يافرحة ماتمت ياثلاجة الطمرة

[احمد بن صالح]

اخوتي

قدر الله علي وشريت ثلاجة الطمرة 35 لتر ب 1800 كي اتمتع بها بهالصيفة وشتغلت عندي فقط شهر ونصف
ماتسوي فرحتي كل يوم اكشت وملاه من هالبارد لاكن

وبدت ماتبرد طبعا محتفظ بالضمان وانا اشيل الضمان واروح لمهم بشارع الغرابي واتوقع انهم بيقولو تعال بكر خذها
او خذا غيرها وحنا متاسفين
ولاكني ياخوتي انقل لكم معاناتي الان شهر وعشرة ايام عندهم وكل اسبوع يقولون الاسبوع الاخر من (قضي الصيف )مديرهم الي اصغر عامل عرفت اساميهم من كثر الاتصالات ومادري وش اسوي معهم اشكيهم او اصير افيدوني اخوتي
وهل هذي عوايدهم طالما انا توهقنابهم

[shaheenshah]

اقول ياخوي الله يعينك

تشكيهم على مين الله يخلف

مالك الا تشكيهم على الله

[Avalanche]

لا حو ولا قوة الأ بالله

الله يعوض عليك

وان شاء الله ان شاء الله تأخذ منهم حقك
الله ينصرك عليهم

[سكون الريح]

كلامك صح يا شاهين ,,,,,,,,,,,,,, ويقال في المثل / إذا كان خصمك القاضي فمن تقاضي


تلاعب عجيييييييب الله يخلف على المسلمين قولوا آمين


ونقول ( من أمن العقوب أساء ........................ ) كملوها انتم لانكم تعرفونها


تحياتي ’’’’’’’’’’,,,,,,,,,,,,,,,,,,,’’’’’’’’’’’’’’’’’’’’’ ’’’

[راعى بنبان]

رداد ياليل ماطولك

[ديرتي]

حاول انك تنكد عليهم وتطفش الزباين من عند الباب وتكلم في مشكلتك امام الزباين مع تطويل صوتك بانهم مماطلين وبفضحكم في المنتديات ومن هالحسي
خلك محل الزبون وسمعت الشي هذا
من ناحيتي ابطلع من المحل مباشرة

[باترول 82]

ياأخي إنت صبرت بما فيه الكفاية لاتخليهم بصراحة الحق معك وزي ماتفضل الأخ (ديرتي) أكتب عنهم في المنتديات خاصة هذا المنتدى وقبل ذلك حذرهم وقولهم إني أبي أكتب وأبي أفضحكم وشوف كيف التفاعل
الله يساعدك

[الوفي]

أطبع موضوعك هذا مع الردود وأرسله للإدارة وأكتب رقم جوالك على الأوراق

في إعتقادي هذه أكبر عقوبة لهم لأن التجار همهم الأول والأخير السمعه
وبما أن تصرفهم معك يسيء لسمعتهم وخصوصاً عند أهل المكشات فسوف يعالجون الموضوع بأسرع وقت ممكن

مع تمنياتي لك وللجميع بالتوفيق

[النمر الأشهب]

الله يعوظك خير لا تشتكي لإنك ما تلقى صدى لشكواك هذا تلاعب الله المستعان لا أحد يعطيك حقك عندما تقوم بالشكوى عليهم إسأل مجرب ولاتسأل خبير وإن رحت تطالب بحقك بتأخذ سبعة شهور ولكن بدون نتيجة ما تسوى عليك 1800 ريال سبعة شهور مراجعة وفي النهاية يصير الحق لهم.

[احمد بن صالح]

شكر اخوتي علي تعاطفكوم معي والله انكم خففتو علي شوي (قال اية قال خدمات مابعد البيع) الله لا يوفقهم المشكلة اني من القصيم ولا كان

شفت وش ازين بهم مالي حيلة الي هالتلفون

تصدقون ياخوان امس اتصلت بمدير الشركة المشكلة انه يحمل اسم هالشركة يعني مهب موظف وقال لي بالحرف الواحد انا مش فاضي

والله اني قلت انا بدفع قيمة تصليحة مابي الضمان حياة العز ولا حياة المذلة لاكن مالقيت تجاوب

لاكن حبيت اطرح عليكم هالموضوع للتخفيف علي لانهم غثون وعارفين انهم ماورهم احد وانتم تستفيدون من هالتجربة مع هالوكلاء التعبانين

[وضاح الرياض]

تصدق كنت ناوي اشتري وحدة والشباب مثلي بعد يعني 6 حبات لاكن بعد ذا المشكلة توبة

[ابوعلي7]

اذا كان ماذكرت صحيحا ، فأقسم بالله ما أشتري ثلاجة الطمرة ، ياخوان الوكالات هذي لازم تعرف إن عقابها يجي من العملاء أنفسهم في وقت ألإنترنت لأنهم عارفين ان العميل والله ماياخذ شي بالشكاوي وإن أخذ فهو بعد مايطلعون ريحته ( اللي قاهرني انهم ربحهم مفتووووووح ومع ذلك يهضمون حق المسلمين) ، وبالطريقة هذي (فقط) والله يتأدبون لا، ويمكن ينزلون تعقيب بنفس الموضوع وإلا يتصلون على المتضرر يطيبون خاطره علشان يكتب عنهم ، هذا من ناحية ومن ناحية الثلاجة أشوف مع واحد من الشباب ثلاجة ممتازة ومن زمان ويمدحها بالحيل ، يقول انه شاريها من السنيدي ببريدة وغلافها الخارجي (ستبل) وصناعتها صينية بس _ حسب كلامه _ يمدحها واجد

[مهتوي الكشتة]

غريبة خراب ثلاجة الطمرة
والأغرب سوء تعامل وكالتها والمماطلة
لكن هددهم بالتشهير وابتلقى فايدة
والله ينصرك عليهم

[احمد بن صالح]

اذا كان ماذكرت صحيحا ؟ اقسم بالله ان كل ماذكرت صحيح والان الثلاجة عندهم والضمان وفاتورة الصيانة عندي وفيها التاريخ ممكن اي واحد يبغي يتاكد ارسالها له بالفاكس

عموما هذا رقم مسؤل الصيانة اسمهة شوباش 0551644544 غيبت رقمة كثر ماتصلت علية
الي يبي يتاكد يتصل علية بس يقولة ثلاجة 35 لتر من القصيم

[shaheenshah]

المهم انت لا يضيق صدرك اهم ما عليك انها تزين وتبرد صح؟

ودها لم محل تصليح تبريد وتكييف وشف وش يقولك
بس لازم تسوي نفسك فاهم عشان ما يلعب عليك يعني قله شيك على غاز الفريون
أنا ما أفهم بصراحة في التبريد ولكن اعتقد فيه ثلاث احتمالات:
1- ان الفريون فاضي لانه من الاساس ما عبوه زين.
2- الفريون فاضي بسبب تهريب في مواسير التبريد.
3- الفريون ما يشتغل يعني خرب (يعني الله يخلف)
واذا صلحت او ما صلحت هذا ما يمنع ان وكيلها يسعى الى الربح فقط ويضرب بالزبون عرض الحائط وما يستاهل ان الواحد يشتري منه

والله يصلح الاحوال

[احمد بن صالح]

اشكر جميع الاخوة علي الردود وهذا يدل علي طيب معدنهم وبيض الله وجهيكم
shaheenshah (http://www.mekshat.com/vb/member.php?u=38135) http://www.mekshat.com/vb/images/statusicon/user_offline.gif vbmenu_register("postmenu_1029540", true); الاخ العزيز تسلم علي هالنصيحة وشكلة اخر الكي

[الحضرمي2006]

لا حو ولا قوة إلا بالله
الله يعوض عليك

[القيادي]

اذا كان ماذكرت صحيحا ، فأقسم بالله ما أشتري ثلاجة الطمرة ، ياخوان الوكالات هذي لازم تعرف إن عقابها يجي من العملاء أنفسهم في وقت ألإنترنت لأنهم عارفين ان العميل والله ماياخذ شي بالشكاوي وإن أخذ فهو بعد مايطلعون ريحته ( اللي قاهرني انهم ربحهم مفتووووووح ومع ذلك يهضمون حق المسلمين) ، وبالطريقة هذي (فقط) والله يتأدبون لا، ويمكن ينزلون تعقيب بنفس الموضوع وإلا يتصلون على المتضرر يطيبون خاطره علشان يكتب عنهم ، هذا من ناحية ومن ناحية الثلاجة أشوف مع واحد من الشباب ثلاجة ممتازة ومن زمان ويمدحها بالحيل ، يقول انه شاريها من السنيدي ببريدة وغلافها الخارجي (ستبل) وصناعتها صينية بس _ حسب كلامه _ يمدحها واجد

كلام رائع يا ابوعلي وأتفق معك فيه 100%

[راعي المواجيب]

اشكهم على الشركه الام للثلاجه عن طريق الايميل او خطاب رسمي ولا تنساني اذا عوظوك...........
الله يوافقك....

[مخاوي قناص]

الله يعوض عليك وينصرك عليهم نصر يطيب خاطرك والله يجزاك خير كانت زوجتي بتشتريها لي هديه والحمد لله انك كشفت لناعلومهم مخاوي قناص

[ساهر]

حاول انك تنكد عليهم وتطفش الزباين من عند الباب وتكلم في مشكلتك امام الزباين مع تطويل صوتك بانهم مماطلين وبفضحكم في المنتديات ومن هالحسي
خلك محل الزبون وسمعت الشي هذا
من ناحيتي ابطلع من المحل مباشرة
انا مع راي ديرتي
والله انه قهرني يوم يقولو مديرهم مشغول ماني فاضي اجل انت فاضي كل يوم اتكلمهم من القصيم ومخاسير
تروح الهم واذا ماتقدر توصي احد يروح الهم واهم شي تختار وقت يكون فيه زبائن واجد واعمل لهم مسرحيه وطول صوتك وافضحهم منت خسران شي كلهم بالحكي ترى اهم شي عندهم الزبون
مهي على كيفهم اذامعك ضمان

وقبل هذا رح لمديرهم وتفاهم معه وقل لها شهور عندكم لاصلحتوها ولاعطيتوني بدالها

اذا ماصلحتوها خلال يومين وارسلتوها لي على حسابكم للقصيم والله اني لفضحكم بكل منتديات الكشتات والبر والصيد
ولااني كاذب ولامزود عليكم ظلم

[رعد النجدي]

اخوي ما اوعدك بشي
لكن صورلي اسم الشركه اذا كانت امريكيه او اوربيه او استراليه
راح اراسل لك الشركه الأم واشتكي من وكيلهم وابشرشحه في الرساله
نزل صور متكامله للثلاجه وبين رقم الموديل وياليت ترفق الفاتوره قصدي صوره من الفاتوره

وابشر بسعدك

[احمد بن صالح]

شكر اخوتي علي تفاعلكم وانا ماطرحت هالموضوع لككي تعرفو نصب هالوكلا والله يوم اشري رفضو ينزلون من قيمة ريال
وهالحين يوم اخربت شف وش صارلي
صراحة انا مالي حيلة الي افضحهم عن طريق الانترنت حتي لاحد يطيح مثلي وحتا الاخوان يستفيدون
تصدقون ان فاتورت جوالي زادت هالشهر والسبة هم ولا فايدة
الاخ رعد النجدي اشكر اخوك علي اهتمامك انا ماعندي الي الضمان وفاتورة الصيانة اما الثلاجة الي هالحين عندهم الله لايوفقهم
لاكن كيف ارسلهم لك اذا فية فاكس انا الان ارسلهم

[المشراق]

أخي الكريم أحمد بن صالح الله يعوض عليك وترى كل الوكالات بهذه الصفة وأولهم الجميح وياليت تعطينا وصف المكان ( المحل ) حتى من راح جهتهم من الشباب يدخل ويسأل عن الثلاجة وسعرها وضمانها ثم يوضح لهم أن الضمان ( طل ) ويذكر قصتك ويقول ما عندكم سالفة ويخرج من عندهم وبهذه الطريقة تكدر عليهم وتحسسهم بالفضيحة , وعلى الشباب اللي قريبين من الموقع التعاون والذهاب لهم وأنا اولهم إذاكان في الرياض 0 وهل محلهم اللي في الغرابي 0

[الرهدن]

السلام عليكم ورحمة الله وبركاته:


أخ أحمد اتصلت للتو على الشركة ورد علي مسؤل عندهم مصري إسمه:محمدعبدالحميد

وأخبرته بماجرى لك وأن الشباب هنا صار لهم موقف معكم ووصل بالبعض إلى عدم الشراء منكم

وأخذ مني إسم المنتدى وإسمك هنا

وهذا هاتفهم 4090000

ووعدني بالنظر في مشكلتك

وأنا صارت لي مشكلة في السابق معهم وتعاملت مع الأخ محمد عبدالحميد ووجدت تعامله راقي ومتفهم وعلى خلق

نصبر وأنا أخوك ونشوف ,,



0

[احمد بن صالح]

الاخ الكريم الرهدن الله يبيض وجهك علي هالففزعة وليس مستغرب علي اعضاء هالمنتدي ووقفوهم جنبي شكر اخي علي اتصالك بالشركة

انا تواتصلت بهم واتصلت علي المصري وقالي نبي نعطيك غيرة ونبي نرسلها ل لك وحنا متاسفين مع الزاجل السبيت ابصبر واشوف
وان كان هناك تجاوب من الشركة فمن الله ثم من تفاعل اعضاء هذا المنتدي

[احمد بن صالح]

الاخ الكريم الرهدن الله يبيض وجهك علي هالفزعة وليس مستغرب علي اعضاء هالمنتدي ووقفوهم جنبي شكر اخي علي اتصالك بالشركة

انا تواتصلت بهم واتصلت علي المصري وقالي نبي نعطيك غيرة ونبي نرسلها ل لك وحنا متاسفين مع الزاجل السبيت ابصبر واشوف
وان كان هناك تجاوب من الشركة فمن الله ثم من تفاعل اعضاء هذا المنتدي

[el_gazarr]

السلام عليكم
الاخ العزيز احمد بن صالح

اود ان اعرفك بنفسى اولا انا احمد الجزار مندوب شركة الطمره انا معاك اننا تأخرنا عليك فى موضوع الصيانة بس ده شىء وارد فى جميع الوكالات المهم اننا نخدمك فعلا واحب ااقولك من هنا فى المنتدى الجميل ده الف مبروك فعلا تم تبديل الثلاجة لك ومش همدح فى شركة الطمره بس الشركة فعلا ماتحب تظلم اى احد وانت دافع فلوس ومن حقك انك تاخد بضاعة كويسة وعلى العلم ان مبيعاتنا فى الشركة اغلبها فى القصيم والتلاجة والحمد لله مشهورة جدا فى القصيم والرياض لانها منتج كويس جدا نأسف للتأخير وان شاء الله بتظبط معاك التلاجة وتكون احسن من الاول
احمد الجزار ارجو التواصل وتقدر تراسلنى على ايميلى وان شاء الله اقدر اخدمك

[المشراق]

الف مبروك اخي على تبديل الثلاجة وخبرنا إذاااااااااااااااااااااااااااا وصلت ولاتنسى الضمان الجديد لايكون ضمان الثلاجة القديمة وبالتوفيق 0

[عجمي]

السلام عليكم
الاخ العزيز احمد بن صالح

اود ان اعرفك بنفسى اولا انا احمد الجزار مندوب شركة الطمره انا معاك اننا تأخرنا عليك فى موضوع الصيانة بس ده شىء وارد فى جميع الوكالات المهم اننا نخدمك فعلا واحب ااقولك من هنا فى المنتدى الجميل ده الف مبروك فعلا تم تبديل الثلاجة لك ومش همدح فى شركة الطمره بس الشركة فعلا ماتحب تظلم اى احد وانت دافع فلوس ومن حقك انك تاخد بضاعة كويسة وعلى العلم ان مبيعاتنا فى الشركة اغلبها فى القصيم والتلاجة والحمد لله مشهورة جدا فى القصيم والرياض لانها منتج كويس جدا نأسف للتأخير وان شاء الله بتظبط معاك التلاجة وتكون احسن من الاول
احمد الجزار ارجو التواصل وتقدر تراسلنى على ايميلى وان شاء الله اقدر اخدمك


السلام عليكم ورحمة الله وبركاتة

اخوي el_gazarr مشكور على تفاعلك مع الأخ وحل مشكلتة لكن ......

بالنسبة للنوعية ذي من الثلاجات لاتكمن بسعرة وخاصة اذا كانت عملية وتخدم لفترة طويلة لأن السعر يدفعة الشخص مرة واحدة وخلاص

لكن مشكلة هذا النوع من الثلاجات هي قطع الغيار الغالي وهذا حصل معي ..عندي الآن نوع من هذة الثلاجات (35 لتر ) وخربانة من مدة طويلة وسببة الكمبرسر وسبق واتصلت على وكيلة واخبرن ان الكمبرسر غير متوفر لكن يستطيع توفيرة بعد فترة قصيرة لكن تفجئت ان سعرة يتراوح من 900 الى 1200 ريال على كلامة ...اذا مالفائدة من الثلاجة وسعر قطعة واحدة تعادل نصف سعر الثلاجة كاملة !!!

نرجو النظر بتوفير قطع الغيار بأسعار معقولة ....

اخوك عجمي

[el_gazarr]

السلام عليكم
مشكور الاخ عجمى على ردك بس للاسف ان الكمبروسر فى جميع اجهزة التبريد من مكيف او ثلاجة او اى شىء يعمل بالكمبروسر بيكون سعر الجهاز نفسه محدد عن طريق جودة الكمبروسر يعنى الكمبروسر تمانين فى الميه من الثلاجة وعشان الكمبروسر المانى لازم يكون سعره غالى الله يعينك ونجيبلك واحد وتشتغل التلاجة من تانى
اخوك الجزار

[تميمية]

عندنا بالسعوديه
خدمة مابعد البيع زي الزفت
الكل يشتكي من هامعامله من اغلب المحلات
ماادري ووش السبب
المفروض البلديه يكون لها دور
او جهه مسؤوله عن مثل هالاشياء
انا اقول لازم تزعجهم كل فترة تروح لهم وتكلمهم كل يوم
او تكلم مدير المحل يشوف لك حل او يرجع لك فلوسك
وهددهم بالبلديه
اذا تعرف احد من قرابتك بالشرطه خليه يجيك بلبسه العسكري
ويشوف لك الموضوع لازم احد يتدخل معك
الله يفرج همك ويبرد على قلبك
والله انا انقهرت على العموم لاعاد تبي الثلاجه كلها قل ابي فلوسي

[ديرتي]

مدري انا شاك ان الجزار ماهوب مندوب الشركة ويجب التاكد من احمد بن صالح اذا انتهى الموضوع والا لا

[احمد بن صالح]

الاخوة الاعزاء والله الي هالحين ماجان شي وانا ودي ارد عندي كلام كثير بس احتري هالثلاجة تاصل قالو اليوم وديناة للزاجل توصلك بكر ابشوف
اسف علي التاخير بالرد

[التوفير]

الله يعينك احتسب الجر ورجع الثالج احسن من البطاريه فضت الحافضه اجدعه عند ائي طالح ورح صيد وسلام

[الروضة]

أخوي احمد بن صالح

الله يعوض عليك ومثل ماقالو الأخوان أحتسب الأجر

تصدق شريت مكيف سبلت من بريدة من محل جنوب الحسون وكلمته عن الضمان وشغلته

وقلت له تراي من الزلفي ماني من بريدة يعني أخاف أتوهق بالمسافة

قال الزلفي نعتبرها حي من أحياء بريدة فقط أتصل ونصل

وأزيدك من الشعر بيت هو سعودي من بريدة وعليه سمات الوقار وواضع خلف ظهره عبارة ( رحم الله أمرى سمح إذا باع سمح إذا أشترى )



ومن الصدفة صار المكيف مايبرد وأتصلت عليه قال الطلعة بـ 150ريال غير الفحص قلت هماك تقول الزلفي نعتبرها حي من أحياء بريدة قال حتى بريدة نخرج بـ 150ريال

ويوم قلت وين كلامك لي قال ( ماني جمعية بر ) وسكر الخط بوجهي

وإلى اليوم أتحسب عليه الله لا يوفقه

[احمد بن صالح]

اخوي الروضة شكر علي التعقيب علي الموضوع

الحقيقة الموضوع اخذا ابعاد كبيرة ليس مجرد سلعة مضمونة شريتة وبس ولاكن اخذ بعد اخر الا وهو الوكلاء ومدي احتكارهم للسلعة وعم تقديم خمات مابعد البيع فيضهرون لك الوجهة الحسن عند الشراء والعكس عند اي عطل يحدث للسلعة داخل الضمان
فلو وجود اكثر من مسوق للسلعة كان شفت التنافس وقس علي ذلك جميع الوكلاء عندنا من السيارات حتي اصغر سلعة مكن تشتريها بالمقابل حتي لو رفضو خدمتك من الجهة المسؤلة الي ممكن تاخذا حقك ؟ التجارة ردد ياليل ماطولك
ولوا الله ثم تكاتف اعضاء هالمنتدي كان الوكالة ماعطتن وجه لاني مالاقيت منهم تجاوب ابد الا يوم كتبت موضوعي بالمنتدي
وازيدك من الشعر بيت وللخوان جت الثلاجة بعد عنا وحطو قيمة الشحن علي ولا به ضمان ولان قاعد اتصل بهم ثانية علي شان لضمان شكلة يبلنا شهر ثاني الله يعين

[الحزم الظامي]

الزبده يااحمد الصالح انا كل يوم اطامر في ذا الموضوع انتظر الثلاجه وصلت ولا ما وصلت نحن معك قلبا وقالب

[فنجون]

خذهم بالتي احسن وبالحليله حيى تقضي شغلك

[فنجون]

:no2: خذهم بالتي احسن وبالحليله حيى تقضي شغلك

[مهتوي]

السلام عليكم ..

ناوي أشتري وحدة لكني هونت ... توبه ..
ويارب إنه يخلفها عليك بأطيب منها إن شاء الله..

سلامتكم.

[myking]

بشر يا بابن صالح عسى الثلاجة جتك

بس يمكن يقولون والله احنا دخلنا في شهر اغستس والضغط تكير ع التلقات ومش ادرين نلحق
ولما توصل من الصين حنرسلها لك .

وانت لاجاك ثلاجة ولا صلحت ثلاجتك

الله يعينك ويسهل امورك

[خالد940]

اقولك رحلهم والعن جدفهم ولا تطلع الا وقروشك معك لو ما يجيك الا 1500 ون قالو بنزينها قل ما عاد ابيها يا الجحلط ولو تبي فزعة تراني والم

[* الخطيب *]

السلام عليكم
الاخ العزيز احمد بن صالح

اود ان اعرفك بنفسى اولا انا احمد الجزار مندوب شركة الطمره انا معاك اننا تأخرنا عليك فى موضوع الصيانة بس ده شىء وارد فى جميع الوكالات المهم اننا نخدمك فعلا واحب ااقولك من هنا فى المنتدى الجميل ده الف مبروك فعلا تم تبديل الثلاجة لك ومش همدح فى شركة الطمره بس الشركة فعلا ماتحب تظلم اى احد وانت دافع فلوس ومن حقك انك تاخد بضاعة كويسة وعلى العلم ان مبيعاتنا فى الشركة اغلبها فى القصيم والتلاجة والحمد لله مشهورة جدا فى القصيم والرياض لانها منتج كويس جدا نأسف للتأخير وان شاء الله بتظبط معاك التلاجة وتكون احسن من الاول
احمد الجزار ارجو التواصل وتقدر تراسلنى على ايميلى وان شاء الله اقدر اخدمك

تجاوب تشكر عليه ، ومثل هذا التقدير للزبون يكتب الله تعالى التوفيق لكم .
حنا فلوسنا حاضرة بس نبي الشركة اللي تحترم زباينها .... ولعلكم بتجاوبكم هذا تكونون خير قدوة للبقية .
مبروك لزميلنا أحمد وعساها مبروكة الجديدة بشرط تاصل مع الضمان الجديد .
شكرا للمنتدى والأعضاء .

[ابو راكان 80]

السلام عليكم وحمة الله وبركاته

يأخواني الكرام انا اتعامل مع شركة الطمره من فتره طويله جدا والحمد لله لم أواجه أي مشاكل معهم وإن واجهت مشكلة فيتم حلها سريعا وبطريقه وديه.انا أملك مثل هذه الثلاجات وهي جيدة وممتازه لكن المشكله هي أن بعض الناس هداهم الله لايعرفون كيف يستخدمون هذه الثلاجات ويقوم بتخريبها وبعد ذلك يضع المشكلة على الشركة مع أن الضمان لايغطي سوء الإستخدام من العميل.

تمنيت من أخواني الكرام أن يتأكدوا قبل أن يحكموا لأنها شركه لها تاريخ طويل في الإلكترونيات وأنا أشتري منهم من فترة طويلة.

المشكلة الكبيرة بالعامية أن الأشخاص السيئين خربوا على الكويسين فلا صارت الشركات تعرف منهو اللي على حق واللي على باطل.

[يازين الجو]

ياخي مشكله نعاني منها
لا ويقولون وزارة التجاره مايعرفون الا الضعوف
حسبي الله ونعم الوكيل على كل تاجر ظالم
ياويلهم من ربي ياويلهم

[الدحبول]

حاول انك تنكد عليهم وتطفش الزباين من عند الباب وتكلم في مشكلتك امام الزباين مع تطويل صوتك بانهم مماطلين وبفضحكم في المنتديات ومن هالحسي
خلك محل الزبون وسمعت الشي هذا
من ناحيتي ابطلع من المحل مباشرة

الله يرجك :d :d
منت بسهل

[زعيم البر]

انشا الله حقك موب ضايع

[ابو شموع]

والله أني أمتردد

أشتري ولا مأشري وكاااااااااااااااااااااله ترفع الضغط

وكاااااااااااااااااااله مشاااااااااااااااااااااااااااء الله تمتلك فن الأبداع بالممااااااااااااااااااااااااااااااااااااااااااطله

أهم شي أنهم أخذو دراهمك ولا الزبون خله يلعن

والله يفك أسر الجميع . . . . . . .

[مهيلان]

السلام عليكم وحمة الله وبركاته

يأخواني الكرام انا اتعامل مع شركة الطمره من فتره طويله جدا والحمد لله لم أواجه أي مشاكل معهم وإن واجهت مشكلة فيتم حلها سريعا وبطريقه وديه.انا أملك مثل هذه الثلاجات وهي جيدة وممتازه لكن المشكله هي أن بعض الناس هداهم الله لايعرفون كيف يستخدمون هذه الثلاجات ويقوم بتخريبها وبعد ذلك يضع المشكلة على الشركة مع أن الضمان لايغطي سوء الإستخدام من العميل.

تمنيت من أخواني الكرام أن يتأكدوا قبل أن يحكموا لأنها شركه لها تاريخ طويل في الإلكترونيات وأنا أشتري منهم من فترة طويلة.

المشكلة الكبيرة بالعامية أن الأشخاص السيئين خربوا على الكويسين فلا صارت الشركات تعرف منهو اللي على حق واللي على باطل.


ما شاء الله عليه هاللي سجل واول مشاركة له هي تزكية مجانية لشركة الطمرة ؟؟؟ امر يثير الشك والريبه
راجعوا الرد رقم 45
السلام

[احمد بن صالح]

بعض الناس هداهم الله لايعرفون كيف يستخدمون هذه الثلاجات ويقوم بتخريبها وبعد ذلك يضع المشكلة على الشركة مع أن الضمان لايغطي سوء الإستخدام من العميل.??

المشكلة الكبيرة بالعامية أن الأشخاص السيئين خربوا على الكويسين??

اولا بداية اقدم شكري الجزيل لادارة المنتدي التي اتاحت لي الفرصة لاكتب موضوعي والشكر موصول لكل من شارك او عقب اوقراء موضوعي ولقد قلت ان الظغط الي مارسة اعضاء المنتدي من خلال كتابتهم جعل الشركة ترضخ وترسلي الثلاجة صح من دون ضمان وعلي حسابي لاكن احمد الله انهم ارسلولي غيرة
وانا الان اطالبهم بالضمان الجديد

ثانيا استغربت من تعقيب الاخ ابو راكان وكيف اساءنا من غير قصد عندما وصفنا بسوء استخدام
ويعلم الله اني حافظت عليها اشد المحافظة ولو ان لدي الشركة واحد بالمية ان فيها سوء استخدام كان رموها بوجهي


كذللك قولك ان الاشخاص السيئين خربو علي الكويسين هداك الله يعني انا من السيئين
عموما هالجملة لا يمكن ان يقولها واحد من اهل البلد
وهذة المشاركة تزكية واضحة للشركة كما قالها الاخ مهيلان

اقدم اعتذاري للاخوة من تاخر الرد لسفري واخير اكرر شكر وتقديري لكل الاخوة علي تفاعلهم

[ديرتي]

اعلق على كلام ابوراكان
انت لم تفهم الموضوع جيدا فالمشكله ماهو موضوع ثلاجة خربانة وبس يمكن الثلاجة جيدة او ممتازة
يالحبيب هو موضوع الضمان والمماطله في الاصلاح فقط
اما نعت الناس بالسيئين غلط
وش رايك تبيه يحطها على حرير ولاجاء الليل يرقد معها ماهو معقول هم يصنعونها عارفين بالاستخدامات القويه عليها من قرقعة ومطبات وجروف وحرارة جو وشكررررررررررراً

[صاروخ]

السلام عليكم وحمة الله وبركاته

يأخواني الكرام انا اتعامل مع شركة الطمره من فتره طويله جدا والحمد لله لم أواجه أي مشاكل معهم وإن واجهت مشكلة فيتم حلها سريعا وبطريقه وديه.انا أملك مثل هذه الثلاجات وهي جيدة وممتازه لكن المشكله هي أن بعض الناس هداهم الله لايعرفون كيف يستخدمون هذه الثلاجات ويقوم بتخريبها وبعد ذلك يضع المشكلة على الشركة مع أن الضمان لايغطي سوء الإستخدام من العميل.

تمنيت من أخواني الكرام أن يتأكدوا قبل أن يحكموا لأنها شركه لها تاريخ طويل في الإلكترونيات وأنا أشتري منهم من فترة طويلة.

المشكلة الكبيرة بالعامية أن الأشخاص السيئين خربوا على الكويسين فلا صارت الشركات تعرف منهو اللي على حق واللي على باطل.
يابو راكان 80 شهادك مجروحة ولا تمشي على ذيابة مكشات :no2:
الوكاله لم يتأخروا عن تصليح الثلاجه لسؤ الاستخدام وإلا لقالوا هذا الكلام للأخ احمد بن صالح علماً ان الأخ احمد طلب منهم ان يصلحوا الثلاجه على حسابه ولكن ما حولك احد.:confused:
وبعدين وش تفسر تجاوبهم مع الاخ احمد وتغير منطقهم لما عرفوا ان الموضوع انتشر ؟

[Avalanche]

اعلق على كلام ابوراكان
انت لم تفهم الموضوع جيدا فالمشكله ماهو موضوع ثلاجة خربانة وبس يمكن الثلاجة جيدة او ممتازة
يالحبيب هو موضوع الضمان والمماطله في الاصلاح فقط
اما نعت الناس بالسيئين غلط
وش رايك تبيه يحطها على حرير ولاجاء الليل يرقد معها ماهو معقول هم يصنعونها عارفين بالاستخدامات القويه عليها من قرقعة ومطبات وجروف وحرارة جو وشكررررررررررراً

كلام سليم 100 %

[ابو شموع]

السلام عليكم وحمة الله وبركاته

يأخواني الكرام انا اتعامل مع شركة الطمره من فتره طويله جدا والحمد لله لم أواجه أي مشاكل معهم وإن واجهت مشكلة فيتم حلها سريعا وبطريقه وديه.انا أملك مثل هذه الثلاجات وهي جيدة وممتازه لكن المشكله هي أن بعض الناس هداهم الله لايعرفون كيف يستخدمون هذه الثلاجات ويقوم بتخريبها وبعد ذلك يضع المشكلة على الشركة مع أن الضمان لايغطي سوء الإستخدام من العميل.

تمنيت من أخواني الكرام أن يتأكدوا قبل أن يحكموا لأنها شركه لها تاريخ طويل في الإلكترونيات وأنا أشتري منهم من فترة طويلة.

المشكلة الكبيرة بالعامية أن الأشخاص السيئين خربوا على الكويسين فلا صارت الشركات تعرف منهو اللي على حق واللي على باطل.

أبو راكان 80 أبشركم عضو مكشاتي جديد . . . . . . . أحم

والذيابه أبخص

[ملك الغضى]

ليش ماتراسل الشركة بجبل علي بالامارات ارسل لهم بريدالكتروني وانشا الله يردون عليك تحصل البريدحقهم علا البروشور حق الطمرة

[راعي الهـــدد]

حسبي الله عليك ياراعي وكالة الطمرة

حسبي الله عليك

حسبي الله عليك

حسبي الله عليك

يا اخوان مشكلتنا تجارنا ... نادر تلاقي فيهم خير لأهل ديرتهم وبني جلدتهم ...

يعني لو ان اخونا احمد بن صالح (( صاحب الموضوع )) لو ان عيونه زرق
وشعره اشقر ولابس جنز ولوحة موتره خضراء

والله ان يصرفون له بديل حتى يتم اصلاح ثلاجته هذا اذا ماجلسه بمكتب الإدارة وقال سم وآمر وش تبي تبي تكون شريك ....

والله مصيبة هذا واقعنا مع هالتجار ....

لاومشكلة تجارنا بعد انهم يبطون ماشبعو من هالفلوس ...

يعني عندهم ان المواطن دراهمه وجهده وتعبه لذيذ الى آخر قطره

والله مايوفرون منك ولا حاجة

حتى لو اقدرو يستغفلونك ويقولون ثلاجتك ماهي تحت الظمان لستطاعو قلب الحقيقة

كل هذا لأن فيه من يساندهم
وهي اكبر مرجع بالبلد اقصد حماية المستهلك الي حقيقتها حماية التاجر ونهب المستهلك ومرمطته




اخوي احمد بن صالح انا عجزت افهم هل اضبطت ثلاجتك ..... ؟؟؟؟



هل وصلك علم أكيد يريح بالك .... ؟؟؟؟



والا ترى انا اخوك الي بالرياض ...


ابشر والله اصير سم عليهم الين تطلع .... اقسم بالله يا انا ياهم ... حسبي الله عليهم




الى متى ونحن نستغفل ....




الى متى ونحن يظحك علينا ...




الى متى وهو ماطي على ابو سلسفيلنا ....




الى متى وحنا ساكتين ومآكلين اتراب ....




الى متى وافواهنا مانفتحها الا عند دكتور الأسنان ...




الى متى وحنا مسروقة اموالنا ...





واله ياناس بانفجر انا من القهر .....





والله اتكلم كذا لأني عانيت مما عانى منه اخونا الغالي احمد


عانيت عند ثاني اكبر شركة نصب واحتيال

شركة الحمراني وكيل نيسان


ولله الحمد اني انام مبسوط

لأني حست ابوهم حوس واصرفو لي سيارة بديل
حتى انتهت سيارتي في وقت قياسي



وسجلني يا احمد واحد من ظمن القائمة التي ستحذر من الطمرة واشكاله




وكنت حاسب اني بأشري ثلاجة الطمره

اما الآن فلا والله ما قربت منه




لازلت اردد بالبلد تجار وشركات وعالم يجب ان تحاكم محاكمة علانية

لكي يرجع للمواطنين حقهم من هالوكالات

وكالات السرق والنهب

[راعي الهـــدد]

عانيت عند ثاني اكبر شركة نصب واحتيال

شركة الحمراني وكيل نيسان










استغفر الله خفت اني ظلمتهم



لا


هم ثالث اكبر شركة نصب واحتيال



وليس الحمراني الثاني لا بل الثالث



فالمعذره والله يتوب علي اخطيت



اعتذر منك يالحمراني انت الثالث ولست الثاني

[احمد بن صالح]

اخوي راعي الهدد هونها وتهون اهم شي عند الواحد صحتة وو لو نبي نحسب كان حبوب الضغط بالمخباة
انا واحد من عرض الاف الصامتة الي لهم مشاكل مع الوكلاء ولا يهينون شركات التامين

انت سالت عن الثلاجة اخوي ذكرت انهم عطون غيرة الاسبوع الماضي بعد كتابتي بهالمنتدي ولا يوم انا لاحالي معطون وجة
لاكن ارسلة لي قيمة الشحن علي (مافية مشكلة ) لاكن الضمان ماجابوة يوم اتصلت عليهم قلت وين الضمان هالحين تبهذلت بضمان وشلون بدون ضمان قالي الموضف المصري استخدم الضمان الاول هو مايدري او يستغفلن ان كل ثلاجة عليها رقم والضمان الي عندي حق الاوله اصر انه كله واحد
قلت لا يالحبيب ابي ضمان جديد برقم جديد قال اجل تعال للرياض وحب الاول ونعطيك غيرة

[راعي الهـــدد]

اخوي راعي الهدد هونها وتهون اهم شي عند الواحد صحتة وو لو نبي نحسب كان حبوب الضغط بالمخباة
انا واحد من عرض الاف الصامتة الي لهم مشاكل مع الوكلاء ولا يهينون شركات التامين

انت سالت عن الثلاجة اخوي ذكرت انهم عطون غيرة الاسبوع الماضي بعد كتابتي بهالمنتدي ولا يوم انا لاحالي معطون وجة
لاكن ارسلة لي قيمة الشحن علي (مافية مشكلة ) لاكن الضمان ماجابوة يوم اتصلت عليهم قلت وين الضمان هالحين تبهذلت بضمان وشلون بدون ضمان قالي الموضف المصري استخدم الضمان الاول هو مايدري او يستغفلن ان كل ثلاجة عليها رقم والضمان الي عندي حق الاوله اصر انه كله واحد
قلت لا يالحبيب ابي ضمان جديد برقم جديد قال اجل تعال للرياض وحب الاول ونعطيك غيرة





اجل شف

بأذن الله لاتعد الا ان الظمان جايك جايك

وشف جوالي وصلك بالخاص

دق علي ولايكون خاطرك الا طيب

باروح لهم واتفاهم معهم بالتي هي احسن

وان نفع فالحمدلله وان مانفع دقيت على النجدة هههههههههههههه

حسيبهم الله

المهم بيآصلك ظمانك بأذن الله

دق علي جاك جوالي

[ديرتي]

عشت ياراعي الهدد وانا اشهد انك فزاع

[سفاري نجد]

ما شاء الله تبارك الله أخوي راعي الهدد

الله يبارك لك في مالك وأهلك وولدك ويعطيك العافيه ،،،

واخوي أحمد بن صالح الحمد لله على حلّ المشكله ،،،

[راعي الهـــدد]

ما شاء الله تبارك الله أخوي راعي الهدد

الله يبارك لك في مالك وأهلك وولدك ويعطيك العافيه ،،،

واخوي أحمد بن صالح الحمد لله على حلّ المشكله ،،،







يعلم الله انه محبة لأخينا احمد

وشفقة عليه

يعني تخيل انت بالقصيم وحقك مسلوب بالرياض او قل حايل او جده ...

وش بتسوي .... ؟؟

هو انت بتواضب على دوامك ... او انت بتطالب بحقك المسلوب ... او انت بتقوم بواجب ابنائك ... او ... او ....

ولذلك هم فعلو مع اخونا احمد هالفعلة القبيحة

لأنهم دارين انه بعيد ويبي يمل



لكن

وظع تحت لكن الف الف خط

يمل هالجدار الي قدامي من الوقفه ولا امل




الأخ الغالي ديرتي ... شاكر لك هالرد الطيب

والله يجعل مافزعت به لأخوي احمد ... خالص لوجه سبحانه ...



بنتظار اتصالك يأخ احمد بن صالح

الى الآن لم يردني اتصآل منك جعلك تحيا

[مكراش]

السلام عليكم ورحمة الله وبركاته

يا شباااااااااب والله لو كل واحد قاطع ها الشركة او غيرها من الي يماطلن كان شفتو النتيجة ...

وحتى بالي يرفعون باهالاسعار وشفوا النتيجة

[ابو شموع]

الله يجزاك الجنه راعي الهدد ومن يقراء


ولاكن مافيه الا هالطمره بالسوق

ولا توجد الا هالسلعه

قاطعو من يمتلك المذله




حسبي الله ونعم الوكيل . . . . . .









ياااااا . . بااااغي الخير أكثر من ا لأستغفاااااااار

[ابو راكان 80]

ياخواني انا ماقصدت بكلامي انتم انا اقصد ان السبب اللي يخلي الوكالات يماطلون هو أن اغلب الزباين يتلاعبون بالضمان انا اتكلم بشكل عام وليس خاص كما يعتقد اخونا احمد بن صالح

[قرم مكشات]

ما أبي طمره ولا أبي نيسان .. ولا ابي مبيعات مصريه


أبي الي ضمانه صنع يابان .. تلقاه مع كل الشـــــقرديه


مبروك يا احمد بن صالح تبديل الثلاجه وارجو من كل راعي مشكله مماثله ان ينهج نهجك

راعي الهدد: انا اشهد انك شقردي

ديرتي : يا حبي لك

الردهن :: تدخلك الايجابي سحب اداره الطمره لارض الواقع وحل المشكله

جميع المكشاتيين : أبدعتوا بتفاعلكم

الجزار: اشكر تدخلك الايجابي واحب افكر حضرتك وجميع مدراء المبيعات والصيانه بأن مماطله الزباين لا تدل على الاحترافيه فى التجاره بل هي أسرع طريقه
لخساره الزباين وخساره ثقتهم فى المنتج حتى لو كان جيد والدليل قالووله


راكان 80 .. ما ابغى أرد عليك,, ولكن ذكرتني فى حسين الي فى مسرحيه المشاغبين (اكتب يا حسين)




(وباقى الضمان وقيمه الشحن)



منتدى مكشات ... شكرا على حل المشكله وهذا يدل على تأثيرك وقوه انتشارك


مغليكم قرم الرفلان :good: ( لا املك ثلاجه الطمره ولا عندي نيه)

[مهيلان]

اخوي احمد بن صالح السلام عليكم

ارجو ان تتواصل مع ادارة الشركة في دبي وهذا عنوانهم

United Arab EmiratesWAECO Middle East FZCO
R/A 8, SD 6
PO Box 17860
Jebel Ali
Dubai




Tel:+971-4 88 33 858


Fax:+971-4 88 33 868



وان شاء الله بيتحسن اداء الطمرة
والسلام عليكم

[أبو فروة]

الله يعين اللي على الغبن صبار
وين منضمة التجارة العالمية تفتح الشركات الأم فروع لها وتخلصنا من الوكلاء السيئين

[ولدالعم]

الى متى وافواهنا مانفتحها الا عند دكتور الأسنان ...

لافض فووووووووووووووووووووووك

[خير المزن]

والله إني ناوي وحده لكن بعد اللي صار خلاص نقعد نصبر على الحافظة حقتناhr

[راعي ساموده]

مره واحد من الزملاء ( ملوسن ) مايصلح لهالوكالات الا هو .. المهم
شرا سياره وبهذلت فيه وعيو يرجعونها وكل يوم يصلحونها وتخرب تتوقعون وش سوا يوم عيو يبدلون السياره له ؟؟

قام وقف سيارته قدام باب الوكاله :

وكل زبون يجي لهالوكاله يقوم يمسكه ويقول تعال شف هذي السياره اللي انت ناوي تشتري صار فيها كذا وكذا وكذا والوكاله هذا تعاملهم ( انصحك لوجه الله لاتقرب لهالنصابين ) .
صارت مشكله كبيره قدام باب الوكاله بينه وبين السيكيوريتي والبائعين والزباين فرجه , المهم تدرون وش انتهوا عليه ؟؟؟؟

اخذو سيارته وعطوه غيره ( بشرط انه مايوريهم وجهه ههههههههههههههه

تتوقعون انه وافق ولا لا ؟؟

نتابع النهايه في الحلقه القادمه ...

[الروضة]

السلام عليكم ورحمة الله وبركاته
أخ أحمد
تصدق أمس أنا في بريدة عند الحماد للأواني المنزلية في شارع الصناعة
وحصلت عند ثلاجة 40لتر حلوة وسعرها 1900ريال والكمبرسر الماني وأخذ يمدحها وقال اليوم بايع منها ثلاث وعليها ضمان سنة وصراحة شكلها حلو وسألته عن الوكيل قال الطمرة
بعد ذلك تغيرت نظرتي لها وذكرت له قصتك مع الوكيل
( الثلاجة طاحت من عيني ) يوم قال الوكيل الطمرة

[ابو فص فص]

السلام عليكم ورحمة الله وبركاته
أخ أحمد
تصدق أمس أنا في بريدة عند الحماد للأواني المنزلية في شارع الصناعة
وحصلت عند ثلاجة 40لتر حلوة وسعرها 1900ريال والكمبرسر الماني وأخذ يمدحها وقال اليوم بايع منها ثلاث وعليها ضمان سنة وصراحة شكلها حلو وسألته عن الوكيل قال الطمرة
بعد ذلك تغيرت نظرتي لها وذكرت له قصتك مع الوكيل
( الثلاجة طاحت من عيني ) يوم قال الوكيل الطمرة

ههههههههههههههههه

حرام عليكم راح فيها الحماد اجل ...... السمعة سيىة


ولكن هل الطمرة كيل او بس هو يجيبها من دبي وقال انا وكيلها


لاني اعرف واحد يجيب من دبي ثلاجات حلوة جدا قبل سنتين وحصل ما فيها مشاكل قال شكلي بزود فيها 400 ريال واقول فيها ضمان واتقالول مع ورشة تبرد وانتهى الامر


:no2:

[الأكحل]

السلام عليكم وحمة الله وبركاته
اعجبني مااقرأت حيث وجدت التفاعل بين أعضاء المنتدى وكذلك وقوفهم مع صاحب المشكلة حيث ذكرني بحديث النبي صلى الله عليه وسلم ( مثل المؤمنين في توادهم وتراحمهم كمثل الجسد الواحد إذا اشتكى منه عضو تداعى له سائر الأعضا بالحمى والسهر)
ومانرى من طامات الوكالات من ظلم الناس وأكل أموالهم بالنصب والإحتيال بالكلام المعسول من خلال مسؤول المبيعات وتعيين مسؤول الصيانة من الذين يجيدون اللعب والمراوغة نراها سمة بارزة قدتكون في جلها إن لم تكن جميعها
ومن يرجع حق المسكين الذي تورط معهم
لقد رأيت في هذه الحادثة فكرة ربما تكون عند الجميع ولكن تحتاج إلى تفعيل
وهي كما رأينا التشهير وفضح من يقوم بهذا الأمر من خلال إراد الشكوى مع الأدلة إن أمكن
وكذلك مسألة الغلاء وتذرع التجار بارتفاع أسعار السلع خارجيا (مع العلم أن الوكيل يربح في السلعة المستوردة الثلث وأكثر ) فلو تم التفاق مثلا على مقاطعة سلعة معينة زاد غلاؤها والاستعاضة عنها بسلعة بديلة لتكدست السلعة عند صاحبها ولوجدته يهرول ويضع العروض عليها لاسيما وأن كثيرا من السلع الأساسية لها بدائل منافسة أو مقاربة لها في الجودة
ولو استخدمنا راسائل الجوال مع الانترنت في المقاطعة والإعلان عنها لوجدنا التنيجة تثلج الصدر وخير مثال (مقاطعة بوك ) والتي استغلتها شركة المراعي للأسف برفع منتجاتها

[ابو شموع]

للرفع وللعبره






يااااا . . باااااغي الخير أكثر من الأستغفااااار

[ابو شكاع]

والله ياخوي إني إنقهرت لما قال لك المسؤول الأول بالشركة إنا منب فاضي
فعلا انقهرت قهر عظيم ... وش قلة الأدب هذي ... ناس ماتستحي
الضمان هذا لعبة الشركات على الزباين المساكين ...من 100000 الف جهاز يستبدل واحد على الضمان والباقي يا يوهقونك ويقولون لك هو خرب بسوء الإستخدام مع إن الإستخدام مية بالمية وماجاه شي الجهاز
أو يطفشونك بطريقتهم هذي
الله يكون بعونك أخوي ولاتسكت لهم ..والله لو لي قدرة لأغثهم يوميا .. ليتك بالرياض كان تقعد لهم بس عاد ياحيلة الله
أهم شي لاتخليم لمين يصلحونه لك أو يستبدلونه هاللي مايستحون ...
خلص الصيف وهي عندهم

[ابن بدران]

الله يكون بعونك وييسر أمرك
ما قلت لنا وش صار معهم ؟؟
عسى الضمان الجديد وصلك ؟؟

جربنا ثلاجة الطمرة قبل اربع خمس سنين أيام كانت تباع بـ 1700 و 1750 كان سعرها وشغلها زين
لكن من بدأ سوقهم واشتغل البيع صح عقب ما انقطعت الثلاجات الجنوب افريقية وارد الهدف وقل بيع
ثلاجات الرماية (انجل) كل موسم والثاني يزيد السعر لين وصلت 2150 (هالكلام قبل سنتين) والحين يمكن أكثر..
والغريب واللي يغثك صدق إنهم ألغوا فتحة توصيل كهرباء البيت مباشرة بالثلاجة !!!
وأجبروك تشتري محول (وش كبره ) بـ 150 ريال زود عشان تشتغل بكهرباء 110 و 220 ؟؟؟
ياليتهم فكونا من هالمحول وشيله وحطه ونعطيهم 200 موب 150 بس ..

وهذا حال تجارنا للأسف
من يمشي سوقهم ويشتغل البيع عندهم يبدا التلاعب ونقص الجودة بمنتجاتهم
ووينك يابيض الصعو اللي ينسمع به ولا يشاف (وزارة التجارة) تشوفين ؟؟؟!!!

[أبو مها]

طيب عطنى خبر ارسلولك الضمان الجديد او لا

[احمد بن صالح]

الاخوةالاعزاء

سامحوني علي الابطاء في الرد لعدم وجودي في البلد وانا عاجز عن الشكر للتفاعلكم وحرصكم وهذا ان دل فانما يدل ان الدنيا مازالت بخير والحمدللة وان هناك ناس دائما يسعون لفعل الخير مدام الفرصة موجودة

وعن الذي يساءل عن الضمان فانه لم ياتيني الي الان والقصور ياتي مني انا لانهم قالو ارسلنا الضمان الاول ونعطيك غيرة ولاكني لم تسع الفرصة للذهاب للرياض وان كان بعض الاخوة قالو ارسل الضمان ونحن نبدلة لك
ومن بنهم الاخ ابو حمد راع الهدد بيض الله وجه وجهة كل الاخوة

[الدرع العربي]

الله يعوض عليك وينصرك عليهم نصر يطيب خاطرك والله يجزاك خير كانت زوجتي بتشتريها لي هديه والحمد لله انك كشفت لناعلومهم مخاوي قناص
والله يا شيخ أنا ما أكذبك بس من العجيب أن الزوجة تشتري لزوجها ثلاجة بر وتشجعه على المناهيج وهي ممكن تشتري له كمبيوتر ثابت وتلفزيون على شان يتسمر في البيت هذا اللي أتوقع
وآسف على اللقافة

[الدرع العربي]

منتدى بث الهموم
هذا المنتدى المقترح لو تم إنشاؤه وكتب كل واحد معاناته من هذه الشركات أو مكاتب الاستقدام أو وكالات السياحة أو مواقع الاستغلال في التأجير عند السياحة الداخلية
بهذه الطريقة سوف يكون هناك مسئول اطلاع وكتابة تقارير لكل شركة عن ما يطرح في هذا المنتدى
يتسنعون
وإلا
فمن أمن العقوبة أساء البيع والخدمة

[ابو شموع]

منتدى بث الهموم
هذا المنتدى المقترح لو تم إنشاؤه وكتب كل واحد معاناته من هذه الشركات أو مكاتب الاستقدام أو وكالات السياحة أو مواقع الاستغلال في التأجير عند السياحة الداخلية
بهذه الطريقة سوف يكون هناك مسئول اطلاع وكتابة تقارير لكل شركة عن ما يطرح في هذا المنتدى
يتسنعون
وإلا
فمن أمن العقوبة أساء البيع والخدمة



أقتراح جميل الله يجزاك خير



ياااا . . بااااغي الخير أكثر من الأستغفااااار

[حندقوق]

الله يعوض عليك


انت على الضمان وانا على حسابي و6 اشهر وثلاجتي عندهم وكلما اتصلت قال الموظف ثلاجه خلاص انا يتصل انت ثلاجه خربان ماصوره في سدد انا حاول كتير عشان يفتح ماصورة بس مافيه فايده

بعد 6 اشهر رحت لقيتهم مشغلينها واخذتها ودفعت تقريبا 400 او 450 ريال والله اني نسيت

بعدها عفت الثلاجة

على فكرة انا شاريها من العليان وما اشتغلت الا عندهم وتبريدها ضعيف حتى مع سلك 6 مل

ويكو فاشلة
العليان يجيبون ستوكات ورجيع
الطمرة صيانتهم تعبانة

البر ما عاد به مقانيص

من يشتري الثلاجة وانا والله اني بياع باي سعر

شيلوها يالربع تشتغل لكن بدون ضمان

[دخنآوي]

حندوق ..
الموضوع قديم :)
لكن الله يعوضك ويرزقك البيعه الطيبه

[ابو نواف المطرفي]

الله يعوض عليك


انت على الضمان وانا على حسابي و6 اشهر وثلاجتي عندهم وكلما اتصلت قال الموظف ثلاجه خلاص انا يتصل انت ثلاجه خربان ماصوره في سدد انا حاول كتير عشان يفتح ماصورة بس مافيه فايده

بعد 6 اشهر رحت لقيتهم مشغلينها واخذتها ودفعت تقريبا 400 او 450 ريال والله اني نسيت

بعدها عفت الثلاجة

على فكرة انا شاريها من العليان وما اشتغلت الا عندهم وتبريدها ضعيف حتى مع سلك 6 مل

ويكو فاشلة
العليان يجيبون ستوكات ورجيع
الطمرة صيانتهم تعبانة

البر ما عاد به مقانيص

من يشتري الثلاجة وانا والله اني بياع باي سعر

شيلوها يالربع تشتغل لكن بدون ضمان

الله يكون بعون الجميع

[الوحش2]

الحل عندي وانا اخوك روحاهم وتحضنلك ثلاجه جديده واخرجبها مع الباب وقلهم الله يباركلكم في الي عندكم واذا بغوا يكلموا الشرطه خير وبركه يعني صاروا هم اللي يشتكون والله الاشكال هذي مايبغالها الا هذا التعامل

[هيهااات]

استفسار يااخوان ابي اللي مستخدم ثلاجه جنوب افريقاا وش وضعه؟؟