موضوع للنقاش ياصقاقير مكشات : هل هذه الطريقة تنفع في تركيد الطير(جعله راكد)

[خيال الصبحا]

بسم الله الرحمن الرحيم
السلام عليكم
ورحمة الله وبركاته
كيف حالكم ياأهل مكشات؟
قبل مدة أتصل بي أحد أعضاء مكشات
يقول أنه جاي الرياض ومعه طير يبي يبيعه
(شيهانه جبلية)الي شدني بالطيره غير فعلها هو
ركادتها العجيبة(ماشاء الله عليها)راكده على يده لابعد
حد ، وغير كذا نزلها بالسيارة ولفينا بالسوق إلين دخنا ولاكفخت
ولا شيء ، ماهو بس كذا ، حتى يوم جاء يركب بالسيارة مانقلها على
كفه وغير مكانه ، لا والله أنه يضربه (ضرب خفيف) والطيره تبعد عن
مكانه ، بصراحه شيء عجيب .
سألت راعيها (اسمه صاحب الطير بمنتدى مكشات)عن ركادتها وقال : انها
يوم جته كانت ماهي راكده ، وهبلت به ، وكان عنده سطل ماء وأخذ الشيهانه وغطها
بالماء وطلعها وحطها على الوكر ، يقول جلست بدون ماتكافخ لين نشف الماء عنها ورجعت
تكافخ من جديد ، المهم أخذها مره ثانيه وغطها بالماء وجلست ماكافخت لين نشفت ، وعلى هالموال
مرتين مدري ثلاث ، وعقبها ركدت وماعاد تكافخ.أنتهى
وأنا ماعندي خبر هل كان ذاك الوقت صيف والا شتاء ، برد والا حر ، ولكن الطريقة مثل ماسمعتها من لسان ابو عبدالعزيز(صاحب الطير)عاد أنا قلت لازم أنقل لكم الطريقة.
أتمنى أني أكون أفدتكم
وشكرًا

[الوافي عزام]

الله لايهينك يالغالي

وبالنسبه للطريقه اللي تقولها ما قد سويتها ويمكن انها ناجحه وفعاله وش اللي يمنع ( لاكن فيها شوي من العنف والمضياقه على الطير )

والطريقه المعروفه عندنا اذا كافخ الطير نرشه ببخاخ الماء العادي ويركده ونستمر عليه بالطريقه هذي لين يركد وبعض الطيور ماينفع معها

وشاكر لك

[خيال الصبحا]

الله لايهينك يالغالي

وبالنسبه للطريقه اللي تقولها ما قد سويتها ويمكن انها ناجحه وفعاله وش اللي يمنع ( لاكن فيها شوي من العنف والمضياقه على الطير )

والطريقه المعروفه عندنا اذا كافخ الطير نرشه ببخاخ الماء العادي ويركده ونستمر عليه بالطريقه هذي لين يركد وبعض الطيور ماينفع معها

وشاكر لك
الأخ الوافي عزام
لا ندمت
وصدقت من ناحية
أن فيه مضايقة للطير
والطريقه الي أنت ذكرتها
نفس فكرة الطريقة الي أنا ذكرتها
ولكن طريقتك أهون للطير ، أما الطريقة
السابقة قد يكون من وراها ضرر ، لذلك الي
يبي يجربها يجربها على أردى طيوره ، وشكرًا

[قلب شاهين]

وعليكم السلام ،،،

أخوي خيال الصبحا مشكوور على هذي الطريقة ومثل ماقال الوافي عزام الطيرقة الي تستخدمها الأغلبية بخاخ الماء ،،

لكن كثرة نقل الطير والتدهيل يركد الطير نوعا ما ولكن الطيور تركد مع الوقت ومثل ماقلت كثرة النقل والتدهيل يركد الطير ،،

مشكور على الموضوع ،،

[راعي الجير]

مشكور اخوي خيال على الطريقه واتوقع ان السهر للطير وتفريعه عند الناس في المجالس يطيح اللي في راس الطير

[خيال الصبحا]

الأخوان
صقار القصيم
وراعي الجير
أشكر لكم مروركم
وردكم الكريم ، ولكن
هل تتوقعون أنها أسرع من البخاخ
وشكرًا

[أبو رداد]

وعليكم السلام ورحمة الله وبركاته

(هبلت به) ها هههههههههههههههه
الله يحيك يابو نايف
لاشك ان الماء احد الوسائل المستخدمه لترويض الطير
كما ذكر الاخوان الرش بواسطة بخــــــــــــــــــــــــــــاخ
والبعض لايستخدمها وخصوصا مع الطيور الطــــــــــــــيبه
لان كثرت الرش يفقد الريش بريقه ولونه الجمـــــــــــــيل
اضافه الى احتمال دخول الماء الى الرئه
,,,
اما الطريقه التي ذكرتها (يغط الطير في سطل ماء)
تستخدم مع الطيور العاصيه التي لاتستجيب لطرق التدهيل العاديه
وليس لكل الصقور ...
وانما للطيور رخيصة الثمن مثل الوكري والجبليه والحر الاخضر وماشابه
والكثير من الصقاقير لايحبذونها وانا منهم
لانها من الطرق العنيفه التي تؤثر على نفس الطير و ريشه ووضعه بصوره عامه
(الطير من المخلوقات الوفيه والتي توالف الانسان بسهوله و ينفع معها التعامل الطيب )
وجهة نظر وسجلها على كل حال هههههههه من قولة ابن ختروش

والسلام

[خيال الصبحا]

وعليكم السلام ورحمة الله وبركاته



(هبلت به) ها هههههههههههههههه
الله يحيك يابو نايف
لاشك ان الماء احد الوسائل المستخدمه لترويض الطير
كما ذكر الاخوان الرش بواسطة بخــــــــــــــــــــــــــــاخ
والبعض لايستخدمها وخصوصا مع الطيور الطــــــــــــــيبه
لان كثرت الرش يفقد الريش بريقه ولونه الجمـــــــــــــيل
اضافه الى احتمال دخول الماء الى الرئه
,,,
اما الطريقه التي ذكرتها (يغط الطير في سطل ماء)
تستخدم مع الطيور العاصيه التي لاتستجيب لطرق التدهيل العاديه
وليس لكل الصقور ...
وانما للطيور رخيصة الثمن مثل الوكري والجبليه والحر الاخضر وماشابه
والكثير من الصقاقير لايحبذونها وانا منهم
لانها من الطرق العنيفه التي تؤثر على نفس الطير و ريشه ووضعه بصوره عامه
(الطير من المخلوقات الوفيه والتي توالف الانسان بسهوله و ينفع معها التعامل الطيب )
وجهة نظر وسجلها على كل حال هههههههه من قولة ابن ختروش



والسلام


نسجلها يابو رداد
وكلامك على راسي

[501]

انا اذكر ان فيه طير حر لواحد من الربع
دائما يكافخ حتى وهو عليه البرقع كان فرخ
الى ان وصل الى قرناس ثالث
..... بعد ذلك شار عليه واحد له خبره بالطيور
قال صب عليه ماء وشوي الى ان ركد الطير
ما يكافخ.... حتى وهو على تكية السياره
وموضوعك يا خيال الصباحا
في محله ,,, ويعطيك الف عافيه
501

[خيال الصبحا]

انا اذكر ان فيه طير حر لواحد من الربع
دائما يكافخ حتى وهو عليه البرقع كان فرخ
الى ان وصل الى قرناس ثالث
..... بعد ذلك شار عليه واحد له خبره بالطيور
قال صب عليه ماء وشوي الى ان ركد الطير
ما يكافخ.... حتى وهو على تكية السياره
وموضوعك يا خيال الصباحا
في محله ,,, ويعطيك الف عافيه


501


الأخ 501
أشكر لك مرورك
وردك الكريم ، والطير
الكفاخ مشكله ، أن ماضر نفسه
وكسر ريشه فهو يفشل راعيه ، والحل
لا بد منه ، وهلابك