كل صقار مطلوب يشارك__وصفات غذائيه اسبوعيه للطير

[الوعيلي 711]

السلام عليكم اعضاء مشرفين زوار مكشت
اطرح هذا الموضوع بعد ان راودتني فكره وضعها من فتره
ألا وهي ان بعد ما يشاركون جميع الصقارين سأضع جدولين او ثلاثه وصفات غذائيه


واسف ع الاطاله



ملاحظه :يجب ع كل من يشارك ان يضع الاكله وفوائده او تجاريبها مع طيره
:) اخوكم الوعيلي

[وكري2007]

مشكور أخوي الوعيلي على الموضوع الرائع

الآكله وهي المستمره لطيري هي أغلبيا (الجربوع) وهي مفيده لقرنسة الطير وحذف الريش مبكرا

وهي صحيه ومن تجربتي لهذه الآكله انها خفيفه على الطير وهذا والله اعلم وهذا كل اللي عندي

وسامحنا على القصور تقبل تحياتي أخوك وكري 2007

[ابوحافظ]

وعليكم السلام اخوي الوعيلي ومشكور على الموضوع الجميل..




بالنسبه لي بالمقيض اعطي طيري فرروخ حماااام وفرروخ دجااااااج واعمار الفروخ اسبووعين مع تشكيله من جراذي وجرابيع وطيور الصغار في البر...


واذا كنت قنااااص معي سكتون اصيد قوبعه وطيور صغار وجرااابيع وحمام الدحوول...


وسلااااااااامتك ولاهنت ...

[أبو رداد]

وعليكم السلام ورحمة الله وبركاته
التنويع ثم التنويع ثم التنويع
ولي عوده

[حيدرة]

السلام عليكم
اعطيه ايام اكل واحد
وبعد ايام اخره اكل واحد

وشكرا

[المهاجر1]

التنويع زى مقال اخوي ابو رداد فما بال الواحد ادا كان فى فندق وعنده كل شى ويش بصير فيه ههههههههههههههههه
اكيد ماراح يطلع مع الباب

[وقاااااد]

الله يعطيك العافيه على الموضوع اللي يفيد الصقر والصقار :good:
بالنسبه للعلف سمان مبرد على طول لأنه خالي من الأمراض واغير بعد عشره ايام فروخ حمام مره وحده او لحم حاشي وكل شهر اجيب جرابيع تحلي فيها الطيور مره وحده 0
وبالنسبه للسمان فيه خالد العويدي المعروف يقرنس الطيور على السمان دائما بدون تنويع وطيوره تغسل النجير تماما وقرناسه لايعلا عليه
اعتذر عن الإطاله
تقبلو تحياااااااااااااتي
ابو بندر

[رآعي آلبآترول]

مساكم الله بالخير جميع

تأكيد على كلام اخوي وقاد نعم انا اشهد ان العويدي مايعطي طيوره غير السمان
وكم مره ينصحني يقول لي لاتعطيها الا سمان وبس
وفعلا طيوره ماشاء الله قرنستها ولا أحلى
بصراحة انا ماعطيها الا سمان وكل اسبوع اعطيها فروخ دجاج مره وحده عشان تروبق

[قلب شاهين]

هلا والله فيك وأشكرك على الموضوع ،،

وبالنسبه لطيري ما اعطيه علف أبد ولا اشوفه !!




ههههههه
أمزح معك يالغالي وطيري مقيضه بعيد عني وعلفه متنوع علف بري ،،

ومشكور على الموضوع ،،

وبارك الله فيك ،،

[امير الرفيعه]

بالنسبه لي

العلف واجد ومتنوع لكن منة تجربتي

السمان المبرد على مدار الاسبوع وبعد الاسبوع اغير بفروخ حمام لمده لاتقل عن 3 ايام

وبعدها ارجع للسمان . واسقيه كل شهر حلبه منقعه مع الماء وصفار البيض

وهذي الطريقه انا مجربها وتحس ان الطير يتغير عليك من ناحيه جناحه

وقله الملوع وتحس ان الطير بالحيل متغير عليك حتى اني قلت هذا موب طيري اللي خابره .

ولكم تحياتي

[الوعيلي 711]

عشتو ولا هنتوا ع الردود

بس اكثر شي ع الحمام والسمان

بس اسأل الضب ليه ما يعلف

[امير الرفيعه]

اخوي الوعيلي

مشكور على الموضوع الجيد

وبالنسبه لسؤالك عن الضب ؟

الضب من المعروف انه ثقيل حتى على الادمي ونسبه الكلسترول فيه 400%

وحار على الطير وممكن انه يسبب له دهون زايده في جسم الطير وانت في غنى عنها

ويلزمك تشنذر الطير والشنذره خطيره كما هو معروف وبالذات اذا كانت بتتعب الطير من لحمه الضب .

والله اعلم .

[رفيق الطيبين]

مافيه مثل الفار اللذ واخف على كبد الطير

ولا جاء الصفري لينه غاسل ريشه كنه حمامه

[الوعيلي 711]

امير الرفيعه
صح كلامك بس اقول يعني من شهر لي شهر
++++++++++++++++
رفيق الطيبين
والله الفار زين بس اسمه فاااار يعني لو جربوع اشوالك

[رفيق الطيبين]

أخوي الوعيلي كيف حالك أنشاء الله بخير.....



الجربوع غيرك المعلم ثقيل على الطير ماهو مثل الفار

او الصبيحيه البيضاء اللي في البر هذي اخف من الجربوع

من واقع تجربه انت ارك الطير على الفيران ويسرني حاله وقرناسه

وبعدين الطير اللي بياكله مهوب انت يوم تقول الجربوع اشوا فهمت أخوي ومشكور

[معشي الطير]

السلام عليكم ورحمه الله وبركاته
حياكم الله اخواني جميعا
الله يعطيك العافيه اخوي على هالموضوع اللي يعمنا بالفايده .
اخوي انا لي خمس سنوات وانا اقرنس طيور عندي بالمزرعه والحمد لله كل سنه تطلع ريشه الطيور احسن من اللي قبلها من ناحيه قوه الريشه ولمعتها وغسل الطير.
وبرنامجي الغذائي كالتالي :
يوم السبت :سمان مجمد
الاحد:بسابيس حمام طازجه من المزرعه (بشرط انه يكون الفرخ مابعد طب من عش امه).
الاثنين :صيصان صفر مجمد اللي عند المستشفى حقه الطيور(بصراحه فائدتها عظيمه جدا حيث يجمع بين صفار البيض واللحم ).
الثلاثاء: جرابيع مصيوده ثم مجمده حتي اذا كان فيها بكتريا تموت.
الاربعاء:عصافير.((حث انها مشغلتنا في المزرعه تاكل المحاصيل ؟؟؟؟؟؟؟؟؟؟).
الخميس :لحم غنم مخلوط مع مع صفاربيض.
الجمعه : سمان مخلوط مع حلب مطحون .
ونشاء الله اول ماتصفي الطيور راح انزل لها صور ..
اسف عاى الاطاله.

[المزروعي]

انا انصح بكل صقار انه ينوع في العلف من فار وحمام وفري . وانصح بشده ان يكون يوم راحه فالاسبوع حتا الطير يرتاح . وشكرا

[الوعيلي 711]

اخوي معشي طيور
عشت والله وما قصرت ومشاركتك شرف لنا
===================
المزروعي
اتوقع صح لازم يوم راحه
=================

[الحر01]

الوعيلي لوسمحت انا عندي ايميل هل تقدر تراسلني

[راعي الناوي]

بالنسبه للمقيض :ـ افضل اشيئ الطازج مثل ترميلك حمامه او طيور بحر يومين ويومين بيض ولازم يحصل يوم وجاب وإذا ذبحت لك ذبيحه للبيت عطه لحمه او قلب قبل لاتدخل اللحم للثلاجه يعني (فرش)

وبالنسبه للمقناص :ـ احسن شيء القوبع لانه من البر وبعيد عن الامراض لان الحمامه ممكن تنقل المرض من الشبك من حمامه اخرى ،ولا انصح بالدعو اليومي يعني الطير لازم يبيله راحه وممكن يكون اليوم اللي قبل ما تعزم فيه المقناص وتمسي خلا وبانصحك ثلاث نصائح وبعون الله ماتعرف دكتور الطيور وهي كلاتي :ـ
1ـ عليك ب(الخيل)ويتم تنقيعه في ماء من المساء وعند الفجر عقب الروباج غره بأبره مره واحده كل اسبوعين وفوائده(الوقايه من الكوكسيديا والدود بأنواعه)
2ـ حبوب b12 وهي مخصصه للحمام وهي صغيرة الحجم لايستنكرها الطير يمكن وضعها في قلب الحمامه وفوائدها (مكمل غذائي يحتوي على 12 فيتامين ،مقوي ،يحسن طيار الطير) وطريقة استخدامه 6حبات يوم بعد يوم كل شهر او شهرين على حسب الإحتياج مع العلم انها تعد الطير بشكل رهيب وهي كبسوله لونها اصفر وابيض
3ـ النبات كل شهر مره لتجدد شهية الطير للاكل وتنظف امعاء الطير

والله ولي التوفيق

[الوعيلي 711]

عشت ولا هنت

بس ابي اعرف الخيل قصدك خــــــــــــل

[الوعيلي 711]

ابشر الحر

al3any_25@hotmail.com

[راعي الناوي]

(الخيل)تروح محلات العطاره والاعشاب تسألهم عنه بيعطونك إياه ريحته قويه

[خيال الصبحا]

بالنسبه لي

العلف واجد ومتنوع لكن منة تجربتي

السمان المبرد على مدار الاسبوع وبعد الاسبوع اغير بفروخ حمام لمده لاتقل عن 3 ايام

وبعدها ارجع للسمان . واسقيه كل شهر حلبه منقعه مع الماء وصفار البيض

وهذي الطريقه انا مجربها وتحس ان الطير يتغير عليك من ناحيه جناحه

وقله الملوع وتحس ان الطير بالحيل متغير عليك حتى اني قلت هذا موب طيري اللي خابره .

ولكم تحياتي
السلام عليكم
الله لا يهينكم جميعًا
ويامير الرفيعه
ليتك تشرح لنا طريقة
الحلبة والماء وصفار البيض
شرح ممل ، الله لا يهينك
واسف لازعاجك ، وشكرًا

[الفوار2008]

حياك اخوي الوعيلي711
انا بالنسبه لي ونا اخوك ورحم الله من عرف قدر نفسه ماعندي معلومات اقدر اشترك معكم فيها لكن اقدر استفيد من معلوماتكم وحياكم
وتقبل مروري اخوي وماقصرت

ابو العبدي
-
-
-
-
-
-
-
-
-
-
http://www.u11p.com/folder3/U11P_1tJ35hhsD.jpg

[الوعيلي 711]

ابو العبدي
نور الموضوع بحضورك
==============
مرور مشرف وبالذات خيال الصبحا يشرفنا وانشاله يشرحلك الطريقه اخونا امير الرفيعه
====================================
عشت يا راعي الناوي
وبجربا وبعطيك العلوم

[كاسر الحوم]

عشت ولا هنت

بس ابي اعرف الخيل قصدك خــــــــــــل
اخوي الوعيلي اخونا يقصد (الخيله) او ما يعرف ب(الحلتيته) او (الحتيته) وهي ايضاً يستخدمها الا نسان بعد الحلول (اعزكم الله) لكي تقضي على الدود وتنظف الامعاء
والسموووووووحه على الاطاله

[الوعيلي 711]

ما به اطاله يا كاسر الحوم
وعشت ولا هنت

[أبو رداد]

ماشاء الله
زاد الموضوع طيب مشاركات جميع الاخوان
وتبادل الخبرات
الله يجزاكم خير
وسوف نثبت الموضوع مع مواضيع المقيظ
ان شاء الله

[قرناس خلوي]

أنا طيوري مقرنسها عند واحد ولابعد مريتها من يوم حذفت ....

[الوعيلي 711]

ابو رداد مشرفنا العزيز تحيه طيبه وبعد.......,,,,,,,
يشرفني انضمام موضوعي لمواضيع المقيظ
وانت طيب وانا استاهل
عشت والله لا يهينك
اخوك الوعيلي

[الوعيلي 711]

قرناس خلوي الله يعينك بس اكيد المقيض مهو بقريب


==========
اخوك الوعيلي