المساعد الشخصي الرقمي

مشاهدة النسخة كاملة : الرجــــــــــــاء من اصحاب ومعلمين تصليح القهوووووة الدخووووووول !!!


شيخ المراجل
30/07/2007, 09:21 PM
السلام عليكم
ياالله حيهـــــــــــــــــــــــم:D
اقول وش لون اسوي قهوة صفر يعني شقراء
انا كل ماجيت اسوي قهوة تطلع سوداء ولا بني غامق قريب للون الشوكلاته
وش الحل انا ابي قهوة لامني صبيته يكون لونه مثل لون التمر البرحي اصفر:p
ياليت ماتبخلوووون علينا وتعلموننا وش السر
مع العلم ان القهوة الي عندي نوعين قهوة برية محموسة حمس اشقر
وقهوة هرري باشنفر درجة اولى محموسة شقراء
*** بس وش رايكم طحن القهوة ايهم ازين الناعم ولا الخشن
وجزاكم الله كل خيررررررررر
عصيقيل
30/07/2007, 09:46 PM
بسم الله نبدا
اولا
انا افضل القهوه الخولانيه
احمس القهوه ويفضل تحمسها عند محمصه وتكون شقراوالحمسه ناعمه
اغلي الماء لحد الغليان
بعد ذلك ضع فنجال قهوه مطحونه على مزل القهوه سعة لتر
اشعل النار على نار متوسطه
بعد ان تقلب قلبه واحد اقصر على النار للحد الأدنى واتركها ربع ساعه
بعد ان تطفي النار اترك المزل 3دقائق تركد القهوه

جهز الدله مع كميه بسيطه من الهيل حسب الذوق يفضل ملعقة صغير +ربع ملعقه صغيره زعفران اصلي ابو شيبه
صب المزل على الدله بارك الله فيك
حط الدله على نار خفيفه لحد اول قلبه
شل الدله وحطها في الطوفريه مع الفناجيل ومع التمر يفضل تمر برحي أو سلج ( انا من عشاق هاذين النوعين )
تفنجل واشرب القهوه الشقراء اللي مثل لون رطب خلاص وشيقر
وبالهناء والعافيه
عاشق السيل
31/07/2007, 03:46 AM
وبسم الله نكمل ،،

طريقة أخوي عصيقيل هي الطريقة الصحيحة والدارجة عند كثير من الناس وهي الأفضل بالطعم ،،

لكنك أنت تبي قهوة صفراء فاقع لونها تسر الناظرين ،، (( رغم إني مااحب هاللون ))
عموما قدامك أكثر من حل :

الأول : خفف حمسة القهوة ،

الثاني : خفف كمية القهوة بس لاتخفف مدة الطبخ لأنها ضرورية لضبط القهوة ،

الثالث : استخدم مع القهوة المبيض ( كافيميت ) أو الحليب ،

الرابع : كثر كمية الزعفران ،


هذا اللي عندي والله يوفقك وتقبل مروري يالغالي ...




http://www.m5zn.com/uploads/00ea3cfba5.bmp (http://www.m5zn.com/)