السلام عليكم

[algnaa9]

هذي اول مشاركه لي مع العلم اني مسجل في المنتدى مبطي وكل ما جيت اباشارك ما يطلع لي شيء



على العموم انا اليوم كلمني راعي المربط اللي طيري عنده الله يسامحه وقالي الطير مريض ولا ياكل



المهم انا طبعا من اهل قطر والطير مربوط في الشرقية واترخص من الدوام واقبض الخط


وصلت للطير وحصلته يطرد النفس سألته من متى والطير مريض قال لي من اربع ايام (الله يسامحه)


وما قال لي الا اليوم ...........طولت السالفه عليكم








المهم وديته لعيادة الدكتور فارس وفحصوه طلع معه التهاب في الكبد بس ما طلع ارداد و الحمد لله بس يقولي الدكتور انه خطير بعد


وهذا ما عندي .........



اذا فيه احد بيساعدني انزل صورة طيري الله يجزاه خير

[أبتسم دائما]

عليكم السلام

يامرحبا

في البدايه الحمد الله على السلامه وحياك وسهلا

عندي انتقاد ياسيدي ارجو ان توصله لصاحب المربط بالسانك

لماذا لم يخبرك قبل اريعة ايام؟؟ بمرض الطير وهذه مسؤليته
بما انك من اهل قطر ليش ما وداها بنيابه عنك لدكتور فارس وهذي مسؤاليته اصلا العنايه بالطير
ياسيدي في نظري ان صاحب المربط يجب ان يتكفل في علاج الطير وصحته

[طارق الحربي]

في العادة لا يتحمل صاحب المربط مسؤولية الامراض اذا لم يتبين انها بسبب خطأ منه



ولكن في حالتك اتوقع انه خطأه فيتحمل عواقبه كامله


اولا عدم اخبارك بوقت كافي مع علمه بظروفك

ثانيا والذي اعرفه ان صاحب المربط يعالج الطير دون الرجوع اليك واذا جئت تستلمه يقدم لك تكلفة العلاج لتدفعها



الله يعافي طيرك ويشفيه

ماعندي فكرة عن المرض

[طيرالحمــــاد]

الله يعافي طيرك ويشفيه

[المري]

مرحبا اخوي من قطر..

قبل اسبوع عندي طير لواحد من الربع فرخ جير.مقيض عندي. ويوم دخلت عليه عقب المغرب لقيت تنفس ماهوب طبيعي..

على طول مسكتة ودخلته في (( غرفة المختبر )) !!! خوووش اسم .. المهم حللته لقيت معه كوكسيديا ودود كبد..

المهم يوم اصبحنا اخذنا الطير ومشينا به الى الرياض , الساعة 9 ونص في مستشفى الرياض (( مستشفى الأمير فهد بن سلطان))

فحصو الطير وقالو: الطير معه تضخم في الكبد والتهاب شديد في الرئة .. عطونا علاج وقالو: بعد أسبوعين مربه علينا , اما انه

سلم وتشافى او صابه مرض (( الـــعـــفـــن )) !!! الله يكفينا وياكم شره..

المهم له الان 5 أيام وهو على العلاج قبل العلف بساعتين ..وعسى الله يشافيه ..

الطير في تحسن ... وزنه ثابت... شوعه زين.. تصريف للعلف زين.. بس الوعد بعد اسبوعين ..

علما ان الطير موس يسوق..

وسلااااااااااااامتكم

اخوكم - المري

[المري]

أما بخصوص أن راعي المقيض يودي الطير للمستشفى فأتوقع انه يلزم راعي المربط ان يعالج الطير , من الدود وغيرها ..

اما الرداد فاذا شافه في الطير يحاول ان يوديه المستشفى على طول..لان عيادة الدكتور فارس بالنسبة لأهل الدمام قريبة جدا جدا..

مايحتاج ان راعي قطر ان يجي من قطر علشان 30 كيلو !!!!!

رأي يحتمل الصواب ويحتمل الخطأ..

وسلامتكم

اخوكم - بومعيض

[algnaa9]

اخواني شاكر مروركم وجزاكم الله خير