CD2
19/07/2007, 12:14 AM
السلام عليكم ورحمه الله وبركاته
هاذي قصيده للشاعر >< غالب حمد العتيبي بالطير
البارحه والناس بالنوم نعاس = بين الوسايد والعواتق عناقي
حلمت لي حلم عسى خيرلاباس = وفزيت وعيوني غشاها الغراقي
فزيت واللي سبب الحلم قرناس = يشكي على من الهجر والفراقي
واخذت لي مع غبه الهم مرواس = وابحرت والمركب شراعه رقاقي
وسهرت لين الصبح والج للادماس = حلم برى حالي وزود ارهاقي
وذكرت مقناص بسنعوس نوماس = جنوب حد المملكه والعراقي
في مواقع ماجاه كاشت وعساس = تلقا لبرق الريش فيها ملاقي
ومعي العديم اللي على الصيد رواس = المتن من زوره زما بانفهاقي
لمكوبر الحفان بالقاع دواس = وان طارلرحاب الفضا فيه ضاقي
ليا اقفا مع اللجه وهو يمرس امراس = يبرد ضمير اللي من القيض ذاقي
يلحق عزوم حال من دونه الياس = حول بها عجل بعيد المراقي
وساعه مصاده زان بالروض مجلاس = والكيف سوي من يمين الشلاقي
ذكرت ثم كنيت حرقات الانفاس = لهيبها سبب بجوفي حراقي
ولولا نسيم الصبح ذعذع بنسناس = ان كان مايبقى لحالي بواقي
يامصلح الروقي رفيقي من الناس = يالوافي الشغموم ريف الطراقي
صورت لك ماصار ياعدم الاجناس = ذكرى برت حالي وزادت ارهاقي
وعندما سمع القصيده مصلح الروقي رد عليه بهاذه الابيات.......:
مايشكي الفرقا سوي قاطع الياس = كم صيرمي ذاق مر الفراقي
شكيت لي ياطيب الاصل والساس = شكواك تنبع من عميق العماقي
وابشر بعزا يرفع الخشم والراس = اسوق لك صعب الصعايب مساقي
وان سهل الله ثم طلع كل قرناس = وتدارجن زرق الغلب بالمتاقي
وتباشروا بالوسم مع كل عساس = وقفت نجوم القيض ماعاد باقي
وتواعدو طلقين الايدي من الناس = يم الشعاف اللي جنوب العراقي
لعوضك بصدام عن شوف سنعاس = لا من طلع بالروض قالوا حقاقي
واللي ظهر بالحلم لابد هوجاس = فكر بحلو اللافيات البواقي
وسلامتكم
هاذي قصيده للشاعر >< غالب حمد العتيبي بالطير
البارحه والناس بالنوم نعاس = بين الوسايد والعواتق عناقي
حلمت لي حلم عسى خيرلاباس = وفزيت وعيوني غشاها الغراقي
فزيت واللي سبب الحلم قرناس = يشكي على من الهجر والفراقي
واخذت لي مع غبه الهم مرواس = وابحرت والمركب شراعه رقاقي
وسهرت لين الصبح والج للادماس = حلم برى حالي وزود ارهاقي
وذكرت مقناص بسنعوس نوماس = جنوب حد المملكه والعراقي
في مواقع ماجاه كاشت وعساس = تلقا لبرق الريش فيها ملاقي
ومعي العديم اللي على الصيد رواس = المتن من زوره زما بانفهاقي
لمكوبر الحفان بالقاع دواس = وان طارلرحاب الفضا فيه ضاقي
ليا اقفا مع اللجه وهو يمرس امراس = يبرد ضمير اللي من القيض ذاقي
يلحق عزوم حال من دونه الياس = حول بها عجل بعيد المراقي
وساعه مصاده زان بالروض مجلاس = والكيف سوي من يمين الشلاقي
ذكرت ثم كنيت حرقات الانفاس = لهيبها سبب بجوفي حراقي
ولولا نسيم الصبح ذعذع بنسناس = ان كان مايبقى لحالي بواقي
يامصلح الروقي رفيقي من الناس = يالوافي الشغموم ريف الطراقي
صورت لك ماصار ياعدم الاجناس = ذكرى برت حالي وزادت ارهاقي
وعندما سمع القصيده مصلح الروقي رد عليه بهاذه الابيات.......:
مايشكي الفرقا سوي قاطع الياس = كم صيرمي ذاق مر الفراقي
شكيت لي ياطيب الاصل والساس = شكواك تنبع من عميق العماقي
وابشر بعزا يرفع الخشم والراس = اسوق لك صعب الصعايب مساقي
وان سهل الله ثم طلع كل قرناس = وتدارجن زرق الغلب بالمتاقي
وتباشروا بالوسم مع كل عساس = وقفت نجوم القيض ماعاد باقي
وتواعدو طلقين الايدي من الناس = يم الشعاف اللي جنوب العراقي
لعوضك بصدام عن شوف سنعاس = لا من طلع بالروض قالوا حقاقي
واللي ظهر بالحلم لابد هوجاس = فكر بحلو اللافيات البواقي
وسلامتكم