ހِޓๅހƴϞރ من يعرف منهو هاللحية الغانمة...؟!! ހِޓๅހƴϞރ [الأرشيف]

صقر20

21/07/2007, 08:57 PM

بسم الله الرحمن الرحيم
----------
مساكم الله بالخير
الصوره لها قصة..... وهي برواز موجود عند خوالي بالمجلس وكل ما أجيهم والله العظيم عيوني
على الطير الأفجح وراعيه اللحية الغانمة
الصوره شكلها قديمة ......لاأعلم كم سنه
ودي أعرف منهو الصقار الأجودي وهل الصوره بسوق الصقور في الرياض أولا
قلت مالي إلا صقاقير مكشات يجيبون العلم
ويقولون الرجال هو فلان......

الصوره
والله ياكاني أدري إن هالطير سبوووق....
http://www.mekshat.com/pix/upload/prof001/mk18662_mk18662_cimg0298a50.jpg

تحياتي لكم جميعاً

وكري2007

21/07/2007, 09:00 PM

يفيدونك الشباب انشاءالله

حيدرة

21/07/2007, 09:06 PM

السلام عليكم
ان شاء الله يفيدوك الاخوه
مشاء الله على الطير وراعى الطير

طارق

21/07/2007, 09:07 PM

اخي الغالي أبو وليد
سبق لي ان رايت هذه الصورة
والصورة كما تفضلت قديمة جداً
وبانتظار اصحاب الخبره
لمعرفة صاحب الصورة وطيره
وشكراً لك على الموضوع الرائع
وهذا ليس بمستغرب عليك
اخوك طارق

ملك الزاجل

21/07/2007, 09:23 PM

أخي لعزيز / أبووليد
لله والعالم أنه "أبو سالم الحابوط "مع العلم أنني آخر مره شفته برفحاء قبل 9 سنوات
أخوك
ملك الزاجل

Abu Saad

21/07/2007, 09:47 PM

كنه ابن جدعي الله يرحمه (ابونايف) ..
والا؟

قلب شاهين

21/07/2007, 11:48 PM

والله ياخوي صقر ماعندي علم عنه ،،

ومشكور على هذي الصورة الرائعه ،،

ولد الساحل

22/07/2007, 12:36 AM

تسلم يبو وليد علي الصوره
مالي علم بالحيه الغانمه وان شاء الله الاخوان يفدونك
لاكن كليهما صقران

صقر20

22/07/2007, 12:52 AM

أخي لعزيز / أبووليد
لله والعالم أنه "أبو سالم الحابوط "مع العلم أنني آخر مره شفته برفحاء قبل 9 سنوات
أخوك
ملك الزاجل
قصدك الحابوط اللي توفي رحمة الله عليه
وكان مشهور بسوق الصقور بالرياض؟؟.......
ياليت تأكد المعلومه يابعدي

صقر20

22/07/2007, 12:53 AM

كنه ابن جدعي الله يرحمه (ابونايف) ..
والا؟
رحمة الله عليه
بإنتظار التأكيد من قبلكم أو أحد الأخوان......
لاعدمتك

hawwamT

22/07/2007, 03:51 AM

هذا بن جدعي رحمة الله عليه لا شك ولاريب

صقر20

22/07/2007, 07:04 AM

هذا بن جدعي رحمة الله عليه لا شك ولاريب
بيض الله وجهك ورحم الله والديك وحرمك عن النار

المري

22/07/2007, 07:20 AM

الله يرحمه

وعزالله ان شايل له طير طيب..

من زماااااااان وشكله ووسرته منقطعين عنها..

اخوك - المري

طارق الحربي

22/07/2007, 07:57 AM

الظاهر والله اعلم ان الصقار المعروف الحابوط رحمه الله

بس ماني متأكد لاني انقل العلم عن رجال

تحياتي

قناص ام وشاح

22/07/2007, 03:14 PM

ماعندي علم الربع يفيدونك

طـير شلوه

22/07/2007, 03:18 PM

ماعند علم بالرجال
لكن الطير ماشاء الله

قرناس خلوي

22/07/2007, 03:52 PM

عزالله إن الطير ماشاء الله تبارك الله والرجال مالي علم فيه ،،،،،

راعي الشلفاء

22/07/2007, 05:55 PM

الاخ ابو وليد

الرجال لا هوالحابوط ولا الجدعي

قد شفت الرجال بالسوق واعرف اسمه بسني نسيته اذكره عام 1409او حوله
اذا انشاالله ذكرته احول
اقولكم

برنو بيشة

22/07/2007, 06:07 PM

يا الربع الحابوط ولإّ بن جدعي أرسو على بر
وتراهم كلهم شيوخ وماقد شفتهم بس بالذكر وتقبلو مروري

صقر20

22/07/2007, 06:14 PM

الاخ ابو وليد

الرجال لا هوالحابوط ولا الجدعي

قد شفت الرجال بالسوق واعرف اسمه بسني نسيته اذكره عام 1409او حوله
اذا انشاالله ذكرته احول
اقولكم

ياحياك ياغالي
أنا والله ما أقدر أقول إيه وإلا لا
لأني والله مثلكم مشكك
صوره مقربه للصقــار
http://www.mekshat.com/pix/upload02/images73/mk18662_mk18662cimg02865.jpg

بإنتظارك أخوي

صقر20

22/07/2007, 06:16 PM

يا الربع الحابوط ولإّ بن جدعي أرسو على بر
وتراهم كلهم شيوخ وماقد شفتهم بس بالذكر وتقبلو مروري
ميخالف نصبر حتى يتبين الخبر....
والعجله وأنا خوك في مثل هالأمور مهيب زينه
تحياتي

hawwamT

22/07/2007, 06:49 PM

حر الشمال

22/07/2007, 08:32 PM

صوره طيبه بالحيل وبيض الله وجهك

حطاب 123

22/07/2007, 09:22 PM

:rolleyes: الاخ ابو وليد

الرجال لا هوالحابوط ولا الجدعي

صقر20

22/07/2007, 10:46 PM

صاحب الصورة بن جدعي الحارثي...وهو شريطي طيور معروف في مجيرمة وأغلب مايشتري طيور للامير نايف بن عبدالعزيز..وهذا الطير أحد الطيور على ما أظن والطير من طرح مجيرمة على ماأذكر واللي طارح الطير مسفر القحطاني( بن قاروط)
ياجعلك تسلم ودنا ولامهونه فيك يتم تأكيد الخبر من أكثر من مصدر....
لأن الأقوال أختلفت فيه من يقول لاهوب ابن جدعي ولا الحابوط
غريبة وين صقارين الساحل ومجيرمة أكيد يبون يعرفون على طول
هناك صقار من الساحل ويعرف مجيرمه زين ،،،،أتوقع ممكن راح يتعرف على صاحب الصوره
وهو أخونا عضو مكشات
الفيتو
أخوي الغالي:
hawwamT
بإنتظار تأكيد الخبر من أكثر من مصدر وأناخوك
كثر الله خيرك ياغالي

مغرم مقناص

23/07/2007, 01:14 AM

الاخ ابو وليد

الرجال لا هوالحابوط ولا الجدعي

قد شفت الرجال بالسوق واعرف اسمه بسني نسيته اذكره عام 1409او حوله
اذا انشاالله ذكرته احول
اقولكم

طيب

ليش مايكون الصقار والشريطي

شارع رحمه الله

وهو معروف في سوق الرياض

علما انني سمعت به ولم اراه ولكنه من أطيب أهل سوق الرياض

طبعا هذا الكلام سمعته من مدح هذا الرجل الله يرحمه

صقر20

01/08/2007, 12:35 PM

للرفع
للرفع

أبتسم دائما

01/08/2007, 05:12 PM

ياحياك ياغالي
أنا والله ما أقدر أقول إيه وإلا لا
لأني والله مثلكم مشكك
صوره مقربه للصقــار

http://www.mekshat.com/pix/upload/images41/mk18662_cimg028651.jpg

بإنتظارك أخوي[/center]

السلام عليكم

الرجال معروف

هذا ضحيان العتيبي من صقاقير الامير مقرن سابقا ومن سكان مدينة الثقبه

ولكم تحياتي

عبادل العاصمي

01/08/2007, 09:08 PM

الرجال مات رحمة الله عليه

وش تفيدكم معرفته

gyrefalcons

01/08/2007, 10:01 PM

اخي ابو وليد: هذي الصوره صاحبهه الله يرحمه راشد بن عليان ال عذبه المري
بكره ان شاء الله ازودكم بصور الخاصه به.وهو من اهل الطيور المعروفين بحب المقناص والطير.والله يوفق الجميع

صقر20

02/08/2007, 09:43 AM

السلام عليكم

الرجال معروف

هذا ضحيان العتيبي من صقاقير الامير مقرن سابقا ومن سكان مدينة الثقبه

ولكم تحياتي
وعليكم السلام ورحمة الله وبركاته
ياجعلك تسلم
بإنتظار تأكيد إسم الرجال من أكثر من مصدر
مشكور والله لايهينك ياغالي
تحيتي

صقر20

02/08/2007, 09:46 AM

الرجال مات رحمة الله عليه

وش تفيدكم معرفته

رحمة الله عليه إن كان ميت وإلاحي

يبوعبدالرحمن فيه ناس توفاهم الله وبقيت سيرتهم الطيبه وحب الناس لهم....

وفيه ناس على الدنيا ماماتوا ولكنهم أشباه أموات

الله يحبب فينا خلقه ....آمين

والبشر كالشهود عند الله لفعول الطيبين والعكس صحيح

تحيتي لك ياغالي

صقر20

02/08/2007, 09:49 AM

اخي ابو وليد: هذي الصوره صاحبهه الله يرحمه راشد بن عليان ال عذبه المري
بكره ان شاء الله ازودكم بصور الخاصه به.وهو من اهل الطيور المعروفين بحب المقناص والطير.والله يوفق الجميع
الله يجزاك كل خير ،،،، والله والنعم فيك وفيه
ورحمة الله عليه ...وأموات المسلمين جميعاً
بإنتظار الصور على أحر من الجمر يابعدي
حتى نحسم الموضوع والله يجزاك الجنة ياطيب الأصل
لاعدمتك

ابرق العزاف

02/08/2007, 09:55 AM

الرجال مالى خبر فيه بالمره

اما الطير قطع قلبي

الحوّام

03/08/2007, 12:33 PM

صقر20

03/08/2007, 01:21 PM

السلام عليكم ورحمة الله وبركاته

اخواني الأعزاء الرجل لاأعرفه بسلامته ولكن

اود ان اصحح معلومة الأخ أبتسم دائما بان هذه الصورة

ليست للصقار ضحــيان العتيــبي

كما كتب وأوكد 100% بأن الصورة لشخص آخر

ونرجو من الجميع تحري الدقة

وسلامتكم جميعا

أخوكم الحوام

وعليكم السلام ورحمة الله وبركاته

الله يحييك أخوي الحوام ويبارك فيك

الحقيقه ماقصرت ،،،،ويبدو أنك كنت تعرف الرجل عن قريب

أو أنك سبق أن شاهدت ضحيان العتيبي

الله يبيض وجهك ياغالي

الآن سيكون الأحتمال الأكبر أنه:

(( راشد بن عليان ال عذبه المري))

كما يقول ويؤكد الأخgyrefalcons والذي

وعدنا بصور لراشد المري قريباً

مشكورين كلكم على تفاعلكم

والله يجزاكم كل خير

سنجااار

05/08/2007, 09:21 AM

ابضيف صور لنفس الرجال
وهذي الصوره للرجال ونفس الطير وهي بمجيرمه
http://www.mekshat.com/pix/upload/images43/mk45242_sauhan.jpg

تقبلوا مروري مشروك
ابوعبدالله

barg

05/08/2007, 09:58 AM

الســلام عليـكم ورحـمـه الله وبركــاتـه

هـذا الرجل هـو الصـقـار ابـن جـدعـى رحـمـه الله اعـرفـه

عز المعرفـه وهـوشـريـطى بامجــيرمه ويشــتري الطـير الطيب

الفيتو

05/08/2007, 03:51 PM

مدهوش

05/08/2007, 09:14 PM

قصدك الحابوط اللي توفي رحمة الله عليه
وكان مشهور بسوق الصقور بالرياض؟؟.......
ياليت تأكد المعلومه يابعدي

مساكم الله بالخير جميعآ

ودي أسألك يا صقر 20 انت ذكرت إن الحابوط توفى هل أنت متأكد من المعلومة

صقر20

06/08/2007, 05:15 AM

بسم الله الرحمن الرحيم

السلام عليكم ورحمة الله وبركاته

مساء الخير يا جماعه

حبيت اشارك معكم اوضح فيها انه صاحب الصور ما هو من اللي ذكره الأخوان

وحاولوا مره ثانيه ولا تكررون الأجابه وعلى الله التوفيق

علما الصوره التقطت في اواخر السبعينات ديرو بالكم

ملاحظه الرجال من صقاقير الملك فيصل وابناءه

http://www.mekshat.com/pix/upload/images43/mk8575_asr.jpg

والسلام

الفيتو

الحجاز

22/7/1428هـ

وعليكم السلام ورحمة الله وبركاته

الله يمسيك ويصبحك بالنور أخوي بالرضا والعافيه

مشكور على تشريفك وتلبية الدعوة يبوصالح ،،،،والله ماخاب ظني... وقد كان لدي إحساس كبير من البدايه أنك ولايهونون الأخوان بإمكانك التعرف على الرجل وبسهولة....

والموضوع الآن يزداد إثارة وحماس :D بدخول لاعب كبير وخبير الساحة....

وهو الأخ : الفيتو(ابوصالح) ربي يوفقه

مع العلم أنه قرب الأجابه كثيراً بقوله أنه من صقاقير الملك فيصل رحمه الله

بيض الله وجهك ياغالي

ويعجز اللسان حقيقةً عن شكرك

ياجماعة ترى الفيتو ماعلمني والله بعد أنا ولا على الخاص عن هوية الرجال

إقتباس لأحد ردودي السابقه في بداية الموضوع:

ياجعلك تسلم ودنا ولامهونه فيك يتم تأكيد الخبر من أكثر من مصدر....

لأن الأقوال أختلفت فيه من يقول لاهوب ابن جدعي ولا الحابوط

غريبة وين صقارين الساحل ومجيرمة أكيد يبون يعرفون على طول

هناك صقار من الساحل ويعرف مجيرمه زين ،،،،أتوقع ممكن راح يتعرف على صاحب الصوره

وهو أخونا عضو مكشات

الفيتو

أخوي الغالي:

hawwamT

بإنتظار تأكيد الخبر من أكثر من مصدر وأناخوك

كثر الله خيرك ياغالي

صقر20

06/08/2007, 05:19 AM

مساكم الله بالخير جميعآ

ودي أسألك يا صقر 20 انت ذكرت إن الحابوط توفى هل أنت متأكد من المعلومة
الله يمسيك بالنور ياغالي
والله أسمع ولست متأكد ميه بالميه

راعي المغتر

06/08/2007, 07:51 AM

سلام عليكم ورحمة الله وبركاته
حبية اشارك بأي شي بس ياصقر ماعرفه
الحابوط الدماسي اللي توفى من اهل ابو جلال
وليس الجابوط المطيري
وكلهم معروفين

سنجااار

06/08/2007, 08:36 AM

العلم الأكيد انه مشعل بن عون العتيبي
تقبلو مروري مشروك

صقر20

06/08/2007, 12:35 PM

العلم الأكيد انه مشعل بن عون العتيبي
تقبلو مروري مشروك
الله يعافيك
بإنتظار تأكيد الأسم من أكثر من مصدر
وحسب كلام أخونا الفيتو أنه من صقاقير الملك فيصل بن عبدالعزيز رحمه الله
قد يكون هو مشعل بن عون لانعلم ؟!!....
نحتاج للتأكد
لاهنت ياغالي

gyrefalcons

06/08/2007, 01:04 PM

مساكم الله باالخير جميع
ياجماعه انا مانسيت اطرش لكم الصوره بس مواعد فيهه وانشاء الله يوم الجمعه تكون الصوره عندكم

جبل راف

06/08/2007, 01:17 PM

الاخ صقر
السلام عليكم ورحمة الله وبركاته لك ولجميع الاعضاء

ياليت تكلم الاخ الفيتو يجيب لنا العلم الاكيد عن صاحب الصورة ولاهو قصور بالموجودين

الله الله على الطير يازينه زيناه

وقفته تذبح القلب

صقر20

06/08/2007, 01:23 PM

وهذي صورة صقار من أشهر صقاري المملكه توفي رحمة الله عليه .. ما بيعرفه الا قليل

لأن الصوره ألتقطت قبل 28 سنه (العجمان ممنوعين من الأجابه )شايل طير من طيور

مجيرمه .. طرحه مشعل بن عون في( سهلة سعيا) وإسمه شاهين من اسبق الطيور

واضح من الصوره ان اللي لابسها ليست شطفه يا أخ عناز

http://www.mekshat.com/pix/upload/images10/mk8575_q2.jpg

عسى........... الصور........... اعجبتكم

والسلام

الفيتو

الحجاز

28-7-1426هـ

ههههههههه

أنا أخوي عبدالله الحربي أبي من يتوسط لي عند الفيتو

الله يحييكم

امير الرفيعه

06/08/2007, 11:17 PM

ماشا الله على الطير

وبالنسبه للصوره سبق وشفتها لكن ماعرف منو صاحبها .

السمحاق

06/08/2007, 11:51 PM

أخوي صقر20
كأن الوضوع قد طرحه أخينا الفيتو حفظه الله في هذت الرابط
http://www.mekshat.com/vb/showthread.php?t=34619

صقر20

07/08/2007, 01:47 AM

أخوي صقر20
كأن الوضوع قد طرحه أخينا الفيتو حفظه الله في هذت الرابط
http://www.mekshat.com/vb/showthread.php?t=34619

السلام عليكم
الله يحييك أخوي السمحاق
صحيح ولكن لم يكن أحد يعلم أن صاحب الصوره اللتي في الموضوع هو نفسه صاحب الصوره التي وردت في موضوع الأخ الغالي الفيتو
وكلنا أمل أن يتم التعرف على أسم الصقار والذي توفي رحمة الله عليه(وهو من صقاقير الملك فيصل رحمه الله) كما أشار الفيتو في موضوعه .......في نفس الخيمه
http://www.mekshat.com/pix/upload/images43/mk8575_asr.jpg

تقبل تحياتي

مغرم مقناص

07/08/2007, 04:42 AM

الســــــــــلام عليكم ورحمة الله وبركاته

اخواني الكرام

بعد البحث عن صاحب هذه الصـــوره

أتضح

ان هذه الصـــــوره

تعود ل..

راشد بن حمد العليان العذبه المري ( رحمه الله )

وقد قمت بالاتصال بأحد أبناءه ووعدني بصور له

وقال لي أن الصور الموجوده لديه أغلبها أقدم من المعروضه الان

وبعون الله سنرفق لكم صوره مقاربه للصوره أعلاه

أخوكم ( ابوعبدالرحمن )

صقر20

07/08/2007, 05:24 AM

اخي ابو وليد: هذي الصوره صاحبهه الله يرحمه راشد بن عليان ال عذبه المري

بكره ان شاء الله ازودكم بصور الخاصه به.وهو من اهل الطيور المعروفين بحب المقناص والطير.والله يوفق الجميع

الآن سيكون الأحتمال الأكبر أنه:

(( راشد بن عليان ال عذبه المري))

كما يقول ويؤكد الأخgyrefalcons والذي

وعدنا بصور لراشد المري قريباً

مشكورين كلكم على تفاعلكم

والله يجزاكم كل خير

بسم الله الرحمن الرحيم

السلام عليكم ورحمة الله وبركاته

مساء الخير يا جماعه

حبيت اشارك معكم اوضح فيها انه صاحب الصور ما هو من اللي ذكره الأخوان

وحاولوا مره ثانيه ولا تكررون الأجابه وعلى الله التوفيق

علما الصوره التقطت في اواخر السبعينات ديرو بالكم

ملاحظه الرجال من صقاقير الملك فيصل وابناءه

http://www.mekshat.com/pix/upload/images43/mk8575_asr.jpg

والسلام

الفيتو

الحجاز

22/7/1428هـ

مساكم الله باالخير جميع

ياجماعه انا مانسيت اطرش لكم الصوره بس مواعد فيهه وانشاء الله يوم الجمعه تكون الصوره عندكم

الســــــــــلام عليكم ورحمة الله وبركاته

اخواني الكرام

بعد البحث عن صاحب هذه الصـــوره

أتضح

ان هذه الصـــــوره

تعود ل..

راشد بن حمد العليان العذبه المري ( رحمه الله )

وقد قمت بالاتصال بأحد أبناءه ووعدني بصور له

وقال لي أن الصور الموجوده لديه أغلبها أقدم من المعروضه الان

وبعون الله سنرفق لكم صوره مقاربه للصوره أعلاه

أخوكم ( ابوعبدالرحمن )

هكذا تسلسلت الردود بالترتيب منذ ورود اسم المرحوم الصقار:راشد المري

شاكر للجميع جميل تفضلهم بالمشاركه والرد

والموضوع الآن دخل منعطف حاسم لمعرفة الرجل فقط نحن بإنتظار

الصور كما وعدنا الأخوان:

gyrefalcons

مغرم مقناص(ابوعبدالرحمن)

والله يحفظكم ويرعاكم ويحلي أيامكم جميعاً

طلق الصيد

07/08/2007, 09:25 AM

انا اخوكم وابحث عن الطيور

قلب ذيب

07/08/2007, 01:50 PM

رحبا بالجميع 0
الصوره لاعرف صقارين الرياض 0
----( شارع )
رحمه الله0

رقبة حاشي

14/06/2008, 08:29 AM

بسم الله الرحمن الرحيم
السلام عليكم ورحمة الله وبركاته
مساء الخير يا جماعه
حبيت اشارك معكم اوضح فيه ان الصوره ليست للحابوط (المطيري) لان الرجال كان من جيراننا في حي منفوحه منذ زمن بعيد وكنت ازوره في بيته وارى صقوره .... الله المستعان ...

بو هاشم

14/06/2008, 09:25 AM

مشاء الله على الطير وراعى الطير
الله يرحمه ويغفرله انشاء الله
صوره مميزه

الطبشي

14/06/2008, 09:54 AM

والله ماعندي علم والاخوان يفيدونك

المان العرب

14/06/2008, 10:03 AM

والله مدري لاكن ضاهر ان صوره اولى ابن جدعي وثانيه حزام ابن خالد ابن حثلين

جول قميري

14/06/2008, 10:11 AM

السلام عليكم ..

الموضوع قديم 21/07/2007, 11:57

ولكن اخوي صقر 20 .. من صار صاحب الصورة؟

ماجد الهلالي

14/06/2008, 05:17 PM

السلام عليكم الصوره ماني متاكد منها بس لي رد على بعض الاخوان الحابوط انا قبل فتره شايفه في السوق الموسم الي راح وكان في صحه وعافيه معه طير يبي يبيعه ويوم قريت الخبر من بعض الاخوان انه توفي اتصلت على جواله وحصلته مقفل هل هو خبر اكيد انه توفي ومتى ارجو الافاده لان اخر خبري بالي توفو اثنين هم ( ابو خميس ) و ( زنيفر العجمي ) الله يرحمهم

بومعطش

15/06/2008, 03:34 PM

من صاحب الصوره يالربع؟؟
وينك ياصقر20 نبي العلم الوكاد

ابرق العزاف

15/06/2008, 03:49 PM

ولكن هل الصورتين متطابقتين ؟؟؟؟؟؟؟؟؟

انا لا ااااااااعتقد!!!!!!!

بومعطش

16/06/2008, 10:35 AM

وينكم يالصقاقير
ماعطيتونا علم الرجال

صقر20

16/06/2008, 12:57 PM

ولكن هل الصورتين متطابقتين ؟؟؟؟؟؟؟؟؟

انا لا ااااااااعتقد!!!!!!!

http://www.mekshat.com/pix/upload/images43/mk8575_asr.jpg

والله قمت أشكك مثلك.... لكن الأكيد إنه نفس الطير أوكلهن من ماكر واحد
ابوصالح (الفيتو) يقول: #(الرد رقم 39)
إن الرجال من صقاقير الملك فيصل والصورة في آواخر السبعينات الهجري
وفهمت من كلام الفيتو أن الرجال ليس:
راشد بن عذبه المري
وليس الحابوط
وليس بن جدعي
وليس شارع الحبابي ,, رحمه الله
رحم الله من توفي منهم وأطال في عمر الباقين
V
v
والله ابوصالح حيرنا معه
(جاري إنتظار الجواب الشافي)

http://www.mekshat.com/pix/upload/images41/mk18662_cimg028651.jpg

ابرق العزاف

17/06/2008, 11:46 PM

اتركنا من الطير
هل الجهين للرجلين متطابقين ؟؟؟؟؟ظ
لالالالالالالالالالا
مااعتقد خااااااااااااااالص
الا يكون الرجل تعرض لمرض وكهوله اتعبته وتغير الوجه
لابد من صور جديده 00000 لكلى الوجهين
حتى الملابس بها فرق الاول ملابسه ملابس رجل مبسوط
والثاني ملابسه ملابس احواله 0000000000
وشكل وهندام الاول غير شكل وهندام الثاني
ثم الجدري اللى نا قش وجه الاول 0000فرق
00000000000000

صقر20

17/06/2008, 11:51 PM

اتركنا من الطير
هل الجهين للرجلين متطابقين ؟؟؟؟؟ظ
لالالالالالالالالالا
مااعتقد خااااااااااااااالص
الا يكون الرجل تعرض لمرض وكهوله اتعبته وتغير الوجه
لابد من صور جديده 00000 لكلى الوجهين
حتى الملابس بها فرق الاول ملابسه ملابس رجل مبسوط
والثاني ملابسه ملابس احواله 0000000000
وشكل وهندام الاول غير شكل وهندام الثاني
اتركنا من الهندام واللبس وراك بلشت فيه الله يهديك
نبي علم الرجال وإن شاء الله يبي يحصل المطلوب لاهنت

إبن فيصل

18/06/2008, 12:14 AM

صقر20

18/06/2008, 12:28 AM

سلام عليكم واحد من الشباب عندي أكد كلام أخونا الفيتو بس قال خل الشباب يفكرون لا تخرب على الجماعة ...تصدقون حتى أسم الرجال ما علمني به قال خلك تتابع الموضوع لين تعرفه على الاقل تدخل مكشات لك فترة ما دخلت ...الله يهديه ناقصين تشويق بس كود أحد الشباب يعلمني عشان أقهره.
الله يحييك عد مامشيت
إذاً نتفق أن الرجل يعلم هويته القليل ومنهم أكيد الفيتو وصاحبك يابن فيصل ....
العلم الوكاد أن الرجل/
ليس راشد بن عذبه المري ،، رحمه الله
وليس الحابوط
وليس بن جدعي
وليس شارع الحبابي ,, رحمه الله
يعني دائرة البحث تقلصت :)
عشت أخوي وماقصرت

فارس البريدي

18/06/2008, 12:43 AM

ويش السالفة يا شباب الموضوع قارب السنة تقريبا وما أحد جاب علم الرجال
أشور على الشباب اللي في الرياض يعرضون الصورة على أهل الخبره والقنوص القدامى مثل ابن منيس أو الحابوط إذا كان موجود وغيرهم وأعتقد إن الصورة ليست بذلك القدم والله يوفق الجميع

ابرق العزاف

18/06/2008, 03:26 PM

واين الفيتو ؟؟؟؟؟؟؟؟؟؟

لايكون بدنقلا هسع

الدناقله يارسول الله

أبو طلال-نقوه

19/06/2008, 03:02 PM

السلام عليكم,
أخوان هذا الله يسلمكم يعرفه جدي بس يقول إنه ناسي إسمه...
جدي شرى منه طير فرخ و الحين الطير عن جدي جرناس 12 و ما شاء الله صايد أكثر من 20 خرب و حباره و حبرو و سيم الطير عنده ب45000 ريال و رده دايم ( أبيع واحد من عيالي!!! ).:no2:

http://www.mekshat.com/pix/upload02/images73/mk82954_12.jpg

يحيي بن حمد

19/06/2008, 03:15 PM

للمرور والسلام

جبل راف

19/06/2008, 03:18 PM

ياالربع من يجيب العلم الوكاد

اشتقنا لمعرفة صاحب الصورة ( ليتكم تعرضونها على الصقاقير والشعراء القدامي أكيد يجيبون علمها)

http://www.mekshat.com/pix/upload/images41/mk18662_cimg028651.jpg

ملاعب الطير

19/06/2008, 04:19 PM

الوكاد انه من العونه بس مدري اسمه مشعل ولا لا
انا اعرف كل الصقاقير اللي ذكروهم الاحوان حيهم وميتهم
والنسبه للحابوط الدماسي توفا الموسم اللي قبل الموسم الماضي
وانا شريت طيره بعد مامات من ولد حرباش
(رحم الله موتا المسلمين)

أبوناصر_1

19/06/2008, 04:20 PM

الله يعطيك العافيه على الموضوع

لي رد على من علق وقال الصوره لـ على بن جدعي رحمه الله . أأكد بـأن الصوره ليست له رحمه الله وأنا أعرفه شخصيآ

أما صاحب الصوره والله أعلم أنه محيسن العاكور يمكن وليس أكيد

أو يكون بن عون ( الشايب ) الله يرحمه

سحابة بردية

19/06/2008, 04:31 PM

مشاء الله تبارك الله
الله يعطيك العافية أخوي مشرفنا صقر 20
تقرير مميز وصور رائعة
الله يوفقك

قرناس ارامكو

19/06/2008, 09:45 PM

ياالربع من يجيب العلم الوكاد

المزروعي

19/06/2008, 09:57 PM

بغض النظر عن هوية صاحب الصورة ما أقول إلا أنه صقر شايل صقر و أشهد أنه رجل من الطراز الاول من سكبته ونظرته للطير تقدر تشم فيه ريحة السنين الاوليه. إن كان حي الله يمد في عمره وإن كان توفاه الله فالله يرحمه ويسكنه فسيح جناته .

الفيتو

19/06/2008, 11:02 PM

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
يا خوان بنضيق الدائره شوي
لاهو من العونه ولامن العواكير
الرجال عجمي
الصوره التقطت في السبعينات الميلاديه
والرجل توفاه الله ... الله يرحمة
قبل خمس سنين او اكثر رحمة واسعة
ما بيعرفه الا العجمان
*
والسلام
الفيتو
الحجاز
15/6/1429هـ

ابرق العزاف

19/06/2008, 11:18 PM

اذا مايعرفه الاصقارة الرياض000 والشرقيه00 مافيه احد يتصل عليهم

بومعطش

20/06/2008, 02:12 AM

والله ونعم في العجمان
وينكم يالعجمان عطونا علم الرجال وش يقال له

صقر20

20/06/2008, 02:38 AM

صاحب الصور ما هو من اللي ذكره الأخوان
وحاولوا مره ثانيه ولا تكررون الأجابه وعلى الله التوفيق
علما الصوره التقطت في اواخر السبعينات ديرو بالكم
ملاحظه الرجال من صقاقير الملك فيصل وابناءه

http://www.mekshat.com/pix/upload/images43/mk8575_asr.jpg
والسلام
الفيتو
الحجاز

22/7/1428هـ

وهذي صورة صقار من أشهر صقاري المملكه توفي رحمة الله عليه .. ما بيعرفه الا قليل
لأن الصوره ألتقطت قبل 28 سنه (العجمان ممنوعين من الأجابه )شايل طير من طيور
مجيرمه .. طرحه مشعل بن عون في( سهلة سعيا) وإسمه شاهين من اسبق الطيور

http://www.mekshat.com/pix/upload/images10/mk8575_q2.jpg

بسم الله الرحمن الرحيم

السلام عليكم ورحمة الله وبركاته
مساء الخير ياجماعه
يا خوان بنضيق الدائره شوي
لاهو من العونه ولامن العواكير
الرجال عجمي
الصوره التقطت في السبعينات الميلاديه
والرجل توفاه الله ... الله يرحمة
قبل خمس سنين او اكثر رحمة واسعة
ما بيعرفه الا العجمان
*
والسلام
الفيتو
الحجاز
15/6/1429هـ

حياك يبوصالح بعض الشباب قالوا الرجال الحين بدنقلا :)
إذاً نتفق أن الرجل رحمة الله عليه هو نفسه اللي بموضوع الفيتو(ابوصالح)
تاريخ* الصوره*هذي (http://www.mekshat.com/vb/showthread.php?t=34619)

وهو عجمي من أشهر صقاقير الملك فيصل بن عبدالعزيز رحمه الله
والصورة ألتقطت بآواخر السبعينات قبل 28 سنة
وأبوصالح يلمح من اليوم ويقول (العجمان ممنوعين من الأجابة)
بصراحة الفيتو له أسلوب حماسي فريد جداً(سنه كامله يامعود :( )
بس بيني وبينك يبوصالح كثيرين شككوا إنه نفس الرجل اللي بموضوعك وأنا منهم
وفقك الله بكل الأحوال وكل خير وبركة