المساعد الشخصي الرقمي

مشاهدة النسخة كاملة : ساعدوني .. اول مره امسك خط طويل


ifiz_i
26/07/2007, 02:05 PM
اخواني انا احتاج جهاز يدلني على الطريق حبه حبه .. انا ان شاء الله راح اسافر من الدمام إلى حائل .. فهل فيه جهاز يدلني على الطرق الصحيحة و بالصوت بعد .. يعني تظهر لي خريطه تقول لي يمين يسار سيده زي كذا .. فزعتكم يا شباب لأني ما اعرف شي بالخطوط الطويلة
مستكشف
26/07/2007, 02:10 PM
مرحباً بك
خذ جهاز 276 سي
تحياتي
ifiz_i
26/07/2007, 02:12 PM
جزاك الله كيف يا مستكشف .. بس كم قيمته هذا؟
بيت طين
26/07/2007, 02:24 PM
اقول الا وش رايك اذا فضيت اجى اوديك لانك اذا قمت تسال بهالطريقه يبيلك شهر ههههههههههههههه القط طريق الرياض ثم اذا وصلت للرياض اخذ طريق القصيم الين تشوف لوحة حايل بتعرفها عليها صورة رجال منكس عقاله ونعم والله باهل حايل ثم اطلع مع طريق حايل الين تاصل بالسلامه .
عبدالله الدوسري
27/07/2007, 08:28 AM
أخوي
يلزمك تشتري جهاز ملاحة وأرشح لك زي ما رشح مشرفنا مستكشف (gps Map 276c)
تشتري لك ميموري (خاصة بهذا الجهاز موب زي ميموريات الجوال) ويصير في الميموري خرائط الصحراء أو دار موجة (فيه موضوعات كثيرة تتكلم عن مقارنة هالخرائط)
بعدين تسمي بالله وتمشي بعدما تسوي لك مسلك
يبدأ من الدمام وينتهي بحائل (إذا ما كنت تعرف تستخدم الجارمن ارجع للدليل الإرشادي حقه أو شف الموضوعات اللي تشرح قوائمه وبتستفيد كثير)
أخيرا
لا تشيل هم وأنا أخوك
تراها بسيطة مرة
واللوحات ما خلت شيء ولله الحمد
وإذا تهت لا قدر الله
راس مالها
افتح شباكك واسأل أي واحد وبيدلك بإذن الله
تحياتي لك
ولا تنساني من دعواتك