أول مايـــطلع المبــروك من المــقيض وش تســـوي يا صقــار ؟؟

[قلب شاهين]

http://www.mekshat.com/pix/upload/images42/mk24426_mk18662_basmmaleeo.gif


الســلام علـــيكم ورحمـــة الله وبـــركاتة ،،
ياحي الله أعضاء مكشات ،،

الحقيقة أنا قريت موضوع للأخ الحبيب مغادر وهو يتكلم عن اول مايطلع الطير من المقيض وش الأجرائات الي تسويها للطير يعني فحص الطير وتبديل مستلزماته ومثل الأشياء هذي لكن أنا أبكتب عن تعلوم الطير وطبعا يفرق اذا كان طير وحش اصيل ولا جير الجير ما اعرفله لكن الجير اخبر ان كل سنة تطلعه من المقيض يجيك كأنه فرخ نسى كل شي :( ولكن أنا أبتكلم عن الحر الوحش عن لياقته ،،

1- أول الأيام تدهل على خفيف لأن الطير يستاحش في فترة المقيض ،،

2-تبدى تذكره بالملواح بأنك تعلفه على الملواح لمدة يومين .

3- ومن ثم تبدى تدعيه على الملواح ويجب أن يكون فيه ريشة وتخليه يمسح على 3 او 4 وتعلفه ،،

4-وتبدأ من اليوم الي بعده نفس الشي ملواح لكن كل ماله تزيد 3 او 4 مسحات للطير وتبعد المسافه يوميا الين مايوصل الا 40 او 50 مسحه على الملواح ويشقلب على الهواء وفي طيور مرت علينا العام تمسح على الملواح 120 مسحه او اكثر وهذي لياقتهاا فلللل وهنا يكون الطير انتها من لياقته ،،

5- تفك له حمامه كل شهر مرتين او ثلاث مرات واذا كان الطير شاهين يحبب ان يكون بدل الملواح حمام لأنك راح تستخدمه بالكراوين أكثر من الحباري ،،

6- ولا يخلو انك تفك له دجاج حبش وديك رومي صفير وبط وفزنت ومثل الطيور هذي للتقوية الطير وزيادة اللياقة ،،

وهنا أنتها الموضوع وأرجو أن يكون الموضوع خفيف عليكم ،،

وأذا كان الموضوع قد سبقني أحد غيري فالعذر والسموحة ،،

تحياتي / صقار القصيم ،،

[راعي الناوي]

موضوع طيب ومجهود اطيب وعساك على القوه

[مران]

مرحبا ومسهلا صقار القصيم ماقصرت وخوش موضوع الف شكر

تقبل مروري
اخوك wanted بذاخ سابقا

[الفوار2008]

هلا اخوي ابو عبدالعزيز
مشكور على الموضوع المميز وماقصرت يالغالي
وتقبل مروري
اخوك ابو العبدي

[ابونشوان]

الله يعطيك العافيه على الموضوع الجميل والمميز
وتسلم يا صقار القصيم ....


تقبل مروري
اخوك ابو نشوان

[عجمي]

مشكور على الموضوع وماقصرت يالغالي

وتقبل مروري

اخوك عجمي

[بن رهوان]

تحيــــــــــة طيبة

أخى / صقار القصيم مشـــــــــكور على هذا الموضوع الجيد والمفيد ومجهود تشكر علية ...وتقبل مرورى

[المري]

ماقصرت اخوي صقار القصيم..

بس انت نسيت شي مهم الا وهو : تنزيل عدة الطير, لان الطير اذا طلعته من الربطة تحصله صنيع بالحيل..

لانك اذا مانزلت من عدته ماهوب جايك على الدعو.

اخوك - المري

[مغــادر]

بيض الله وجهك على الموضوع الطيب!!!

مغــادر

[قلب شاهين]

مشكورين جميعا على الردود الي تبيض الوجه ،،

وأخوي المري تنزيل عدة الطير بعد المقيض شيئ معروف ومشكور على الملاحظة ،،

بارك الله فيكم جميع ،،

تحياتي / صقار القصيم ،،

[خيال الصبحا]

وعليكم السلام
الاخ صقار القصيم
بيض الله وجهك وموضوع
اكثر من رائع ، وشكرًا

[لعّاب المنايا]

بيض الله وجهك

الله يعطيك العافيه

[taag1]

لاهنت ياصقار القصيم وموضوع طيب ومفيد ومن صقار خبير
ماشاء الله ..........
تقبل مروري وتحيتي

اخوك / ابوابراهيم

[صقر20]

صقار القصيم
بيض الله وجهك على خلاصة التجارب والخبره العميقه
لاعدمناك ياغالي

[الشير]

ماقصرت بيض الله وجهك بس الشنذره بعض الصقارين يعتبرون ضروره

[وقاااااد]

لاهنت ياصقار القصيم على الموضوع

تحياااااااااااااااااااااااااااااااتي

[المنصوووري]

مشششكور وماقصرت

[قلب شاهين]

مشكورين على مروركم جميعا ،،

بيض الله وجيهكم يالنشاما ،،

تحياتي / صقار القصيم ،،

[مبسوط]

صقار القصيم
لو اني ما اخاف ان الطير يموت في هذا الحر كان اطلعه من الربطة وادعيه بعد موضوعك هذا خشيت جو ثاني
هيضتني الله يجزاك خير

اخوك/ مبسوط

[الذيب مصلوخ]

السلام عليكم ورحمة الله وبركاته
إخواني الذيابه أود الترحيب بكم أخوكم ((عضو جديد))

[قلب شاهين]

أخوي مبسوط :

مشكور على مرورك ولا تتهور وتلوح بذا الحر :)

الذيب المصلوخ :
مشكور على مرورك وحياك الله في المنتدى ،،

[BeLoveLy]

السلام عليكم و رحمة الله و بركاته
الله يعطيك العافيه اخوي صقار القصيم
انا اشوف عند بعض الصقارين اول ما يطلع الطير من المقيض يشنذرة و يبدأ ينقل الطير و يبدأ يعلم الطير على الملواح مثل ما قلت بالعلف عليه و شوي شوي و لمن تبعد المسافه و تصل عدد الشقلبه الى 100 في هذا الوقت يكون الطير في كامل لاياقته عندنا يمر عليه اسبوع من شقلبه على الـ100 , ولا تنسى تركيد الطير على متكا السياره عن طريق العلف على المتكا,, انا اسف على الاطاله :)

تقبلو مروري

[المزروعي]

السلام عليكم ...
مشكور اخوي علا الموضوع ...
من ناحيتي انا اول ماشيل الطير من المقيض اخذ تقريبا اسبوع او اقل . اربب الطير فيه وانزل من عديته . بعد ذالك ابتدي بتعليمه علا التلواح وهو شي ضروري . لن بعض الصقارين علا طول يعلمونه علا حمامه وهذا شي غلط . لنه لا سمح الله لو انت في مقناص والطير رد عن الحبارى وماعندك حمام وهو مش معلم علا التلواح . سلم عليه . ويقولون الصقاره وانا اعتبره صحيح 100% الطير اللي يمسح علا التلواح 40 مره ماتروح عنه لا حبارى ولا كروان اللا من قلة معرفة الصقار ورداته وانتم بكرامه . ولا احب اكثر من هدد الحمام كثير مرتين فالاسبوع اذا كثر وحاول انوع جدوله . لن الطير يمل من الروتين ..

وشكرا

[قلب شاهين]

مشكورين جميعا على مروركم وعلى تعليقاتكم ،،

بارك الله فيكم ،،

تحياتي / صقار القصيم ،،

[قرناس خلوي]

مشكور على هالموضوع الرائع ،،،،،

[قلب شاهين]

هلا فيك أخوي قرناس ،،

مشكور على المرور ،،

[سنجااار]

صقار القصيم ماقصرت ومشكور على الموضوع
والشنذره ضروريه عشان تعرف نفسية الطير من بداية الموسم ماتدعي وتلوح واذا شنذرته تغير عليك الطير
تقبل مروري مشروك

[قلب شاهين]

أخوي مشروك مشكور على المرور ،،

بارك الله فيك ،،

[الاشعل 316]

مشكور اخوي وما قصرت على هالمعلومات الطيبه

وبيض الله وجهك

تقبل تحيات

اخوك ابو سطام

[عناز]

الله يعافيك على المعلومات...لكن نسيت اول شيء تسويه بعد ما تنقل الطير
وهو ان تقول
اللهم اجعل في سفرنا هذا.....
لان راعي الطير مسااااافر من يوم يحطه على كفه

[قلب شاهين]

مشكور أخوي الأشعل على المرور ،،

مشكور أخوي عناز على مرورك وصدقت قولك ،،

بارك الله فيكم ،،