ياصقا قير لو تكرمتوا ....

[عاشق نجد ،]

السلام عليكم ورحمة الله وبركاتة
تحية طيبة للجميع ...

وعندي كم سؤال لو تكرمتو الله لايهينكم بما ان الوقت وقت ربطة ياليت الجميع يقول اللي عندة ويفيدنا ...

*هل الفرخ السبوق اذا قرنس ممكن يقل سبقة والا تبقى معة وتصير ميزة بالطير ..لأني سمعت ان الطير قد يتغير اذا كان فرخ وقرنس بكر ... لكن بعدهذا العمر(البكر) تصير صفة ملازمة لة ؟؟

*هل التكويش على العلف لة حل وخصوصاً اذا طلع الطير من الربطة ...وكيفة ذلك ؟؟

*هل الطيراذا كان صاطي على دجاج الحبش دليل ان شالله على نفس الفعل بالحباري ...بالرغم انة ماشافة ولا علم علية والأرنب مايتردد عليه ابد ؟؟؟

*هل عدد مايجيبة الطير بالملواح دليل على سبقة ...يعني اذا كان يجيب مثلاً فوق 150 فهو سبوق ؟؟

واااسف على كثرة الأسئلة

[أبو رداد]

السلام عليكم ورحمة الله وبركاتة
وعليكم السلام ورحمة الله وبركاته

*هل الفرخ السبوق اذا قرنس ممكن يقل سبقة والا تبقى معة وتصير ميزة بالطير ..لأني سمعت ان الطير قد يتغير اذا كان فرخ وقرنس بكر ... لكن بعدهذا العمر(البكر) تصير صفة ملازمة لة ؟؟
الطير السبوق سبوق ولاتذهب منه هذه الصفه مازاله سالم من المرض حتى يصبح قرناس هرم

*هل التكويش على العلف لة حل وخصوصاً اذا طلع الطير من الربطة ...وكيفة ذلك ؟؟
نعم له حل بالمعامله الطيبه واكرام الطير بالعلف تذهب هذه العاده السيئه

*هل الطيراذا كان صاطي على دجاج الحبش دليل ان شالله على نفس الفعل بالحباري ...بالرغم انة ماشافة ولا علم علية والأرنب مايتردد عليه ابد ؟؟؟
تعطيك احتمال قوي لكن غير اكيد (الطيور تختلف نفوسها)

*هل عدد مايجيبة الطير بالملواح دليل على سبقة ...يعني اذا كان يجيب مثلاً فوق 150 فهو سبوق ؟؟
عدد المسحات دليل على اللياقه وليس السبق

واااسف على كثرة الأسئلة
اسئله طيبه من وجه طيب
والله يحيك في مكشات
وهذه الاجابات وجهة نظري
وان شاء الله يجاوبوك الاخوان باجابات افضل

[قشاع الرمث]

السلام عليكم ورحمة الله وبركاته

طبعا الاجوبه من خلال خبرتي يعني تحتمل الصح والخطا .
1: اتوقع ان الفرخ اذا قيظ مزبوط خصوصا مهو ربط اقصد
قيظ طلق فالله اعلم انه ما يتغير سيقه ابد ولاكن تقل صملته
لانه فهم الدعوى مهو مثل يوم هو فرخ ( لاكن اذا قيظ ربط فاغلب الطيور تطلع من
المربط ملعه من كثر المكافخ ولحد يقول لي ريحه ثلاث ايام مع شب وموميان فيه
ملوع تعيب الطير لما يموت )

2: يمكن يخف التكويش شي بسيط اذا صرت ما تسحب العلف
من الطير وتعزله بطريقه صحيحة . لاكن ما تروح نهائي مستحيل .

3 :بالنسبه للحبارى غير عن كل الدواجن فيه طبور كانت تصيد الرومي
الكبير ولاشافت الحبارى اول مره تهاب تقوم تمسح وتحوم وتنزل بعيد .
ونهد الطير خصوصا الفرخ على دجاج ونحم ورومي عشان نعرف الطير
وشجاعته .
وفيه طيور تدهله وتهد فصيل . الاكيد الطير الي ما صاد الحبارى ما تجزم
انه يصيده لما يصيده لا دجاج ولا غيره :d

4 :بالعكس مافيه اي علاقه بين عدد الملواح وسبق الطير
لاكن الطير الي يجيب عدد كبير علامه انه عنده لياقه .
ومن رايي الشخصي غالبا الطير التلاب هو الي يلوح وااااجد .

اتمنى اني افدتك .

[قشاع الرمث]

السلام عليكم ورحمة الله وبركاته

الظاهر انا وابو رداد ردينا بنفس الوقت .

[خيال الصبحا]

السلام عليكم ورحمة الله وبركاتة
تحية طيبة للجميع ...

وعندي كم سؤال لو تكرمتو الله لايهينكم بما ان الوقت وقت ربطة ياليت الجميع يقول اللي عندة ويفيدنا ...

*هل الفرخ السبوق اذا قرنس ممكن يقل سبقة والا تبقى معة وتصير ميزة بالطير ..لأني سمعت ان الطير قد يتغير اذا كان فرخ وقرنس بكر ... لكن بعدهذا العمر(البكر) تصير صفة ملازمة لة ؟؟

*هل التكويش على العلف لة حل وخصوصاً اذا طلع الطير من الربطة ...وكيفة ذلك ؟؟

*هل الطيراذا كان صاطي على دجاج الحبش دليل ان شالله على نفس الفعل بالحباري ...بالرغم انة ماشافة ولا علم علية والأرنب مايتردد عليه ابد ؟؟؟

*هل عدد مايجيبة الطير بالملواح دليل على سبقة ...يعني اذا كان يجيب مثلاً فوق 150 فهو سبوق ؟؟

واااسف على كثرة الأسئلة
الأخ عاشق نجد,
وعليكم السلام ورحمة
الله وبركاته
قبل لا أبدا تراني
مبتدي ، ولكن قلت خلني
ارد على شان لو كان عندي
خطا يعدلونه لي الأخوان
*بخصوص سؤالك الأول ماعندي علم ، ولكن
الله العالم أن سرعة الفرخ ماهي مقياس ، والمقياس لاقرنس
*والتكويش له حل ، أره العلف على الطير وخله دايم صنيع
وان شاء الله أنه يترك الطبع هذا
*مادام الطير صاطي على الحبش ، ومايتردد عن الأرانب أن شاء الله انه يفعل مع الحباري
*وبخصوص الملواح ، فهو دليل على لياقة الطير وتحمله
أتمنى أكون أفدتك
وأن شاء الله الأخوان مايقصرون
وشكرًا

[خيال الصبحا]

الظاهر اني تأخرت بالرد
فاتح الصفحة واكتب بالرد
وسبقوني الأخوان ،وشكرًا

[صقار قديم]

السلام عليكم ورحمة الله وبركاته ,,,

أمّا بخصوص السبق فقد لاحظت ان معظم الطيور " يزيد " سبقها و خاصّة الطيور المهجنّة .


تحياتي للجميع

[الوافي عزام]

الربع ماقصروا عطوك الاجابات الشافيه

بيض الله وجيههم (من طيب معدنهم وحبهم للخير قاموا يتصافقون بالردود من السرعه للفائدة الناس)

جعلكم ذخر لنا

[حيدرة]

الله يجز الاخوان كل خير

واستفدنا كثير

[قلب شاهين]

الأخوان أفادوك وحياك الله في المنتدى ،،

[عاشق نجد ،]

اشكر الجميع على بادرتهم الطيبة وهذا ان دل على شيء يدل على طيبة المشرفين والأعضاء على حد سواء وحرصهم على خدمة الجميع

واخص بالذكر المشرف العزيز ابو رداد واقول بيض الله وجهك وما قصرت ومن غير قصور بالطيبين الباقين

كذلك الشكر للأعضاء المميزين واصحاب الخبرة كل من قشاع الرمث -خيال صبحا - صقار قديم - الوافي عزام -حيدرة -صقار القصيم


والله يرحم والدينا والديكم ويجزاكم كل الخير على الردود الطيبة والمرور اللي اسعدنا والمعلومات الجميلة

وكل الشكر

عاشق نجد