2006 لاندكروزر, هل ورد منه دفع خلفي أم كله دفع رباعي؟؟

[المري]

السلام عليكم .. اخواني الاعزاء..


كما تعرفون ان اللاندكروزر 2006 جاء كله دفع رباعي, بس واحد من الربع يقول : أن اليحيا يجيب دفع خلفي!!!

فهل هذا صحيح؟؟

وايهما افضل؟

جزاكم الله كل الخير

اخوكم - المري

[بـتّاع]

مساك الله بالخير يابومعيض...

ودي اشور عليك ..

عليك بعين العد لاصرت وارد .....وكب الخباري فان ماها هبابها ..

عليك بالـ vxr ..واذا اخطيت منه عليك بالفتك يالذيب المعيدي ..

بخصوص ان اليحي يورد دفع خلفي : نعم ولكن اللي انا متأكد منه الهدد ..بس الـ gxr مدري ..

ومبروك مقدماً ..وتستاهل رنج روفر يابومعيض ..


رفيقك راعي منتديات النعيريه ..

[عاشق السيل]

لاندكروزر دفع خلفي فقط ؟؟؟!!!!!!

معليش ياشباب عيت تدخل مزاجي !!

( ولا أقصد التكذيب ) بس الموضوع جديد علينا ،،،


تقبل مروري يالغالي .....





http://www.m5zn.com/uploads/00ea3cfba5.bmp (http://www.m5zn.com/)

[M o b d a]

أنا معي سعودي

جي إكس أر دفع خلفي فقط 2006

وواحد معه خليجي 2007 يقول رباعي وإذا تعدى الـ 80 فصل وصار خلفي

[المري]

مرحبا ومسهلا وحياك الله يالقلب الكبير..

وتسلم على التوضيح.

وانت تقول عليك بالفي اكس ار.. ؟؟ وانا اسألك عن الدفع الخلفي وانت تقول اخذ في اكس ار؟؟!!!!!!!!!

انا ماابغى دفع رباعي والفي اكس ار دفع رباعي.!!

***

مرحبا اخوي عاشق السيل ..

وتسلم على المرور بس انك مافدتنا بشي والظاهر انك مثلي تبغى من يفيدك!!!

اخوكم - المري

[AMAZ]

انا معاي 2006gxr وارد ابو جميل دفع رباعي ولا دريت عنه الا بالصدفه دعست للموتر اول مامشيت وسمعت صوت لكفرات قدام بعدها ماصدقت لانه على حسب علمي انه الدفع الرباعي يجي vxr لكن طلعت للبرر بالطعوس وجهته لطعس ووقفت بعدين دعستله وحصلت جميع الكفرات تدور بدون ماشغل الدبل ....

[المري]

مرحبا اخوي مبدع..

هل انت متأكد انه سعودي؟

**********

اخوك - المري

[المري]

مرحبا اخوي amaz

صحيح اكثر ال2006 يجي دفع رباعي.

انا عندي واحد جي اكس دفع رباعي..

بس السؤال : هل يوجد دفع خلفي؟؟ واين يوجد؟؟

لان الوكالة تقول : كل التويوتا دفع رباعي؟؟

[نمر 33]

معرض اليحيى يجيب دفع خلفي (خليجي) .

[فنجون]

اخوي بو معيض في الدوحه على حسب علمي يبتاع في معرض البريمي

[عاشق مكشات]

جي إكس أر دفع خلفي فقط 2006

وواحد معه خليجي 2007 يقول رباعي وإذا تعدى الـ 80 فصل وصار خلفي

[الزاجل الازرق]

هلابك ياابومعيض



الجواب الشافي عندي وانا ابودغيم خذ العلم



1 ) اولا اليحيى الي عندنا دفع رباعي وليس خلفي فقط من موديل 2006 وفوق



اما من موديل 2005 وانت نازل يجي فقط دفع خلفي



2 ) الافضل بالنفود والمقانيص اكيد الدفع الرباعي



ولكن عند اهل قطر مش مرغوب الدفع الرباعي لنهم مايقدرون يشلون الجيب على كفرين(يعني يرفعون الجيب على كفرتين) والربع الي عندنا هنا مهم عارفين الشغله ليش الدفع الرباعي غير مرغوب مليون بالميئه افضل يعطيك العزم بالنفود كانك مشغل دبل خفيف

اما بالنسبه لوارد اليحيى فأهل قطر وردو منه مثل الي عندنا بالسعوديه واشتكو من اشياء كثيره لقو ان الانوار مش اصليه وهذا فعلا كلام صحح وتحترق الانوار وفي اشياء ثانيه بعد مش اصليه فصار غير مرغوب فيه

انصح لكل من اراد اني يشري جيب يذهب لقطر وراح تلقون المواصفات الزينه بالحيل



اتمنى يااخوي ابومعيض اني وضحت فكره

قد اكون صائب واقد اكون مخطأ

تحياتي لكم اجمعين

اخوكم ابودغيم

[sall]

السلام عليكم

انا اول مره اعرف ان اللاند كروزر دفع رباعي

لكن الهدد 2006 مهب دفع رباعي دفع خلفي مع خالي وانا بنفسي مجربه

[ق ب م 632]

لحظه 0000لحظه



خلونا نقطع الشك باليقين




يااخواني الدفع الرباعي بالفي اكس ار او الجي اكس ار او الهدد يكون دفع رباعي مستمر لكن ماتصير قوته كأنك مشغل الدبل0لا0



لكن الفائده منه هو يعطي الموتر رساوه عند القومه وعند المناوره الى سرعه اقصاها 80 كم وبعدها يفصل الدفرنس الامامي ويصير الدفع خلفي فقط00



وطبعا بعض الوكلاء حقين تويوتا بالخليج عموما يطلبون هالمواصفه بالفي اكس ار فقط وبعضهم يطلبون بالجي اكس ار والفي اكس ار فقط وبعضهم يطبونها بكل الفئات 00







اتمنى افدتكم




واي احد عنده اسفسار ياليت يسأل

[الدحبول]

Vxr الفيكسار من موديل 1998 صار أساسي الدفع الرباعي
Gxr الجيكسار من موديل 2006 صار أساسي الدفع الرباعي
Gx هدد يجي أختياري من 2006
G يجي من 2007 أختياري
يجي في الموديل القديم بس إختياري
مميزات الدفع الرباعي
1) مايخلي السيارة تزلق
2) يساعد في عدم التغريز بدون أستخدام الدبل
الدفع الرباعي الموقت (خلفي إلا في حال إستخدام الدبل )
1) التوجيه أسهل من الدفع الرباعي المستمر
2) اقتصادية في إستهلاك الوقود
3) أمكانية تركيب الفرارات ( التحاضير )
4) خفيف وسريع


بنسبة لي أفضل الدفع الرباعي المستمر

[الفارس3]

ارحبوووو يا بو معيض ... اشلونك واشلون امعيض عساكم بخير .... كلام الزاجل الازرق صحيح .. ومن ناحية ال gx عند اليحى يجي خلفي بس ال gxr يجي رباعي مستمر .. ومن ناحية الافضل الافضل اكيد الرباعي المستمر ... لانك ما راحت تحتاج للدبل الخفيف بالنفود وهذا الكلام من تجربة .... واذا تبي شوري روح سوق العين بالامارات ودور لك وارد البريمي افضل بكثير من ناحية المواصفات ... وعساك دوم بخير

[عاشق السيل]

الحين فهمت !!

أنا كنت مستغرب كلمة ( لاندكروزر دفع خلفي فقط ) توقعت من كلامكم يعني مافيه دبل ولا دفرنس أمامي !! والحين فهمت قصدكم يعني مايجي دفع رباعي مستمر لكن الدبل موجود باللاندكروزر على طول وفي كل الفئات ،،

واعتذر من سوء الفهم ،، وعلى فكرة استفدت كثيييير من كلام الشباب الله لايهينهم ...


http://www.m5zn.com/uploads/00ea3cfba5.bmp (http://www.m5zn.com/)

[المري]

يامال العافية عزالله انكم كفيتو ووفيتو وجعلكم سالمين غااانمين..


ورايتكم بيضاء .. جعلها دوم ان شاء الله ..


تقبلو تحيات اخوكم - بومعيض - من خيمة الصقور... مسير عليكم وعزالله انكم قمتو بالواجب وزود..

[راعي المسرى]

معي gx2006 دفع رباعي مستمر ويقولون يفصل عند الثمانين........

(ويوم أشري السيارة ما طروا لي أي شيء حول ها الموضوع ):confused: :confused:

لكن لقيته ممتاز وعدل............:good:
وجربت بالرمل أمشي بدون أشغل الدبل الخفيف ومشى معي......
وجربته بالدبل الخفيف لقيته أقوى شوي .......

عاد واحد من الشباب يقول إنه بدون دبل يعطي نسبة دفع أقل70%مع الخلفي و30%مع الأمامي أما مع الدبل فيكون 50%على الخلفي والأمامي :eek: :eek:
يعني زين اذا احتجت للدبل ونسيته يفزع لك .........

(وفيه ميزة ما يفحط إذا زعلت لأن الكفرات الأربعة تدور يعني إذا خذه أخوك الصغير أو ولدك لاتخف :D :j )

[mohmad]

هو يحصل لو ما يمشي الا على كفره وحده.......

[هاوي الله]

يالمري إنك فصيع . لو إنك سألتني كان جاوبتك الجواب الشافي