سؤال عن توانك الماء للشاص .

[Abu Saad]

السلام عليكم ورحمة الله وبركاته .
واحد من الربع عنده شاص ووده يركب توانك مويه في الصندوق .
ولايدري اي ورشه شغلها نظيف وسعرها معقول .
وايهم افضل توانك الستيل والا الالمنيوم ؟
رفيقي في الرياض .
ننتظر اجابتكم وافادتنا يالنشامى .
والسلام عليكم

[عاشق السيل]

وعليكم السلام ورحمة الله وبركاته ،،

بالنسبة للاستيل فيه بالصناعية القديمة ورشة المواهب وفيه ورشة المميز هذولا فنانين بأي شي يخص الجيب ،،

أما الألومنيوم فيه ورشة اليحيى بحي السلام على شارع عبدالرحمن بن عوف عندهم هندي شغلته التوانك الألومنيوم وأنا بنفسي مركب من عنده وشغله مية مية وعلى ضمانتي وتراه أرخص من الاستيل ،،

والله يوفقك أنت وخويك وتقبل مروري يالغالي .....



http://www.m5zn.com/uploads/00ea3cfba5.bmp (http://www.m5zn.com/)

[Abu Saad]

وعليكم السلام ورحمة الله وبركاته ،،

بالنسبة للاستيل فيه بالصناعية القديمة ورشة المواهب وفيه ورشة المميز هذولا فنانين بأي شي يخص الجيب ،،

أما الألومنيوم فيه ورشة اليحيى بحي السلام على شارع عبدالرحمن بن عوف عندهم هندي شغلته التوانك الألومنيوم وأنا بنفسي مركب من عنده وشغله مية مية وعلى ضمانتي وتراه أرخص من الاستيل ،،

والله يوفقك أنت وخويك وتقبل مروري يالغالي .....





http://www.m5zn.com/uploads/00ea3cfba5.bmp (http://www.m5zn.com/)
الله يجزاك خيراخوي عاشق السيل .
بخصوص توانك الالمنيوم كم سعرها تقريبا .
ياليت توصف لي الورشة بالتفصيل حقة الالمنيوم
وجزاك الله خير.

[أبوثابت2]

بالخير يابوسعد
توانك الستيل غالية,مع ان توانك الألمونيوم تقريبا نفس لآداء وأرخص بكثير. صحيح ليست مثل الستيل لكنها تؤدي الغرض بشرط انك تفصل لها تلبيسه أو جراب عريض مبطن . وإنشاء الله ما تشوف إلا كل خير.
وإذا كنت تعرف أحد بالقصيم تبي تلقاه أرخص من الرياض.
ودمتم

[Abu Saad]

بالخير يابوسعد
توانك الستيل غالية,مع ان توانك الألمونيوم تقريبا نفس لآداء وأرخص بكثير. صحيح ليست مثل الستيل لكنها تؤدي الغرض بشرط انك تفصل لها تلبيسه أو جراب عريض مبطن . وإنشاء الله ما تشوف إلا كل خير.
وإذا كنت تعرف أحد بالقصيم تبي تلقاه أرخص من الرياض.
ودمتم

جزاك الله خير يبوثابت ..
لا والله ودنا بالرياض تعرف قريب ويكفيك عن العنوه ومسكت هالخطوط .
لاهنت.

[أبوثابت2]

توانك الستيل تقريبا بـ (1600) هذا للي يكون عرض خلف الغمارة مباشرة(130 لتر)
أما الألمونيوم بالرياض عند اليحي تقريبا (1200)وفيها,أما بالقصبم (700) يعني الفرق واجد.
والوصف الصراحة ما أعرفه.
لكن إذا تبي الوصف رح إلى محل البرية مقابل كلية المعلمين بشرق الرياض . عاد هو رجال نشمي يبي يعلمك بكل شي.
ودمتم

[Abu Saad]

جزاك الله خير يبوثابت عطنا وصف الي بالقصيم لاهنت ..

[أبوثابت2]

الوصف سهل جدا
أول ما تدخل بريدة وجامعة الإمام على يمينك.
بعد ثالث اشارة امش شوي(قبل اشارة النجر) تبي تلقى ورشة التويجري للألمونيوم على اليمين.
ودمتم.

[Abu Saad]

الوصف سهل جدا
أول ما تدخل بريدة وجامعة الإمام على يمينك.
بعد ثالث اشارة امش شوي(قبل اشارة النجر) تبي تلقى ورشة التويجري للألمونيوم على اليمين.
ودمتم.

عز الله انه وصف واضح بيض الله وجهك ..
وشلون شغلهم مرتب ونظيف وهل هم خبره في التوانك الالمنيوم ومتخصصين بها .. والا توهم جديدين على الشغلة ..
اتعبتك معي يالغالي :)

[عاشق السيل]

أبوثابت ماقصر معك وإذا كان هذا الفرق بالسعر أنصحك تروح لبريدة ،،

أما الفرق بين الاستيل والالومنيوم أنا أشوف إنه مافيه فرق إلا السعر بس أما الجودة نفسها واسأل مجرب ،،


تقبل مروري ،،،،،




http://www.m5zn.com/uploads/00ea3cfba5.bmp (http://www.m5zn.com/)

[أبوثابت2]

أهلا يابوسعد (مساك الله بالخير)
والله يابن الحلال أنا معي حوض ومفصل التانكي منهم وتقريبا لي سنة الا شوي , وأنواع الروحات والجيات وتحليت الحطب بالصندوق وأنت عارف هالأمورمع القليل من الإهتمام طبعا- والحمدلله والشكر( جديد )-
والله ودي أخدمك أكثر من كذا لكني أكلمك من خارج المملكة .
ودمتم

[الصمان 2]

عندي توانك نظيفة

كنت مركبها على الشاص 2001

وفكيتها قبل ما ابيع الموتر

كان لك نظر ، راحت عليك بـ 300 ريال بس .

التوانك نظيفه وما فيها شيء يعيبها ، لكن ما عاد لي فيها حاجه .

:


http://www.mekshat.com/pix/upload/images42/mk47223_40000.jpg


الموقع ... سدير .


.

[Abu Saad]

ياجعلك تسلم يبوثابت عز الله علمك غانم وماقصرت .. والله يردك للوطن سالم غانم .
اخوي الصمان 2 رفيقي قرر على الالمنيوم والظاهر بيحطه بالعرض يعني خلف المرتبه ..
وجزاكم الله خير يا اخوان .