حذف الشبيكا

[النمر الأشهب]

هل هناك طريقة غير الشنذرة لحذف الشبيكا للطير وإذا لا يوجد طريقة فكيف يتم شنذرة الطير بالطريقة الصحيحة؟ وهل هناك شناذرة طبية ؟ وما هو النوع المفضل والأحسن وبكم سعرها وأين توجد في المنطقة الشرقية؟

[الوافي عزام]

هلا بك

الشبيكه : هي الشحم المتراكم في الطير والسبب كثرة العلف في المقيض وعدم حركة الطير ( لان الحركه تحرق الدهون )

الشنذره : سواء كانت طبيه او طبيعيه هدفها واحد وهو جعل الطير يقذف هذه الشبيكه بغير اردته والسبب حرارة الشنذره واذابتها للدهون

والشنذره نوعين
طبيه / طبيعيه

فيه ناس تفضل الطبيه وناس تفضل الطبيعيه
وسعرها لايتجاوز 15 ريال وتحصلها بالشرقيه بمحلات الطيور ( سواء كانت طبيه ام طبيعيه )

طريقة الشنذره سهله جدا ولاكن ( يمكن تصير صعبه شوي على اللي ما قد سواها والا شاف احد يسويها )
اول شي لابد ان الطير يكون صنيع مهوب هزل
ان يكون خالي من الامراض
ان يكون خالي من العلف وقد صرف علفه السابق ( يعني تشنذره قبل موعد علفه بقليل )
ان كان هناك روباجه بالطير لابد ان ( تخرج قبل الشنذره )

الطريقه :

كتف الطير بالطريقه الصحيحه وفتح بوز الطير كاملا ووضع الحبه داخل فم الطير ( مع الانتباه لقصبة الهواء )
دفعها بالاصبع حتى تتاكد من دخولها كامله للأسفل
مع مراعات رش فم الطير من الداخل بالماء قبل وضع الحبه لكي يسهل على الحبه النزول للأسفل
اذا نزلت الحبه فما عليك الا :

برقع الطير لايكفخ قبل ماتحل كتفهه
حطه على يدك بسرعه وفك برقعه
ابدا بالمسح على الطير وملاعبته لكي تأخذ الحبه مفعولها
وبعد دقائق تجد الطير يريد ان يقذف حطه على الوكر وابعد عنه ولاتضايقه ( لان حالته النفسيه تعبانه باللحضه ذي )
خله لو رمى شي بسيط يكملها بعد شوي على طول
( بعض الطيور ترمي الشبيكه كامله / وبعضها ترميها متقطعه )

بعد الشنذره بساعه علف الطير علف طازج ويفضل الحمام ( ولاكن مع عدم وجوود اي عضم ) يعني ثنادي فقط


وبالتوفيق ان شاء الله

[الاشعل 316]

الوافي عزام

كفيت ووفيت كل الكلام اللي عندنا قلته

ما خليت شي الله يجزاك خير

المهم الموضوع اكثر من رائع والوافي عزام ما قصر كفى ووفى

وكثر الله من امثاله

تقبل تحيات

اخوك ابو سطام

[النمر الأشهب]

أخوي الوافي شكراً على ردك بالنسبة للشناذرة الطبيعية هل يلف عليها شاش أبيض لكي لا تجرح الطير أم بدون شاش والله يحفظك

[الوافي عزام]

أخوي الوافي شكراً على ردك بالنسبة للشناذرة الطبيعية هل يلف عليها شاش أبيض لكي لا تجرح الطير أم بدون شاش والله يحفظك

الشاش ماعرفناه او با الاصح ومااستخدموه الناس الا يوم جتنا الفلسفه حقت المحلات الخاصه بالطيور
الشنذره الطبيعيه تشريها كبر الحصى وانت صغرها على كيفك ولاتخلي فيها اي بروز يسبب جرح الطير

( يعني ابردها والا حكها بالمسن حق السكاكين لين تصير مثل المصقال )

[النمر الأشهب]

بيض الله وجهك وأرحم الله والديك يالوافي عزام

[الوافي عزام]

بيض الله وجهك وأرحم الله والديك يالوافي عزام

ومن يقول ومن يقرا
وبالتوفيق للجميع

[أبو رداد]

ماقصرت اخوي الوافي عزام
ومايخص مداخلة الاخ النمر الاشهب
ماسبق لي تجربتها
لكني استخدم الصوف (صوف الخروف)
اضع الصوف حول الشنذره بشكل خفيف
وفوائده تكمن
1 / عدم حصول جرح او تماس قوي بين الشنذره والمرء (لايجرح)
2 / تبقى فتره اطول (نسبة ذوبان الشنذره اكثر)
3 / كل ماموجود في الفرسه او تغرة الطير من شحم او بقايا اخرى
سوف يلتصق بالصوف (تحصل نتيجه افضل تنظف الفرسه والشبيكه لاتتقطع)
مع تحياتي للجميع
والسلام

[النمر الأشهب]

الأخ أبو رداد الله يوفقك لو سمحت كيف تلف الصوف على الشناذرة هل تربطه

[nasser_ali]

بعض الطيور اللي مرن علي...احتاج اني اعطيها كورس حبوب التهاب ( التهابات عامه ) بعد ماشنذرتها...والسبب ليلحين مجهول:confused: عندي ولكن اعتقد انه يرجع لتحمل الطير!! والله اعلم

[محمد الفهيد]

تحياتي للجميع واخوي الي كتب المعلومات وفى وكفى
حبيت احط رايي
لآزم ايكون الطير طار وتعب قبل ماتعطيه الشناذره خاصه بعد المقيض يعني اسبوع على الاقل وبعدها اتشنذره لأن الطير من يتعب ويلهث يبدأ يقطع الشحمه والشبكه الي في صدره ويرخيها وتكون سهلة الخروج بعد الشناذره واسرع

فيه بعض الناس ايشنذر الطير بالحصى وبعضعم بالسكر نبات طبعا طريقع غريبه وانا جربت السكر نبات وكان مفعولها جيد.
ويفضل مثل ماقال اخوي تعطي الطير شوي لحم بعد الشناذره بساعتين ولا تكثر واذا كان الطير تعبان حط مع اللحم شوي حليب ابوقوس عشان ايخف الحراره والالتهاب الي في صدره

تحياتي للجميع

[قلب شاهين]

ماشاء الله تبارك الله ،،

الصقاقير كفو ووفو ،،

[جرب حظك]

أشتر الشناذرة الطبيعية من محل العطارة للأعشاب وهي سعرها رخيص يعني حجر صغير يكفيك حق أكثر من طير ومن ثم أخذ الشناذرة وأطحنها مع شوي من السكر النبات حتى تكون زي البودر ومن ثم عبها في كبسوله أسهل لأن عند ذوبان الكبسولها تتناثر البودرة الشناذرة بسرعة على الشبيكا وأسهل في أعطائها للطير ولا تخاف أن تجرح الطير ولا يطول الطير في رمي الشبيكا 10 دقايق فقط ترى الطير رماها

[((الخالدي))]

هلا بك

الشبيكه : هي الشحم المتراكم في الطير والسبب كثرة العلف في المقيض وعدم حركة الطير ( لان الحركه تحرق الدهون )

الشنذره : سواء كانت طبيه او طبيعيه هدفها واحد وهو جعل الطير يقذف هذه الشبيكه بغير اردته والسبب حرارة الشنذره واذابتها للدهون

والشنذره نوعين
طبيه / طبيعيه

فيه ناس تفضل الطبيه وناس تفضل الطبيعيه
وسعرها لايتجاوز 15 ريال وتحصلها بالشرقيه بمحلات الطيور ( سواء كانت طبيه ام طبيعيه )

طريقة الشنذره سهله جدا ولاكن ( يمكن تصير صعبه شوي على اللي ما قد سواها والا شاف احد يسويها )
اول شي لابد ان الطير يكون صنيع مهوب هزل
ان يكون خالي من الامراض
ان يكون خالي من العلف وقد صرف علفه السابق ( يعني تشنذره قبل موعد علفه بقليل )
ان كان هناك روباجه بالطير لابد ان ( تخرج قبل الشنذره )

الطريقه :

كتف الطير بالطريقه الصحيحه وفتح بوز الطير كاملا ووضع الحبه داخل فم الطير ( مع الانتباه لقصبة الهواء )
دفعها بالاصبع حتى تتاكد من دخولها كامله للأسفل
مع مراعات رش فم الطير من الداخل بالماء قبل وضع الحبه لكي يسهل على الحبه النزول للأسفل
اذا نزلت الحبه فما عليك الا :

برقع الطير لايكفخ قبل ماتحل كتفهه
حطه على يدك بسرعه وفك برقعه
ابدا بالمسح على الطير وملاعبته لكي تأخذ الحبه مفعولها
وبعد دقائق تجد الطير يريد ان يقذف حطه على الوكر وابعد عنه ولاتضايقه ( لان حالته النفسيه تعبانه باللحضه ذي )
خله لو رمى شي بسيط يكملها بعد شوي على طول
( بعض الطيور ترمي الشبيكه كامله / وبعضها ترميها متقطعه )

بعد الشنذره بساعه علف الطير علف طازج ويفضل الحمام ( ولاكن مع عدم وجوود اي عضم ) يعني ثنادي فقط


وبالتوفيق ان شاء الله




مشكور يالوافي

[برق الخيل]

بيض الله وجيهكم

وعزالله ماقصرتو

[عـــرادي]

بيض الله وجهك وأرحم الله والديك يالوافي عزام

[وشــــام]

السلام عليكم

اعتقد ان الشناذر + سكر النبات = قنبله موقوته لطير ؟؟؟

لماذا ؟

لان الطير يبي يشنذر ويبي يهتل بنفس الوقت يعني من فوق وتحت سوا !!!

مجرد راي قابل للصواب و الخطا

تحياتي يا اساتذتي في مكشات

[الوعيلي 711]

الوافي عــــــــــــــــــــزام
كفيت وفيت وشرح كامل
وعشت والله لا يهينك