اقرب طريق من حقل الى حائل...؟؟؟

[((( الحر)))]

اخواني اعضاء مكشات الاعزاء:)

اسعد الله اوقاتكم بكل خير ...

نبي منكم الدلوله والفزعه الطيبه :)

انا ان شاء الله طالع من عمان (الاردن)على البتراء على العقبه ومن العقبه على طريق حقل وابغى اقرب طريق الى حائل وهل الخط سريع او مزدوج وكم كيلو تقريبا وماهي الديار التي امرها..

واذا كانت وجهتي للقصيم هل لازم امر على حائل او ان هناك طريق اقرب للقصيم دون الذهاب الى حائل.

بانتظاركم :)

اخوكم ((( الحر)))

[صالح الغفيلي]

اخي العزيز فيه طريقين

الاول :طريق حائل الجوف ثم تتجه الى المفرق ابو عجرم ثم وادي فجر ثم مفرق طريق تبوك ثم طريق حالة عمار ومن بئر ابن هرماس تلف يمين الى حقل 170كم

الثاني :من حائل ثم الشملي ثم مفرق العلا من عند الجهراءثم تيماء الى تبوك والمسافه متقاربه الااذا كان مشيك بالليل فطريق الشملى افضل لان طريق الجوف حائل لم يكتمل الى الان والمشي فيه ليلا فيه خطوره وفيه تحويلات


حفظك الله في حلك وترحالك

[تميم]

ابو عبدالرحمن ماشاء الله وفى وكفى
بس ترى الحر يقصد الطريق العكس من حقل الى حايل

[ابو سمر]

الشباب ما قصروا الله يخليهم ، ولا أضيف سوى تروح وترجع بالسلامة أخي الحر ، وترفق خاصة بالليل الله يستر ..

[النبقي]

السلام عليكم ورحمة الله وبركاته


اخوي العزيز الحر

اذا كان قصدك تبي تجي عن طريق منفذ الدرة الى حقل
انصحك انك تريح بحقل لأن جوها حلو
وشواطئها جميلة
وبعد ذلك تتجة الى تبوك سيده يجيك بير ابن هرماس
يعترضك طريق تبوك حالة عمار لف يمين
بعدين تجيك تبوك اسأل عن طريق القليبة
امسك طريق القليبة تجيك القليبة بعدها تجيك تيماء
بعد تيماء تجيك هجرة الجهراء بعد الجهراء
تجيك هجرة المثلث يعترضك كبري ادخل من تحت الكبري وخذ يمين يعني تروح من فوق الكبري
الى حائل مرورا بالشملي ثم موقق بعد موقق
يجيك كبري اطلع يسار سيده الى حائل
يجيك اول اشارة اطلع يمين يجيك اشارة طريق المطار سيده يجيك اشارة كلية المجتمع خذ يمين الى القصيم



ملاحظة :

الطريق من حقل الى تبوك مزدوج
الطريق من تبوك الى هجرة المثلث سريع واذكر انه فيه تحويلات
الطريق من حائل الى القصيم سريع

واذا كنت ناوي تمشي علمني ادلك على طرق اخرى

وتقبل تحياتي اخوك النبقي

[عجمي]

فية طريق الساحل من حقل على البدع ظبأ على الوجة على املج ثم ينبع فالمدينة واخيراً القصيم (ومن ينبع الى القصيم سريع ) والمساافة تقريباً

حقل - البدع - ضبأ (275 كلم )
ظبأ - الوجة - املج - ( 300 كلم )
املج - ينبع - المدينة ( 350 كلم )
المدينة - القصيم (400 كلم )

وبالتوفيق

[االديحاني]

اذا تبي اي شي من حائل مستعدين
وبودنا لو تفضل عندنا
( الديحاني الحائلي )