المساعد الشخصي الرقمي

مشاهدة النسخة كاملة : طريق إلى التنهات من سريع الرياض هل فيه طريق ؟؟ افيدوني


أبو هيلة
30/07/2007, 09:58 PM
حياكم الله يا جماعة ... أبي ولا عليكم امر الطريق المؤدي إلى روضة التنهات من مخرج جلاجل ؟ وهل هو سهل ام صعب ؟
بيض الله هالوجيه .
الصمان 2
30/07/2007, 10:23 PM
هلابك اخوي ابو هيلة

الطريق إلى روضة التنهات

من مخرج جلاجل تتجه إلى بوضا ثم مبايض ثم الشعب

ومن الشعب تعبي بنزين

ومن الشعب على طول إلى أم رجوم ( نهاية الطريق المسفلت )

ــ وأم رجوم فيها محطة بنزين بس يمكن تلاقيها فاضيه ــ

وبعد نهايه الطريق المسفلت أتجه يمين 30 كيلو ، وانت في التنهات

أو فيه طريق أخر

وهو بعد الشعب وأنت متجه لأم رجوم تقطع عليك أبراج الكهرب الضغط العالي

اتجه معها ــ طريق ممهد ـ .

بس كثرة السيارات العابره تفسد الخط من كثر الغبار والحصى المتطاير على القزاز الأمامي .

اتمنى اني افدتك .


.
أبو هيلة
31/07/2007, 12:47 PM
بيض الله وجهك أخوي عز الله ما قصرت ومشكووووور على المعلومات وافدتنا يالغالي .
دغيم1
31/07/2007, 10:08 PM
السلام عليكم
حياك الله أخي الكريم
مثل ماذكر لك أخي الكريم :الصمان 2
ولكن طريق ردمية الكهرباء أفضل لك وهو سهل ومختصر وواضح
تقبل تحياتي