المري
16/07/2003, 09:30 AM
السلام عليكم اقدم لكم هذه القصيده وهي تعبر عما فيها:
ياما بقلبي من هواجيس وافكار=وأفز ليجا للمقانيص طاري
اذكر زمن فراع وايام مختار=ايام يوم انا نصيد الحباري
في خايعٍ كله زبيدي ونوار=والسيل توه في مطاويه جاري
ناطى الروابي مع عذيات الاقفار=نمشي النهار ولا نهاب المساري
دارٍ سقاها السيل من سحب الامطار=مدهال ريمي الخلا والعفاري
يازين فيها هدة الطير ليطار=تالي نهار وفي حلول الصفاري
طلع على جولٍ به كبار وصغار=وسقنا وراه وساق معنا المباري
ودوّر ووقع بينهن تقل محتار=لكن اهو متزهبٍ لأي طاري
وجينا وشفناهن تحت قوع الاشجار=صاقرهن اللي لأبرق الريش فاري
وعند المعشى ماحلا شبة النار=في ساقية جوٍ لقشعه مذاري
ومعنا مشاكيلٍ عزيزين وأخيار=الكل منهم للمطاريش ضاري
ربعٍ سوالفهم لذيذات واقصار=وكلٍ على حشمة خويه يداري
وشوف الطيور مركراتٍ بالاوكار=عقب الهداد مطملتها الحباري
في ساعةٍ تسوى ملايين دينار=عندي تجيب فلوس بنك التجاري
يوم الطرب والكيف لأهل الولع دار=محدن عن هموم الليالي مداري
نمسي بنور وتطلع الشمس بأسرار=في وسط ريضانٍ وعشب وخباري
واليوم شمس حامية والهوا حار=والطير مربوطٍ سوات الجباري
مثل السجين اللي على الغبن صبار=برجى الفرج مابين صبح وعصاري
وتمت وصلى الله علي سيد الابرار=عد الجراد وعد رمل الذواري
الشاعر / سمير بن صليهم
ياما بقلبي من هواجيس وافكار=وأفز ليجا للمقانيص طاري
اذكر زمن فراع وايام مختار=ايام يوم انا نصيد الحباري
في خايعٍ كله زبيدي ونوار=والسيل توه في مطاويه جاري
ناطى الروابي مع عذيات الاقفار=نمشي النهار ولا نهاب المساري
دارٍ سقاها السيل من سحب الامطار=مدهال ريمي الخلا والعفاري
يازين فيها هدة الطير ليطار=تالي نهار وفي حلول الصفاري
طلع على جولٍ به كبار وصغار=وسقنا وراه وساق معنا المباري
ودوّر ووقع بينهن تقل محتار=لكن اهو متزهبٍ لأي طاري
وجينا وشفناهن تحت قوع الاشجار=صاقرهن اللي لأبرق الريش فاري
وعند المعشى ماحلا شبة النار=في ساقية جوٍ لقشعه مذاري
ومعنا مشاكيلٍ عزيزين وأخيار=الكل منهم للمطاريش ضاري
ربعٍ سوالفهم لذيذات واقصار=وكلٍ على حشمة خويه يداري
وشوف الطيور مركراتٍ بالاوكار=عقب الهداد مطملتها الحباري
في ساعةٍ تسوى ملايين دينار=عندي تجيب فلوس بنك التجاري
يوم الطرب والكيف لأهل الولع دار=محدن عن هموم الليالي مداري
نمسي بنور وتطلع الشمس بأسرار=في وسط ريضانٍ وعشب وخباري
واليوم شمس حامية والهوا حار=والطير مربوطٍ سوات الجباري
مثل السجين اللي على الغبن صبار=برجى الفرج مابين صبح وعصاري
وتمت وصلى الله علي سيد الابرار=عد الجراد وعد رمل الذواري
الشاعر / سمير بن صليهم