المساعد الشخصي الرقمي

مشاهدة النسخة كاملة : كلمة عذر جديده لبعض باعة الطيور ( ابيع طير ما ابيعك صقاره )


الوافي عزام
29/07/2007, 02:24 PM
السلام عليكم ورحمة الله وبركاته



نعم ابيعك طير ما ابيعك صقاره :confused: كلمه جديده علينا وخصوصا خلال السنوات الاخيره في عالم البيع والشراء للطيور

وصارت عذر سمين وممتاز ومقنع لدى ضعاف النفوس من الباعه للطيور بجميع انحاء اسواقنا بمختلف اماكنها سواء كانت محلات او حراجات

حيث لو ذهب احد الاشخاص واراد شراء طير من محل او حراج وسأل عن علوم الطير يقوم بأعطاءه علوم الطير ونجد بالحقيقه انها مزيفه وليست صحيحه :no2:

ولو رجع له الشخص الذي اشترى منه الطير وقال له ان الطير ليس على كلامك هديته على حبارى وماصادها ولا طلبها ( يعني مايعرفها ) تلقى العذر جاهز منه وبطرف لسانه قبل لاتساله ويقول حنا بعناك طير مابعناك صقاره :confused:

وكثير ماتحدث ونشوف مشاكلها تدور دائما بين الباعه والناس

ويقوم بأعذار واهييه :
اما يقولك الطير صنعته وشلون تبيه يهد
او الطير هزل وشلون يهد
او امرضته فيه ديدان
والا ماجردته
وكثير من هالكلام اللي ماينتهي دائما وتلقاه يدخل معه في كلام طويل وجدال وبدون اي نتيجه

هل الطير قنبله نوويه يحتاج لعدد معين من الذرات والكربوهيدورات والمركبات الفيزيائيه والكيميائيه ولايجوز النقص او الزياده البسيطه بها :confused:
انا اعني بكلامي للرجال اللي يصقر الطيور بدرايه ومعرفه ومن المستحيل ان يخرب الطير معه
انا لا اعني بكلامي ان الطيور ماتخرب عند بعض الناس
نعم يوجد ناس يخربون الطيور واذا هدها ماتهد يا اما من صنعه والا غيرها ولاكن العدد قليل
كلام طويل عريض غي هذا المجال الذي لاينتهي الكلام منه
ولاكن عسى الله يعين ويغير قلوب بعض الناس الذين يسعون للمكسب باي طريقه كانت سواء جائزه ام غير جائزه

واذكر قبل فتره تقارب الخمس سنوات اتى رجل اعرفه للسوق واشترى له طير من محل وقاله الطير صايد ومجرود وعلى الشرط ان ماصاد رجعه للمحل ... والخ من مغريات لشراء الطير

وبالفعل اشترى الطير ومن حسن الحض انه ذهب لمقناص لشمال المملكه وبعد يومين من مقناصهم الى وهذيك الجره وقالوا اخوياه مايهد الا انت يافلان عشان تشوف طيرك وبالفعل هد الطير
ولاكن المفاجأه !!! الطير طار وقعد يحوم كانه ماقد شاف الحبارى بحياته نادى الطير على الشلوا وبرقعه
ويوم دورو الحبارى وهدو اخوياه وطرحوها عزلوها له وقال يمكن الطير ما انجرد وحطها للطير مبرقعه بالارض ولا طلبها حتى وهي بالارض :(
يعني صار هالحين كلام الرجال اللي باعه الطير كذب في كذب

يوم رجعوا من المقناص راح لراعي المحل في نفس اليوم اللي رجعوا فيه وقاله اللي صار معه وجاوبه راعي المحل بالكلمه المشهوره للهروب من الموقف الحرج ( انا بعت طير مابعت صقاره )
قاله يا ابن الحلال الطير مايعرف الحبارى وريناه اياه طيار ولا بغاها ووريناه اياها وهي بالارض ولا بغاها وعلف الطير زين وجناحه زين ويلعب على الشلوا لعب مسكت ويلحق الحمام السبوق لاكن مايعرف الحبارى :no:

وهو واياه بجدال ونقاش طويل المدى ولم يخرج معه بنتيجه

عالعموم هذي مشكله تخوفنا من طيور السوق دوما وتجعلنا نبحث عن الطيور التي عن طريق معارف وواسطات لين نشريها بقيمه وقدرها تجنبا من السوق

وارجوا ان يكون موضوعي ذو فائده لكم

وبالتوفيق
peregrine
29/07/2007, 02:41 PM
مشكور يابو محمد موضوع جميل

ماشاءالله عليك والله اهلك ربوك تربية اكثر من صالحة

اعزك واحترمك من كل قلبي ياملك الصقارة واخلاقها

واليوم اني مسافر بالليل مثل ماقلتلك واني باذن واحد احد عند وعدي يااخي الغاااااااااااااااااااااااااااااااااااالي
صقر20
29/07/2007, 03:15 PM
موضوع فريد وجميل جداً
ويستحق الإشادة
مشكور يبومحمد ....وأحسن الواحد لويبي يشري طير وأنت أعرف من بهالأمور
يكون عن طريق رجال ثقة ويعرفه وإلا من السوق والحراج والله من قل ماشريت(أغسل يدك)
بارك الله فيك
الفوار2008
29/07/2007, 04:22 PM
اخوي ابو محمد
صدقت اخوي وصح السانك
وازيد عليك بأن بعض محلات الطيور يستغلون الصقار عديم الخبره(المبتدئ) ويبيعونه طيور مريضه او خلاص يبيلها من يفكها بالخلا
وتقبل مروري
اخوك ابوالعبدي
ابوالجازي
29/07/2007, 05:22 PM
السلام عليكم
موضوعك حسلس جدا يالوافي عزام وتحدث مثل هالقصص
لكن انا اذا شريت من السوق طير اشريه على انه مجهول ولم يفعل اشتريه اما لوسرته او لونه وقد يفلح الطير
قد شرينا طير من السوق راعيه قناص ارانب بالرمله (طبعا الكلام هذا قديم) ويقول ما اشرط لكم الا الارنب اما الحبارى ماشافها واخذناه وقنصنا به وصار من اطيب طيورنا طلع ولحوق بس للاسف حطه راعيه قريب من النار وكفخ واحترق ريش الجناح وقرنسه راعيه ومع بداية المقناص هده وضاع والا ساعتك (طبعا قبل الاجهزه)
اسف على الاطاله وتقبل مروري
قرناس خلوي
29/07/2007, 05:50 PM
والله إنك صادق ،،،، والكذب والدجل إنتشر بين تجار الطيور اللي اصبح كل همه المال وبس ،، لا سمعة ولا نزاهه ،،، لكن الله يهديهم ....

مشكوووووووووووووووررر على طرح هالموضوع الواقعي جداً وتقبل مروري ،،،
قلب شاهين
29/07/2007, 06:46 PM
مشكور يا ابو محمد على الموضوع الممتاز ،،

وفعلا كلامك عين الصواب ،،
الفارس3
29/07/2007, 07:36 PM
مشكور يا ابو محمد على الموضوع الممتاز ... كلامك في محلة ومهم للمبتدئين اللي مثلي ... والله يعطيك على قد نيتك 1!
خيال الصبحا
29/07/2007, 07:47 PM
وعليكم السلام
الأخ ابو محمد
اشكرك على موضوعك
وكلامك الجميل ، ولكن الكلمة
أنا أشوف انها صحيحه ، يعني يوم
اقول لك الطير صايد وفاعل واعطيك
اعلومه ، وان حصل ولقيت حبارى ووريتها
الطير قدامك وطلبها فهذا عز الطلب ، وبعد ماتشوف
بعينك اقول لك انا ابيعك الطير مابيع الصقارة ، وانت الحين
شفت فعله ، وان كان ماصاد عندك هذي مشكلتك ، والله لا يهينك ، وشكرًا
الوافي عزام
29/07/2007, 09:32 PM
مشكور يابو محمد موضوع جميل

ماشاءالله عليك والله اهلك ربوك تربية اكثر من صالحة

اعزك واحترمك من كل قلبي ياملك الصقارة واخلاقها

واليوم اني مسافر بالليل مثل ماقلتلك واني باذن واحد احد عند وعدي يااخي الغاااااااااااااااااااااااااااااااااااالي

هلا وغلا بك يالغالي

شكرا لك على مدحك الجميل جدا وهذا من ذوقك

تروح وترجع لنا بالسلامه هذا اكبر مانتمناه

وبالتوفيق
الوافي عزام
29/07/2007, 09:34 PM
موضوع فريد وجميل جداً
ويستحق الإشادة
مشكور يبومحمد ....وأحسن الواحد لويبي يشري طير وأنت أعرف من بهالأمور
يكون عن طريق رجال ثقة ويعرفه وإلا من السوق والحراج والله من قل ماشريت(أغسل يدك)
بارك الله فيك

هلا بصقرنا المبدع

وكلامك في محله يالغالي

وعز الله المعرفه وقت الشراء لها دور كبير بحسن اختيار الطير

لاكن والله من كثر ماشريت من ( البنادق ) نلقى علوم البنلي واخواتها عندك :D

وشكرا لمرورك
الوافي عزام
29/07/2007, 09:36 PM
اخوي ابو محمد
صدقت اخوي وصح السانك
وازيد عليك بأن بعض محلات الطيور يستغلون الصقار عديم الخبره(المبتدئ) ويبيعونه طيور مريضه او خلاص يبيلها من يفكها بالخلا
وتقبل مروري
اخوك ابوالعبدي

هلا بك وصح بدنك

وعز الله ان اللي خبرته قليله بيلعبون عليه بعض النفوس الدنيئه

ولاكن اللي خبرته شوي قليله عليه بالاستشاره لانها الحل الوحيد

وهلا بك
الوافي عزام
29/07/2007, 09:39 PM
السلام عليكم
موضوعك حسلس جدا يالوافي عزام وتحدث مثل هالقصص
لكن انا اذا شريت من السوق طير اشريه على انه مجهول ولم يفعل اشتريه اما لوسرته او لونه وقد يفلح الطير
قد شرينا طير من السوق راعيه قناص ارانب بالرمله (طبعا الكلام هذا قديم) ويقول ما اشرط لكم الا الارنب اما الحبارى ماشافها واخذناه وقنصنا به وصار من اطيب طيورنا طلع ولحوق بس للاسف حطه راعيه قريب من النار وكفخ واحترق ريش الجناح وقرنسه راعيه ومع بداية المقناص هده وضاع والا ساعتك (طبعا قبل الاجهزه)
اسف على الاطاله وتقبل مروري

هلا با ابوالجازي ( والحمد لله على السلامه ) وينك لك كم فتره غايب ؟؟؟

وكلامك صحيح لاكن
الطير المجهول له سعر يستاهله
والطير اللي صايد له سعر يستاهله
ولاكن من القهر ان الواحد يدفع قيمه وقدرها لطير يقال انه صايد لمحل وفالاخير يطلع ( فشنق )
لاكن اللي يشري له طير على انه مجهول يتحمل اللي يجيه من علوم الطير ان كان طيب والا خايب

وسالفتك هذي تصير دايم ولاكن حضك نصيبك

وشكرا لمرورك الكريم
الوافي عزام
29/07/2007, 09:42 PM
والله إنك صادق ،،،، والكذب والدجل إنتشر بين تجار الطيور اللي اصبح كل همه المال وبس ،، لا سمعة ولا نزاهه ،،، لكن الله يهديهم ....

مشكوووووووووووووووررر على طرح هالموضوع الواقعي جداً وتقبل مروري ،،،

هلا وغلا بك

وكلامك صحيح والله يهديهم ان شاء الله

وشكرا لمرورك وتعليقك
الوافي عزام
29/07/2007, 09:43 PM
مشكور يا ابو محمد على الموضوع الممتاز ،،

وفعلا كلامك عين الصواب ،،

هلا وغلا بك ياصقار القصيم

وشكرا لمرورك الكريم
الوافي عزام
29/07/2007, 09:45 PM
مشكور يا ابو محمد على الموضوع الممتاز ... كلامك في محلة ومهم للمبتدئين اللي مثلي ... والله يعطيك على قد نيتك 1!

هلا بك

والمبتدا عليه بأستشارة اللي عنده خبره عشان مايصير محل خداع وغش لدى اهل النفوس الضعيفه

وشكرا لمرورك
مجتهد***
29/07/2007, 09:49 PM
مشكور أبو محمد بيض الله وجهلك
هذا ما يحصل عند البالعة في السوق
و الأفضل لا تاخذ ألا شي مخبور
أو شخص معروف
الوافي عزام
29/07/2007, 09:51 PM
[QUOTE=خيال الصبحا][center]وعليكم السلام
الأخ ابو محمد
اشكرك على موضوعك
وكلامك الجميل ، ولكن الكلمة
أنا أشوف انها صحيحه ، يعني يوم
اقول لك الطير صايد وفاعل واعطيك
اعلومه ، وان حصل ولقيت حبارى ووريتها
الطير قدامك وطلبها فهذا عز الطلب ، وبعد ماتشوف
بعينك اقول لك انا ابيعك الطير مابيع الصقارة ، وانت الحين
شفت فعله ، وان كان ماصاد عندك هذي مشكلتك ، والله لا يهينك ، وشك

هلا بمشرفنا الغالي

والله يافي السوق رجاجيل شرواكم معروفيين
يجون ايام الخميس جلابه مالهم محلات ولا يعرضون الطيور بالحراج
تلقى الطير على كفه وفتح بابه من 10000 وفوق ومعروفين بمصداقيتهم وطيورهم معروفه مهيب طيور سوق
والله اني استحي لا اساله عن الطير هل هو صايد والا لا من ثقتي فيه
ويقولك خل الحجل عليه عشان لاصاد تتصل علي على طول وتبشرني
والا رجعت من مقناصك عطني الحجل ( من زود الثقه بطيره ونزاهته )

وشكرا لمرورك وتعليقك
Gyr
29/07/2007, 09:56 PM
كالمك صحيح مائه بالمائه
اما كلمة ابيعك طير مابيعك صقاره
فهي تقال لما اكون بايعك طير وحش
الوافي عزام
29/07/2007, 09:58 PM
مشكور أبو محمد بيض الله وجهلك
هذا ما يحصل عند البالعة في السوق
و الأفضل لا تاخذ ألا شي مخبور
أو شخص معروف

هلا ومرحبا بك

وكلامك صحيح

وشكرا لمرورك
الوافي عزام
29/07/2007, 10:00 PM
كالمك صحيح مائه بالمائه
اما كلمة ابيعك طير مابيعك صقاره
فهي تقال لما اكون بايعك طير وحش

هلا بك

مالك لوا يالغالي الكلمه يقولونها للطيور البيتيه المعروضه للبيع واللي صقروها الناس
اما الوحش وحش مايسأل عن علومه ولايدري عنها الا الله ما احد يقدر يفتي فيها لان ما احد شافه بالخلا

وشكرا لمرورك الكريم
قشاع الرمث
29/07/2007, 11:30 PM
السلام عليكم ورحمة الله وبركاته

هو من تالي صار الشريطية يستخدمون
هالكلمة بدال ما يقولون لك ما نشرط
الطير وتطيح من قيمتة .
وهذا خطاء ما يختلف علية اثنين .


ولاكن تصير ان الطير صايد وكاد
وتبيعة على واحد يخربه ولا يصيد معه
وصارت معنا هالسالفة .

واحد اخذ طير مصقور ومجرود يعني موزون
وزنة هدد خطيرة .
وهده وصاد معه حباري ثنتين باول سنه
وبعد ما ربط الطير طلعه ودعاه وجرده
ووزنه على حمام ( يعني اصنع الطير بالحيل عشان يلحق الحمام )
وهده على حباري وعيا وباعه علي
وكلمت راعيه الاول وسالت عن وزنت الهدد
ووزنته وصاد معي الطير .

ولاكن الاغلبيه بالوقت الحالي يكذبون
ويزودن بعلوم الطيور. الا من رحم الله .



ومشكر على هالموضوع.....
طيرحوران
29/07/2007, 11:59 PM
مشكور يالوافي عزام على الموضوع
ولكن عندي لكم راي زين علشان تفتك من الغش ومن قيل وقال وحتى يطلق على الواحد صقار
فأنا لاأعتبر اي واحد يشتري طير بيتي يعتبرصقار ولو صاد وفعل وووو
أشتر فرخ وطيحه واصقره انت وتشوف غلاه عندك ومحبتك له ولو مايجيك انه ماحافه فلان وعلان
تخير الوسره الطيبه والثنداة والوزن الحلو وتوكل على الله وعلى حسب فلوسك تخير الريشه واصقر وعلمه انت على كيفك وتشوف طيرك وتعبك انه مايخيب
وافتك من الشريطيه إللي غالبيتهم الله يهديهم نصابييييييييييين
واشكر الجميع
الوافي عزام
30/07/2007, 01:45 AM
السلام عليكم ورحمة الله وبركاته

هو من تالي صار الشريطية يستخدمون
هالكلمة بدال ما يقولون لك ما نشرط
الطير وتطيح من قيمتة .
وهذا خطاء ما يختلف علية اثنين .


ولاكن تصير ان الطير صايد وكاد
وتبيعة على واحد يخربه ولا يصيد معه
وصارت معنا هالسالفة .

واحد اخذ طير مصقور ومجرود يعني موزون
وزنة هدد خطيرة .
وهده وصاد معه حباري ثنتين باول سنه
وبعد ما ربط الطير طلعه ودعاه وجرده
ووزنه على حمام ( يعني اصنع الطير بالحيل عشان يلحق الحمام )
وهده على حباري وعيا وباعه علي
وكلمت راعيه الاول وسالت عن وزنت الهدد
ووزنته وصاد معي الطير .

ولاكن الاغلبيه بالوقت الحالي يكذبون
ويزودن بعلوم الطيور. الا من رحم الله .



ومشكر على هالموضوع.....


هلا ومرحبا بك يالغالي

وشاكر لك على تعليقك الطيب

والله لايهينك على مرورك الكريم
الوافي عزام
30/07/2007, 01:49 AM
مشكور يالوافي عزام على الموضوع
ولكن عندي لكم راي زين علشان تفتك من الغش ومن قيل وقال وحتى يطلق على الواحد صقار
فأنا لاأعتبر اي واحد يشتري طير بيتي يعتبرصقار ولو صاد وفعل وووو
أشتر فرخ وطيحه واصقره انت وتشوف غلاه عندك ومحبتك له ولو مايجيك انه ماحافه فلان وعلان
تخير الوسره الطيبه والثنداة والوزن الحلو وتوكل على الله وعلى حسب فلوسك تخير الريشه واصقر وعلمه انت على كيفك وتشوف طيرك وتعبك انه مايخيب
وافتك من الشريطيه إللي غالبيتهم الله يهديهم نصابييييييييييين
واشكر الجميع

هلا وغلا بك ياطير حوران
اكيد ان الصلات خير من النوم
لاكن موضوعنا عن السوق والغش اللي فيه
واكيد ان الصقاره هي على الوحوش والفروخ مافيها كلام وان البيتيه معلمه جاهزه مايبيلها صقاره

وشكرا لمرورك
طيرالحمــــاد
30/07/2007, 02:28 AM
كفيت ووفيت
بارك الله فيك
الوافي عزام
30/07/2007, 08:50 AM
كفيت ووفيت
بارك الله فيك

هلا ومرحبا بك
وشكرا لمرورك يالغالي
معشي الطير
30/07/2007, 10:07 AM
صبحكم الله بالخير
حياكم الله اخواني جميعا
بصراحه انا اشكر الاخ ابو محمد على هالموضوع الجميل والقيم .الايام هذي صارو الشريطيه ماعندهم غير الغش والنصب .انا والله استغرب من هالشريطيه كيف يرضى على نفسه انه ياكل ويوكل عياله فلوس اويربح بالحرام يعني لهدرجه صارت الذمه رخيصه ؟صارت اهم شي يكسب الف او الفين ريال .وين راحت شمات الصقاره وشمت الرجال .لاكن ماقول غير لاحول ولاقوه الابالله من هالناس .ياخي وش وجهك والناس جالسه تتكلم عن البيع والمشترى ثم لاطرى اسمك قالو((انحش عنه تراه نصاب )) الله يلعن الفلوس اللي تنزل من قيمه الرجال.اخواني الاعزاء قبل 10سنوات تذكرون الصيد والخيرات والربيع في تلك السنوات الماضيه سبحان الله بدت تنقص والسبب الحسد والغش والغفله عن طاعه الله .انا اتذكر عام 1418هـ اللي صدناه خلال الموسم 54حبار غير اللي راحن لاكن الحين ان صدت خمس فاحمد ربك ولاتعلم احد ..
انا اتذكر اني اشتريت طير من السوق قبل خمس سنوات وعلى كلام راعي المحل ان الطير ذابح ويطلع ولافيه كلام بصراحه انا قلت ان الرجال انشاء الله صادق المهم جردت الطير وبهذلني بجرده حيث اني لما الوح له يضرب فيني المهم قلت ماعليه لين اشوف فعله المهم طلعتنا قانصين الصمان ونتقصص ويرزقنا الله بجره ونتقصص وابو الشباب يتطلع المهم يوم رفعت راسي الي هاك الدجاجه اللي حتى الشبوط يهد عليها من صغرها واخونا بالله يناضر فيها ويصد المهم طلعته وما طلبها قلت طيروها يمكن يبيها طيار يوم طارت وهو يعقب السيارت والربع يلحقون الحبارى وانا الحق المقرود ويالله طرحته بحمامه حيه .الربع صادو الحبارى وعزلوها حيه عسان نشوف عن هالمقرود المهم درجناها له وهو يناظر كانه اول مره يشوف حبارى المهم قلت باجزمه (يعني بادفه شوي يمكنه متردد)يوم جزمته ويطير ويوقع على تنده السياره واقوم واجذبه وابرقعه ولما رجعت لرياض رجعت لراعي المحل وقلت له هذاء اللي صار وانت مشارطني على الطير المهم وهو يقوم ويحرم ويطلق من ام عياله انه ماشارط وان هالطير ماهو منه ولاقد شافه المهم طلعت من عنده وانا بصراحه متضايق مره مره والله ماهو عشان الطير لاكن الي حزني هالشخص وتصرفه كيف يحرم من ام عياله على حاجه مثل هالشي والطير جيت في ضلعان علي كيف كيفك وفكيته .والرجال الله يتسامح عنا وعنه.
وارجو السموحه على الاطاله لاكن بصراحه الموضوع يحمس .
الوافي عزام
30/07/2007, 10:55 AM
صبحكم الله بالخير
حياكم الله اخواني جميعا
بصراحه انا اشكر الاخ ابو محمد على هالموضوع الجميل والقيم .الايام هذي صارو الشريطيه ماعندهم غير الغش والنصب .انا والله استغرب من هالشريطيه كيف يرضى على نفسه انه ياكل ويوكل عياله فلوس اويربح بالحرام يعني لهدرجه صارت الذمه رخيصه ؟صارت اهم شي يكسب الف او الفين ريال .وين راحت شمات الصقاره وشمت الرجال .لاكن ماقول غير لاحول ولاقوه الابالله من هالناس .ياخي وش وجهك والناس جالسه تتكلم عن البيع والمشترى ثم لاطرى اسمك قالو((انحش عنه تراه نصاب )) الله يلعن الفلوس اللي تنزل من قيمه الرجال.اخواني الاعزاء قبل 10سنوات تذكرون الصيد والخيرات والربيع في تلك السنوات الماضيه سبحان الله بدت تنقص والسبب الحسد والغش والغفله عن طاعه الله .انا اتذكر عام 1418هـ اللي صدناه خلال الموسم 54حبار غير اللي راحن لاكن الحين ان صدت خمس فاحمد ربك ولاتعلم احد ..
انا اتذكر اني اشتريت طير من السوق قبل خمس سنوات وعلى كلام راعي المحل ان الطير ذابح ويطلع ولافيه كلام بصراحه انا قلت ان الرجال انشاء الله صادق المهم جردت الطير وبهذلني بجرده حيث اني لما الوح له يضرب فيني المهم قلت ماعليه لين اشوف فعله المهم طلعتنا قانصين الصمان ونتقصص ويرزقنا الله بجره ونتقصص وابو الشباب يتطلع المهم يوم رفعت راسي الي هاك الدجاجه اللي حتى الشبوط يهد عليها من صغرها واخونا بالله يناضر فيها ويصد المهم طلعته وما طلبها قلت طيروها يمكن يبيها طيار يوم طارت وهو يعقب السيارت والربع يلحقون الحبارى وانا الحق المقرود ويالله طرحته بحمامه حيه .الربع صادو الحبارى وعزلوها حيه عسان نشوف عن هالمقرود المهم درجناها له وهو يناظر كانه اول مره يشوف حبارى المهم قلت باجزمه (يعني بادفه شوي يمكنه متردد)يوم جزمته ويطير ويوقع على تنده السياره واقوم واجذبه وابرقعه ولما رجعت لرياض رجعت لراعي المحل وقلت له هذاء اللي صار وانت مشارطني على الطير المهم وهو يقوم ويحرم ويطلق من ام عياله انه ماشارط وان هالطير ماهو منه ولاقد شافه المهم طلعت من عنده وانا بصراحه متضايق مره مره والله ماهو عشان الطير لاكن الي حزني هالشخص وتصرفه كيف يحرم من ام عياله على حاجه مثل هالشي والطير جيت في ضلعان علي كيف كيفك وفكيته .والرجال الله يتسامح عنا وعنه.
وارجو السموحه على الاطاله لاكن بصراحه الموضوع يحمس .

هلا وغلا بك ياتواق

والله ان كلامك في محله وانا اخوك
وبالنسبه لبعض الناس اللي يرضى لنفسه المكسب الحرام عن طريق الغش بالبيع لو عنده وازع ديني ويعرف الاسلام زين كان ماسوى الشي هذا

وبالنسبه لسالفتك هذي حقت الطير اللي شريته وقال البايع ان الطير صايد وطلع العكس فهذي نموذج بسيط من مايحدث هالايام
وبيض الله وجهك يوم فكيته وارتحت منه

وشاكر لك مرورك وتعليقك الرائع
وقاااااد
30/07/2007, 11:38 AM
كلام سليم لاهنت يابو محمد هذا من المواضيع اللي نحتاجها وبيض الله وجهك
طرت علي سالفه يوم قريت سوالف الربع
قبل كم سنه كان قانص الأمير سلطان بن محمد برا السعوديه ومعه طيور وحوش مشتراها غالي على 200 و 300 ألف المهم قنصوبها وعلموها على الحباري وعيت تعلم ولا تبي الحبارى يوم خلص المقناص والطيور ماعلمت قام عليها الأمير واطلقها قاله واحد من اخوياه ورا ماتعطيها اخوياك يستفيدون منها بدال ماتطلقها وهي غاليه
قال الأمير مانيب معطيهم اطيور خايبه بيودونها للرياض ويبيعونها على الصقاقير وبيقولون طيور ابن شقران
وبيغشون المسلمين فيها 0
الله يوفق ابو نايف ويكثر من امثاله 0
تقبل مروري واعتذر عن الإطاله
وقااااااد
طارق الحربي
30/07/2007, 12:25 PM
موضوع شائك

والكثير منا يشتكي من هذه الاشكال وردودها

على العموم كنصيحه استنتجها من تعاملي مع السوق

لا تشتري على الشرط الا من رجل تعرفه

شكرا لك اخي الوافي عزام
راعي الجير
30/07/2007, 02:19 PM
مشكور اخوي الوافي وياكثرهم وخصوصا في السوق فيه واحد معروف بالكذب والطيور العايبه يحلف يمين ويطلق هو كذاب
الوافي عزام
30/07/2007, 03:35 PM
كلام سليم لاهنت يابو محمد هذا من المواضيع اللي نحتاجها وبيض الله وجهك
طرت علي سالفه يوم قريت سوالف الربع
قبل كم سنه كان قانص الأمير سلطان بن محمد برا السعوديه ومعه طيور وحوش مشتراها غالي على 200 و 300 ألف المهم قنصوبها وعلموها على الحباري وعيت تعلم ولا تبي الحبارى يوم خلص المقناص والطيور ماعلمت قام عليها الأمير واطلقها قاله واحد من اخوياه ورا ماتعطيها اخوياك يستفيدون منها بدال ماتطلقها وهي غاليه
قال الأمير مانيب معطيهم اطيور خايبه بيودونها للرياض ويبيعونها على الصقاقير وبيقولون طيور ابن شقران
وبيغشون المسلمين فيها 0
الله يوفق ابو نايف ويكثر من امثاله 0
تقبل مروري واعتذر عن الإطاله
وقااااااد

هلا ومرحبا بك ياوقاد

والف شكر لمشاركتك وتعليقك على الموضوع
وعز الله سالفتك فيها من الحكمه الشي الكثير :good:
والف شكر لمرورك وتعليقك يالغالي
الوافي عزام
30/07/2007, 03:37 PM
موضوع شائك

والكثير منا يشتكي من هذه الاشكال وردودها

على العموم كنصيحه استنتجها من تعاملي مع السوق

لا تشتري على الشرط الا من رجل تعرفه

شكرا لك اخي الوافي عزام

هلا ومرحبا بك
وشرفني مرورك الكريم
أبو رداد
30/07/2007, 04:39 PM
موضوع ممتاز ومفيد
مشكور اخي العزيز
وان شاء الله نثبته مع مواضيع اخرى
في خيمة بيع وشراء الصقور ومستلزماتها
الوافي عزام
30/07/2007, 07:53 PM
موضوع ممتاز ومفيد
مشكور اخي العزيز
وان شاء الله نثبته مع مواضيع اخرى
في خيمة بيع وشراء الصقور ومستلزماتها

هلا بك يامشرفنا الغالي

وهذا مانرجوه لكي تعم الفائده ويستفيد الاخرين من تجارب بعضهم البض والمناقشات الهادفه

وشاكر لك مرورك الكريم
عاشق مكشات
31/07/2007, 12:56 PM
الله يعطيك العافيه على الموضوع
امير الرفيعه
01/08/2007, 12:08 AM
تسلم على الموضوع المهم فعلا

بالنسبه لي لايمكن اني اشتري طير من السوق او من واحد مااعرفه ولا اعرف الطير .

فالطيور مناكح وانا اخوك

واذا بغيت تشري طير خذ طير تعرفه لو تفرقه بسعر اغلى ولا تاخذ طير يطيح بكبدك وتنعل من فعولع

لانك تتعب على الطير وتدهله وتدعيه وفي الاخير اذا لقيت حبارى لانه مايبيها او مايلحقها ويصمل عليها

هذا وش ابيبه ذا الطير .

لذلك انصح بعدم شراء طير الا من شخص معروف او طير معروف لك سابقا .
الوافي عزام
01/08/2007, 06:33 PM
الله يعطيك العافيه على الموضوع

هلا ومرحبا بك يالغالي

وشاكر لك مرورك الكريم
الوافي عزام
01/08/2007, 06:34 PM
تسلم على الموضوع المهم فعلا

بالنسبه لي لايمكن اني اشتري طير من السوق او من واحد مااعرفه ولا اعرف الطير .

فالطيور مناكح وانا اخوك

واذا بغيت تشري طير خذ طير تعرفه لو تفرقه بسعر اغلى ولا تاخذ طير يطيح بكبدك وتنعل من فعولع

لانك تتعب على الطير وتدهله وتدعيه وفي الاخير اذا لقيت حبارى لانه مايبيها او مايلحقها ويصمل عليها

هذا وش ابيبه ذا الطير .

لذلك انصح بعدم شراء طير الا من شخص معروف او طير معروف لك سابقا .

مرحبا بك يا امير الرفيعه

وشاكر مرورك الكريم
وتعليقك على الموضوع
وكلامك صحيح

وهلا بك
@قرناص@
02/08/2007, 03:31 PM
مشكور يا الوافي عزام على الموضوع الممتاز ،،
الوافي عزام
03/08/2007, 05:12 AM
مشكور يا الوافي عزام على الموضوع الممتاز ،،

هلا ومرحبا بك ياقرناص

وشاكر لك مرورك الكريم
....شقران....
28/01/2008, 11:26 PM
موضوع جميل تشكر عليه
عتيج الصوف
29/01/2008, 01:40 PM
يعين الله وعسي الله يهديهم
خشف.
29/01/2008, 02:19 PM
يعطيك العافيه على الموضوع المميز....................
اعقاب
30/01/2008, 11:30 AM
كلامك في محله
بالنسبه للسوق لاتشتري الا وحش
ولا بيتي يجوز لك شكله اقصد تشتري شكل بس
وذلك لكثرة اللي انت خابر
وترى مابعتك صقارتي فيها حرف من الصواب
اكثر من مره ابيع طيور طيبه وللاسف تطلع مع الشرايه دون اليموم
وانا اخوك لاتشتري الا وحش
وريح بالك وعليك بالقرناس اللي ماتشفق الناس ولا تطلبهم اعلومه
رببه وادعه ولاجهز خل العين تشوف العين على وجاب
واذا مابرد كبدك
مشكور على الموضوع
جارح العين
30/01/2008, 06:15 PM
موضوع رائع
وصدقت والله لو بعض هالشريطيه يتركون الكذب ما بنا بلا
الله يعطيك العافيه
عين النداوي
06/04/2008, 07:19 AM
السلام عليكم ورحمه الله وبركاته ,, بصراحه انا معجب فيكم ودي اكون صديق لكم ورجو ان تقبلوني بصدر رحب ... والله لايهينك يابو محمد على هالموضوع ولا يهين الاخوان كلهم >> تحياتي
ابوفارس 5350
07/04/2008, 12:27 PM
مشكور يا ابو محمد على الموضوع الممتاز ،،

وفعلا كلامك عين الصواب ،،
غليص82
11/04/2008, 09:36 AM
مشكور يا ابو محمد على الموضوع الممتاز ،،