جاك القيض ثن المطية

[صقر]

السلام عليكم ورحمة الله وبركاته


هذه قصيده للشاعر فهد الزمام موجهه الى صديقه سعود الحربي (ابو احمد) بعد نهاية المقناص لعام 1423هـ




يا سعود جاك القيض ثن المطية=واقعد مع احمد عن سموم اللواهيب
لما ينوض البرق يم الايدية=ويكمل القرناس عطب المضاريب
متى على الله تعلن الداخلية=وقت القنص ويصرحون المعازيب
ياما حلا شوف الفياض العذية=لامن عشب الوسم غطى الجرابيب
ياما وطينا سهلة جرهدية=نطرد ورى اللي يدب الخرب تأديب
اشقر سراويلة يغطن ايديه=بالسوق عنده صار ضرب المشاعيب
يابن مدله يا مونس خويه=يامكرمن ضيفه بكبش وتراحيب
من عقب ربط الطير ضاقت عليه=دنيا تكدر صافيات المشاريب
الله يرد ايامنا الاولية=يوم انت عند الرجم تهرف كما الذيب
وانا وزانك في علو الشغية=ندور اللي دورته ما بها عيب
برقا عليها القلب يظهر خفيه=حبه سكن بين الضلوع المحاديب
واختامها مني سلام وتحية=لاحمد وابوه عداد مايقنب الذيب

[المسفهل]

رااائع... من أجمل ما سمعت في الطير والمقناص ..

وزدنا زادك الله من فضله .

[صقر]

مشكور اخوي المسفهل

وبارك الله فيــــــــــــــــــك

[راعي مرات]

الغالي000صقر00
إختيار موفق00من شاعر جزل000
وتسلم يالغالي000على هذه المشاركة000

[ف.البشري]

صقر

يا مرحبـــــا يا صقـــــــر

قصيــــــدة من اروع قصـــائــــد أهل القنــــــص , ومثلها لايقوله الا شاعرٍ

متمكــــــن .

بس يا صقـــــر نبي رد ابو أحمـــــد .

تسلم يالحـــــــــــــــــر .

[صقر]

شكرا لزيارتك ياخوي (راعي مرات)

والشكر موصول لـ (ف. البشري)

وابشر بسعدك سوف اضيف رد ابو احمد

ومشكورين :good:

[ميراج]

الاخ صقر
مشكور على القصيده وصح لسانك ولسان الشاعر
اذا تكرمت نبى رد ابو احمد

[فهد الميموني]

الحقيقه ان الصقار يزداد شوقه للطير والقنص والربيع كلما طال عليه القيض وقرب طلوع سهيل فحين تقرأ القصيده تعيش في جوا ثاني.... مشكور اخوي صقر وصح لسانك ولسان الشاعر وبأنتضار الرد
وحبيت أسألك عن معنى كلمة ( جرابيـب) والله يعطيك العافيه

[ابو عايد]

اشقـر سراويلـة يغطـن ايـديـه=بالسوق عنده صار ضرب المشاعيب



مشكور على هذا الا ختيار الجميل



وصح لسانك




وتقبل تحياتي // العاشق الولهان


http://www.mekshat.com/pix/upload/images2/po88.jpg

[صقر]

اخي العزيز ابو عايد

مشكور والله يجمل حالك وحياك الله

[المري]

ما شاء الله عليك اخوي صقر


ويش هالمشاركات الرائعه , مشاركه جعل يمنى اكتبتها ماتجيها الجباير

وتقبل كل تقديري واحترامي يالغالي.

اخوك / المري

[صقر]

اخوي المري

جزاك الله خير على الزيارة

جزاك الله خير على الدعوة وانت كذلك يا أخي

ولك تحياتـــي

[السنافــــــي]

صح لسانك على القصيد الطيب
والله يبيض وجهك وماقصرت
************************
اخوك: السنافـــــي

[سيف السيف1]

قصيدة رائعة إختيارموفق , نبي رد ابو احمد الله لايهينك..

[طيرالحمــــاد]

سلمت يدك, وصح لسانك ولسان شاعرها

من اروع ما سمعت. بيض الله وجهك


تحياتي

طـيـــــــــــر الحمــــــــــــــــــــــاد