اواني منزليه وشفت قطاعة بصل صغيرة تعمل بالضغط طبعا يدويه يعني ماهي كهربائية ب 10 ريال اشتريتها وحطيتها في العزبه حقت الطبخ وارتحت صار تقطيع البصل متعة بالنسبة لي

تحياتي لكم

[الوافي عزام]

فيه ناس كثير مهوب انت الحالك الي مايحب البصل وريحته اذا كان ني

لاكن مثل ماقال لك اخوي ksa*ksa فيه بمحلات الاواني المنزليه انواع الفرامات اليدويه تراها زينه بالحيل
انا شاريها للبيت من زمان واشوف انها عمليه جدا وتحط البصله بعد تقشيرها مثل ماهي بدون تقطيع وفرها كم فره الا هي مثل البودره

لاكن اهم شي لاصرت بالبر حافض عليها بعد التقطيع واغسلها جيدا وخصوصا الامواس الداخليه لانها تجمع البصل ويمكن تسوي تعفن اذا سكرتها بدون ماتنشف والامواس تصدي ايضا

وبالتوفيق

[جنون الليل]

8
8
8
ممكن تحط صورة الفرامة اللي عندك لأنو كان عندي من من زمان وحدة ممتازة وقيمتها 40 ريال والله تسوى أكثر
لكن الأيام هذي طرحتها الخدامة وإنكسر حافة الكاس حقها وماعاد تتقفل ولاهي ممتازة وأمواسها تفرم الخرفان يعني قوية جداً
لكن المشكلة إني شاريتها من 14سنة تقريباً وفرررررررررريت السوق فر ما لقينا مثلها
وأنا مشكلتي ما أحب الألات الكهربائية لأنها إذا جاالتنضيف تبلش شي يغسل وشي تخاف تجيه الموية

[عاشق السيل]

وعليكم السلام ،،

المشكلة الوحيدة في تقطيع البصل هي الريحة وأكيد الكل يتفق معي ،، لكن عندي لك عدة حلول :

1 ـ ليش تتضايق من الريحة إذا كنت بالبر ؟؟ ترا كل شي بالبر عادي !!
2 ـ بالنسبة للكبسة أنا جربيت طريقة إنك تحط البصل مقطع أنصاف فقط وصدقني تراها نفس الطعم إذا قطعت البصل صغير ،،
3 ـ إن كان ولابد من التقطيع استخدم القطاعات اللي ماتخليك تلمس البصل مثل ماقالوا الاخوان ،،
4 ـ بيني وبينك أنا أشوف إن تقطيع البصل أو تقطيع أي شي غاية في المتعة خاصة ((( للطباخين المحترفين ))) احم احم !!!

تقبل مروري وآرائي ولايهون الشباب ....


http://www.m5zn.com/uploads/00ea3cfba5.bmp (http://www.m5zn.com/)

[جنون الليل]

والله انك صادق
وتبقى الريحة ايام
أجل لاتلومون المرة إذا خلت الخدامة تقصص البصل :cool:
ولا تلومونها لو قصصت البصل وصر ريحتها بصل :D

[كشات جديد]

مستعد اسوي اي شي بالبر لكن تقطيع البصل لا والف لا .
لاني اقعد اشم ريحته بيدي اسبوع كامل .

لكن لقيت حل لتقطيع البصل .
استخدم قفازات المطاعم البلاستيك وهي دايم بالعزبة الكيس الواحد فيه 100 قفاز وسعره ريالين يابلاش .


.

[fhd97]

السلام عليكم
انا اختلف معكم في الطلعات والمقانيص اذا ما مرست كل شي بايدي ولا ما ارتاح وشرط انه بحرفنه
وبالنسبه للبصل عقب ما تخلص من الطبخه عليك بالغسيل مع الليمون او عليك بحثال القهوه ( الباقي من القهوه )
افركه على ايدك ثم اغسلها بالماء وبصراحه يوم تقولون التعاون في الطبخ انا ان قربت الطبخ ما ابي احد معي ولا احب احد يلمس شي من الطبخ بالذات الغسيل اوكي الشاهي القهوه اوكي بس يشارك معاي في الطبخ نووووو
او اني ما اقرب الطبخ بالمره ولا يغثني الا اللي يجي على اخر شي يعطيك توجيهات او يبي يكشف القدر ههههههههههه يغثني اقوله رح انثبر لين يخلص الشغل واذا تبي تعرف من خوياك منهو البطيني اللي يحب الاكل تراه اللي يجيك اخر الطبخه يبي يساعد واذا بتعرف الارفل منهم تراه اللي يشوف الصحن او القدر ويصد منه ما يبي يغسله واذا بتعرف العجل تراه اللي يقوم اول واحد يبي يغسل بسرعه واذا بترف المزاجي تراه اللي يحرص على بيالة الشاهي بعد الاكل واذا بتعرف الاناني تراه اللي يقول انا بسبقكم عندي كذا وكذا واذا بتعرف اللي فيه من خلاياه خلايا دب تراه اللي ينسدح عقب الاكل ههههههههههه واذا بتعرف المقرف تراه اللي ينقش ضروسه بضمير قدامكم
واخيرا الله يونسكم بالعافيه ونستونا على هالموضوع
اخوكم فهد

[shaheenshah]

السلام عليكم

انا اختلف معكم في الطلعات والمقانيص اذا ما مرست كل شي بايدي ولا ما ارتاح وشرط انه بحرفنه
وبالنسبه للبصل عقب ما تخلص من الطبخه عليك بالغسيل مع الليمون او عليك بحثال القهوه ( الباقي من القهوه )
افركه على ايدك ثم اغسلها بالماء وبصراحه يوم تقولون التعاون في الطبخ انا ان قربت الطبخ ما ابي احد معي ولا احب احد يلمس شي من الطبخ بالذات الغسيل اوكي الشاهي القهوه اوكي بس يشارك معاي في الطبخ نووووو
او اني ما اقرب الطبخ بالمره ولا يغثني الا اللي يجي على اخر شي يعطيك توجيهات او يبي يكشف القدر ههههههههههه يغثني اقوله رح انثبر لين يخلص الشغل واذا تبي تعرف من خوياك منهو البطيني اللي يحب الاكل تراه اللي يجيك اخر الطبخه يبي يساعد واذا بتعرف الارفل منهم تراه اللي يشوف الصحن او القدر ويصد منه ما يبي يغسله واذا بتعرف العجل تراه اللي يقوم اول واحد يبي يغسل بسرعه واذا بترف المزاجي تراه اللي يحرص على بيالة الشاهي بعد الاكل واذا بتعرف الاناني تراه اللي يقول انا بسبقكم عندي كذا وكذا واذا بتعرف اللي فيه من خلاياه خلايا دب تراه اللي ينسدح عقب الاكل ههههههههههه واذا بتعرف المقرف تراه اللي ينقش ضروسه بضمير قدامكم
واخيرا الله يونسكم بالعافيه ونستونا على هالموضوع
اخوكم فهد


:good: :good: :good: :good: :good:
هذا الكلام
لله درك
وحط قوسين بين (اذا ما مرست كل شي بايدي )
:good: :good: :good: :good: :good:

[جنون الليل]

8
8
8
وأنا مثلكم ما أحب أحد يشاركني في ضبط الطبخة ممكن يقصص بصل مممكن يغسل الرز بس وهو على النار والملح والبهارات هذي عاد مهنتي وحرفتي ويااااااااااااااكرهي للي يجي ويكشف غطاء القدر وبدون إسئذان لأني أحسه طير
بخار الطبخة وريحتها في الهواء وكثرت هالحركة فعلاً موحلوة وتخرب الطبخة لأن البخار له دور في جميع الطبخات
يقولون قدر الشراكة مايفوح وهذا صحيح

والطبخ فن ونفسhttp://www.mekshat.com/vb/images/icons/icon14.gif http://www.mekshat.com/vb/images/icons/icon14.gif

[برق بريده]

والله لا جاك الصدق الطبخ عند ربعي هو تقطيع البصل
وان طلعنا لم البر انا الطباخ يعني اعاني مما تعاني:confused:

[turki3]

أخوي الله يسلمك للبصل طريقة حلوه ولا تقلق جب سكين طويلة

وقطع البصل شرائح ثم قطع الشرائح على كيفك ولازم يكون معكم ليمون أمسح يدك

وأنتهى الموضوع أسئل مجرب ولا تسئل طباخ

أخوك /turki3

[مدور ربيع]

:D حلات البر حوسته ... واللي يدور النظافه احسن ماله كشتات المطاعم


عموما فيه طريقه لتفادي ريحه البصل ...

شف لك كيس نايلون والبسه بيدك اليسار .. وامسك البصله بيدك اللي فيها الكيس ... وماريح يجي كفك اي ريحه :cool:

[راعي المواجيب]

يقول المثل .....

اسال مجرب ولا تسال طبيب
بعد ماتنظف البصل حطه فب مويه لخمس دقايق وعقبها تفنن في التقطيع....

[عاشق الزلفي]

أقول يمال الكوس أنت وياه يعني ما أنقصكم ألا أللي يقطع البصل

العيال يسموني الأندونيسية لأني أجهز كل شي قبل الطبخ تقطيع البصل تقطيع الطماط تقطيع اللحم غسله تجهيز كل شي قلي وش تبي تلقاه جاهز

أكشت بي أنت بس ولا لك هم

بس غسل القدور عليك