ادخل وقل وش احسن مكان عندك ؟؟؟؟

[العمري-]

السلام عليكم ورحمة الله وبركاتة....
مساكم الله بالخير يا أعضاء منتدي مكشات وشلونكم وشخباركم عساكم طيبين إن شاء الله...
الموضوع يتكلم عن افضل مكان يصلح للرعي الاغنام والابل ويكون فيه الربيع بكثره بشكل ملحوض ويكون به نبات الكمأة (الفقع) بكثره والناس تأتيه إليه بكثره..؟؟؟
والي يقول المكان لازم يقول وش اسمه والمكان وين بالضبط...
والسلام عليكم ورحمة الله وبركاته...

[دغيم1]

السلام عليكم ورحمة الله وبركاتة....
مساكم الله بالخير يا أعضاء منتدي مكشات وشلونكم وشخباركم عساكم طيبين إن شاء الله...
الموضوع يتكلم عن افضل مكان يصلح للرعي الاغنام والابل ويكون فيه الربيع بكثره بشكل ملحوض ويكون به نبات الكمأة (الفقع) بكثره والناس تأتيه إليه بكثره..؟؟؟
والي يقول المكان لازم يقول وش اسمه والمكان وين بالضبط...
والسلام عليكم ورحمة الله وبركاته...

السلام عليكم ورحمة الله وبركاته
حياك الله أخي الكريم
الله يجيب الربيع والخير إن شاء الله
الأماكن كثيرة جدا ولكن يتوقف ذلك على هطول الأمطار ونبات العشب في الوسم .
أفضل مكان لرعي الأغنام والإبل هو منطقة الصمان - أوساط الصمان -والمنطقة الشرقية الشمالية .إلا أن الفقع قليل جدا في منطقة الصمان
وكذلك جهة حفر الباطن .
وكذلك جهة النعيرية .
تقبل تحياتي

[سلطان العوني]

يا ليت تحدد موقعك

[سبيع الغلباء]

السلام عليكم ورحمته الله وبركاته.........
حياكم الله ومشكور اخوي على طرحك للموضوع
^
^
^
^
^
^
^
^
^
^
انا اشوف ان الشمال عامه مافيه مثلوه بريبع
ورعي الاغنام
والارض زينه




وعاد وكلن ومزاجوه

[ملك الزاجل]

وعليكم السلام ورحمة الله وبركاته
تشكر ياغالي /
وفي الحقيقة بالنسبة لي لا أعلم السبب الحقيقي وراء حبي لهذه المنطقة وهي من شمال لينة إلى الخشيبي ومن جنوب الغربي للينة وهي نفوذ نعجة وما حولها من عروق الدهناء وخاصة عرق أم أذين ومن شرق لينة من الأعيوج حتى ديار بن هباس
تستهويني هذه المنطقة لتنوع التظاريس فيها ولقربها من بعضها البعض أن بغيت شعيب عندك شعيب الأعيوج لا يعلى عليه وأن بغيت فياض عندك الفياض وش خليت أحلى من فياض أم عماره . وأن بغيت تسمر باليل على حطب الأرطاء وش أحسن من نقره بنفوذ نعجة أو أم أذين ، وأن بغيت تسير وتسلم على أهل الكرم والجود فأهل لينه والأعيوج وأبن هباس من خيرت الناس حتى البادية منهم عكس الذين حول المدن الكبيرة .
تشكر ياغالي وحركت شعور وذكريات قديمة بدأت في هذه المنطقة من عام 1409هـ حين كانت أول رحلة لي مع شيبان مسجدنا ، الله يرحم الذي توفى منهم ويوفق الباقي للعمل الصالح .
أخوك
ملك الزاجل

[zaxs2010]

وعليكم السلام ورحمة الله وبركاته
تشكر ياغالي

[ذيب العين]

مشكور وتسلم يمينك