الفوار2008
28/07/2007, 11:23 PM
السلام عليكم ورحمة الله وبركاته
اخواني اعضاء المنتدى
عندي سالفه طويله شوي لكن ممكن تكون غريبه ومرعبه والسالفه سبب وضعها بمنتدى الصيد بالسلق هو اني كنت مطلع السلق اجربع فيهن واصيد بهن حصاني المهم
في يوم الخميس ليلة الجمعه كان ضايق خلقي شوي وعندي اخوي سلوم الصغير الله يخليه لعينن ترجيه عنده سلقه طيبه بالحيل قلتله ونا اخوك وشرايك تجيب السلقه ونطلع نتمشى ونتصيد جرابيع وان لقينى حصاني فكله واحد المهم قال قدام بوصل المزرعه وبجيب السلقه وبكلم واحد من اخوياي يجي معنا واخوي الله يحفظه دق على حوالي خمسه ونا ماقد طلعت معهم المهم واحد من اخوياه معه سياره ومعه سلقتين وحنا معنا موترنا والباقين بموترهم
طلعنا نجربع وانا ثقل معهم اول شي صغار علي والثانيه ماودي اطيح الميانه ونا ماأعرفهم وثالث شي اخوي رازني عندهم اني راعي مقناص وراعي رحلات للربع الخالي المهم كلنا نرز اخوانا وجربعنا شوي ويوم دريت قالو حصني حصني ونا ردها نمره والهايلوكس تمشي عرض والمسكين مايدري أن اللي متوجه له هي فصيلة البتار ومعنا ظبيه والداهيه والعجوز ولايهمكم ان اسمها العجوز تراها خبره ولا لحين فشقه ماشألله لكن كبر السن له سيئاته المهم وصدناه وما ابعد عن الداهيه المهم والشباب خلو الدعوى حصاني ونا بيني وبينكم انطربت احم احم المهم صدنا حوالي اربع حصاني المهم قلت لهم ياشباب الساعه 12 وحناورانا صلاة جمعه ونا ودي انام المهم قالو رجعنا وحنا راجعين والشباب نصهم دايخين العيون الساهره اللي بالصندوق صوتوا حصني حصني ونا اقول تدري ماردهم المهم بالعاده الحصني اذا توجه له النور والكبس درى انا متوجهين له وعليه خطر بيحط رجله المهم ابا الحصين ماهج ولاش والمشكله اننا نشوف عيونه من بعيد وهي تتحرك والدعوى العيون تكثريعني الدعوى فيه شي بس وشو انا حبا في الأستطلاع واللقافه قلت بشوف ويوم قربت وقربت تبين انه مجموعه من الجعر تاكل من جيفه اعزكم الله المهم انها صارت تطردنا ونا اعكف الموتر وابعد العيال قالو لي وقف وخلنا نركب العيال ونربط السلق وخلنا نصدمهن انا بني وبينكم حاقد ونركب العيال وذيبان اخوي عيا يركب قال انا بجلس بالحوض المهم واحط رجلي على البنزين وعينك ما تشوف الا الغبار ورى الكلاب وطبعا حنة الموتر هججتهن من بعيد ويوم قربنا قال واحد من الشباب خلنا نشوف وش تاكل منه المهم قربنا وقربنا وانا على طول استنتجت قلت بقره وقال خويي لا ياولد الظاهر انه قعود المهم وحنا نتكلم ولا الذيب اللي بالحوض بحضني ويتنافض ويقول (انسان انسان)انا من المفاجئه طبعا حطيت رجلي والسياره الثانيه وراي ولا يدرون وش الطبخه المهم انا وقفت ونزلت وقلت لخوي انت متاكد قال ايه والله انه المسكين يالله يتكلم المهم انا قلت لواحد من الشباب حط الكبس عليه وقربت بالسياره ووجهت الموتر عليه ويوم صار بيني وبينه 50متر وقفت ونزلت وقربت ولا الجعر اكرمكم الله لا عبه فيه لعب انا على طول دقيت على الشرطه وبلغت وجلست حول الساعه الا ربع ونا انتظر الشرطه ويوم جو مشينا وواحد من العيال فيه قوة قلب صور وكانت الصور معي لكني حذفتها حفاظا على كرامة الرجل الميت وصونا لحرمته ...........................
وهاذي سالفتي وما قصرتوا على القرآه ولا تحرمونا ردودكم وتقبلو تحياتي
اخواني اعضاء المنتدى
عندي سالفه طويله شوي لكن ممكن تكون غريبه ومرعبه والسالفه سبب وضعها بمنتدى الصيد بالسلق هو اني كنت مطلع السلق اجربع فيهن واصيد بهن حصاني المهم
في يوم الخميس ليلة الجمعه كان ضايق خلقي شوي وعندي اخوي سلوم الصغير الله يخليه لعينن ترجيه عنده سلقه طيبه بالحيل قلتله ونا اخوك وشرايك تجيب السلقه ونطلع نتمشى ونتصيد جرابيع وان لقينى حصاني فكله واحد المهم قال قدام بوصل المزرعه وبجيب السلقه وبكلم واحد من اخوياي يجي معنا واخوي الله يحفظه دق على حوالي خمسه ونا ماقد طلعت معهم المهم واحد من اخوياه معه سياره ومعه سلقتين وحنا معنا موترنا والباقين بموترهم
طلعنا نجربع وانا ثقل معهم اول شي صغار علي والثانيه ماودي اطيح الميانه ونا ماأعرفهم وثالث شي اخوي رازني عندهم اني راعي مقناص وراعي رحلات للربع الخالي المهم كلنا نرز اخوانا وجربعنا شوي ويوم دريت قالو حصني حصني ونا ردها نمره والهايلوكس تمشي عرض والمسكين مايدري أن اللي متوجه له هي فصيلة البتار ومعنا ظبيه والداهيه والعجوز ولايهمكم ان اسمها العجوز تراها خبره ولا لحين فشقه ماشألله لكن كبر السن له سيئاته المهم وصدناه وما ابعد عن الداهيه المهم والشباب خلو الدعوى حصاني ونا بيني وبينكم انطربت احم احم المهم صدنا حوالي اربع حصاني المهم قلت لهم ياشباب الساعه 12 وحناورانا صلاة جمعه ونا ودي انام المهم قالو رجعنا وحنا راجعين والشباب نصهم دايخين العيون الساهره اللي بالصندوق صوتوا حصني حصني ونا اقول تدري ماردهم المهم بالعاده الحصني اذا توجه له النور والكبس درى انا متوجهين له وعليه خطر بيحط رجله المهم ابا الحصين ماهج ولاش والمشكله اننا نشوف عيونه من بعيد وهي تتحرك والدعوى العيون تكثريعني الدعوى فيه شي بس وشو انا حبا في الأستطلاع واللقافه قلت بشوف ويوم قربت وقربت تبين انه مجموعه من الجعر تاكل من جيفه اعزكم الله المهم انها صارت تطردنا ونا اعكف الموتر وابعد العيال قالو لي وقف وخلنا نركب العيال ونربط السلق وخلنا نصدمهن انا بني وبينكم حاقد ونركب العيال وذيبان اخوي عيا يركب قال انا بجلس بالحوض المهم واحط رجلي على البنزين وعينك ما تشوف الا الغبار ورى الكلاب وطبعا حنة الموتر هججتهن من بعيد ويوم قربنا قال واحد من الشباب خلنا نشوف وش تاكل منه المهم قربنا وقربنا وانا على طول استنتجت قلت بقره وقال خويي لا ياولد الظاهر انه قعود المهم وحنا نتكلم ولا الذيب اللي بالحوض بحضني ويتنافض ويقول (انسان انسان)انا من المفاجئه طبعا حطيت رجلي والسياره الثانيه وراي ولا يدرون وش الطبخه المهم انا وقفت ونزلت وقلت لخوي انت متاكد قال ايه والله انه المسكين يالله يتكلم المهم انا قلت لواحد من الشباب حط الكبس عليه وقربت بالسياره ووجهت الموتر عليه ويوم صار بيني وبينه 50متر وقفت ونزلت وقربت ولا الجعر اكرمكم الله لا عبه فيه لعب انا على طول دقيت على الشرطه وبلغت وجلست حول الساعه الا ربع ونا انتظر الشرطه ويوم جو مشينا وواحد من العيال فيه قوة قلب صور وكانت الصور معي لكني حذفتها حفاظا على كرامة الرجل الميت وصونا لحرمته ...........................
وهاذي سالفتي وما قصرتوا على القرآه ولا تحرمونا ردودكم وتقبلو تحياتي