سؤالي عن المقيض(علاقة الماء بالسده)

[خيال الصبحا]

بسم الله الرحمن الرحيم
السلام عليكم
ورحمة الله وبركاته
كيف حالكم يااهل مكشات؟
أسمع دايم أن الماء له علاقه بمرض
السده(الله يكفي طيوركم شر الامراض)وذلك
إذا وصل الماء لكفوف الطير ، وجاء ببالي كم سؤال
حبيت أني أطرحها عليكم :
س1/هل الماء يزيد المرض أو يسببه؟(يعني لو كان الطير
سليم هل الماء يسبب المرض أو انه يزيده إذا كان الطير مريض)
س2/لو أن الطير مقيض طلق أكيد يبي يوصل للماء ، فوش الحل؟
وشكرًا

[الوافي عزام]

هلا بك ياخيال الصبحا

السده : ماتجي للطير من الباب للطاقه يعني على طول بدون سبب ( اما من الحفات والا من جرح بسيط للطير والا من مسمار )
ومع الاهمال وعدم معالجته يتطور الامر الى مايسمى سده

اذا كان الامر ببدايته يعني حفات والا مسمار والا جرح يعالج الطير وبأذن الله يشفى

اما اذا استفحل الامر وصار مع الاهمال سده فيخلف الله على الطير ماعاد له علاج الا ان شاء الله
وكثير من الناس يبحث عن علاج ولاكن بدون جدوى
وقد يتطور الامر بالسده ويصبح الطير لا يقبل الاكل ويهزل حتى الموت

بالنسبه للماء / الماء عند التصاقه ببطن كف الطير من اسفل فهو يسبب فطريات وجراثيم مع مرور الوقت
ومن المعروف ان بطن كف الطيرجلدتها رقيقه جدا وحساسه ويبدا التعفن مع فطريات لانشاهدها ولاكن مع مرور الوقت يتطور الامر وتبدا المشكله

وليس على كل حال ان الماء يصيب الطير بفطريات فهي نسبه قليله ونجدها اكثر عند الطيور اللي تلامس الماء وتوكر ولا تتحرك فهنا تصبح المشكله

والفطريات والتعفن اذا اكتشف في وقت مبكر يعالج
ولاكن اذا اهملنا مثل ماذكرت هنا يتطور الامر للسده
وبعدين الماء موجود بالمقيض وغير المقيض للطير ( ولاكن اكثر تعرضا للماء بالمقيض لانه موجود ولايفارقه )


هذا اللي عندي عن السده واسبابها

وبالتوفيق

[@قرناص@]

السلام عليكم..

اخوي الوافي عزام.. ماقصر

في امان الله

[المهاجر1]

السلام عليكم ورحمه الله وبركاته
انا من اعتقادي ان السبب مش من الماء والدليل على داللك ان الطير يعيش فى الحياه الطبيعيه ومتعرط للرطوبه اكتر
والسبب هوا اصابه الطير بجرح بسيط يودي الى السده
والله اعلم

[قلب شاهين]

أخونا الوافي عزام كفى ووفى ،،

بارك الله فيكم ومشكور على الموضوع يابو نايف ،،

[الوافي عزام]

السلام عليكم ورحمه الله وبركاته
انا من اعتقادي ان السبب مش من الماء والدليل على داللك ان الطير يعيش فى الحياه الطبيعيه ومتعرط للرطوبه اكتر
والسبب هوا اصابه الطير بجرح بسيط يودي الى السده
والله اعلم

اخوي الغالي للتوضيح فقط :)

حياة الطير في الخلا يعني وهو ( وحش ) تختلف كل الاختلاف عن ما هو عليه عندنا
يعني بمعنى اصح نقص الفيتامينات والديدان والملوع ووووو كلها تجي للطيور البيتيه اللي عندنا وسببها المعيشه الغير طبيعيه

وبالنسبه للماء وحتى وهي وحوش اذا وردت للماء طارت ولا توكر على وكر قطن والا غيره مثل ماهي عندنا يعني طبيعه بطبيعه

فلا نقارن الطيور البيتيه وامراضها بالطيور الوحوش

وشكرا لك

[خيال الصبحا]

السلام عليكم
اشكر كل من شارك
بموضوعي واستفدت منه
وهلا بكم
***
ابو محمد
عندي سؤال
الله لا يهينك
لو ان الي يقيض
طيره ربط حط عند
الطير وكر ، وحصاه
وشبه ، وغيره من الأشياء
الي يوقف عليها الطير ، هل ينفع
انه يحط ماء قريب من الطير بحيث ان
الطير لو تبللت كفوفه مايطول بمكان واحد
شوي على الحصاه وشوي على الوكر وكذا
هل تعتقد ان الطير يتاثر بهذا ؟ والسؤال لك وللجميع
وهلا بك

[الوافي عزام]

هلا بك ياخيال الصبحا

اولا مهوب شرط الطير يتعرض للماء بكفوفه وتقدر تتحكم فيه

بأستطاعتك والافضل انك تحط له ايناء مقاسه صغير وهذا له عدة فوائد :

اولا كل ماصغر حجم الايناء قلة الاتربه فيه والريش وباقي العلف او المروش ( اعزكم الله )

ثانيا الايناء اذا صار صغير لا يستطيع الطير ادخال كفوفه بدون سبب ( ادخال كفوف الطير وجلوسه لاوقات تجدها بالايناءات الكبيره ) لانه يحب البراد ولو كان جو الغرفه ممتاز يبي الزود وايضا الفراغ اللي عايشه الطير بالمقيض يحب التنويع في اماكن الجلوس

ثالثا عند التنظيف اليومي للأيناء يكون سهل وخفيف التنظيف والحمل من مكان لآخر

وبالنسبه للطير الطيار والغير طيار الوكر اللي ينفع له اللي هو الوكرالزراعي اللي كنه عشب الملاعب البلاستيكي وكثير من الصقاقير اللي يقرنسون طيورهم عندهم يربطونها بالطريقه هذي

وحتى لو جا على كفوف الطير شوي ماء ماعليه الا اذا كانت الدعوى بصوره مستمره والوكر قطني والجو بالغرفه فيه نسبة رطوبه فمع الاوساخ وباقي الدماء تتكون الفطريات والجراثيم ويتطور الامر للسده


وارجوا اني افدتك

[خيال الصبحا]

هلا بك ياخيال الصبحا

اولا مهوب شرط الطير يتعرض للماء بكفوفه وتقدر تتحكم فيه

بأستطاعتك والافضل انك تحط له ايناء مقاسه صغير وهذا له عدة فوائد :

اولا كل ماصغر حجم الايناء قلة الاتربه فيه والريش وباقي العلف او المروش ( اعزكم الله )

ثانيا الايناء اذا صار صغير لا يستطيع الطير ادخال كفوفه بدون سبب ( ادخال كفوف الطير وجلوسه لاوقات تجدها بالايناءات الكبيره ) لانه يحب البراد ولو كان جو الغرفه ممتاز يبي الزود وايضا الفراغ اللي عايشه الطير بالمقيض يحب التنويع في اماكن الجلوس

ثالثا عند التنظيف اليومي للأيناء يكون سهل وخفيف التنظيف والحمل من مكان لآخر

وبالنسبه للطير الطيار والغير طيار الوكر اللي ينفع له اللي هو الوكرالزراعي اللي كنه عشب الملاعب البلاستيكي وكثير من الصقاقير اللي يقرنسون طيورهم عندهم يربطونها بالطريقه هذي

وحتى لو جا على كفوف الطير شوي ماء ماعليه الا اذا كانت الدعوى بصوره مستمره والوكر قطني والجو بالغرفه فيه نسبة رطوبه فمع الاوساخ وباقي الدماء تتكون الفطريات والجراثيم ويتطور الامر للسده


وارجوا اني افدتك
الأخ ابو محمد
الله لا يهينك
وبيض الله وجهك
وماقصرت

[فنجون]

من وجهت نظري المتواضه اسباب السده هو مخالب الطير لان اذا كانت حاده يقوم بجرح كفه اثناء الطعام في المقيظ ولازم يتم تغليمها قبل الربط لان جرح كف الطير مع وجود الماء يسبب السده والنظافه مطلوبه

[الوافي عزام]

من وجهت نظري المتواضه اسباب السده هو مخالب الطير لان اذا كانت حاده يقوم بجرح كفه اثناء الطعام في المقيظ ولازم يتم تغليمها قبل الربط لان جرح كف الطير مع وجود الماء يسبب السده والنظافه مطلوبه

هلا بك يالغالي

( بعد اذنك ياخيال الصبحا )

وبالنسبه للطير مستحيل انه يجرح نفسه بمخالبه وقت العلف في المقيض وغير المقيض
مخالب الطير اذا ضمها الطير ودخلت في كفه ومعها العلف والا بدون علف تصير داخل كفه بصوره مستديره على بطن كف الطير وتصير ناعمه عليه

وبالنسبه للتقليم :
الطير مايقلم وقت الربطه ابدا
الطير وقت الربطه مخالبه تقرنس وتتقشر بعد الربطه بعضها يطيح من حاله وبعضها (نفصخها ) بعد المقيض

ومعروف ان الجرح مع التلوث بشتى صوره يصبح مرض ومن ثما يتطور الى سده

وشكرا لتعليقك

[خيال الصبحا]

الأخ فنجون

أشكر لك مرورك
وردك الكريم ، وهلا بك

الأخ أبو محمد
تمون ، والله لا يهينك
واشكر لك مرورك وردك
الكريم ، وهلا بك

[عاشق مكشات]

الله يعطيك العافيه على الموضوع