اصحاب هايلوكس 2007 فزعة

[شعلان1]

عندي صوت بالقير عند تشغيل المكيف ويختفي عندما أدوس
على الكلتش والصوت عبارة عن قرقرة من أسفل السيارة ناحية
القير

[دايم المحبه]

احتمال يكون من دزق الكللتش او القير لانه انا كان معي 2001


وكاله وبعد عشر الاف طلع صوت في القير اول شي حسبته العمود ورحت للوكاله وغيروا لي القير جديد


صار فيه مشكله من المصنع وانت موترك كم ماشي

[عاشق المجمعه]

لايهمك, الصوت هذا من فحمة الكلتش ومع الإستعمال بيخف الصوت بس تطمن ما منه ضرر لأن كل الجدد كذا بس تتفاوت في قوة الصوت أرجو إني أفدتك.:)

[راعي ابل]

السلام عليكم ....



انا معي 2007 ومشيت عليه 30 الف , وعقب ما مشيت عليه 7 الاف تقريبا طلع عندي صت صرصرة وإذا ضغطت الكلتش راح الصوت .... وما أدري من وين المشكلة ؟ :confused: لكن ... بس ولو امرها سهل ان شاء الله .


والشي الثاني بالنسبة للمكيف إذا شغلته يطلع صوت , يقولون إذا ركبت فلتر رياضي يروح الصوت ويقوى العزم شوي ..... لكن انا لن ولم ولا وكلا... الخ لن أغير ولن ابدل اي شي في السيارة مهما كان :no2: ..! طبعا قصدي الاشياء الميكانيكية ..






;)

[الدحبول]

يمكن الكنداسة تهرب شيك منت خسران
عندي نفس الطرطرة يوم يمشي الموتر ماسمع الطرطرة

[مدور ربيع]

عندي نفس المشكله !!!

هايلكس 2006 ماشيه 9000 فقط

وتصدق اول مرة سمعتها ... كنت توني معبي بنزين ... قلت لايصير معبي ديزل :d

لانه صار صوت الموتر كأنه ديزل

وفعلا اول مادست على الكلتش اختفى الصووووت

(( اقرب احتمال ان فحمة الكلتش فيها عيب تصنيعي ))

[د.كبسه]

لايهمك وانا اخيك أغلب الجديد فيه هالصوت

الظاهر انه من فحمة الكلتش

[محتري السيل]

لاحول ولاقوة الا بالله

ياكثر مشاكل الهايلكس الجديد الله لا يربحهم عاقبهم الله بالزلازل

[راعي الحر]

هذي ياخوي صارت معي عقب مامشيت 6 الاف
ورحت للوكاله وقالولي هذي رمانت القير
وزينوه لي على حسابهم وراح الصوت ومارجع

[system]

هذا الصوت طبيعي وحتا بالهايلكسات القديمه ويبن صوت(القره) اكثر شي اذا صرت جاي من خط...

الحل تغيير زيت القير الى زيت عيار 90 نوع فوكس الماني لان زيت الوكاله خفيف مثل المويه, بدل الزيت وبتدعيلي....

[قرم مكشات]

هلا شعلان

والله اني ناوي على هايلكس غمارتين بنزين دبل 2007
وش رايكم يا اهل ال 2007 نشريه والا ؟؟؟

شوروا علي تكفوون, ابي ادفع لهم الاسبوع القادم

[hwaleed]

أنا عندي جيب فورتشنر وحصل معي نفس الشي, قلت يمكن في مشكله في المكيف حق السيارة ووديتها الوكاله.

قالولي عندك الفريون زايد ونقصوه وبعدين خف شوي. لكن إلى الحين مازال الصوت موجود وأتوقع انه طبيعي.

[مسيمير]

الله يستر عليك يا شعلان

[شعلان1]

الحل نروح لوزارة التجارة
يا يقولوا لنا ماهي المشكلة يا يردوا سياراتهم
معقولة المشكلة لها سنتين وما أحد عارف
واذا بتصلح قالوا نفك السيارة ويرسلوا لجده
والسيارة عندهم شهر على الاقل