تسجيل الدخول

مشاهدة النسخة كاملة : أول حبارى صدتها ,,


خيال الصبحا
27/07/2007, 02:28 AM
بسم الله الرحمن الرحيم
السلام عليكم
ورحمة الله وبركاته
كيف حالكم ياأهل مكشات؟
أكيد أن لاول حباره صدتها ذكريات
خاصة ، واكيد أن أغلب صقاقير مكشات
صادوا حباري ، وأول حبارى كان لها وقعها
بالنفس ، لذلك لو تقولون لنا وش صار ذاك اليوم
الله لا يهينكم ، وهلا بكم
المهاجر1
27/07/2007, 02:42 AM
السلام عليكم ورحمه الله وبركاته

مشكور على الموضوع الحلو بس انت اكيد الى قلت هدا الموضع وعندك دكريات حلوه مع الطير

واكيد يتقولنا شنو صار معاك

وتقبل تحياتى
خيال الصبحا
27/07/2007, 08:29 AM
السلام عليكم ورحمه الله وبركاته



مشكور على الموضوع الحلو بس انت اكيد الى قلت هدا الموضع وعندك دكريات حلوه مع الطير
واكيد يتقولنا شنو صار معاك


وتقبل تحياتى


الأخ المهاجر1
وعليكم السلام ورحمة
الله وبركاته ، وأشكر لك مرورك
وردك الكريم ، وأنا لو أني قانص حباري
كان ذكرتها، وهلا بك
قلب شاهين
27/07/2007, 02:05 PM
هلا وغلا فيك يا أبو نايف ،،

والحقيقة موضوعك ممتاز جدا وبالنسبة لي أنا ولا مره صدت حبارى بأحد طيوري لأني دائما أطلع مع عمامي وشيبان ونقنص السعودية وطبعا الحباري قليلة ماهي كثيرة وانت خابر واذا لقيناها يهد عليها واحد من الشيبان لأن طيورهم طيبه بالحيل وبالنسبه لي أنا ولا مره هديت طيري على حبارى وترا عمري توي حول الـ18 سنة :) وطبعا يكون فيه خرشه ووناسه اصلا بس اذا سمعنا ان فيه جرة يبدا الحماس وماينتهي لين مانرجع من المقناص وشلون لو نشوف الحبارى قدام عينا والحمدلله على كل حال بس اني استانس بهدد الحبارى وحتى لو كان مو طيري لأن تحس أن فيه حماس بالطرد والتطمير ،،

بس انشاء الله الموسم القادم أصيد الحبارى بطيري بس ننتضر دعواتك يالغالي ،،

تحياتي ،،
رفيق الطيبين
27/07/2007, 02:08 PM
أخوي خيال الصبحا السلام عليكم ورحمة الله وبركاته....وبعد

أبشر با اللي تبي انا اقولك عن اول حبارى صدتها السنه اللي راحت في

تاريخ 21/10 عربي طبعأ المهم قنصت لحالي على موتر واحد ومعي خوي شرواك

بس انه ماهوب راعي طير ولا قنص الحبارى والرجال مطوع الله يجزاه خير وقلت يمكن حظه احسن

من حظي هههه المهم الرجال جنني يغني ويعوبل وانا اقوله انتبه للأثر لاتقطع من عندك ويروح مقناصنا ببلاش

وتعرفون المطاوعه الله يجزاهم خير بالهم وسيع غير راعي الطير المتشفق لشوفها المهم مالك في الطويل لقينا اثرها معشيه اول الليل

وقصيناها والطير طلع الحمدلله ويلحق لحوقأ طيب بالحيل وهو ابو ثالث حر طبعا لاكن مهوب لوين اخضر وخبركم في الربكه الله يستر لاحد

يلقف لثرها ويتروح علينا نقصها وحنى عجلين المهم يوم قامت الحبارى تصنقل او تحبري على قول بعضهم زادة الشفقه لها اكثر ولاخذيت الا الطير

صافق في القزازه وااخمه ومع الدريشه المهم الطير ابعد وقف في الجو وقام يرقرق الحبارى تحته مخمره في شمعه وقلت لخويي انزل لطير شف هي اللي عنده ولا لا

وانا بقص اثرها مانيب فاكه المهم حول وانا دعيت الطير وامسكه مبروك يجي على الدس بدون علف ولاقضبت اسبوقه الا خويي يوم طارت من قدامه ويروح يركض على اثرها

ويقول عنها عنها ويفر الطير من يدي واركب الموتر ومعه واهمل خويي واقف المهم علينا شمال قويه ولحقها وخذا من ريشها شوي ورددها كم مره وهو مرهي ماشاء الله عليه

وابعت عن خويي وترجع الحبارى با الطير صوب محلها الاول عند خويي ويوم مرة فوق راسه كان معه عصى ويمدها على الحبارى ويقول طع طع طع ههههههههه المهم علقها وراه قريب

منه وجيته ابي اعزلها لقيته مو جعها في ظهرها يومه يلطمها في الجو المهم جاء خويي ويقولي يوم مرة عندي امد عليها العصى واقول طع طع طع قلت ليه ؟ قال ابيها توقع له قطعت قلب الطير

وعندي لها صور بس فديو ومقاطع طويله ولانيب اعرف انزل صور حتى عاديه وانبسطنا ولقيت عقبها اثر كروان وبهذلني وانا ادوره وهملته ماعاد عقب الحبارى شي والسلام ختام وعساها القصه تعجبكم وعساني ماطولت عليكم واجد

أخوكم // رفيق الطيبين
مران
27/07/2007, 05:41 PM
السلام عليكم ورحمة الله وبركاته مشرفنا الغالي خيال الصبحا

انا اول حبارى قنصتها في عام (2004)يوم اثنين وانكسر صدام الموتر لاكن لايكمن اني انسى ذاك اليوم
وتقبل مروري
خيال الصبحا
27/07/2007, 08:10 PM
هلا وغلا فيك يا أبو نايف ،،

والحقيقة موضوعك ممتاز جدا وبالنسبة لي أنا ولا مره صدت حبارى بأحد طيوري لأني دائما أطلع مع عمامي وشيبان ونقنص السعودية وطبعا الحباري قليلة ماهي كثيرة وانت خابر واذا لقيناها يهد عليها واحد من الشيبان لأن طيورهم طيبه بالحيل وبالنسبه لي أنا ولا مره هديت طيري على حبارى وترا عمري توي حول الـ18 سنة :) وطبعا يكون فيه خرشه ووناسه اصلا بس اذا سمعنا ان فيه جرة يبدا الحماس وماينتهي لين مانرجع من المقناص وشلون لو نشوف الحبارى قدام عينا والحمدلله على كل حال بس اني استانس بهدد الحبارى وحتى لو كان مو طيري لأن تحس أن فيه حماس بالطرد والتطمير ،،

بس انشاء الله الموسم القادم أصيد الحبارى بطيري بس ننتضر دعواتك يالغالي ،،

تحياتي ،،
الأخ صقار القصيم
أشكر لك مرورك وردك
الكريم ، والله يرزقك بالخرب
الي يهول وتصيده وتتنومس به، وهلا بك
خيال الصبحا
27/07/2007, 08:12 PM
أخوي خيال الصبحا السلام عليكم ورحمة الله وبركاته....وبعد



أبشر با اللي تبي انا اقولك عن اول حبارى صدتها السنه اللي راحت في

تاريخ 21/10 عربي طبعأ المهم قنصت لحالي على موتر واحد ومعي خوي شرواك

بس انه ماهوب راعي طير ولا قنص الحبارى والرجال مطوع الله يجزاه خير وقلت يمكن حظه احسن

من حظي هههه المهم الرجال جنني يغني ويعوبل وانا اقوله انتبه للأثر لاتقطع من عندك ويروح مقناصنا ببلاش

وتعرفون المطاوعه الله يجزاهم خير بالهم وسيع غير راعي الطير المتشفق لشوفها المهم مالك في الطويل لقينا اثرها معشيه اول الليل

وقصيناها والطير طلع الحمدلله ويلحق لحوقأ طيب بالحيل وهو ابو ثالث حر طبعا لاكن مهوب لوين اخضر وخبركم في الربكه الله يستر لاحد

يلقف لثرها ويتروح علينا نقصها وحنى عجلين المهم يوم قامت الحبارى تصنقل او تحبري على قول بعضهم زادة الشفقه لها اكثر ولاخذيت الا الطير

صافق في القزازه وااخمه ومع الدريشه المهم الطير ابعد وقف في الجو وقام يرقرق الحبارى تحته مخمره في شمعه وقلت لخويي انزل لطير شف هي اللي عنده ولا لا

وانا بقص اثرها مانيب فاكه المهم حول وانا دعيت الطير وامسكه مبروك يجي على الدس بدون علف ولاقضبت اسبوقه الا خويي يوم طارت من قدامه ويروح يركض على اثرها

ويقول عنها عنها ويفر الطير من يدي واركب الموتر ومعه واهمل خويي واقف المهم علينا شمال قويه ولحقها وخذا من ريشها شوي ورددها كم مره وهو مرهي ماشاء الله عليه

وابعت عن خويي وترجع الحبارى با الطير صوب محلها الاول عند خويي ويوم مرة فوق راسه كان معه عصى ويمدها على الحبارى ويقول طع طع طع ههههههههه المهم علقها وراه قريب

منه وجيته ابي اعزلها لقيته مو جعها في ظهرها يومه يلطمها في الجو المهم جاء خويي ويقولي يوم مرة عندي امد عليها العصى واقول طع طع طع قلت ليه ؟ قال ابيها توقع له قطعت قلب الطير

وعندي لها صور بس فديو ومقاطع طويله ولانيب اعرف انزل صور حتى عاديه وانبسطنا ولقيت عقبها اثر كروان وبهذلني وانا ادوره وهملته ماعاد عقب الحبارى شي والسلام ختام وعساها القصه تعجبكم وعساني ماطولت عليكم واجد

أخوكم // رفيق الطيبين
الأخ رفيق الطيبين
وعليكم السلام ورحمة
الله وبركاته ، الله لا يهينك
على القصة الي تونس ، وكلش
ولا المطاوعه لا تغلط عليهم ، وش
تبي بعد طلعة أنت واياه وونسك وصدتوها
(يبيها توقع له هههههههههههه) وهلا بك
خيال الصبحا
27/07/2007, 08:14 PM
السلام عليكم ورحمة الله وبركاته مشرفنا الغالي خيال الصبحا

انا اول حبارى قنصتها في عام (2004)يوم اثنين وانكسر صدام الموتر لاكن لايكمن اني انسى ذاك اليوم
وتقبل مروري
الأخ بذاخ
وعليكم السلام
ورحمة الله وبركاته
الله يعودك على الصيد
والفيد ، أشكر لك مرورك
وردك الكريم وتوضيحك ، وهلا بك
وقاااااد
28/07/2007, 08:36 AM
اول حبارى صدتها قبل خمس سنوات وكنت لحالي طالع يوم جمعه الصبح بدري من الرياض وقلت ابدوج قريب وبدعي الطيور العصر وارجع المهم اني في منطقه وعره جداااا شعبان ومنطقه جبليه وغبار والحاله حاله ويوم جت الساعه وحده الظهر وانا القى اثرها قديم ورابه محالها تروح وتعود واستقطع واطلع من الشعيب فوق في الضهره وفيه عواسج وهي تقوم تتقى بالشمع وافرع عن الطير عزام على التكايه ويرتفع الطير فوق وانا اقول عساها ماتطير شماليه شعيب وعر مايمشي معه الموتر وجنوبيه شبك لواحد من الشيوخ وإذا طارت على الطير السلاااام
هداها الله وكوبرت ونشها الطير كم مره وقضبها في الأرض واعشيه عليها وكانت الساعه ثلاث العصر والجو حار
بس ما صدقت على الله اشوفها
ولا خليت واحد رقمه في جوالي إلى واتصلت عليه اعلمه بالحبارى 0
آسف على الإطاله
تحيااااااااااتي
وقاااااد
خيال الصبحا
28/07/2007, 10:20 PM
اول حبارى صدتها قبل خمس سنوات وكنت لحالي طالع يوم جمعه الصبح بدري من الرياض وقلت ابدوج قريب وبدعي الطيور العصر وارجع المهم اني في منطقه وعره جداااا شعبان ومنطقه جبليه وغبار والحاله حاله ويوم جت الساعه وحده الظهر وانا القى اثرها قديم ورابه محالها تروح وتعود واستقطع واطلع من الشعيب فوق في الضهره وفيه عواسج وهي تقوم تتقى بالشمع وافرع عن الطير عزام على التكايه ويرتفع الطير فوق وانا اقول عساها ماتطير شماليه شعيب وعر مايمشي معه الموتر وجنوبيه شبك لواحد من الشيوخ وإذا طارت على الطير السلاااام
هداها الله وكوبرت ونشها الطير كم مره وقضبها في الأرض واعشيه عليها وكانت الساعه ثلاث العصر والجو حار
بس ما صدقت على الله اشوفها
ولا خليت واحد رقمه في جوالي إلى واتصلت عليه اعلمه بالحبارى 0
آسف على الإطاله
تحيااااااااااتي
وقاااااد
الاخ وقاااااد
أشكر لك مرورك
وردك الكريم ، وشكرًا