المساعد الشخصي الرقمي

مشاهدة النسخة كاملة : قصه قريتها واعجبتني وحبيت اوصلها لكم وانشاءالله تعجبكم!!!


مغــادر
27/07/2007, 08:58 AM
بسم الله الرحمن الرحيم

داخله على الله ثم عليكم هذه الرساله حملت بها صباح اليوم...................

اليوم الصبح رحت اتقهوى عند الوالده كالعاده... وانا اتقهوى التفتت علي الوالده وسألتني وين طيرك؟؟ قلت لها بعته

قالت ليش قلت ناوي اشتري فرخ وحش هالسنه انشاء الله... قالت عاد فيه صيد يستاهل تعبك يا ولدي؟ قلت ادعي لنا...

( يا اميمتي ) قالت انشاء الله...ولاكن الكلمه طلعت بصوت حزين جدااااااا :(

سألتها وراك يا حلوه اللبن تقول ضاق خلقك...قالت ياولدي الله سبحانه وتعالى يرزق عباده من غير حساب ويبي شكر

النعمه علشان تزود وشكر النعمه بالعمل الصالح.

سكت شوي ( بصراحه مدري وش اقول ) ثم قالت....

ياولدي في زمان مضى نشوف الربيع والصيد والفقع والمطر...وقليل ما نفقده...كان جدك الله يرحمه ويسكنه الجنه

ياخذ بندقه ويطلع الفجر ويرجع مسيان معه عشى المنطقه كلها...كانت الحبارى الي تدورونها موسم كامل ماتلقونها

توذينا من كثر مانشوفها والارنب لاعب بالارض...كانت القلوب طاهره والنفوس طيبه...

قلت ايه يا تاج راسي الناس تغيرو...قالت لااااااااااااااااااااااااااا انتم الي تغيرتوا انتم الناس منهم اجل....؟

قالت منول اذا عصى الواحد ربه حس بالذنب واستغفر واليوم ماكنه مسوي شي كان الأمر عادي...

بصراحه ماقدرت ارد لان الوالده معصبه مره :mad: ومضايقه الموضوع قمت حبيت الراس وقلت انتم راس مالنا

انتم الاول والتالي ابغي ارضيها ماودي اطلع وهي متضايقه...

وقلت تامرين شي يا تاج راسي...قالت ايه اقعد ابيك :confused: قل لكل الي تواجه من صغير واكبير...

تراي داخله على الله ثم عليك

ان يخاف من الله ويراقب نفسه علشان ترجع الدنيا مثل الاول وازود...تراه امانه يا ولدي.

طلعت لدوام وانا بس افكر وقلت لازم كل الناس يسمعون هذي الاستغاثه.

وشكرا...

وحبيت اوصل لكم هاذي الرساله للافاده واسمحوا لي على الاطاله!!!


اخوكم مغــادر
خيال الصبحا
27/07/2007, 09:06 AM
السلام عليكم
الاخ مغادر
تفضل
( داخلة على الله ثم عليكم ) رسالة حملت بها صباح اليوم (http://www.mekshat.com/vb/showthread.php?t=56060) ( http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=56060&page=1) 2 (http://www.mekshat.com/vb/showthread.php?t=56060&page=2) 3 (http://www.mekshat.com/vb/showthread.php?t=56060&page=3) 4 (http://www.mekshat.com/vb/showthread.php?t=56060&page=4) )
وشكرًا
ابرق العزاف
27/07/2007, 09:10 AM
هي صادقه
الله يعظم اجرها
ويختم لها بالجنه ==
عـــرادي
27/07/2007, 11:47 AM
الف الف شكر على النقل الطيب
وبصراحه قصه مؤثره جداً
وتسلم يمينك
سلمت ودمت
عرادي
قلب شاهين
27/07/2007, 02:29 PM
أخواني ترا السالفه ماهي صارت لمغادر قالها اخونا راعي برق (( للتوضيح فقط ))

ومشكور جدا على النقل الرائع ،،

وبارك الله فيك ،،
أبو رداد
27/07/2007, 03:31 PM
الموضوع مكرر
( داخلة على الله ثم عليكم ) رسالة حملت بها صباح اليوم (http://www.mekshat.com/vb/showthread.php?t=56060) ( http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=56060&page=1) 2 (http://www.mekshat.com/vb/showthread.php?t=56060&page=2) 3 (http://www.mekshat.com/vb/showthread.php?t=56060&page=3) 4 (http://www.mekshat.com/vb/showthread.php?t=56060&page=4) )

مشكور اخوي
يغلق الموضوع