المساعد الشخصي الرقمي

مشاهدة النسخة كاملة : يا من مسك خط الرياض - الجنوب ......... من قريب


مفتاح الفرج
29/07/2007, 03:38 PM
السلام عليك .......

بأذن الله تعالى ناوي امسك الخط بعد اسبوع

وسؤالي هل تمت اعمال التشبيك على جوانب الخط منعا للأبل من العبور ...
وان لم يكن قد تم .... فأي اجزاء الخط انتهت

لأني من عشاق السفر ليلاً وتلك الخطوط معروفة بالأبل ( الانتحارية )

وشكرا للجميع
Abu Saad
29/07/2007, 04:03 PM
اطلب الله ...
ماحولك شبوك ..
امش في القايلة وكلها كم ساعة وانت في البراد.
دغيم1
29/07/2007, 05:43 PM
السلام عليك .......

بأذن الله تعالى ناوي امسك الخط بعد اسبوع

وسؤالي هل تمت اعمال التشبيك على جوانب الخط منعا للأبل من العبور ...
وان لم يكن قد تم .... فأي اجزاء الخط انتهت

لأني من عشاق السفر ليلاً وتلك الخطوط معروفة بالأبل ( الانتحارية )

وشكرا للجميع

وعليكم السلام ورحمة الله وبركاته
حياك الله أخي الكريم
بالنسبة للطريق لازال العمل قائم فيه وانتتهت المسارات ولايوجد تحويلات الآن .
ولكن أعمال الموانع لم تتم بعد
عليك بالتوكل على الله وأخذ الحيطة والحذر
بالسلامة وإجازة سعيدة
تقبل تحياتي
مفتاح الفرج
29/07/2007, 07:19 PM
ونعم باخوي ابو سعد ودغيم1 ......
وما قصرتوا

بس الممشى بالنهار في مستوى الحراره هذي يحولك لبنشي كفرات ... والواحد فيه حمل في هذه الايام ( الشاتية ) يحول من السياره ...

اجل وشلون يفك كفر
مزن الوسم
29/07/2007, 08:24 PM
والله أنا رحت مع الطريق قبل أسبوعين ...... والطريق فيه تحويلتين ..............

تروح وترجع بالسلامة ............ موفق يالغالي ................
عاشق سفر
29/07/2007, 08:32 PM
انت اي طريق تقصد؟؟ الرياض وادي الدواسر خميس مشيط؟؟
والا الرياض الطائف الجنوب؟؟
كاشخ 24 ساعه
29/07/2007, 08:56 PM
يابن الحلال توكل على الله


البل الحين تدور البراد ولا تقرب الاسفلت لانه حار



بعدين صار سعرها غالي الحين يعني ما عاد فيه همل زي اول
عاشق سفر
29/07/2007, 09:27 PM
يابن الحلال توكل على الله


الإبل الحين تدور البراد ولا تقرب الاسفلت لانه حار



بعدين صار سعرها غالي الحين يعني ما عاد فيه همل زي اول

ههههههههههههههههه بصراحة ردك اعجبني وتحليلك ممكن يكون منطقي بس بكل امانة انه يضحك الواحد...
تسلم يالغالي اقسم بالله انك اسعدتني بهالرد ههههههه
طريب
30/07/2007, 02:30 AM
اخوي مفتاح الفرج ..


شيك على موتركـ .. ودق السلف وتوكــل على الله ..


الخط الحين ما شاء الله تبارك الله ما فيه احلى منه ..


ما فيه إلا تحويلتين .. وحدهـ اعتقد قبل السليل .. والثانية بالتأكيد بعد وادي الداوسر ..


بالنسبة للشبوك للأسف ما فيه شبوك ..

ولكن الله يكفيك شر ابل (القحاطين والدواسر) تراها تحب الممسا جنب الخطوط هههههههههههههههههههههههههه


امزح معك اخوي البل ابشرك خفت طلعاتها على الخطوط .. والفضل لله ثم لأمن الطرق .. بشوف عيني واحد معه حوض فورد والله انه طلع البل من الخط لين دخلها حول خمس مية متر في البر .. بس كانت بوقت الصباح ..


اعقلهـــا وتوكــل .. وتروح وترجع بالسلامـــة ..



اخوووك
قلب للأكتتاب
30/07/2007, 01:36 PM
أخوي مفتاح الفرج

أنتظر ألين يفرجها ربك ردد ياليل ما أطولك على الشبوك
الساهر2003
30/07/2007, 02:20 PM
السلام عليكم
اخوي الطريق على ما اعتقد انه مصمم بدون سياج مثل طريق الحفر والسبب ......!!!!؟؟؟؟

والسلام
مفتاح الفرج
30/07/2007, 03:30 PM
اشكر اخواني جميعاً على المشاركة والنصح

والظاهر الهم واحد ..........ودعانا واحد














الله يفكنا شرتس يالبعارين
ضلع الرقيبه
31/07/2007, 02:06 PM
رح الله يستر عليك وامش في الليل لكن خل عنك السرعه والله لو ان الطريق سريع ومشبك عليه ان تدخل الابل والموت عاد حاصل ولا له مرد لكن الواحد يتسبب ويفعل الاسباب وكل شي على ربك سبحانه

لكن انتبه من السرعه

لكن انتبه من السرعه

لكن انتبه من السرعه

لكن انتبه من السرعه