المري
15/07/2003, 05:05 PM
الـــــــسلام عليكم يااخواني الاعزاء في مــكـــشــات...
اقدم لكم هذه القصيده وهي من اختياري وعسى ان تكون تعجبكم وفي الشي الكثير عن الطير وعن الوقت.
اليكم القصيده.
الطير حذف والصقاقير عايفه=والوجد بالقناص بالعين شايفه
في خاطر المشتاق سبع يعدها=وأثنا عشرمعها بها النفس خايفه
الختم فيها سمي الموس الأول=ومن عقب موس الطير ياتيك نايفه
أيضا الردايف المهمة لزايم=لزايم الجنحان سبع ولايفه
وإلا الخوافي والغواطي تقلها=بالشان وان كمل مع الريش كايفه
ذنيبة الجارح بالأحرار وغيرها=عشر تزود اثنين وأحيان طايفه
الحذف يبدأ بالعمد ثم أيسوقها=حدى الكلى ترتيب وطاحت درايفه
يتابع الهاوي كفوفه وبطنها=وحكاكه الأوسط مجاور علايفه
وطرافها لفاح للنوش دايم =وصياده التابع على الشعط لايفه
في مهجة الصقارشين يحثني=إلى سرى القرناس احسب نشايفه
لانشفت الارياش والطير صفا=أخير من ربطه مشاهد طرايفه
يبدأ عنانقله ودعوه ومدهله=مع رغبة التجهيز للقلب حايفه
لادارت الأفلاك وبان السويبع=هاجت شجون القلب ساقت لهايفه
يقفي لهيب القيظ والنفس تنتظر=شوف اللحوق بذبح تنهي كسايفه
أنا بقلبي للمقانيص نشوه=بالمثل غيري كل وصفي وصايفه
وأنااطلب الله يرزق الناس كله=بالخص راع الطير كثرة وظايفه
وأختامها اصلي على محمد النبي=عدد نجيرالطير دهورسلايفه
خالد بن سليمان الجريش
اقدم لكم هذه القصيده وهي من اختياري وعسى ان تكون تعجبكم وفي الشي الكثير عن الطير وعن الوقت.
اليكم القصيده.
الطير حذف والصقاقير عايفه=والوجد بالقناص بالعين شايفه
في خاطر المشتاق سبع يعدها=وأثنا عشرمعها بها النفس خايفه
الختم فيها سمي الموس الأول=ومن عقب موس الطير ياتيك نايفه
أيضا الردايف المهمة لزايم=لزايم الجنحان سبع ولايفه
وإلا الخوافي والغواطي تقلها=بالشان وان كمل مع الريش كايفه
ذنيبة الجارح بالأحرار وغيرها=عشر تزود اثنين وأحيان طايفه
الحذف يبدأ بالعمد ثم أيسوقها=حدى الكلى ترتيب وطاحت درايفه
يتابع الهاوي كفوفه وبطنها=وحكاكه الأوسط مجاور علايفه
وطرافها لفاح للنوش دايم =وصياده التابع على الشعط لايفه
في مهجة الصقارشين يحثني=إلى سرى القرناس احسب نشايفه
لانشفت الارياش والطير صفا=أخير من ربطه مشاهد طرايفه
يبدأ عنانقله ودعوه ومدهله=مع رغبة التجهيز للقلب حايفه
لادارت الأفلاك وبان السويبع=هاجت شجون القلب ساقت لهايفه
يقفي لهيب القيظ والنفس تنتظر=شوف اللحوق بذبح تنهي كسايفه
أنا بقلبي للمقانيص نشوه=بالمثل غيري كل وصفي وصايفه
وأنااطلب الله يرزق الناس كله=بالخص راع الطير كثرة وظايفه
وأختامها اصلي على محمد النبي=عدد نجيرالطير دهورسلايفه
خالد بن سليمان الجريش