طريقة وزن الخرازه يدوياً !!!

[((( الحر)))]

بسم الله الرحمن الرحيم!!!
اخواني اعضاء وزوار منتدى مكشات!!!
السلام عليكم ورحمة الله!!!
حبيت اعرض لكم افضل طريقه في نظري لوزن دربيل الخرازه!!!
من كثر ماتعبت وتدربت على وزن دربيل الخرازه ومريت كذا محل صار عندي قناعة ان افضل طريقه لوزن الدربيل انك توزنه بنفسك بدون الرجوع للاجهزه او محلات الرحلات لوزنه وبالطريقة التاليه:ـ

(1) اول شي تطلع للبر وماحولك احد و تاخذ معك دسته رصاص ولا حظ ان سعرها من-- الى -- ريال اذا خلصتها بالوزن يعني اقل من قيمة وزن الدربيل عند محلات الرحلات الي توزن البنادق!!!

(2) تاخذ معك كرتون فاضي ويكون كبير اما حق شاشة الكمبيوتر او اي شي ثاني وتاخذ معك قلم رسم عريض لون غامق اسود او احمر او اخضر..... الخ!!!

(3)ترسم على الكرتون عدد من الدوائر الصغيره من 5 الى 10 دوائر بحجم الريال الحديد او بحجم غطاء بيبسي العائله!!!

(4) تحط الكرتون على بعد مناسب من مكانك الي ناوي تجلس فيه وتصوب منه وافضل مسافة في نظري من 40 الى 60 متر كل واحد حسب هواه!!!

(5) تبدى بالتصويب بطلقتين على الدوائر ولاحظ انك لازم تكون راكد بالرمي وافضل شي تراكي البندق على مركي او اثنين وترمي وانت جالس ولا تصوب لين يكون الاكس في نفس الدائره حتى تضمن تصويب ثم وزن ممتاز!!!

(6) (مهم) بعد ماتطلق طالع وين راحت الطلقتين ولو كان فيهن اختلاف بسيط فهذا عادي من الاهتزاز بعد كذا حرك ميزانية الدربيل حسب مكان الطلقه ولاحظ ان الدربيل يوجد فيه ميزانيتين وحده للتحريك اعلى واسفل وهذي تكون فوق الدربيل ووحده للتحريك يمين ويسار وهذي تكون يمين الدربيل (((فاذا كان مكان الطلقه فوق النقطه الي بالكرتون تحرك الميزانيه الي فوق الدربيل عكس دوران عقارب الساعه))) . (((واذا كانت الطلقه تحت النقطه تحركها مع دوران عقارب الساعة))) . ((( واذا كانت الطلقه يسار النقطه تحرك الميزانيه الي يسار الدربيل مع دوران عقارب الساعه))) . ((( واذا كانت الطلقه يمين النقطة تحرك الميزانيه عكس دوران عقارب الساعة))) ويكون تحريك الميزانيه حسب بعد الطلقة من النقطه كل ماكانت الطلقه بعيده حرك الميزانيه اكثر!!!

(7) بعد كذا اطلق طلقه او طلقتين تلاحظ ان الطلقات هالمره كانت اقرب للهدف من الطلقتين الي قبل ويمكن تكون في الجهه الاخرى اذا كنت محرك الميزانيه زياده!!!

(8) استمر على هالطريقه تجد انك وزنت الخرازة تمام التمام الطلقه في وسط النقطه. ويمكن انك ماخسرت الا خمس او عشر طلقات ولو خسرت الدسته كلها ماعليك بعدين تتعلم وتصير توزن بثلاث او اربع طلقات وحاول تطلق على كل الدوائر ولو تغير مكان الطلقه لا تتضايق غالب مايكون من اهتزاز يدك او المكان الي مراكي عليه!!!

ملاحظــــــــــــــــــــــــــــات بعد الوزن؟؟؟؟؟؟؟؟؟
-=اذا رميت على مسافه قريبه 15 او 10متر تلاحظ ان الطلقه تكون تحت الهدف!!!
-=اذا رميت على مسافة بعيده 100 الى 150متر تلاحظ ان الطلقه فوق الهدف !!!
-=وهذا بسبب المسافه الكبيره بين مكان الطلقه ومكان الدربيل بالبندق (الخرازه) علشان كذا لازم تاخذ حساب عند الرمي على هالمسافات ياترفع او تنزل حسب المسافه!!!

نصيحــــــــــــــــــــــته؟؟؟؟؟؟
-=بعض انواع الفشق يزم فحاول توزن الدربيل بنوع واحد هو الي تصيد فيه!!!
-=سبق ان وزنت عند محل رحلات وصار حي الله 30 ريال راحت على الفاضي والله غشاشين!!!
-=على كل حال الدربيل يبي يختلف بعد مده ويبغاله وزن ثاني مره ولاكن هالمره بسيطه تحرك ميزانيه الدربيل حسب جهة اختلافه وتقدر تازنه حتى لوكنت تصيد!!!
-=حسب تجربتي ان الهواء اذا كانت قويه تخطي الهدف مادري وش السبب الاكيد!!!
-=الرمي والسياره طافيه اضمن من الرمي وهي شغاله علشان الاهتزاز!!!

تنبيـــــــــــــــــه؟؟؟؟؟؟
لاترمي الا بعد ماتتاكد ان ماقدامك أي احد من الناس او الحيوانات لان الخرازه (تسوق) يعني تروح بعيد!!!
بخصوص مكان الميزانيه من الدربيل حسب اعتقادي انها ثابته بكل انواع الدرابيل!!!

هذا ماعندي وارجو من اخواني الاعضاء اذا كانت قدمت أي معلومه خاطئه توضيحها مشكورين لان هدفنا واحد!!!

اوجو للجميع مواسم صيد وافره!!!

وتقبلوا تحياتي
اخوكم ((( الحر)))
12/5/1424هـ

[عليان الليل]

ماقدر اقول الا الله يوفقك
ويجزاك خير على هالمعلومات
و10على10
تحياتي..

[نجمة سهيل]

الله يعطيك العافيه يا:heart:ابو محمد:heart: على هالطريقه الممتازه،،

فعلا انا وزنت كم مره عند الرمايه والرميح لكن مااقول الا حسبي الله عليهم 30او20ريال بالفاضي انا

ماهمتني الدراهم الي قاهرني انهم يغشون ،،

والدربيبل اذا وزنوه يايصير يرمي فوق والا يرمي تحت ماعمره جا على المكان الي ابيه،،

وبعد مااملت انهم بيزينونه صرت مااستخدم الا الطريقه الي ذكرتها ياابو محمد ،،

من ركبت الدربيل وعقب ماتعبت من وزن المحلات صرت اوزنها بنفسي،،


مشكور ياابو محمد والله يقويك،

[((( الحر)))]

تحياتي للجميع!!!

اخوي عليــــــــــــــــــ:heart:ـــــــــــــــان الليـــــــــــ :heart:ـــــــــــل !!!
بارك الله فيك وتسلم وهذا بعض ماعندكم!!!

اخوي نجمة المنتدى نجمـــــــ:heart: ــــــــــة سهيـــــــ:heart:ـــــــل!!!
مشكور يالغالي وخبرتك في هالمجال ناخذها بدروس خصوصيه وتسلم واالله!!!

تحياتي!!!
اخوكم((( الحر)))
12/5/1424هـ

[دغيم]

أخوي الحر
مشاء الله عليك
هذا هو الحل الصحيح وما حك جلدك مثل ظفرك:good:

[((( الحر)))]

اخوي دغــــــــــــــــــــــــ:heart: :heart:ـــــــــــــــــــيم!!!

تحيه طيبه واشكرك يالغالي وهذا الصحيح ماحك جلدك مثل ظفرك!!!!

تحياتي اخوك((( الحر)))
14/5/1424

[الباهي]

ابو محمد بارك الله فيك:good:

وتستاهل دكتوراه على هالمحاضره القيمه جزاك الله خير

واسمحلي ادلو بدلوي بالموضوع

اما بالنسبه اذا كان فيه هوا فهو يغير من اتجاه الرصاصه اذا رميت وهذا على حسب قوة الهوا ولابد ان اللي يرمي يحسب حساب الهوا في الرمي:)
وتقبل تحياتي

[((( الحر)))]

اخوي البــــــــــــــ :heart: :heart: ــــــــــــاهي!!!

بارك الله فيك ومعلومة طيبه لازم نحسب حسابها!!!

تسلم ومثلك سابق بالعلوم الطيبه!!!

اخوك ((( الحر)))
14/5/1424هـ

[الخبير]

ما قصرت يالحر على الموضوع

لكن لو إنك تبي تازن ساكتون هذا الحل مناسب، لكن خل نقول إنك تبي تازن على خرازة؟

ترى الرصاص مهوب رخيص.

وعلى سالفة إن الهواء يغير إتجاه الرصاصة شوفوا الرياح (http://www.mekshat.com/vb/showthread.php?s=&threadid=4913&highlight=%C7%E1%D1%ED%C7%CD)

[راعي السلقة]

ياهلا والله بالشباب


حبت استفسر عن هل نوع الفشق يختلف يالوزن ولماذا (ان امكن)

[سيف السيف1]

الله يعطيك ألف عافية ويجزاك خير على الشرح يالحر,, لكن حبيت أنبه على بعض الأخوان ألي إلى شاف الصيدة نسي نفسه وصوب ورمى ؟؟؟؟ والله ياجماعة الخيركم مرة بغينا نروح فيها في ينبع.....

شكراً لك أخي الحر على التنبيهات..
تنبيـــــــــــــــــه؟؟؟؟؟؟
لاترمي الا بعد ماتتاكد ان ماقدامك أي احد من الناس او الحيوانات لان الخرازه (تسوق) يعني تروح بعيد!!!

[((( الحر)))]

اخوي الغالي الخبــــــ :heart: :heart: ــــــــــــــير!!!
اقدر لك ملاحظاتك وهذا المطلوب من كل الاعضاء عند الرد على اي موضوع يجب عليه ان يناقش صاحب الموضوع عن اي شي في موضوعه حتى نعرف اكثر ويوضح بعض النقاط التي غالب ماتكون غامضه وحتى نعرف هل الموضوع منقول او مسروق او انه جهد شخصي يشكر عليه ويحسب في صالحه!!!
اخوي الخبير من ناحية الوزن فالحقيقه انه مع الوقت صدقني تصير توزن الخرازه في خمس الى عشر طلقات بس واذا كان الجو راكد يكفيك من 2 الى 4 طلقات بس والتجربه خير برهان ةوهذي قيمتها 10 ريال اذا زادة وحسبنا الطلقه بريال!!!
ولاحظ يالغالي انالموضوع خاص بالوزن بالدربيل وترى يختلف عن الوزن بغير الدربيل!!!
من ناحية الهواء فالحقيقه كلامك وموضوعك رائع وماطلعت عليه الا بعد ماوضعت الرابط بردك ومشكور على الايضاح والمعلومات القيمه الي عرفت منه وش السبب في تغير اصابة الهدف مع الهواء!!!
واعيد ثانيه يجب على اي عضو يشارك برد على اي موضوع ان يحاول ان يضع بالرد عدة استفسارات ولا يكون الهدف زيادة عدد المشاركات وبس!!!
مشكور يالغالي مره ثانيه وفي انتظار ردك!!!

اخوك ((( الحر)))
16/5/1424هـ

[الخبير]

يا مرحبا
و الله كلامك صحيح، ان الواحد إذا تعود على الوزن خلاص، لكن مثل ما قلت هي المشكلة إذا كانت هذي أول تجربة له.
و ايضاً لو إن الرصاص يباع عندنا في البقالات صحيح ما ضرك لو تطلق 50 طلقة.

شئ ثاني التركي على المركى يمكن يكون فيه قلة توازن، لذلك لو يجرب يحط البندق على الملزمة و يكرب عليها زين، صدقني ما يتعدى ثلاث طلقات إلا وهو جايبها صح.
أو ياخذ له عدة وزن الدرابيل ب 150 ريال ولا يطلق ولا طلقة.

عموماً الموضوع ما عليه كلام شرح وافي و كلام واضح، وما بقي علينا إلا إننا نطبق

[((( الحر)))]

تحياتي للجميع!!!
واسف على تاخري بالرد!!!

اخوي راعــــــــــ:heart: ـــــــــي السـلــــــــ:heart: ــــــــقه!!!

مشكور يالغالي ومن ناحية سوالك عن اختلاف الفشق بالوزن فاعتقد ان فيه نوع من الفشق اسمه ((( ستنقر ))) هذا النوع يرتفع بالرمي عن الانواع الاخرى يعني اذا وزنت عليه الانواع الاخرى تختلف بالوزن عنه وهذا يرجع الى انه اقوى منهن وهذا اعتقد انه معروف عند اغلب القناصه!!! وتسلم..

اخوي ابــــــــــ:heart: ــــــــو فـــــــــــــــ:heart: ـــــــــــارس!!!

مشكور يالغالي وتنبيه في محله!!!

[aflaj12]

الحقيقة معلومات وافية أخوي الحر تشكر عليها وأنا مع اللي ذكروا أن الهوا يؤثر في التوجيه نحو الهدف

[رذاذ]

هنالك وزن برصاصة واحد فقط
أرجو أن تقرأ موظوعي وزن منظار الخرازة:rolleyes:

[رذاذ]

هنالك وزن برصاصة واحد فقط
أرجو أن تقرأ موظوعي وزن منظار الخرازة:rolleyes:

[الضاري]

أخوي الحر
تسلم والله على هذا الموضوع وفعلن حنا محتاجين نوزن الدربيل بأنفسنا فمثلا اذا طلعت للمقناص وتغيرت عليك وزنة الدربيل صعبة ترجع وتقطع مسافات علشان واحد يزين لك الدربيل ويمكن يزين ويمكن مايزين ويضيع عليك الوقت و الجهد بدون فايدة.

تسلم أخوي مرة ثانية
تقبل تحيات أخوك / الضاري

[هاوي]

مشكور على الشرح الوافي

[akhan]

مشكوووووووووووووووووووور

[عاشق الجبال]

السلام عليكم ورحمة وبركاته
اخوي الحر ولايهون الجميع من مشرفين واعضاء
اشكركم على الموضوع الرائع حبيت اضيف نقطه مهمه حصلت معي شخصيا
وهي ان هناك انواع من الدرابيل تجد السنه التي تثبت الميزانية احيانا تكون مكسوره
وغير واضحة ومهما وزنت فان وزن الدربيل غير مجدي .ولكن عندما تدقق النظر وتبحث
من داخل الميزانية تجد كسر داخلها هو السبب في عدم ضبط الدربيل او سرعة اختلافه
وتقبلوا تحياتي

[بركان]

وافضل طريقة تعطي نتيجه 99999999999%
هي ان تضع الخرازة او اي سلاح آخر تود وزنه داخل( ملزمه) مثل الذي يستخدمها السباكين لتثبيت المواصير عند قصها طبعا بدون قاعده وتكرب ابوها!!!
وتثبت الملزمة في صدام السياره او اي جسم ثابت طبعا الكلام هذا واحنا في البر او استراحة او مزرعة بعيده. واوزن واطلق الى ان تصل الى قلب الهدف وقد تكتشف شيئا ليس في الحسبان طالما ان البندقية ثابته ولا تهتز ستجد ان الرصاص لا يقع في نفس المكان ... اذا العيب في الرصاص!!!!

وش رايكم. طريقه مضمونه بس متعبه للبعض ولكن النتائج مسكته ولا تحتمل التأويل.!!!

[sayarias]

اخو الحر حفظك الله هل كل نوع من الرصاص له وزنيه

[ولد]

الحقيقه ما قصرت
:) :D :) :D

[((( الحر)))]

تحياتي..........للجميع.... الي رد العام ....والي رد هالسنه:D ...!!!

aflaj12
حياك الله ياخوي وبارك الله فيك

رذاذ
مشكور ولا كن وين الرابط

الضاري
حياك الله وشكراً على الاطراء

هاوي
العفو وبارك الله فيك

akhan
العفو وبارك الله فيك

عاشق الجبال
مشكور على هالنصيحه واعتقد العله تجي في الدرابيل الرخيصة وخاصة ماركة((( صاب)))...!!!

بركان
هلا باخوي وصدقني جربت هذي الطريقه وافضل شي ترمي وانت ماسك البندق علشان التدقيق لان الوزن بالملي...!!!

sayarias
صحيح اخوي كل رصاص له وزنيه خااااااااااااصة الاستنقر يختلف عن الرصاص عموماً لانه يرتفع شوي عن الوزنه الثابته...!!!

ولد
الله يسلمك وانت ماقصرت وياهلا فيك عضو جديد...!!!

تحياتي للجميع........((( الحر)))............ابو محمد...!!!

[ابو ايمن]

شكرا أخي الحر على هذا الشرح المفيد .

وأنا عندي إضافة بسيطة ( من واقع تجربة )
إذا سمحت لي . وبالطبع لن تفقد أهمية وفائدة موضوعك .

وهي أن تحاول مسك الخرازة بملزمة لمنع الإهتزاز وضمان ثباتها في مكان واحد لانه مهما كان الإنسان لابد أن تهتز يده وسيؤثر خصوصا على الوزن . مثل ماذكر الاخ بركان

وطبعا تلافيا للخطورة في المزرعة أن تكون أمامك ( نثيلة ) ( كومة ) ( شحنة ) تراب ( بوجه العدو ) كبيرة حتى تضمن عدم تجاوز الرصاصة إلى مابعد الهدف ويكون الكرتون ( الهدف ) أقرب إليك منها .

تحياتـــي

[((( الحر)))]

هلا وغلا ابو ايمن والله توه منور الموضوع يوم شفت ردك من غير قصور بالربع...!!!

حيالله الدودمي واهلها وبشرنا عن الوليد الي ماسك الدله وشاب النار عساه نجح والله يستاهل من يسال عنه بين عليه من جلسته وعصابة راسه انه طير بر مثل ابوه...!!!

اضافة وفكره جميله جداً الوزن بالملزمه سبق ان ذكرها بعض الاعضاء بالردود مثل ماتفضلت وهي مجال نقاش وياليت يابوايمن تنزل موضوع يشرح هالفكره او سوال عن هالطريقه ونشوف راي الربع بطريقة وزن الخرازه بالملزمه وهل هي افضل او الطريقة اليدويه...... تحياتي...!!!

اخوك...........((( الحر)))............ابومحمد...!!!

[ابـ معزي ـو]

:D الله يعطيك الف عافيه :D

ماقصرت .. والطريقه جربته وطلع ما ازين منه :good: .. لكن حبيت افيدك عن المحلات اللي تازن الاسلحه

انا مره خليتهم يازنون لي الزوم ( المنظار ) على الخرازه .. واللي كان بالمحل شايب .. ماشاء الله عليه وزن لي

الـ ((×)) على الهدف على طول وطلع ما ازين منه .. ماشاء الله عليه .. حتى إن سعره كان رخيص وزنها لي

بدون مكاسره بـ 15 ريال .. بس

وجزاك الله خير على تنبيهاتك للأخوان بتجربتهم لوزن الخرازه

.. وتقبل مروري ..

:D

[الشووزن]

السلام عليكم...
ما شالله عليك ياخوي الحر شرح مفصل ومنضم
مادري وشلون اشكرك على الجهد الجميل
تقبل تحياتي (الشووزن)

[الحر جساس]

الله يعطيك العافية,,,,, ويجزاك الف خير وجعلها في موازين حسناتك,,,

[rsarsa]

مشكور اخوي والله يعطيكـ الف عافيه على

الشرح الوافي


تحياتــــــــــي’’,’,’,’,’

[جريح الخطاوي]

يعطيـــك العـــــافيــه اخـــــوي (( الحــر ))...

مــاقصــرت في شــــرحك......ولــو اني مستغــرب في مســألة ((محــلان لوزن الدربيل)) طيب القنص هــواية...وشفيهــا لو اخــذت لك...علبة ...ورحــت للبــر وفــرغتهــا كلهــا ..وجلســت تــوزن دربيلك بنفسكــ...انــا اق,,لك بعض المــرات صراحه يرفــع ضغطك وودك تحــذفه...بطــوول يــدك...بس بــرضو فيــه ونــاسه..(( علــى فكــره انــا ما عمــري حطيت دربيــل على (( الناريه)) الخرازه..وحمدلله طيــري مــا يطيــر ....احــس ان الدربيل (( حق الغشم ))====>>قالهــا ضاحكا..وليس متكبرا..

بس تبــون الصــراحه بالدربيــل فيــه متعــه ....لمــا ترمي والطيــر جنب عينــك تتأمل فيــه وتحطهــا بمكــان ماتبــي...وتســوي تحــدي مع خـــويانك....مررره ونااااسه...

آآآآآسف على الاطالــه : سبب اني اقــول انكــ تتعلم لوزن الدربيل بنفســك ...انك فرضنا وانت بالمقناص ومن زود الحماس..ومطــارد ورا القمـــري ...اخــذك (( مطــطططططططططـــــب )) وهب دب..والخــرازة مثلك فوق تحت ..(( اكيــــد بختلف الــوزن بهالحــاله ايش بتســوي )) توقف خلق الله وتقولهم تكفــون اوزنــوا دربيلــي...واللــه ما احــد بيعطيك وجـــه...زين اذا ...ما تكفخــت...هــذا
طلب باللــه عليكــ....

اوكـــي ...بصــراحــه المــوضع..مليـــان..وما نــاقص الا تســون اللي قالكــم عليــه (( الحــر ))
وتوزنــون درابيلك بانفسكــم ......

على فكــرة (( الحــــر )) بـــديــرتنا سعــر علبة الرصاص (( 50 )), (( 60 ))

ج ـــــــ ر ي ــــ ح

[al-ftal]

جزاك الله خير على هذه المعلومة الطيبة

[شاهين999]

ما شاء الله تبارك الله وما قصرت يالغالي........

[عبدالرحمن 1]

السلام على الجميع اما وزن الملزمه انشدني عنه اظبط وزن عرفته لدربيل وبدون ما ترمي ولا رصاصه وحده/انا يا محكايكم كنت اتعذب وانفظ دسته و2 وبعض الا حيان مايزبط وبعد ماعرفت الملزمه ولله الحمد صار مايعوق معي الوزن بلا يدوي بلا وجع راس..والمسئله ابسط من البسيطه
تجيب طاوله حقت الكنب اللي يوضع عليه القدوع0في مكان مستوي.تحط الملزمه فوقها.تشيل اصبع البندق برا.تحطها في الملزمه طبعا توقيها بفوطه ولا بغترتك.تكربها.تحط هناااااك كرتون .تسوي فيه دائره صغيره.تناضر مع مجرا البندق.فيه نقطه حمرا محل الا صبع.تا زنها علا الدايره
با الظبط.بعدين تبدا في وزن الدربيل لين يتوسط الدايره.وذمني وامدحني تحياتي للجميع

[قري شنى]

السلام أخوي الحر :
بالنسبة لوزن دربيل الخرازة ..فيه طريقة أسهل وأوفر لأنك بتازنها بطلقتين بس ..
وهي تجيب قطعة كرتون وتطلق عليه طلقة بدون دربيل .. وبعدين تجيب قطعة قماش وتلف الخرازة فيه ..
وبعدين تثبت الخرازة على ملزمة وتركب الدربيل وبعدين .. توجه علامة الزائد اللي بالدربيل على الطلقة الأولى .. وإذا تطابقن تشد الدربيل وانتهينا ..

[العائم بالصحر]

ما أقول إلا الله يجزاك عنا ألف خير تصدق إني لي شهر وأنا أبركد رميي بالخرازة وعجزت عن الدربيل يا يمين يا يسار عجزت مره وعرفت آخر شيء السبب وهو إني أغير الفشق باستمرار ولما بقيت على نوع واحد وهو (وانشستر) عادي ضبطت الوزنة والله يجزى الجميع خير
http://www.mekshat.com/pix/upload/sign/images/mk61079.gif

[أقلط]

تسلمي يمينك يالغالي

[مكشات عنيزه]

الله يعافيك على هذا الموضوع المميز

وطريقتي بالوزن مثل طريقتك
بس تختلف شي بسط
اول شي ارسم صليب وارمي عليه ثمين ازن احد الاثنين العامودي او الافقي
فاذا وزنت واحد صار الثاني سهل
بس اتوقع لو تحركهن كلهن بنفس الوقت احس انه ياخذ وقت ورصاص
ومشكوووووور وماقصر

[شرارة النار]

تسلم والله يالحر على ها الموضوع الرائع تسلم يمناك

[محمد الحمود]

يعطيك العافية على المعلومااات المهمة.

[crozman]

شكرا للموضوع القيم

[تركي المدينه]

الســــــــــــــــــــــــــــلام عليكم
اهم شي بالدرابيل القاعـــــــــــــــــــــــــــــــــده

[smk115]

طيب وانا اخوك رصاص الخرازة غالي

[رساوي2006]

يعطيك العافية أخوي

فيه طريقة لو أنها يبلها شويت شغل لك لك وللزمن وهي

أنك تشري لك ملزمة ماللي عند حقين الحدادة و الكهربائيين اللي تربط عليها شي اي تثبتها

حاول أنك تسويلها قاعدة إما جنط أو حدبدة راسية حاول أنك تحط الملزمة على طرف الجنط وتسوي

عامود أمامهك وتضع على راسه أم ملزمة ثانية إذا أمك أو تشتري قفيز مثل اللي يربط على الوايرات الكبيرة وتثبت هالعمود الثاني أمام الملزمة اي على الطرف الثاني متقابلتين عشان تثبت السلاح عليها

وفقط طلقتين الأول للعلامة ومن ثم وزين الدربيل على هالعلامة بالضبط والطلقة الثانية للتجربة

هالطريقة إذا كان السلاح ما يثبت معاك يعني يهتز سو هالشغلة وهي لك وللزمن

فيه طريقة ثاني تشري ملزمة واحدة وتسوي لها قاعدة تثبتها على الباب بس س لها خدادية عشان ما تخدش البوية وحاول تحط الماصورة على مراية السيارة اي اضبط الملزمة ارتفاعة وانحرافها على مراية السيارة الجانبية وكذلك بحيث تكون على مرما واضح لك ولا تكون مرتفعه ولا طامنه بالحيل

هذه وجة نظر

[رساوي2006]

نسيت اقولك

ترا قاعدة الدربيل لها دووووور كبير

حاول تكون قاعدة الدربيل ممتازة وقوية وحبذا تكون اللي مساميرها تربط بمفتاح السداسي اي ما يسمى المسدس

إاذا ربطتها وانت متأكد من نوعية الدربيل أنها جيدة حاول أنك تغري المسامير بغرى الامريكي الجني

وشكرا

[سطام F15]

الله لايهينك أخوي وماقصرت والله يبيض وجهك وكلامك مابه غلط الله لايضرك
بس ياليتك تقولنا إذا عندك الخبرة أو أي أحد الأعضاء الأفاضل عن
أفضل أنواع الدرابيل لأنا تعبنا من كثر مانجيب وكل ماجبنا واحد حطوبه عذاريب
نبي الأفضل

[أبوزيد20006]

مشكوووووووور اخوي

[القنـاص2008]

الملاحظات اللي ذكرتها طال عمرك صحيحة لاني كذا مره جربتها وانجحت معي الله يعطيك العافية تقبل مرورى

[قناص خليص]

شكرا لك وتمنياتي لك بالتوفيق ونصايح زي العسل وطريقت مجربها وأحسن من الميزان اللي في المحلات

[a1Ruwais]

الله يعطيك العافيه

[سيف الخلاوي]

صدقت اخي الكريم

لك كل التحيه
والله يوفقك

بس فيه بنادق السبطانه هي منها المشكله وهذا مستحيل توزنه

[أبوحيا]

مشكووووووووووووووووور

[كلثوم]

السلام على الجميع اما وزن الملزمه انشدني عنه اظبط وزن عرفته لدربيل وبدون ما ترمي ولا رصاصه وحده/انا يا محكايكم كنت اتعذب وانفظ دسته و2 وبعض الا حيان مايزبط وبعد ماعرفت الملزمه ولله الحمد صار مايعوق معي الوزن بلا يدوي بلا وجع راس..والمسئله ابسط من البسيطه
تجيب طاوله حقت الكنب اللي يوضع عليه القدوع0في مكان مستوي.تحط الملزمه فوقها.تشيل اصبع البندق برا.تحطها في الملزمه طبعا توقيها بفوطه ولا بغترتك.تكربها.تحط هناااااك كرتون .تسوي فيه دائره صغيره.تناضر مع مجرا البندق.فيه نقطه حمرا محل الا صبع.تا زنها علا الدايره
با الظبط.بعدين تبدا في وزن الدربيل لين يتوسط الدايره.وذمني وامدحني تحياتي للجميع

طريقتك ممتازه
لكن بالليزر اللي عند محلات ابوريالين وتحاول تثبتها مزبوط ويحل الليزر محل العين وبعدين توزن الدربيل على النقطه اسرع واسهل وبدون تثبيت السلاح

[(سكود)]

والله انا حاولت اوزنها لكن لاسف مانفع جبت
طاوله وثبت فيها الملزمة
وحطيت واقي بين فكي الملزمه
ثم حطيت البندق وجبت ميزان الي يازنون فيه العمال البلك
وحطيته على ظهر البندق لين جت نقطة الموية في منتف الميزان
بعد كذا شديت الملزمة مضبوط وحطيت لوح كبير على مسافة 40متر
ثم اطلقت طلقة ورحت وعلمت بوية حمراء على مقر الطلقة ثم قمت بوزن الدربيل
حتى ثبت الصليب على النقطة ثم جيت ارمي وليهي تروح عن النقطه مسافه ماهي بسيطه
حاولت عدة محاولات ولاكن دون جدوى اخيرأ رحت للبنقالي في محل بيع مستلزمات الصيد
ووزنها لي بطريقته التقليدية يمن شمال فوق تحت الين جات على الهدف لاكن مشكلته انه يازنها
على مسافة 3امتار فقط وتجيبالهدف الي على حدود 50 متر

[مهاجر2009]

مشكور
الله يعطيك العافيه

[ابن الاصيل]

الله يعطيك العافيه

[gondara]

بارك الله فيك يا غالي

[سداح 911]

السلام عليكم وطيبين انشاء الله ولا عليكم امر ابغى إفادة / موضوعكم السابق عن كيفية وزن دربيل الخرازة ( وحبيت احد يفيدني عن وزن الخرازة بدون دربيل ـ و ـ ويش افضل اركب دربيل والا لأ ) . . . ومشكوريييناَ

[غالوب]

الاخ سداح انا من رأيي الخاص لاتركب دربيل لمشكلة الوزن كل شوي تازنه اما من ناحيه الصيد فهو طيب جدا ولك الحكم فالاخير اما بالنسبه للوزن على ما اظن فيه محل الرمايه يازن لك الدربيل باليزر يعني يزبطه لك 100% على كلام واحد من الربع

[سداح 911]

مشكور اخوي غالوب على الاجابة ، بس كيف اوزن بدون دربيل 100% .

[متولع بالقنص]

مشكور على الشرح الوافي

[rolze]

الله يبيض وجهك ويرحم والديك

[برهومي الحوطي]

والله اشوف ماله سنعالدربيل

[فؤاد عمر]

مشكور يااخي والله يبارك فيك جاري التجربةالتجربة

[غواص بري]

السلام عليكم ورحمة الله وبركاته
بالنسبه لوزن الناريه فهوا بسيط جدا حيث إني اوزن بالليزر .
اخرج اليد التعشيق وادخل الليزر من الخلف ومن ثم يخرج نور الليزر من فوهة السبطانة
واوزن الدربيل على مسافة 100 متر . والهدف 100/100 . وسلامتكم

[مكشات المدينة]

الله يعطيك العافية

[wlf902]

اهلين اخو الحر فيه طريقه بدل هالعنا كله امسك البندق بملزمه وثبتها تمام بتجاه هدف واطلق طلقه وركب الدربيل واوزنه على مكان الطلقه بالهدف وخلصنا تخسر طلقه واحده بس او ثنتين